BMA AW An Official Organ of The Bangalore Mizo Association
Registered Under Societies Act of Karnataka No. BLU-S188-2007-08 Date 7 May 2007
Vol. XVI Issue No.40 Bangalore Mizo Association
KUM THAR CHIBAI ULE
Tleirawl leh Rawlthar... p-2
BMA Diary (Report) 2010 … p-3
Kumthar ah chuan… p-4
Fiamthlalang… p-4
Infiamna… p-4
…Fatuho PHOTOS tlem ☺
TUALCHHUNG
&& Nimin Inrinni (1st January
2011) khan BMCF chuan Kumthar
Ni lawmna programme a siam a,
ropui takin ruai tui tak nen lawm a
ni.
&& Bangalore-a Mizoram House
chu tunah hian la luah chiahloh a
nih avangin venhim leh luahlum ve
a ngai a. Tv. Samuel Buatsaiha chu
a awm ren rawn a, a zirna lamah a
hman tak loh avangin Dr. AIT a
Engineer zirlai pahnih Tv. Michael
Lalchhuanliana leh Tv. Laltholiana
Sailo te chuan venhim pahin
tlawmngaiin an riah chilh.
&& Kan member pahnih UVCE a
zirlai JC Rochangliana leh
Lalruatsanga te chu damlohna
avangin damdawiinah an awm a,
nimin khan an chhuak fel leh ta e.
&& Kan Patron Pu B.
Kapthuama chu a chhungte
damlohna avangin Mizoram lamah
nimin khan a chho.
BMCF INKHAWM
th
9 January 2011, 3:00pm
Hruaitu: Rev. C. Vanlaldika
Tantu: Tv. Zoramengmawia
Thawhlawm: Pi Singthangi
Special No.: Tv. Lalramthlirliana Chinzah
Thusawitu: Dr. Lalrinawmi Ralte
Changvawn: Sam 90:12
“Kan damchhung nite chhiar dan tur
min zirtir ang che, finna thinlung kan
neih phah hialna turin”
Pathianni Tin Chhuak Chanchinbu Date: 2nd January 2011 Phek Khatna
Article
Danglam Ngailo Pathian
- L.H. Rawsea
Hunbi hnuaia awm leh hunin a khuahkhirh tlat mihirngte hi danglam
thin mah ila, kan biak leh kan rin Lalpa chu danglam ve ngai lo. “Isua
Krista chu niminah nen, vawiinah nen, kumkhua pawhin a pangngaiin
a awm fo vang,” tiin Bible-in min hrilh a ni. Kan Pathian hi danglam
ve dawn lo va, hun leh nite hi danglam ve mah se a pangngai reng
dawn. A kutin lei hi a tivirin hun a siam a, zing, chhun zan, hapta,
thla kum a lo inher chhuak a. Chuti anga virtir zel chuan he lei hi a
orbit-ah sual hauh lova kaltirin Ni a heltir a, fur, thal, thlasik a lo
inher chhuak thin. Hunbi siamtu a ni. Kan Lalpa hi hunbi hnuaiah a
awm ve lo. A pangngai reng dawn a ni. Chu Pathian chu kan Pathian
hi a ni. A mite tana innghahna lungpui nghet chu a ni.
Pathian mizia nghet a nihzia kan hriat nawn fo theih nan thil pathum
chauh lo tar lang ila:
Pathian mizia a inthlak ve lo: Mihring hi chu kan chhehvel hian min
thunun tlat a; kan dinhmun hian min tuam hlawm tlat a. Kan chhehvel
boruak a danglamin kan danglam a. Dinhmun thara kan dinin kan
danglam mai thin. Kan Pathian erawh chutiang a ni ve lo. Ni leh thla
leh kum te hi ral mah sela, a danglam ve dawn lo.
