7th October, 2010

Synfocity=313 www.mizoramsynod.org
 Presbytery Inkhawmpui
Vawiin October 7 atang hian Mizoram chhung leh ram pawna Presbytery hrang hrangten Inkhawmpui an hmang tan
ang. Presbytery thenkhat chu remchan zawkna avanga hmang hma/tlai hret an awm bawk ang. Vawiinah Nomination,
Finance leh Sub Pastoral Committee an thukhawm a, Kohhran Upa thlan tharte Exam buatsaih a ni bawk. Zan lamah
Pastor Bial Report ngaihthlak a ni ang a, zan tin Vantlang Pathian Biak Inkhawm a awm thin ang. Oct. 8 & 9 (Zirtawpni
leh Inrinni) hi Rorel Inkhawm atan hman a ni ang a, Pathianni chawhmaah
Upa Nemngheh Inkhawm, chawhnuah Lalpa Zanriah Sakramen leh Upa thite sunna inkhawm a awm ang a, zanah
Presbytery Moderator kalchhuak ten Valedictory Sermon an sawi ang.
Presbytery Inkhawmpuia Synod Puipate kal dan tur hetiang hi a ni:
Kal tur Presbytery Inkhawmpui Nghahna
 Rev. C. Chawngliana, Moderator Hmarchhak Chiahpui
 Upa Vanlalhuma, Secretary (Sr) Champhai 'N' Bethel
 Rev. P.C. Pachhunga, Secretary (Jr) Chhawrpial Lallen
 Rev. Zosangliana Colney, Executive Secretary Tuichangral 'N' Khawhai 'N'
 Upa J.H. Ramnghinglova, Statistician Tuivai Phullen Vengthar
 Rev. Vanlalzuata, Senior Executive Secretary Sakawrhmuituai Lungdai
 Rev. Lalzuithanga, Executive Secretary Tuichang Khawzawl Dinthar
 MTC Short Course Training zo
October 4 (Thawhtanni) khan Missionary Training College, Mission Vengthlang-ah Missionary thawklai Missionary Short
Course Training zote thlahna leh Certificate hlanna hun hman a ni a .Synod Executive Secretary, Mission lam changtu,
Rev. Lalzuithangan hmanpuiin fuihna thuchah a sawi a, India ram hmun hrang hranga Missionary hna thawk mek,
training chhuak mi 16 hnenah Certificate leh thlahna thilpek a hlan a ni.
Synod Executive Secretary Rev. Lalzuithanga chuan fuihna thuchah sawiin, “Rawngbawltute chu khawvel changkanna
hrang hrangin min nekchep ve tur a ni lo va, mi tam tak khawvel thilin a tihbuai laiin keini chu heng lakah hian kan fihlim
tur a ni”, a ti a; Inpekna tak tak leh thahnemngai taka rawngbawlna chhunzawm theuh turin duhsakna a hlan bawk.
Kum 1978 khan Mizoram Synod chuan Missionary Training Department a din a, Missionary thawk tur buatsaih nan leh
tawk mekte inzir thar zelna atana din a ni a. Tunah hian hemi hmun atanga zir chhuak mi engemaw zat chuan India ram
chhung leh khawvel hmun hrang hrangah an thawk mek a ni.
Missionary Training Centre chu kum 2010 June atangin College puitlingah hlankai a ni ta nghe nghe a. .Missionary
thawk mekte tana training chi hrang hrang kalpui zel a nih laiin, Bachelor of Missiology (B.Miss) Course kum 3 zir chu
kalpui mek a ni bawk.
 Social Front Consultation
Synod Social Front buatsaihin October 5, 2010 (Thawhlehni) khan Synod Conference Centre-ah, “In hmun lo ram
chungchanga mi hausa leh rethei inkar zau ta lutuk nia hriat chungchang” inrawnkhawmna (consultation) neih a ni a.
Hetah hian Aizawl khawpui chhung Presbyterian Kohhran hrang hrang aiawh te, NGO aiawh te, Political party aiawh te
leh sawm bik, mi 136 an tel thei a ni.
Consultation hi Rev. Lalzuithanga, Executive Secretary i/c Social Front-in a kaihruai a. Dr. Robert S. Halliday,
Co-ordinator-in Consultation buatsaih chhan a sawi a, Upa Lalbiakzuala, Khatla East-in hemi chungchanga a thuziak a
chhiar a, zawhna & chhanna leh sawihona hun hman zui a ni. Sawihona eng atangin hmalak zui zel dan tur ruahmanna
pawh kal khawmte hian an siam nghal a ni.
He consultation hi Synod Inkhawmpui thurel bawhzuia buatsaih a ni a. 2009 Synod-ah khan Tuichang Presbytery
atangin, “In hmun lo ram chungchanga mi hausa leh rethei inkar zau ta lutuk hi siamrem turin Mizoram Synod-in
sawrkarah thlen rawh se” tih a lut a. Inkhawmpui chuan hei hi tha a ti a, chak zawka hma la turin Synod Social Front a
ruat a. Hemi bawhzui hian Consultation hi neih a ni ta a ni.

