1

ZAM Information Department

ZAM Hotline
016-293 9027

ZAM Office
03-2142 6659
Email:
zomiassociationmls@gmail.com
Volume 9, Issue 10
Since 2006
10 August 2014 ...hongpai un, mapang khawm ni. Nehemiah 2:1718
1. Na tungsiahte tawh kitelsiam, kiho
khin masa hamtangin:
Nang hong makaih, hong kem, hong panpih, hong
huh leh hong pattah na tunga pa/nu tawh na
paikhiat ding vai limtak kiho masa in. Kiho masa cih
ciang na tawpna ding laikhak na piak ma in na tung-
siahate kiangah na mailam khualna hang tawh na
tawpnop thu leh nasep dangah na pai a kuldan
theisak, hilh, telsak masa hamtangin. Amau hilh
masalo, theisak masalo in thakhat thu in tawpna lai
khak veva kei in. Lamdang sa ding uh a, zong hong
muhna uh kiam ding hi. Na tawp sawm hangin na
sep hun sung khempeuh kuhkal tak, citak tak a
nasep ding khempeuh na zawh ding thu phawk in.
Na sep nunung ni ciang dong hahkat takin nang
sepding teng sem khin in. Kilawmthawsak leh
kikhutzaw sak in om kha kei in. Na tungsiahte
hoihtak in hilh, telsak lecin amau a kilawma pusuak
dan leh nasep khawldan nangawn hong hilh in hong
makaih toto lai nuam ding uh hi.
2. Lungduai hamtangin:
Na tawp ding vai na gen, na theihsak ciang na tung-
siahte in hong hehsanin hong thangpaihbawl, hong
nuakbawl kha thei ding hi. Ahi zongin lungduai takin
om tentan in la, nang bel heh sawm het kei in. Na
heh phial leh zong kidek teta inla, na lawmte leh na
seppihte muhna ah na hehna lakkhia kha kei in. Na
mawhna hong zongin na thanemna dingin hong
bawl kha ding uh a, na nopmawhsak theihtheih
dingin zong hong gamta nuam phial dinguh hi. Ahi
zongin lungduai in maitai ding hanciam hamtang in.
Na nasepna na laihnop manin na kisuanlah nading
omlo a, nopmawh nasak nading zong omlo hi. Mite
in hong engbawl hangin na hehna ding om tuanlo a,
na kidek zawh leh nang mailam adingin hoih pen-
pen hi.
3. A kisam khempeuh hih mengmengin:
Nasep na tawp ding ciangin na tawpma in na hih
ding pawlkhat om thei hi. Tuate bangteng hiam cih
kanin thei inla a manlang theithei in hihkhin meng-
meng in. Na ni nunung pen a tunma in na hih ding
khempeuh zo hamtang in. Na nasep nawnloh ciang
na va khuadak dawkdawk kik kul nawnlo dingin kiva
sitset in. Na sum ngahzah ding, na nitha bangzah
omlai cihte limtak in tuatkhin in. Na tawpna ding vai
a saite tawh kithuza inla na tawpna lai zong a hun-
lapin pia in.
4. Na tawp ni dong nasep hanciam in:
Na sep ni nunung pen dong hahkat takin sem inla,
a tawp ngeilo ding bangin hanciam in. Tua bang
hileh na lawmte lungsim ah a zingciangin zong
nang a kuanlai dingin na koihphial ding uh hi. Nang
sepdinga hong kipia peuhmah na zawh man zah-
zah zo hamtang inla, kiziakai sak tuam het kei in.
Na tawp ding manin na lawmte tawh na kizopna
tatsak kei inla, lawmhoih bangin kikhawlthei suak
un. Na kizoppih suak nopte a min uh leh a kizopna
dingte lai tawh ciamteh in kipia tuah un.
5. Hong zol uh hang ngaihsun pha mah-
mah in:
Na tawp ding hong it lua bang phial in hong it bawl
in hong deih bawl in hong kho nuam kha ding uh hi.