A thil tihtheihna a danglam ve lo: Khawvelah hian lal tam tak an lo
piang tawh. Kan Pathian anga ropui leh thiltithei an lo la piang ngai
lo. Alexander Ropuia te, Rom lal Kaisara te, Napoleon-a, Hitler-a,
Mussolini, Sadam Hussein-a te hi – an ropui lai chuan ropui hle mah
se, an lalram a kumhlun lo va, an thiltihtheihna a ding reng lo.
Napoleon-a khan eng nge a sawi? “Isua chuan a thih hnuah ram a nei
zel a, kei erawh chu ka damlai la la pawhin ram ka nei lo,” a ti!
A hmangaihna a danglam ve lo: Mihring hmangaihna ang hi kan
Pathian hmangaihna hi ni ve ta sela, a buaithlak awm teh e! Mihring
hmangaihna hi a dik awm mah se – a der a awm thin. Hmangaihna
chu thuk ve hle mah se, dawngsawng thiam lo an awm thin. Mihring
hmangaihna chu dik tak pawh nise, a hmangaihtu nunin tawp chin a
nei tlat! Pathian hmangaihna erawh a kang ve ngai lo.
Johana 7: 37 chuan Kut tiak dawn ni, ni ropui berah chuan Isua a ding
a, a au va tih kan hmu a. Ni hnuhnung ber thlengin kan tan a ding a,
min la au a ni. “Tupawh a tui hal chuan ka hnenah lo kal sela in rawh
se,” tiin min la ko a ni. 2011 Pathianni hmasa berah hian kan Pathian
– a mi ziaah te, a thiltihtheihnaah te, a hmangaihnaah te danglam ve
ngai lo chu chibai i buk ang u.
*************************
 Vol. XVI Issue No.40 Bangalore Mizo Association
Editor
Mâdawnga Hauhnâr
Phone: +91 98865 27194
Joint Editors
Lalremruati Rokhum
Samuel Buatsaiha
Contributors
Nancy L. Sailo
Rev. LH Rawsea
Circulation Managers
Jenny Vanlalpari
Bethel Pautu
BMA AW lak man:
Thla khat - Rs.20
Thla thum - Rs.50
Thla ruk - Rs.90
Thla sawmpahnih - Rs.180
E-mail: bmanews@gmail.com
Website: www.bangaloremizo.info
I mobile-ah khan JOIN BloreMizo tih type
la, 567678 ah thawn rawh. Bangalore
Mizote tana Hriattirna leh thutharte ilo
dawng thin dawn nia.
Editorial
Tanrual leh Inpumkhat
BMA Aw pawh kan hruaitute leh
min laksaktute leh chhiartute a
zarah tluang takin a kal ve thei zel
a. Chhiartute leh min hlutsak tu
zawng zawngte chungah lawmthu
kan sawi a, Kum thar chibai kan
buk a che u.
Mizote hi a huhova khawsa chi kan
ni a (hun lokal zel turah chuan kan
ni kher lo mai thei e), chuvang
chuan kan thawhhona leh
tanrualna hi kan siamthat reng hi a
tul a ni. Kan awmkhawmnaa kan
hruaitute tha taka kan tawiawm leh
kan tanpui hi thil tul tak a ni a.
Hruaitute pawhin an thawhpuite
nena in ngaih tlang leh lungrual
taka kan ram leh hnam tan an
thawh hoa, ro an rel thin hi a tul
hle a ni. Roreltute pawhin tumah
duhsak bik neilo a ro kan rel hi a
va tul em! Thang thar te pawh mi
hman tlak ni tura chher chhoh zel
hi hruaitute tih tur tam tak zinga
thil pawimawh tak pakhat a ni. He
kum tharah hian rilru thar neiin,
awmdan leh ngaihtuahna thalo te
bansanin hmasawn zel i tum teh
ang u.
