BMA AW An Official Organ of The Bangalore Mizo Association
Registered Under Societies Act of Karnataka No. BLU-S188-2007-08 Date 7 May 2007
Vol. XV Issue No. 32 Bangalore Mizo Association Pathianni Tin Chhuak Chanchinbu Date: 8 th November 2009 Phek Khatna
TUALCHHUNG
&& Tv. Samuel Lalrozama,
Secretary i/c Cultural pawh Nashik
leh Jaipur lamah te Martial Arts
lama seminar leh tournament te nei
turin 4th November khan a
zinchhuak.
&& Dr. Lalrinawmi Ralte, kan
Senior Adviser pawh Chiangmai,
Thailand lamah Climate change
chungchanga seminar te neiin a kal
a, Zirtawp zan khan tluang takin a
lo thleng leh.
&& Rev. C. Vanlaldika, Rev. H.
Lalthlamuana leh Rev. C.
Lalrochama te pawh, Hyderabad
Mizo te hnena Camping neia
rawngbawlna an han hmang chu
tluang tak leh hlim takin
Thawhtanni khan an lo thleng leh
ta. Mi 70 lai camping ah an lut.
Hun tluang tak leh hlim takin an
han hmang tih thu kan dawng.
&& Rev. Dr. F. Hrangkhuma
pawh Singapore lama Seminar neia
a han kal pawh tluang takin
Zirtawpni khan a lo thleng leh ta e.
&& BMA Directory 2009-2010:
Rs.60 in a lei theih reng e. Tin,
Membership form a la thehluh
theih reng. Chhinlung Magazine
pawh Rs.100 in lei tur a awm e,
chanloh palh pawh awm thei a ni e.
BMCF INKHAWM PROGRAMME
15th November 2009
Hruaitu: Rev. A. Vanlaldinpuia
Tantu: Tv. Lalhruaizela
Thawhlawm: Nl. Vanlalchhuani
Special Number:
Tv. B. Lalfakzuala
Thuhriltu: Rev. C. Lalrochama
Changvawn: Rom 2:6
‘Pathian chuan mitin an thil tih ang
zelin a relsak ang.’
Article
PI RII THU MIN CHAH KHA...
- Dr Mahminga Sailo
A letling a vuttui thlawr bel!!!
BMA Silver Jubilee lawmnaa kan khuallian Pu Lalthanhawla nupui
Pi Rii thusawi kha amah ka lo hriatchian lem loh avangin ka tum loh
thil a sawi daih pek a. Kei, thil hre tlem leh hawi zau lo tih takah kan
CM nupui nihna lah hre ta’ng e ti hek suh, ka lo hmu pangngai ve
tawp pek a. Mahse a thusawi a’n tan a, ka rinaiin hna a lo thawk nasa
daih mai a! Zuk leh hmuam chungchanga a ngaihdante, a phak ang
tawk a hma a lak dan chung chang a sawi chho a, a thusawi a
ngaihnawm ka ti phian. Hmeichhia leh uite an ti maw? tih article ka
ziah chungchang a ka thianpa in min comment-na ah Pi Rii hming lo
lang vei nen tlangnel takin a thusawi kan chhunzawm leh ngawt dawn
a nih hi.
Ngaihdan a phir chawk...
Leihringnun dan a ni tlat. Sawrkar inrelbawlnaah a khalh ngiltu
(opposition) an awm ang in (An awm chung paw’n kan ram hruaitute
dinhmun leh an nunphung chu kan hre vek a). Min siamtu Pathian
meuh pawh hnial leh tih mualpho tum char char tu diabola a awm
reng bawk a. Chuvangin, ka ngaihdan leh ka hriat ve chhun ka sawi hi
a pawmlo leh diklo ti a lo helh deuh in awm pawhin min ankhum kher
lo ula, tin a tha emaw a pawmawm emaw lo ti te pawh in mi fak kher
lah ka phut ngam hek lo.