Na khasum nangawn hong behlapsak in
hong semsak nuam lai mai ding uh hi. Na za hong
khan in na hihna hong behlap in makai dingin zong
Nasep Na Kheel Cianga Theih Ding Pawlkhat
informing people, transforming lives
T
uhun pen nasep a kip, a kho cih om nawn mello in a hoihzaw nasep a om nak leh kum thum kum li
zawh ciang nasepna thak ah mite a kisuan ziahziah uh hi. Hih pen tuhun leitung paidan hipianta
hiam cih theih hi. Leitungbup khuata banga olno taka a kizop ziauziau theih khit zawh hih banga
nasep khek ziauziau pen hong tam semsem hi. Tua banga nasep na kheel ciangin maitai takin na sepna lui
nusia inla, na seppih luite zong kuamah nopmawhna dingin kampau, gamta kha kei in. Amau zong hun
hong pai zel leh nangmah tawh hong ki-tuahkhawm kik, nangmah tawh hong semkhawm kik kha thei hi.
Tua ahih manin, bangzahta in na seppihte na mudah, na hua phial zongin a kimukik dinga kikhenpak bangin
lungdam maitai takin kikhen zaw un. Tua hileh na paisante in zong hong muhna ah 'picing' hongsa ding uh
a, na kimuhkik uh zong nuam ding hi.
Nasep na laih ding ciangin na paikhiat ma in hih a nuaiate hih teitei in na kisik kei ding hi.
2

ZSM pan dahpihna
Tuipi khua mi Pa Kam Za Cin leh Nu Awi Khan
Dim, Guite beh te tapa Tg. Thang Lam Khup
(Kum 26) pen Gilnat na hangin 03.08.2014,
04:00AM hun in Klang kumpi zatopi panin Leitung
nuntakna nusia in PaPasian kiangah hong ciahsan
ta hi. Lawm Khuppi in anuntak sungin Zomi dong-
tuak te kipanpih na ZSM kipawlna ah sum tawh
mapang den khat hi aa, ama sumkhiat te hangin
Zomi sungpan asisa miten hanmual tangzo uh hi.
Tua hi a, amah in hong nusiat ciangin ZSM in vai
khempeuh kibuaipih a, sumbei khempeuh kisik in
panla hi. Ni 07.08.2014 ni-in Sepang hanmual ah
lungkim huaitak in kivui zo hi. Lawm Khuppi hang a
adah akap lungzuang khua-ngai, thanem mi
khempeuh tawh akibangin ZSM zumpi panin ih dah
khawm hi.
Thu-ngetna tawh panpih ni: Pa Thang Sawm Lian
-Vangteh pen nasepna inntung pan kia in zato mun
nih/thum bangah kilak kawikawi a, Topa hehpihna
tawh tampi tak noptuam zaw ta a, a ngei bang aa
hong dam siang nangin thungetna tawh phawk ciat
ni. Ahunhun in GHKL zatopi ah ZAM zumpi pan
palai ten kibuaipih to zel lai ding hi.
Pawl neilo pawl na hi lai maw? Zomi te in ih Gam
pan Gamdang pai ding ih kithawi laitak in thungen
in, thungente kiangah thu kingen sakin, Pawlpi sia/
ma te thu kingen sakin, Nu leh pa thupha kipia sak
napi hangin sum thalawh theihna gam, sum tamna
gam, nasepna gam ih tun ciangin ih nasepna
khawng paulam in thungente, Pasian nasem sia/ma
te leh Pawlpi khawng phamawh ih sa kei pah lel
ngam mawkmawk hi. Ahizongin damlohna, dong-
tuahna, hamsatna leh eikia in ih puak zawh loh
vangik khatpeuh ih tuah ni ciangin ih nasepna, leh
ih sumte in hong vanpih theihloh hun om aa tua hun
ciangin Pasian nasem sia/ma te leh Pawlpi ngiat
akisapna kiphawk panpan thei hi. A hizongin zekai
ta ahih manin maizum pipi in Pawlpi khat peuh ah
pawllutna khawng a nei pan zanzan Zomi thu-um te
ih hi mawk hi. Tua ahihman in Zomi Pasian thu um
mi khempeuh in na omna veng, na kinaina Pawlpi,
na thangahna Pawlpi khat teitei ah Pawlmi na hih
ding thupi mahmah ahih lam ZAM zumpi panin ih
kiphawksak kikkik nuam hi.