 Kristian Chhungkua leh inneih hla inphuahsiak :

October ni 5, 2010 (Thawhlehni) zan dar 6:30 khan Synod Music Committee buatsaih, Kristian Chhungkua leh Inneih
hla inphuahsiak Results puan leh Lawmman Hlanna chu Pi Zaii Hall, Synod Conference Centre-ah neih a ni.
Rev. Zosangliana Colney, Executive Secretary, Music lam changtuin Lawmman sem inkhawm hi a kaihruai a. Synod
Moderator, Rev.C. Chawngliana leh Synod O.M. member dangte bakah Pi Lalthanzami Tochhawng, Venghlui ten
lawmman hi an hlan a ni.
Report petu, Upa H. Lalhmingmawia, Co-ordinator, Music chuan, “Kristian Chhungkua leh Inneih hla inphuahsiak an
buatsaih tobul tak chu Upa R. Zatlaia te chhung, Venghlui-in kan rama hla duk dak lo leh ringtu nun chawm lo tak takin
Mizo Kristiante min chim vel hi pawi an tih em avang leh Kristian chhungkaw dinna kawngah Kristian Chhungkaw hla
tha leh mawi tak tak hi phuah chhuah ni ta se, chung hla tha hmang chuan intihsiakna te neiin Kristian Chhungkaw hla
Synfocity=313 1
 mawi leh tha tak takte chuan mi tin rilru hi min chiah zawk se awmzia a nei ang , tiin an thinlunga Pathian hnathawh chu
tihpuitlin an duh thu Synod OM hnenah an thlen a. OM chuan tha a ti a, Synod Music Department-in lo buaipui se, a tih
angin bawhzui a ni ta a ni, a ti.
Hla inphuahsiak tur hi group-ah thenin - Kristian Chhungkaw Hla pui; Kristian Chhungkaw Vantlang Hla; Kristian
Chhungkaw Solo Hla; Kristian Chhungkaw Hla Chham leh Inneih hla (Vantlang hla) te-a then a ni a. A pumpui thuah
Kristian Chhungkua leh Inneih hla inphuahsiaka hla lut zat chu 1,316 a ni a, mi pakhatin phuah kawp theih tho a nih
avangin hla thehluttu mihring zat chu 988 an ni a, Hla phuahtute hi hmeichhia 223 leh mipa 765 an ni.
Hla inphuahsiak-a an sum sen zawng zawng hi Rs. 669,000/- a ni a, Participation Prize dawng tu mi 973 te hnenah Rs.
500/- leh Silpoulin pek tura tih a ni a. Nimin atang khan Pi Zaii Hall, Synod Conference Centre-ah Office hun chhungin
sem tan a ni a, naktukah sem chhunzawm leh a ni ang. Mahni ngeiin lak tur a nih avangin harsatna bik avanga mahni
kal thei lo chuan an awmna Kohhran Secretary ten aiawh tur an ziah sak lehkha ken a ngai a ni.
Kristian Chhungkua & Inneih Hla inphuahsiak results (Top 3) :
HLA PUI
Phuahtu Hla thupui
1. Seven V.L. Thutaka, Zemabawk ‘N’ Field Veng Kristian Chhungkua
2. H. Lalremruata, Sihphir Venglai Lo cheng rawh se
3. R. Lalnuntluanga, Mission Veng Hmangaih Pathian
VANTLANG HLA
Phuahtu Hla thupui
1. David Lalliansanga, Kulikawn Kristaa inpumkhat zela
2. F. Laltuala, Chanmari West Kan sawm che
3. K. Lalramhmuaki, Khawzawl Kawnzar Nitin Lalpa kan pawl za thin
SOLO HLA
Phuahtu Hla thupui
1. T. Laldintluanga, Ramhlun North Kan run lo mawi la