Ni, zuk leh hmuam chungchangah hi chuan mi thenkhat ngaihdan ah
chuan midangte vei a; a thatlohzia leh tihloh a thatzia leh hlawkzia
sawi a in hrilh reng hi ninawm lamah pawh a kal thei a, tin a ngai em
em pawh an ti kher lo thei. Kawng leh lamah thenkhat erawh chuan
tih ngei ngei ngai leh, theihtawpa hun leh tha seng a buaipui tul ti an
awm bawk... a eng a pawh chu lo ni se...
‘Evangelist pakhat thusawi’ an ti…
Thusawi thiam tak, speaker atana an sawm tam ber pawl leh, a hman
hun remchang chang ran a kohhran pawhin Camping an buatsaih thin
in tihian a meizial zuk nghei/sim dan a sawi:
“Tumkhat chu Camping kan neihnaah ruihhlo, a bikin damdawi
ruih hmang leh zu ngawlveite hnena rawng ka bawl in, nghei an tum
chuan a harsat loh zia leh an thil tih chu tullo leh zahthlak a nih thu
elsen titih hian ka sawi pap pap a. Inkhawm ban a ni a, meizial duh mi
tih tak ah a ruk thei ang berin biakin hnunglam ka pan a, fawh ka
thlakhlelh em em meizial(cigarette) chu ka va fawp vang vang mai a.
Tin heti hi a ni a; ka councellor zing a pakhat damdawi ruih
hmang, mahse sim tawhin min lo hmu reng niin. Fiamthu ti tak deuh
hian, ‘Damdawi leh zu nghei a har loh thu i sawi i sawi a, nang pawh
meizial chu i thlah thei biklo chu a nih hi maw!’, min ti chu ka zak
lutuk a, chhan ngaihna pawh ka hrelo. Chu hun chu ka tan hun
chhinchhiahtlak: meizial ka nghei/sim hun a ni hial” a ti.
(phek hnihnaah chhunzawmna…)
Vol. XV Issue No. 32
Bangalore Mizo Association va awlsam
Editor
Mâdawnga Hauhnâr
Joint Editors
Samuel Lalrozâma Hmar
Sawmteii Khawlhring
Contributors
Hminga Pachuau
C. Zairemsiama
Circulation Managers
Isaac Beingachha
B. Lalthakimi
BMA AW lak man:
Thla khat - Rs.20
Thla thum - Rs.50
Thla ruk - Rs.90
Thla sawmpahnih - Rs.180
E-mail: bmanews@gmail.com
Website:
www.bangaloremizo.info
I mobile-ah khan JOIN BloreMizo tih
type la, 567678 ah thawn rawh.
Bangalore Mizote tana Hriattirna leh
thutharte ilo dawng thin dawn nia.
Editorial
Thusawi hi
Pathianni hmasa kan inkhawm
chu Sande Sikul Ni a nih angin
naupang Sande Sikul pualin hun
kan hmang a, inkhawm dan pawh
kan inkhawm hun hman thin dan
pangngai ai chuan a dang lam
deuh e. Ruahman lawkna ang phei
chuan hun hman theih nise, kan Zo
hnahthlak unau Inkhawmna hrang
neite lo tel tura sawm an ni a,
mahse naupang lamah hun an lo
hmang vaklo niin, an lo tel thei ta
lo a, a pawi khawp mai. Ka han
sawi duh tak zawk chu- kan
thuchah sawitu thusawi tha em em
mai leh thusawi hun chhung tawi
tak leh fiah tha deuh si kha a ni. A
ngaihnawm hle mai a, naupang
lam enkawl dan tur leh puitling
lam ten mawhphurhna kan neihna
lam a ni. A thusawiah khan keini
ang tan chuan thildang han belh
leh tur pawh a awm emaw ni le tih
tur a ni a, mahse a kim em em si a
ni. Kan inkhawm thusawi hi
khathiang ang zel kha ni thei ta se
chu a tha kher chuang lovang a,
mahse, thusawi rei deuh ai chuan
thusawi tawi, kim si hi chu a ngaihthlak a nawm mai bakah a thu
hriat aPathianni
bik em!