Kumsim kipawlna maikaite Makaihzia
thusinna kizo ta
Kumsim UNHCR-CDU makaihna tawh kipawlna
makaite HELP College panin makaihzia ding tentan
piakna hong neiden uh a, tu kum adingin anuai a ni
4 sung kikah thei hi.
09 July 2014 Makaihzia
15 July 2014 Kizopna
23 July 2014 Sepkhopna
05 August 2014 Numei le pasal vai.
Hih atung a ni 4 sung tentan kahna ah ZAM zumpi
panin Sumkempipa kah thei-in sawtlo in UN panin
Makaihzia zawhna laipi ngah ding uh hi. Hih tentan
hangin phattuamna tampi kingah hi.
UN Card kimu
Pau Mun Thang (354-13C01330) card mute in ZAM
zumpi ah hong ap ahih manin hongla in.
hong lamto nuam kha ding uh hi; ahi zongin limtak
in ngaihsun pha mahmah in. Banghang hiam cih
leh mite genna ah, a theite genna ah, tua banga a
kikhohte a kideih kei kik vat leh manlang takin
kinotkhia, kitawpsak in kipampaih hi, ci uh hi. Hong
deih lai un hong deih mahmah uh hangin hong deih
nawnloh uh ciangin hong nawh nawlkhin mahmah
ding uh hi. Na tawp nop thu a theih khit uh ahih
manin amau lam pan paulap ding ol mahmahta hi.
A tamzaw tua banga kikhote kum khat val sem zom
zo mello hi kici hi. Banghang hiam cih leh na mawh-
na a zonnop uh leh na sep ut nawnloh thei uh, hong
deih kei le uh zong 'na ut nawnlohpi', 'na tawpsawm
khin veleh' hong ci lel ding uh hi. Tua ahih manin na
tawp ding a kitheih khit cianga hong kikhoh a, hong
kilettaang nop leh - limtak in ngaihsun kik masa in:
Sakhi nangawn in zong a tatna ding kuam kua
khual kici sam hiven!
Tua ahih manin pasal in na sawmsa khat pen nung-
kik lo in lungdam maitai takin phusuak vet zaw in.
Ahi zongin na sepna ah citak in na hih peuhpeuh
hanciam na hi cih lak khial ngei kei in. Tua hileh na
lawm leh gual, na seppihte
in-mi citak, mi kuhkal, a
nasepna ah muanhuai,
ngimna kician nei, a
sawmna khat ah kip tinten
ciin hong ciamteh dinga,
hong pakta semsem ding
uh hi. Hong kipakta peuh
leh hong kizahtak ding
hamsalo hi. Tua pen
mihing khat thupina a kilatna hi a, mihoih a hong
kiciamteh nading ahi hi.
Na omna peuh ah nahoih sep khawlsan ngei kei in.
Hau Za Cin (Phuitong Liim)
3

Tukal Palaai te buaipih diak teng
Khai Lian Tuang (Saizang) August 4 ni-in GHKL
ah ki buaipih.
Lian Sian Piang (Zozaang) a body numbat UN
zumah kipuak hi.
Pau Muan Khai (Zozaang) a body numbat UN
zumah kipuak hi.
Muih Langh (Zozaang) a body numbat UN zumah
kipuak hi.
Lalpu (Zozaang) a body numbat UN zumah
kipuak hi.
Nang Sawm Pau (Laibung) a body numbat UN
zumah kipuak hi.
Khup Ngaih Phawng (Lailo) Shah Alam Immigra-
tion ah a kibuai pih laitak hi.
Cing Tawi Ngai (Lailo) Shah Alam Immigration ah
a ki buaipih laitak hi.
Khup Cin Mang Langkap Camp ah tulaitak aki
buaipih hi.
Khual Kim Khai Tanahmerah Camp ah aki buaipih
laitak hi.
Thang Lun Pau zong Palikte khut sungah aki
buaipih laitak hi.
Cing Khan Lian (Zampi) Palikte khut sung pan a
ki buaipih laitak hi.
Lian Khen Nawl (Buanli) palikte khut sung pan aki
buaipih laitak hi.
Thang Sial Khup (Lailo) pen Bukit Jalil Camp ah a
ki buaipih laitak hi.
Thang Ko Sian (Lailo) pen Bukit Jalil camp ah a ki
buaipih laitak hi.