2. C. Lalremruati, Sihphir Venglai Lo leng rawh kan thinlungah
3. R. Lalramliana, Champhai Kanan Veng Lalpa chenna chhungkua
HLA CHHAM MI
Phuahtu Hla thupui
1. Hmingduhawma, Reiek Pialral luhka
2. Lalthansangi, Lunglei Ramthar Veng Kristian Chhungkaw hla
3. R. Lalhmingmawia, Central Jail Veng Lalpa hmangaihte
INNEIH HLA
Phuahtu Hla thupui
1. Upa Lalrinmuana, Upper Republic Lalpa thuthlung ropui inneihna chu
2. K. Zaithantluanga, Hunthar Veng Damchhung ni chhiar dunin
3. K. Lalremruata, Maite I lawmpui ang u
 Moderator zinna
October 2 -3 chhung khan Synod Moderator Rev. C. Chawngliana chuan Mizo pasaltha ten Mary Winchester (Zoluti)
an manna hmun leh a pa, James Winchester thlan leh Winchester School a tlawh a, Rev. Ralthansanga, Barak Area
Administrative Secretary-in a tawiawm.
Silchar khawpui chhung laili takah Kristian thlanmual zau tha tak a awm a, thlanmual committee enkawlna hnuaiah a
awm a. Mizoram Synod-in Barak Area enkawl tura a dah Administrative Secretary kaihhruaina hnuaiah awmin a
enkawlna pawh hi Mizo Synod-in a tum deuh vek a ni. James Winchester, Mary Winchester (Zoluti) pa, Mizo
pasalthaten an thah tak kha saphoin amah hriatrengna lungphun tha tak an siam chu he thlanmualah hian a awm a.
Hun rei tak enkawl mumal lohva a awm hnuin Mizoram Synod hotuten haichhuakin, thirin tha takin an hung a, humhalh
a ni zui ta a ni. Kohhran pawl hrang hrang ami, hnam hrang hrangte thlan tam tak a awm a, thlan lung siam loh avanga
thlan a nih leh nih loh hriattheih loh lai a awm nual bawk a ni.
He thlanmualah hian Mizo ruang pawh engemawzat phum an ni tawh. Synod Moderator hian humhalh dan tha zawk a
thlithlai nghal a ni.
Zoluti pa an thahna hmun Katticherra bul Alexandrapore a thingpui huanah hian Mizoram atangin sualthuphachawina
neiin nasa taka tawngtaina hman ni tawh a, Kohhran leh pawlho tam takin an tlawh thin a. Tunah chuan Thlarau bo
zawngtuten an sak ‘Tawngtaina In’ tha tak a ding tawh a, mi tam tak tawngtaiin an la kal zel a. Synod Moderator leh a
thiante pawh hian tawngtaina hun an hmang ve a ni.
Hemi hmun atanga hla vak lo, tlak lama Hachhek tlangdungah hian Synod Mission Board-in Class VII thleng zirna
‘Winchester School’ chu hun rei tak atang khan a lo siam tawh a. He School naupang chhuakte hi Missionary leh
rawngbawltuah tam tak an chhuak tawh a, kum thar 2011 atang hian class VIII hawn an tum nghe nghe a ni. School
Compound-ah hian Agriculture lamah pawh nasa taka hmalak a ni a, kuhva leh thlai dangte atangin kumtin sum
thahnem tak an lalut thin.
Synod Moderator Rev. C. Chawngliana hian he School behchhan ber Tlangpui khua, Sakechep hnam hlang awmna
Kohhran a tlawh nghal a. He khuaa Missionary hmasa Mizo nulate an luh tirh chuan an la duh lo hle a, Bawng Inah an