Tin Chhuak Chanchinbu Date: 8 th November 2009 Phek Hnihna
(article chhunzawmna)
Hei hi a dik, mahni fihlim hmasa lo a midang kan vei a kan sawi chiam
chiam hian mi dangte rilru kan tihnualin min tehna a dikloh phah hial
thin a ni. Insawisel mai loin, in dawm thiam ila a tha leh zual ang. Tin mi
tam tak chu ‘Laiking pawnpui tah tur’ an sawi ang deuhin tum hluai a
ziktluak leh mang siloin ‘Meizial nghei an sim’ zut chu a nih hi maw…
 Chuti chu...
‘Sim tur a va tam awm ve?’, kan ti mai thei. Nia, a ti tam na na na chuan
sim tur an ngah ting a ni mai a. Thenkhat in chhuanlamah doctor-te
damdawi chawh tiin Zu an sawi mawi a, ka sawisel thei lo.
Ama’rawhchu zu in thiam tak mi, a in thin leh in tawh te zawt ngat ila,
an kut zungtang an thliah kim pawh a rinawm kher lo. Mahse an duh a,
an sum a an lei a, an in a nih chuan ka sawisel thiang lo, tin ka sawi peih
heklo. Chutiang bawkin zuk leh hmuam chungchangah chuan ka sawisel
dawn lo a, mahse tilo thei a an awm erawh ka duhsak thung. Tin kan
taksa tan a tha lo na na na zuk leh hmuam hi Doctor ten damdawi atan an
chawh hi a rinawm silo a, a hria kan awm chuan i thawhkhawm hram
hram ang u hmiang, a hlimawm phian ka ring! Mahse mak ve deuh mai
pakhat chu pitar pakhat, kum 90 dawn a dam hnu paw’n meizial a vawi
hnih khat a fawh khan dam/harh deuh huaiin a inhre thung! A mak
hranpa ve mai mai, a zu tam pawh a ni chuang lem hlei lo a, mahse
intihharh nan meizial kha a hmang ve tlat.
Min kotu erawh a thianghlim..
Hei hi kan hriat reng a tul fo. Kan biak, kan zah leh engkim ti thei a
kan pawm kan LAL hi a thianghlim a, tin A mite pawh thianghlim turin
min duh. Isua a thawhlehni khan a tuamna puan kha phelh phengphung
in a kalsan miah lo, a inthlep fel thlapin a kalsan a ni tih kan hmu. Hei hi
entirna pakhat mai a ni. Kan theihchin a thianghlim leh nun zahawm kan
neih hi a tul takzet.
Naga vs Mizo
Pi Rii’n a sawi kha ka vawikhat hriatna bawk a ni leh pek. Kan nui
huk nangin a nihna tak ngaihtuah chuan a zahthlak, tin kan tunlai nun
changkang zelah a dik tawh pawhin a lang lo. Mahse thil pakhat ka tawn
ve ka sawi ang. 1st year B.V.Sc&AH ka zawm tirh a  kan North East
senior thenkhatin ‘Meizial i zu em?’, ‘Kuhva i ei em?’ ti a min zawh in,
ka tih ngailoh thu ka hrilh a. Fiamthuin ‘Mizo i ni na nge?’ min ti. Ngati
nge Mizo mipa nih vang a kuhva tal ei tur a hnamdang in min ngaihna
chhan?. Sawi ngailo in a lang chiang hle.
Fiamthuin nu pakhat pawh a cellphone-ah Bluetooth a awm leh awm
loh a thian te’n zawtin, ‘Thiani bluetooth i nei ve em?’ an ti a, Ani lah in
awlsam te in ‘Nei nang aw, Redtooth chiah ka nei a ti! A Kuhva ei nasa
lutuk a lo ni lek a...
Kan hriat leh kan sawi tam ber khawvel a record kan siamna pakhat
cancer vang a thi tam berna kan nih hi a zahthlak. Zuk leh hmuam vang a
ni vek kher lo, mahse a chhan tam zawk chu a ni tlat lawi si. Kan
Kristianna hian taksa leh thlarau leh kan khawsak phung ah hian faina
min siam se, piangthar tha leh thalo, mi invawng fel leh fello, mi fel leh
fello kan awm reng dawn, mahse hma kan sawn thei tih erawh hriat a tul.