Thang Gin Mung (Lailo) pen Bukit Jalil Camp ah
aki buaipih laitak hi.
Khup Cin Mang (Lailo) pen Langkap Camp ah aki
buaipih laitak hi.
Vial Nem Cing (Mualbeem) pen August 1-5 ni
sungin in Tong Shin zatopi ah kibuaipih hi.
Cing Za Dim (Thalmual) pen August 4 ni-in ACTS
ah kibuaipih hi.
Pau Thawn Dal (Lamzang) pen August 4 ni-in
ACTS ah kibuaipih hi.
Sing Lam Cin (Vangteh) pen August 7 ni-in IPR
ah kibuaipih hi.
Ciang Hon Cing (Singgial) pen August 8 ni-in Tzu
Chi zato ah ki buaipih hi.
Hong suakta thei:
Mang Khat Piang (Anlangh) palaaite buiahpihna
tawh Dangwangi palik zumpi panin hong suakta
thei hi.
Hau Lam Cing (Suanghoih) palaaite buaipihna
hangin Pudu palik zum panin hong suakta thei hi.
Bukit Jalil Camp ah veh ding a kisam:
Hau Khan Cin, Body No. 10881, Ph. 011 1105
3680.
Zam Deih Piang, Body No. 10542 (Block C), Ph.
010 295 5061.
Pau Kap Mang, Body No. 8911. (Sanggamte:
Thang Khan Khai, Vung Hau Niang).
Zomi min tawh Khuado Tukpeng suih
ding vai
August 4 Monday ni-in Khuado Tukpeng suih ding
vai kikupna kinei a atamzaw thukimna bangin
pawlpi zui a suih dingin thukimna kinei hi. Pawlpi
zui a kisui ding ahih mah
bangin kilawmtatna ki bulhpuh
ding a, hong lutkhin pawlpi 8
simloh alut nuamlai pawlpi
khempeuh August 11 Monday
ni ciang kisang lai ding hi. Tua
ni pen a 2 veina meeting ni
ding ahih manin lutman RM600 leh Deposit RM200
apia te group khenna sungah ki lutsak pah ding a
tua ni a nunung pen hi pah ding hi.
Mr. John Kerry Kawlgam hawh
Mr. John Kerry (USA Secretary) August 9 ni hawh
cihthu kiza. Bang thu hong piang ding hiam a
kingak gige hi.
Equality is everyones rights
ICMC makaihna tawh gambel siamsian naupangte
Liangko kikim ding pen mi khempeuh thuneihna
cih thulu tawh sang 7 kidemna om ding a, ZEC-
Maharajalela siamsin naupangte kihel ding a,
August 1 ni-in YMCA Hall Brickfield ah kisina kinei
in, tua mun mahah August 15 ni-in final lahna kinei
ding hi.
Khutmek (Fingerprint) ding pawlkhat kis-
am kik
UN zumpi pan UN ciaptehna ngah pawlkhat khut-
mek (fingerprint) dingin sam kik uh hi. Nang hong
kisap khak a leh bang mah lung himawhna ding
omlo hi. Hong sap hunhun napai pah in.
Ahih theih leh kimuhkholh hoih penpen
Tuciang dongmah UN in min kibang, sanggam u leh
nau leh kum manlo gente ki nak sap mahmah lai a,
Zomi sungah tuadan atuak kha ten bang mah
launa ding omlo hi. UN zumpi na paima in kamlette
ahih kei leh zum asem palaai te khat teitei tawh
kimu kholthei le teh nang ading hoih penpen hi.
4

ZAM Thupuak pen leitung muntuamtuam aom Zomi khempeuh in asimtheih dingin
www.zomidaily.com website ah ki koihden hi.
Theihsakna leh Sapna
Malaysia, Zomi Pasian nasem khempeuh 14-15
August (Thursday-Friday), ni nih sung, USA pan
Rev. JM Paupu te nupa in Pasian thusinna hong
neihpih ding ahihmanin, nupa kop in nong kihel ciat
nang un Zeisu min tawh kong zawn uh hi. Lutman
RM 50 bek hi.
A mun : Zomi Christian Assembly Church,
1
st
Floor, No-77-1,
Jalan 1/9. Taman Shamelin Parkasa.
Pandan Jaya.