Synfocity=313 2
 thlen tir a. Mahse hun rei vak loah an vaiin Kristianah an lût ta zawk a. Tunah hian Kohhran tha takin an ding a,
Moderator lo lawm nan Hla pui ‘Beram no’ tih leh ‘Haleluia Chorus’ thiam takin an lo sa a ni.
Synod Moderator Rev. C. Chawngliana chuan, “Mizorama Chanchin tha lo luhna bul hi inthahna leh thisen chhuahna
bakah sala inman hialte a nih avangin a rapthlak hle a. Mahse Pathianin kan thiltih phu tâwka min thungrul lovin, a
khawngaihna avangin Chanchintha min rawn pe ta hlauh hi a vanneih thlak em em a. Mizo zawng zawngte hian Pathian
khawngaihna kan chan hi chanchin tha puangdarha chhanlêt ve hi kan tih tur pawimawh ber a ni tih hi kan hriat a ngai a
ni” a ti.
 Health Sunday sum
Synod Officers’ Meeting chuan kum 2006 - 2007 Health Sunday thawhlawm tlingkhawm Rs. 2,10,264/- chu
Presbyterian Hospital Charity Fund atan pek turin a rel.
 Orissa Kristiante tanpuina
Mizoram Synod chuan kum 2008 - 2010 Orissa Kristian tihduhdah tuarte tanpuina tlingkhawm Rs. 1,12,857/- (Cheng
nuai khat sing khat sang hnih leh zariat leh sawmnga leh pasarih chiah) chu National Council of Churches in India
(NCCI)-ah an hlan ang.
 Red Ribbon Choir Competiton
Doordarshan Kendra, Aizawl leh MSACS inthurualin HIV/AIDS darh zel tur ven nana November 2010 chhunga Red
Ribbon Choir Competition an buatsaih turah Mizoram Synod chuan Kohhran leh Bial zaipawlte a duh apiang tel a remti.
 Synod Office Building thar hawn
Synod Office thar sak mek chu peih thawkhat a ni a, Synod Office Building thar hi November 11, 2010 chawhnu dar
2:00-ah Office Building thar hi hawn tura ruahman a ni a. Programme hman dan tur phek lehlamah tarlan a ni.
 Pastor Refreshers’ Course
November 15 - 20 chhung hian Serampore College-ah Pastors’ Refreshers Course neih a ni dawn a, Refreshers’
Course bei tur hian Pastor thawk rei tawh deuhte thlan thin an ni. Tun tum atana Pastor thlanchhuahte chu :
1. Rev. F. Laltlanthanga, Ramhlun North 6. Rev. Biaksailova, Lamka, Manipur
2. Rev. Lalsangbera, Kulikawn 7. Rev. V. Lalkima, Kawlkulh
3. Rev. Lalbiakvulmawia, Chhinga Veng 8. Rev. Lallungmuana, Khawruhlian
4. Rev. Vansawma, Mission Veng 9. Rev. R.S. Rokima, Durtlang
5. Rev. B. Sangthanga, ITI 10. Rev. Vanlalnunmawia Zawngte, Serchhip
 Synod Bookroom News
 October 4 (Thawhtanni) zan khan Luangmual Vengthlang Branch KTP leh Synod Bookroom tangkawpin
Literature Nite an hmang a, Tv. Lalniliana, Synod Bookroom Manager-in thu a sawi a, Nl. Rosy Lalhmingmawiin