Kan tan a thalo leh min ti chhe thei ban talh talh hi a nuam a ni thei,
mahse a nuam rei dawn lo. Chuvangin, kan inthunun theih chin chin ah
thianghlim leh fai, mite nun chawm a awm hi i zir ang u. Mi rilru tha leh
thianghlim chu an pawnlam nun leh khawsa zia pawh a thianghlimin an
nun hmuh a hahdam thin. ‘Mizo kan ni, kan hmel a tha, kan tum a sang
bawk si’ ti a kawng engkim a hma kan sawn zel a, kan taksa rilru leh khawsazia kan uluk a, felfai tak a kan
nun kan vawn hi a tul tak zet a ni.

Vol. XV Issue No. 32 Bangalore Mizo Association Pathianni Tin Chhuak Chanchinbu Date: 8 th November 2009 Phek Thumna
A lehlamah erawh chuan
(@)Facebook Game te hian a tibuai lo che maw?
Facebook hmang thin chuan Mafia Wars, FarmVille, Restaurant
City tih te hi kan hriat ngei a rinawm. Heng game te hian internet
a social networking lama hun hmang thin te chu a chiah hneh
viau mai a. Farmville ngat phei hi chu mi maktaduai 63 chuang
mahin an khel ani. Mahse, hetiang game khel thin thenkhat,
naupangte pawh telin, mobile phone hmang te phei chu Internet
Scam lamah a hruai lut hnem em em a ni tih hmuhchhuah a ni.
Engtin nge chutiang a lo nih theih? Farmville ilo join ta
a. Ranvulh leh thlai hmun siamna tur virtual firm i siam a, lei te
ilo let ta a. Pawisa tak tak nilo hlawh an lo pe ta che ani. MIZORAM CHANCHINTHAR
Hlawhtling tak leh rang taka thawhchhuah i duh chuan pawisa tak ## New Land Use Policy chu kalpui
tak (Paypal or credit card hmanga) pekin thlai chi te, tractor te, mek zel niin, chhungkaw 1,56,209
hmanrua tha tak tak te (mahse a lem vek) a neih theih a. Game dawn tura ruahmanna siam a ni. Hemi
site thenkhatah chuan offer pe thei an rawn inzuar teuh mai a, chungchang sawi hian Nilaini khan
pawisa tak tak hmang chuan internet-a game khelhna tur atan Congress Bhavan-ah MPCC leh
ringawt pawisa tak tak nilo leh hmanrua tak tak nilo (virtual), an ADCC-te’n extended meeting neiin,
pek theih avangin ilo pawm ta ani. Chutiang thil i va lei dawn inhrilhfiahna hun te pawh an hmang..
chuan i inziahluh a ngai a. I inziah luh dawn chuan thil
pahnih/khat i tih a ngai, chu chu Survey der (bogus survey) emaw ## Thlen man an pe lo. Tripura-a
IQ Test emaw i tih a ngai a. Chumi i tih zawh veleh chuan a Tuikuk raltlante Mizorama hruai kir an
result hriatna tur atan i cellphone number an rawn dil ta che a. I nih dan tur te ngaihtuah tura Aizawla lo
cellphone number i pek a; i password i siam veleh chuan an kal, Bru Coordination Committee-te
service i duh ngai reng reng loh tur, pawisa i chawina tur ni bawk chuan Ningani zing lam khan an
chu i subscribe a lo ni ta reng mai. thlenna Circuit House chu an thlenna
TrialPay a an general manager Will O’Brien chuan San man Rs. 2,580 pe loin an chhuahsan.
Francisco a chanchinbu pakhat Chronicles a hrilh dan chuan Tin, sawrkar leh Bru aiawha local te
‘hetiang pawisa tak tak nilo (virtual cash) siam nana mimal chuan heng Tuikuk raltlan te hi
inhriattirna an lak duhna tlangpui chu naupang lam hi an ni deuh November thla lai hawl vel hian
nghe nghe a, a chhan chu credit card an neilo tlangpuia mahse, an Mizorama hruai kir turin an rel a ni.
