To : All Church Mumbers

Mun Tuam Tuam A Om Pasian Mi Siangthote Hopihna

Kong it mun atuam tuam khua a tuamtuam gam atuam aom kong it thu
uppih Pasian misiang tho te khempeuh aw MUC ih zumpi pan it na tawh lai in
kong ho pih hi.
Ih biak Abraham Pasian et te Topa gam kekna ding, gam zai na ding in,
nong puak uh 1
st
quarter sumpi bek hi lo in 2
nd
quarter sum pi zong ih zumpi pan
na ngah zel ka hih man un Topa tung leh ong puak a misiang tho te tung ah,
lungdam nathu zum min tawh kong ko kik uh hi.
Nong puak uh sumpi te in ih biak Abraham Pasian eite Topa lung kimm sak
in, apia khia mimal te adingin vantung thupha leitung thupha konghon na hong hi
sak ta hen ciin zumpan thu kong nget sak uh hi.
Nong sumpuakte uh zum hong tun ciangin zong muibun tak-a a
kizattheihna ding, kha mang thang tampi a kimat zawh na leh a piakhiate-in supna
hilo a, meetna a suah zawk nadingin thu kong nget sak uh hi.
A beisa 2009 pan tu ni ciang dong sehsuah hong khak kei tung ongtawn
gam dang mun tuamtuam pan Pa Nang Lian Cin, Pa Kap Khan Hau, Pr Thang
Siangh & Family, Pa Tawng Nang, Pa Kap Pau, Pa Vungh Do Thang, Tg Thang
Lam Sum, Nu Cing Ngaih Vungte innkuan, Thangpi leh a vek khempeuh tungah
zumpi pan in lungdam na i ko hi. Na sehsuahte uh zumpi ah hong khak, hong tun
hun hong kituak ciangin nuam lua in ka khi tui ong luang hi. Topa nangh MUC
gam bup sum kem dingin ong muang teei maw leh! Kawlgam sung SDA
Conference te ong ompih takpi! ong ompih kei lecin, a ciangh ciangh pan hong
kivei lo-in sum ong kikhak, ong kipia hetlo ding ci leng . Ka kiim, ka pam
vuah MUC te mipil om kei, mi hau om kei, muan tak om kei, ding zo ken teh bang
tan vei hong thuak zo tam ong ki cih cih lai tak in, zawh na dial (v H v H v H v H ) a kikhai ding
hita nuam mah sing maw Topa ka ci kha hi.
John 4:35, Tu-in note khuadak in lo-te en un! An khempeuh min khin ta a,
lak ding bek in sam hi.
Kong it MUC gam sunga om Khrist sungah sanggam khempeuh leh mun
atuam tuam, gam a tuam tuam a om Pasian mi siangthote aw, i khuadak hunta hi.
Buhte kuai zo ta a, Ante min khinta hi. I theih loh kal in 2010 kum zong abei dek
ong hita zel hi. Nasep theih loh zan hun hong tun ma-in:
1. A ki-ap nai lote a ki-ap mengmeng na ding.
2. A pia nailote Topan a lungsim lawng a, tampi apiak zawh nading..
3. A piapia khin ten tampi a piak zawh lai nading.
4. A kuan nailote a kuan nop nading.
5. Pumpi leh kha cinate a dam nading.
6. MUC gambup lungsim kikhat a manot a na i sep zawh nading.
7. I hih theih tanh ah, i talen ciat suah khia-in Pasian gam zai nading thu
ngen in ma pang ciat ni!


Theih ding:Sumpi vai:
Sumpi nong puak uh ciangin kong gen sasa mah bangin, min kibang tam
ahih manin, min pi mah zangh in ong gelh hamtang un: quarter cin sumpi nong
puak uh cingin 1/10 akhiate diakdiak pen: munkhat ah: Genteh na: Pa Thang Za
Lian 5000/- mun khat ah Thang Za Lian 4000/- cih bangin a kigelh teh Numei min
leh Pasal min zong a kibang tam mahmah ahih teh Thang Za Lian tuaktuak gom
ding maw! Atuam ahih ding cih kibuai hi. A kibuai loh na dingin Nu/Pa/Lia/Tg/
OD;/a':/armif /r cih bangin quarter report bawl ten ong gelh ham tang un.
Quarter 1 sung ah 1/10 na khiatte a vek in ong kigomkik sak a, tam akhia
pen te letsong pah tawina piak dingin makaite-in gelna nei uh a meigong nu supi
bangin a sum tawm khia ta se leh a neih sunsun a khiate Abraham Pasian eite Topa
in tha man lian letsong ongpia ding hi.