Slideshow a entir a ni. Literature Nite-ah hian 10% Discount-in bungrua hrang hrang zawrh chhuah a ni.
 October 5 - 9 chhung hian Champhai Bookroom Branch chuan Reduction Sale an nei mek a, Reduction Sale
neihpui tur hian Synod Bookroom Headquarters atangin Pi B. Lalthiangi, Foreman a kal.
 October 11 (Thawhtanni) zan khan Republic Veng Branch KTP leh Synod Bookroom tangkawpin Literature Nite an
hmang dawn a, Upa Lalsangliana, Prescom General Manager-in thu a sawi ang a, Tv. Lalniliana, Synod Bookroom
Manager-in Slideshow a entir ang. Literature Nite an hman turah hian 10% Discount-in bungrua hrang hrang zawrh
chhuah a ni ang.
 Kristian Thalai Pawl
Kum 2010 KTP General Conference leh kum 2009 Rorel inkhawma rawtna - CKTP hruaituten khawpui chhunga Branch
a tam thei ang ber tlawh dan ruahman ni rawh se, tih chu bawhzuiin nikum atang khan CKTP hruaite ten Aizawl
khawpui chhung Branch hrang hrangte an tlawh kual mek zel a, October 11 (Thawhtanni) zan hian Aizawl khawpui
pawn Bial 5 (Reiek, Sihphir, Sateek, Aibawk leh Muallungthu) chhunga Branch 21 an tlawh leh ang. Reiek Bialah hian
Rev. K. Lalpiangthar (Leader), Pu Zohmingliana ( Asst. Leader) leh Tual Upa Zothangzuala Chhangte (Committee
Member) te, Sihphir Bialah Pu Lalmuanpuia, Dr. Samuel Vanlalthlanga, Pu Lalthanmawia leh
Pu Lalhruaizela (Committee Members) te, Sateek Bialah Pu Lalmuanawma (Treasurer), Pu R. Lalhmingthanga, Pu
Lalnghinglova Hauzel, Tv. V.L. Muanchhana (Committee Members) te, Aibawk Bialah Upa Lalrinmuana
(General Secretary), Pu Saizamliana Sailo leh Tv. Zohmangaiha (Committee Members) leh Muallungthu Bialah Tual
Upa Dr.C. Zarzoliana (Asst. Secretary), Tual Upa Lallianmawia, Pu Lalramdina Ralte, Pu Lalrohlua,
Pu H. Liantluanga leh Tv. Vanlalhruaia (Committee Members) te an kal ang.
 Susamachar Prasaran Programme
October 10 (Pathianni) tlai dar 4:30 - 5:00 velah Hindi Programme (Susamachar Prasaran) LPS & Zonet Cable atangin
hetiang hian tihchhuah a ni ang : Group/Choir - Himali Kohhran Zaipawl - 'Isu Mash tere Jeisa Koii Nahi', Sermon -
Rev. Adam Kerketa - Thupui 'Pragati', Solo - H. Vanlalringa - 'Prabu Tera Pyar', Group/Choir - Group Zai - Masihi
Sangati Convention 2009, Group/Choir - Central PYF Choir - 'Bara Pyara Lage', Stutigeet - 'Daye Na Baye Na Murna'.
 Kohhran Centenary lawm
Maubawk Kohhran chuan an Kohhran kum 100 tlin an lawm mek a. July 1 atang khan Tawngtai Crusade-a tan a ni tawh
a, October 23 (Inrinni) hian awmni khamin Kohhran Centenary lawmna an nei ang.
 P.C. Girls’ School Day