nu leh pa tena bill an peksak phone an nei tlangpui thung ani’ a ti. ## Prime Minister’s 15 Flagship
Facebook-in a hmangtute chu kum 13 an tling tur a ni ti mahse, programme (NRHM, SSA, NREGA,
Framville lam chuan naupang lam an en ran thung. etc.) hmalaknate bawhzui a nihdan leh,
Mafia War te pawh hi ilo khel a nih chuan… a tak takah mirethei chawikan nana Mizoram
chuan i khel a nilo a, a khel zawk che a ni tih te hi ilo hre ngai sawrkarin New Land Use Policy
em? A game siamtu Zynga company hi ilo tanpui char char tawh (NLUP) kalpui a tum dan zirchiang tura
mai thei e. Mizoram rawn tlawh, Multi-
Sawi tur a tam mai a. I fimkhur zel ang. Kan thil tih duh leh hun Disciplinary High Power Official
hman duhna te hian thilthalo lam min hruai thleng lo se a tha ber. Team, Planning Commission Adviser
(@)Zawhte in Swine flu a vei tlat mai. (NE) SN Brohmo Choudhury leh a hote
Nilaini khan Iowa Department of Public Health chuan ranvulh chuan Zirtawpni khan Lunglei leh
Zawhte kum 13 a upa chuan H1N1 flu a vei tih an sawi. Saiha an tlawh a, nimin Inrinni khan
Reiek tlawh leh tur an ni.
Zawhte hian he natna
hi a neitute hnen ## Aizawl khawpui chawm tura Tui
atangin a vei niin Thianghlim dah khawl sa paih ruah
Veterinarian te chuan leh vek a ni. Mi tu tih hriatloh ten Tui
an sawi. Ranvulh te in tur lakna Tlawng lui fintu Serlui chu
hian mihring natna tur hmanga nungchate an lo hrai
tlanglawn te hi an kai avangin, tui in tur dah khawl tawh sa te
vak lo a. Hei hian chu Thawhtanni khan paih ruah leh vek
H1N1 flu danglamna
a tilang hle a ni.
a ni. Hemi avang hian Aizawlah ni 2 chhung vel chu tui a harsat a nih tur thu NLUP Implementing
phah a ni. Board Chairman, Pu R. Selthuama
MLA chuan a sawi. (source:internet)
## Mizoram sorkarin mirethei khaichhuah nana a ruahman,
Date: 8 th November 2009
New LandVolUse
XV Issue No. 32 Bangalore Mizo Association Pathianni Tin Chhuak Chanchinbu
Policy (NLUP) a sem turah thingtlanga a dawngtu Phek Li na

kut hnathawktute hnenah chawfun man atan thlatin Rs. 500/- pek

INFIAMNA
## Boxing
November ni 7, tunkar Inrinni-a WBA heavyweight
lallukhum inchuhnaah David Haye chuan a aia
palian fe zawk, Nikolay Valuev chu knock-out ngei English Premier League point dinhmun:
a tum thu a sawi a. A sawi ang deuhin round 12 zet (as on 8th November 2009, 08:00am)
an khelh hnu chuan a hneh ta a ni. David Haye hi a Position Club Played GD Point
lawm hle a. A manager chuan ‘kan plan ang a ni a, 1 Chelsea 11 +20 27
mahse engemaw laia a han tlak hniam zeuh khan 2 Arsenal 11 +22 25
kan lo lungngai hman hle a, mahse title kan la hi a 3 Manchester United 11 +12 25
hlimawm a ni’ a ti. Valuev hian mi 51 a inhnekpui 4 Tottenham 12 +6 22
tawhah vawi khatmah ala tlu lova, hetihlai hian ft. 5 Aston Villa 12 +8 21
7-a sang hnek tluk tumtu, ft 6.3-a sang Haye tan 6 Manchester City 11 +7 20
hian chet ran a pawimawh hle dawn ani tih a hre ran
7 Liverpool 11 +9 18
a. British zinga World heavyweight champion
8 Sunderland 12 +1 17
hnuhnung ber, Lenox Lewis pawhin Haye chu
9 Stoke City 11 -2 16
thurawn a pe nghe nghe, Valuev hnehtu awmchhun,
10 Burnley 12 -10 16
Rulsan Charaev anga rang taka Valuev hi bei turin a
hrilh a ni. He mite inhnek hi boxing khawvelin a Zanin inkhel turte:
ngaihven hle. Haye hian £1million vel a siam ani. Hull City v Stoke City 06:30pm ESPN
## Tennis lama Sum la lut hnem West Ham Utd v Everton 08:25pm Star
Serena Williams-i'n tun season-a single lawmman a Chelsea v Man Utd 09:25pm ESPN
dawn zawng zawng belhkhawm chu $ 6,545,586 lai Wigan Athletic v Fulham 10:30pm Star (rec)
-

tlingin, season khat chhunga Tennis (Single) atanga
sum lalût hnem ber record a siam tih Women's
Tennis Association (WTA) chuan an sawi. Vawi 11
lai Grand Slam-a champion tawh leh World No. 1
Serena-i'n Tennis atanga a sum lakluh zawng zawng
belhkhawm chu $ maktaduai 30 a tling dawn ta a ni.