Sumpi kem khempeuh theih ding
a. Ei a hilo Pasian sum ahih man in, ei ut thu thu a, zat theih ding hilo hi.
b. Mi peuh leitawi sak ding hilo hi.
c. Ei sum kemte thu aa, a meet kha cih te hih ding hilo hi.
d. Mantak a quarter report i puak zawh nadingin i sumkepte pelhem sak lo
ding thupi hi.
e. Ei sumpi kem diakdiakte: thu man in citak ni, ahun lapin quarter report i
puak theih nadingin hanciam ni. Banghang hiam cih le Mite sum kem/pawl
sumpi kem, MUC sum kem bek hilo-in, i biak Pasian sumpi kem Pasian
nasem te ihi hi.
f. A khuakhua a circle zui-in et paktheih dingin nong puak uh sumpite report
na, zumpi pan pawlpi ciat ah kong hawm kik hi.
g. Nong sum puak uh leh report kik na sum sazian a kibat, a kituah kei leh
Nang pumpi ahi a, Lai tawh, phone tawh ahi zongin na omna mun mun pan
in MUC sum kem pa tawh kihothei hi. Banghang kibang lo, koi ah kikhial
hiam? cih ong kizong sak ding hi.
h. Sun sumpi a lang apuak lote leh Lesson man a puak nailote-in man man in
nong puak nading un ong thum ing, kisik om ngeilo nasep pen thu man tak
a ihih theih tantan ah Pasian na i sep te ahi hi.
i. Cingtak lopi-in MUC sum kem dingin mipi-in, nong koih uh ahih man in i
biak Pasian lungkim sak leh mipite lung nopna, mailam ah mite et teh
takcing, a kisim thei laimal kahih nadingin na om na ciat pan un thu ong
nget sak ciat ta un!
j. Sumpi Quarter report na nong puak uh ciangin gamdang pan a ong puakte
US, Malay, Singapore, etc. bangin a khia-te min mai ah ong at le uhcin ut
mahmah ung. Gamdang a ong panpihte ka report ciang, kei theih bek a
report ka hi hi. Ka theih loh tampi om lai ding hi.


Nipi Sabbath va zang uh:
Myanmar Union President Kai Za Dal, Vice President leh MMCC Principal
Pr Kham Khen Pau, Myothit Elder Gin Khen Kham leh Lasiam MMCC pan lasa
siamte, Lia Awi Ngaih Cing, Tg Piang Sian Mung, Tg Dal Sian Sang, Lia Bawi
Niang, Lia Dim Boih te Talek NrdKYawmf *spfum; tawh Sawbua, Tuikhal ah nipi vazang
a pawl pi mi ten An lim nono tawh an na vak in kha lam & ci le sa gil vah takin
kawlpi ong tung kik uh cih thu kiza hi.

Nek khop pia
Kalay Circle Leader Pr Hmunling leh Tahans pan Saihka sia Nang Za Kam
(Kamno) kithuah in 24.7.2010 ni-in Kimlai ah nekkhawm va pia a, 1.8.2010 ni-in
zong Ayethaya (Saihkhin) ah va pia leuleu uh cih thu kiza hi.

Biakinn Kong Hon Ding Kikup Na Neih Sawm Uh
Tonzang Circle pawi leh Zampi Biakinn konghon na neih khop sawm uh
ahih man in Zampi SDA Conference thu neite in Circle Leader Kap Do Thang
tawh kimuh khop phot ding gelna nei uh hi cih thu kiza hi.