Synfocity=313 3
 October 14 (Ningani) chawhnu dar 1:00 hian P.C. Girls’ School Chapel-ah P.C. Girls’ School Day vawi 7-na an hmang
ang. School Day programme hi Pu Rozama Chawngthu, Synod Education Board Secretary-in a kaihruai ang a,
Upa Vanlalhuma, Synod Secretary (Sr.)-in Bible chhiar leh tawngtaina hun a hmang ang. School Headmistress
Pi Lalropuiin Introduction & Report a pe ang a, Synod Moderator Rev. C. Chawnglianan Thuchah tawi a sawi ang.
Pi Lalbiakveli, Asst. Headmistress-in Lawmthu sawina hun a hmang ang a, Rev. Lalzuithanga, Executive Secretary
i/c Mission, etc. in Malsawmnain hun a khar ang.
 Moderator Programme
Synod Moderator Rev. C. Chawngliana chuan tun kar tawpah hetiang hian hun a hmang ang :
 October 7 (Ningani) Zan - N.E. Khawdungsei Kohhran
 October 8 - 10 (Zirtawpni - Pathianni) - Chiahpui (Hmarchhak Presbytery)
 October 11 (Thawhtanni) Zan - Kawlkulh Kohhran

SYNOD OFFICE BUILDING THAR HAWNNA

PROGRAMME
A hun : November 11, 2010 (Ningani); 2:00 p.m.
A hmun : Synod Office tual
Hawngtu : Rev. C. Chawngliana
Synod Moderator

Hruaitu : Rev. Vanlalzuata,

Senior Executive Secretary
Reports : 1) Rev. Zosangliana Colney
Executive Secretary i/c Property
2) Dr. Lalbiakmawia Ngente
(Technical Report)
Zaipawl : Mizoram Synod Choir
Hlanna & Thuchah : Synod Moderator
Lawmthu sawi : Upa Vanlalhuma,
Secretary (Sr.)

KUM 2010 PRESBYTERY NEIHNA HMUN TUR LEH PUIPATE

Sl.No Presbytery A hmun Moderator Secretary-te Thlarau lam thupui
1. Aizawl Central Saron Veng Rev. Lalremruata Ralte Upa Lalhmingthanga Pathian thuawih (II Tim. 2:3)
7-10 Oct., 2009 Kohhran Biak In Upa R. Zodingliana
2. Aizawl Bethel Ramhlun Vengthar Rev. R. Lalnuntluanga Upa H. Doremthanga Lalpa chu a lokal leh dawn
7-10 Oct., 2010 Kohhran Biak In Upa Sanghlira (Tirh. 1:11)

3. Aizawl Chhim Tuikhuahtlang Rev. R. Lalengmawia Upa B. Bawlkhuma Kohhran, Pathian chhungte
7-10 Oct., 2010 Kohhran Biak In Upa Lalhmuchhuaka (I Tim. 3:15)

4. Aizawl East Republic Vengthlang Upa J. Lalhlima Upa P. Lalremliana Isua nunna kawng (Joh. 14:6)
7-10 Oct., 2010 Kohhran Biak In Upa R. Zoramthanga

5. Aizawl Hmar Durtlang Rev. Dr. Vanlalchhuanawma Upa K. Sanghmingthanga Kristian Chhungkua
7-10 Oct., 2010 Kohhran Biak In Upa H. Lalnunnema (Josua 24:15)

6. Aizawl West Govt. Complex Pastor B. Vanlalduha Upa Lalsiama Tunlai thil awmzia (Rom 13:11)
7-10 Oct., 2010 Kohhran Upa H. Ronghaka

7. Champhai North Bethel Kohhran Rev. Laldailova Upa C. Lalthianghlima Thlarau Thianghlim leh a
6-10 Oct., 2010 Biak In Upa P. Lalhmingliana hnathawh (Joh. 16:7-10)

8. Champhai South Champhai Vengsang Pastor David Lalrinmawia Sailo Upa H. Khawlmawia Pathian ralthuam (Eph. 6:11)
6-10 Oct., 2010 Kohhran Biak In Upa Lalremsiama