A hun : 9:30 AM 4:00PM
(Nitak Crusade om ding)
Khazih sungah itna tawh,
Pr. Dr. Cin Sian Pau
Zomi Christian Minister Council
President, Ph. 017 329 1810
Kiallap Malay pau sinna : Nasepna thak ah
Zopau : Na nasep thakna nuam nasa na?
Malay : Bagaimana perasa-an anda terhadap
perkerja-an baru anda?
Zopau : Bang mah khempeuh lem dingin lamen
ingh.
Malay : Saya berharap semoga segalanya baik.
Zopau : Zingsang tungin na tho nuam na?
Malay : Adakah anda mahu bangun awal esok?
Zopau : Kingah lel ea.
Malay : Sudah tentu.
Zopau : Zingteh zingtungin ka thawh kul ding.
Malay : Saya mesti bangun awal esok.
Zopau : Nasep na kipat cil ni zekai theilo aw.
Malay : Anda tidak boleh terlambat pada hari
pertama perkerjaan baru itu.
Zopau : Aw thei ing ei
Malay : Ya, saya mengerti.
Zopau : Nai bangzah a nasep kipan na?
Malay : Pukul berapa anda mula berkerja?
Zopau : Nai 9 a kipan.
Malay : Mula pada pukul 9:00
Zopau : Ngaihsut hoih nong piak manin lungdam
ingh.
Malay : Terima kasih banyak atas nasihat anda.
Australia pan laikhak ngah ding om
1. Thawng Khan Lian Khai 5. Zam Lian Tuang
2. Khup Lian Thang 6. Kham Lam Cin
3. Thang Sian Tung 7. Kam Za Dal
4. Kam Sian Mang 8. Khai Lek
Khasim thunget khopna kinei
ZAM zumpi ah khasim thunget khopna pen August
8 ni-in kinei a Kawlgam pan hong pai Rev. Dai
Nem in (I Kumpite 3:9,10) Solomon ngetna tung-
tawnin Pasian phawk Zomi te palaai na hih uh
angtan huai, Malaysia a om
Zomi te na khualna un Topa
lungdam sak hi. Pasian a
lungdam khit nak leh ih nget
bangbang hong pia hi cih
tawh thapiakna hong nei-in
tha kingah mahmah hi.
ZAM Card tawi Zomi te ading nasep
UNHCR-EST nasep zonsakna Johor Bahru KFC
sai a sem nuam peuhmah in August 12 ni zing-
sang nai 9am in ZAM zumpi interview om ding hi.
Port Klang packing setzungah sem ding pasal 6
kideih. Nasep hun nikhat nai 9 sung tawlngak hun
tawh kigawm, kal khat 1 veita off, OT tawh nikhat
RM54-60 kikal ngah thei den. UN card neite bek
deih. Kha sum ni 7 mata pia den. Alunglutte
kizopna ding: Mangpu 019 510 6413
Lungdam kohna
Zomi Catholic (ZCCM, St. Joseph Church,
Sentul) pan tukal Thupuak bawlna ding RM50
hong piakhia leuleu uh ahih manin lungdam ihko
hi. ZCCM Pawlpi tawh na kizop nop leh: Francis
Khampi 016 269 1351.
Saizang khua mi Dal Kap in tukal Thupuak
bawlna dingin RM50 hong piakhia ahih manin
lungdam ihko hi.
Joseph Khup (Tualzang) te pata in ZAM nasep
zonsakna pan nasep ngahna lungdam kohna in
RM50 hong pia khia ahih manin lungdam ihko hi.
Zion UPC Kepong panin tukal Thupuak bawlna
dingin RM50 hong piakhia uh ahih manin lung-
dam ihko hi.
Pa Suan Cin (Buanli) in Zomi zumpi (ZAM) ah zat
dingin laidal A4 size thohpi 2 hong pia ahih manin
ki lungdam mahmah hi.
Hi bangin ZAM Thupuak hawmkhiatna ding
citpiakna hong nei Pawlpi leh mimal te tungah ki
lungdam mahmah hi. Nong piakkhiatna hangun
Zomi tampi in Thupuak sim kha thei uh hi.
Gamsung gampua leitung muntuamtuam pan
ZAM nasepna te tha napiak nopleh lungdamtak in
hong kisang ding hi.