MYO THIT SDA CONFERENCE TEN Biak Inn Nei Ta
Kawlpi Myothit SDA Conference ten a biakinn thak khat lei khin uh a neu
lua deuh ahih man in pi (9) kak khat beh lap in let ta ma ten sepsan uh hi. Pawlpi
mite in Sunday ni sim in taangtha (vkyftm;ay;) den hi.

Ayethaya (Saihkhin) ten Biakinn neita
4.8.2010 Wednesday ni-in MUC- President, Vice President, Treasurer,
Kalay Circle Leader Pr Hmunling & Nu Vial Hau Ciin te Saihkhin khua-ah va pai-
in Saihkhin SDA Conference te kikhop nadingin teng 10 man innhoih mahmah
khat va lei sak uh hi cih thu kiza hi.

Pumkhat suahna nei:
2009 kum Zampi Adventists Seminary siapi tavuankhan Kaptel khua mi
s/m Dim Ngaih Khawm leh Zampi khua Pa Zaang Khan Thang tapa Zam Sian
Thang te-in 13.6.2010 ni-in pumkhat suahna nei cih thu kiza ahih manin zumpi
pan lungdam pihna lai kong gelh uh hi. Pawi tawh kituak in ki-let-that lai leh
pahtawina letphuaih (vufzGJY ) thupi tak piak ding hoih kisa mahmah hi.

Dahpihna
i. Laang zaang khua Tulai tak Elder Hang Do Thang i Pa Piang Za Kham in
10.5.2010 ni-in ong nusia cih thu kiza ahih manin Myanmar Union
Conference of Seventh-day Adventist te in kha lam ah et teh tak cing Pa
hioh khat i tan hi cih, dahpihna thu kong thei sak uh hi.
ii. Zampi khua ah ei SDA Conference sungah a muanhuai, acitak, etteh tak
cing Pa Zang Khan Thang in 4.6.2010 ni-in ong nusia hi cih thu kiza ahih
manin a pawlpi mite leh a innkuam pihte tawh a kibang in i dah khawm hi
cih lai-in i zumpi pan kong thei sak uh hi.
iii. KAS a sem Sia Cin Suan Mung (Sabbath School Director, MUC) leh S/m
Cing Dim Nuam-te ta Tg Hau Tung Khai (Kum 2) in 12.8.2010 ni-in ong
nusia ahih man in Dahpihna lai tawh i zumpi pan mipite kong theisak hi.

Kek in kha
Chianthagyi khua, Yaweh pawlpi, a Pa Pau Khat Suan anu Ning Khan
Niang, A pasal Pa Piang Khan Lian zi Nu, Cing Don Zam 28.7.2010 pm 5:30 lian
in, Chianthagyi & Sakhangyi khua kikal ah a buh suan laitak in kek kia in kha in
sih pah hi.
Khat zato kipuak pah a 31.7.2010 in Zato pan ciah ta hi. A dang 5 te Zato
puak kul lo cih thu kiza hi.

Kawl Mun Hoih Mah Mah Khat Bawl Sawm Uh.
2010 kum MMCC kum khat nate in MMCC huangah khol mun nuam mah
mah ahoih mah mah khat bawl ding a Sia Kham Sian Kim makai ding cih thu kiza
hi.

Sun leh Zan Mei pia
Langzang khua Hausa pa ten SDA Conference biakinn leh Sia inn ah
Pasian a itna leh a mi pih te ong itna in, man la hetlo-in mei ongpiakna kum 3 a
cing khin ci-in Nu Dim Sianu ong gen ahih manin Topa hoihna leh Hausa pa thu
khual nate zumpi pan pawlpi mite tungah kong theisak uh hi.

Ong Maisak un
A hun lap takin sumpi saziante ong hawm pahpah ding cih ngaihsut na om
hi napi tu ciang dong thu tuamtuam hangin ong zekai kha ahih man ong maisak
un.
Itna takpi tawh mun a tuamtuam a om a mi siangthote a hopih, Pasian
lenggah huan ah note tawh na semkhawm




Khup Ngaih Thang
Treasurer
Myanmar Union Conference of SDA
Head quarter Kalay, Myanmar
Ph: 073-22625; 0947072768