9. Chhawrpial Lallen Kohhran Rev. Laldinpuia Hranleh Upa Sangchhunga Thlarau thara rawngbawl
7-10 Oct., 2010 Biak In Upa T. Lalrengliana (Ezek. 36:26)

10. Chhimchhak New Serchhip Pastor C. Lallungmuana Upa H. Vanlalhruaia Lal Isua a lokal leh dawn
7-10 Oct.,2010 Kohhran Biak In Upa R.L. Chhuanawma (Tirh.1:11)

11. Chhimphei Sateek Kohhran Upa T. Vantluanga Upa H. Lalchhinga Pathian thu leh tunlai khawvel
6-10 Oct., 2010 Biak In Upa Zahmingthanga (Rom 13:11)

12. Chhimthlang W. Lungdar Upa H. Zahmingthanga Upa R.L. Sangzela Kristian Nun Rinawmna

Synfocity=313 4
 7-10 Oct., 2010 Kohhran Upa H. Vanlalzama (I Kor. 4:1-2)

13. Chhimtuipui Bungtlang ‘S’ Pastor C.K. Lalchhanhima Upa Ropianga Pathian thu awih (I Sam. 15:22)
6-10 Oct., 2010 Kohhran Biak In Upa P.C. Lalhmangaihzuala

14. Dampa W. Phaileng Chhim Veng Upa C. Lalengzauva Upa Sapthlengliana Thlarau
Thianghlim leh a
6-10 Oct., 2010 Kohhran Biak In Upa Sangchhunga hnathawh (Joh. 16:13)

15. Hmarchhak Chiahpui Kohhran Rev. C. Lalmalsawma Upa K. Chawngzama Lalpa tan (Kol. 3:23-24)
7-10 Oct., 2010 Upa Lalfakawma

16. Hmarphei N. Serzawl Pastor Lalrinthara Upa Darkunga Ralte Inremna (Isaia 11:1-9)
7-10 Oct., 2010 Kohhran Biak In Upa C. Chawngkhuma

17. Hmarthlang Bilkhawthlir Pastor H. Lallianzara Upa C. Zoparliana Thianghlimna (I Petera 1:15, 16)
7-10 Oct., 2010 Kualmawi Kohhran Biak In Upa Lalbiakliana

18. Khawthlang Zamuang Pastor R. Lalvulluaia Upa K. Laltlanliana In kawngte chu chhut ngun
6-10 Oct., 2010 Kohhran Biak In Upa R. Lianhmingthanga rawh u (Hagaia 1:5)

19. Lunglei East Farm Veng Rev. T. Chawikhuma Upa Lalrinmawia Inring rengin awm rawh u
6-10 Oct., 2010 Kohhran Biak In Upa K. Sang\huama (Mat. 24:44)

20. Lunglei West Chawngte ‘P’ Rev. R. Lalrinmawia Upa Lalsawmliana I puan in hmun chu zauh rawh
6-10 Oct., 2010 Kohhran Biak In Upa C. Lalsanglura (Isaia 54:2)

21. Ramlai Bungtlang Bazar Pastor H. Lalrinawma Upa R. Lalkhumliana Puitlin lam i pan ang u
7-10 Oct., 2010 Kohhran Biak In Upa Lalramhluna (Heb. 6:1)

22. Sakawrhmuituai Lungdai Pastor John Raldosanga Upa R. Lalduhawma Puitlin lam pan (Heb. 6:1-2)
5-10 Oct., 2010 Kohhran Biak In Upa Ro\huama

23. Serlui Hortoki Kohhran Pastor Lalparchhuana Upa Zahlira Chanchin |ha leh thil siam
7-10 Oct., 2010 Biak In Upa B. Lalremliana dangte (Rom 8:18-22)

24. Tlawng Lengpui Kohhran Pastor R. Lalhmingsanga Upa H. Darhmingliana Pathian nena lendun
6-10 Oct., 2010 Biak In Upa Zairemmawia (Mika 6:6-8)