Kum 28-a upa, Serena Williams chuan, "Tunhnai
kum engemawti kalta atang khan hmeichhe tennis hi
nasa takin a thang a, lawmman an rawn tipung hi
kan that phah hle a ni," tiin a sawi a, Serena hian
Justine Henin-i'n kum 2007 season-a a lawmman
lak belhkhawm $ 5,429,586 hmanga record alo siam
chu a rawn khum a, hei bakah hian kumin kumtir
khan Tennis atanga $ Maktaduai 23 chuang la lûtin,
Tennis atanga sum la lut tam ber record, Lindsay
Davenport lo siam chu alo khum tawh a, hemi rual
hian hmeichhe infiammi te zinga mimala sum lalût
hnem ber record alo siam nghal bawk a ni.
## Under-19 AFC 2010 Qualification
Mizo player thenkhat telna India team Under-19 te
chuan Saudi Arabia te chu 1-3 in an hneh lo. Tunah
hian Iraq lamah he tournament khel hian an la awm
a. India team te hian an khel tha viau a. Goal hmasa
phei
BMAchu India
Office team
Bearers te hian an ti lut hmasa zawk ani.
2009-2010:
President : Pi Lalrinpuii
General Secretary : Mâdawnga Hauhnâr
Treasurer : Blessy Sailo
Secretary i/c Games & Sports : Joel Murray
Secretary i/c Academic & Human Resources : Alan Lalhriatpuia
[&] Chelsea vs Manchester United. Chelsea team
atangin player pakhat Jose Bosingwa a inhliam
vangin a khel theilo anga. Ferdinand, Park leh Gary
Neville te pawh inhliam avangin Man United lamah
chuan an tel thei rih dawn lo, Berbatov leh Vidic
erawh chu an luh hmel a ni. Chelsea hi an chak
hmel deuh a. An home lama match 9 lai chu Carlo
Ancelotti hnuaiah hian an lo chak tawh a ni. Vawiin
hi Joe Cole-a kum 28 tlinna a ni nghe nghe. Internet
lama poll : Total votes – 27721 Chelsea chak ring – 48.3%,
Man United chak ring – 32.6%, Draw ring – 19.1%
[&] Robin van Persie, Dutch mi, Arsenal player
chu October thla atan khan ‘Player of the Month’
lawmman pek a ni. Kum 26 a upa niin, hetiang
lawmman hi vawi 2 a lakna a ni.
---------------------------------------------------------------
% Rinfela leh Rinhlui hi han dam deuh sela chu ka
inkhawm ve ziah tur a nia. Mahse, kan pa sermon
tum kha chuan ka rawn nalh ve tho tiraw Tha-i?
- Machhani, UTC
% Keipawh Mizoram lamah ka han in la fit zawk
teh ang… nakinah chun pasal te pawh kan nei ve
bawk em em ang chu mawle a. – Blessy
Vice President : Pu Josiah Lalchhanhima Ralte
Asst.Gen. Secretary : Pu Paul Lalchhanhima
Assistant Treasurer : Thaarie Hnamte
Secretary i/c Cultural : Samuel Lalrozama Hmar
% Chanchin danglam teh vak hi a awm lo a heti lam
atang chuan. – Hminga Pachuau

% Bawng kawchhung ka han suasam vel hi chu

thiam chu ka inti lo a, mahse a tui an ti thei khawp
mai a. – Vengnuam Sheriff