25. Tuichang Khawzawl Dinthar Rev. Lalremliana Upa P.C. Zasiama Chhandamna (I Tim. 2:4)
6-10 Oct., 2010 Kohhran Upa Lalthanliana

26. Tuichangral ‘N’ Khawhai ‘N’ Pastor H.S. Remmawia Upa K. Remsiama Pathian Lalna (Rom 13:33-36)
7-10 Oct., 2010 Kohhran Biak In Upa P.C. Thangchhinga

27. Tuichangral ‘S’ Lungkawlh Upa Liandawla Upa H. Lalruatthanga Rorelna Dik (Amosa 5:24)
6-10 Oct., 2010 Kohhran Biak In Upa Lalengzauva

28. Tuipuiral Farkawn Kohhran Pastor T. |huamliana Upa K.C. Doliana Chanchin |ha hi hril rawh u
6-10 Oct., 2010 Biak In Upa Daikama (Marka 16:15)

29. Tuirini Thingsulthliah Pastor R. Lallianpara Upa Lalremsiama Simna (Mat. 3:1)
7-10 Oct., 2010 Kohhran Upa T. Lalrindika

30. Tuivai Phullen Vengthar Pastor Lalhmuchhuaka Upa Lalhuapzauva Sual kalsana thil\ha tih
6-10 Oct., 2010 Kohhran Biak In Upa H. Thanhnuna (Sam 37:27)
31. Tuivawl Rulchawm Pastor Lalthanhawla Upa C. Zakiamlova Rinnaa awm (II Kor. 13:5)
7-10 Oct., 2010 Kohhran Upa H. Lalthlengliana

32. |awi Khumtung Upa Lalroliana Upa T. Laltlanliana Kohhran Pathian khawpui
6-10 Oct., 2010 Kohhran Biak In Upa C. Thanmawia (Sam 87:3)

33. Zoram Pawn Madanrting Upa Sangkhuma Pautu Upa Dr. C. Nunthara Ka thlarau zawkin le
7-10 Oct., 2010 Kohhran Biak In Upa Lalnghinglova (Zakaria 4:6)

34. Barak Karimganj Rev. J.C. Lalramliana Elder Nazrul Laskar Benefits of giving (Philip 4:17)
7-10 Oct., 2010 Presby. Church Elder Chinmoy Purkayastha

35. Cachar Tlangram Manickbond - - -

36. Manipur Area Hill Town, Rev. J.H. Zaikima Rev. T. Zuanlal Hma i sawn zel ang u (Phil. 3:16)
Churachandpur (Masawn zel hitin)
37. Tripura North Tuingoi Rev. Zorammawia Elder Thomas Halam Neitu rilru put (I Kor.3:21-23)

38. Tripura South Karbook Presby. Rev. Chongmunrai Pu R. Lalzawmliana I Pathian tawk turin inpeih rawh
14-17 Oct., 2010 Biak In Upa Kanthomoni Debbarma (Amosa 4:12)

39. Imphal Mayang Imphal Elder M. Ibochouba Evan. V.L. Dika Royte Pathian thu kan zawm zawk
Synfocity=313 5
 8-10 Oct., 2010 Kohhran Biak In Elder Sh. Ingocha Singh tur a ni (Tirh. 5:29)

40. Loktak Moirang Kohhran Upa H. Yaima Upa Kh. Brajabidhu Hengte ai hian nangin kei mi
1-3 Oct., 2010 Upa Kh. Somorjit hmangaih zawk em?(Joh. 21:15-19)
………………………………………………….............................................................................................................................

7th October, 2010

Mail us at -
synfo@sancharnet.in; synfo@yahoo.com
Synod Information & Publicity; Aizawl, Mizoram. India
Phone: 0389 2314648
Fax : 2316598 Website – www.mizoramsynod.org

Synfocity=313 6