Pathianni Tin Chhuak Chanchinbu Date: 2nd January 2011 Phek Hnihna
Article
TLEIRAWL LEH RAWLTHAR: Postmodern Thlirna Atangin
- Chhurbura
Tleirawl leh Rawlthar chungchang hi Anthony Lalengliana, Ramthar
Veng hian hmun hnihah a chhuichhuahte a ziak a. A chhiar duh tan,
http://zawlbuk.net/index.php?phek=thuthar&pid=3&cid=0&nid=277
1 ah a hmuh theih e. Pakhat leh chu YMA Chanchinbu, 2009 kum
ami a ni a, eng veng chanchinbu nge tih ka hre mai thei tawh lo. Kum
lama upa tak takte zawt kualin engtin nge an hman thin tih zawn
chhuah a tum a, Mizoram chhim leh hmar, chhak leh thlanga upate,
kum 70 atanga 90 inkar vel a zawt niin a sawi. Chuta a hmuh chhuah
chu tleirawl hi mipa leh hmeichhia la nula-tlangval chiah si lo sawina
niin, rawlthar erawh chu mipa tan bika hman ani e a ti. Hmeichhe tan
tleirawl, mipa tan rawlthar tih hi tunhnaia chherchhuah chawp mai
niin a sawi bawk. Eng tak dik zawk ang maw?
Anthony hian kum 90 kal taa an hman dan hi upa tam takte hnen
atangin zawng chhuak mahse, chu an lo hman dan chu a dik tihna em
ni? A hma zawng khan engtin nge an hman min hrilh lova, chuvangin
tleirawl leh rawlthar chungchangah hian dik zawk sawi hi a har ka ti.
Hun kal tawha an hman thin dan hi a dik ber tiin han sawi dawn ila,
kum 90 liam ta thleng bak kha a chhui theih si lova. Historical
investigation neih dawn chuan primary source leh secondary source
hi an ngai pawimawh hle a, kum 90 laia upa tawhte hman dan hi
primary source anih theih laiin, he mi piah lam hi engtin nge kan tih
ang le? Pu ka nei a, ka puin pu a nei ve leh chhawng tih hi thil
chiangsa ani, proof zawnga chhui vak hi a atthlak hle. Mahse tleirawl
leh rawlthar hman dan chungchanga kum 90 vel kal taa an hman dan
chhuichhuah ringawt a, a dik zawk leh dik lo zawk lo sawi vak hi a
huai thlak ka ti. Heng kum 90 zeta upa tawhte hian kan pi leh pute
pawhin ‘tleirawl hi mipa leh hmeichhe tan thliar hrang lovin an
hmang thina, rawlthar erawh mipa tan bik an hmang thin e’ an tih
erawh chuan a la ngaihthiam theih viauin ka hria.
Tin, tleirawl leh rawlthar hi chutiang rengin lo hmang thin pawh nise,
a that lohna lai awm ve tlatin ka hria. Mipa leh hmeichhe tan tleirawl
hi hmang kawp mai ila, mipa tan bik rawlthar a la awm leh zel hi chu
a chuangtlai deuh lo maw? Chu ai chuan tuna kan hman dan,
hmeichhe tan tleirawl leh mipa tan rawlthar hi a tha mah mahin ka
hria. Mipa nih avanga kohna (term) pahnih awm bik hi a tul ka ti lem
lo. Hmeichhia aiah minu tih pawh hian thatna lai a nei. Hmeichhia
kan tih hian kan rilrua lo lang chu nep bik, chhawmdawl ngai reng,
duh duh huna thai leh vel mai mai tur ang hian kan ngai thin. Chu chu
anmahni hmeichhia ngei pawn an pawm niin a lang. Chuvangin
pipute pawhin ‘hmeichhia leh pal chhia chu thlak zung zung tur’ te an
lo ti nghe nghe anih kha. Tin, hmeichhia an nih avangin zan tlaia
chhuak lo turah te kan ngai. An dinhmun kan siam sak thin. A kohna
(term) piah lamah hian issue tam tak a awm ve tlat. Minu tih hi
hmeichhia tih ai chuan a oppressive term loh zawka, an tan zalenna
anih phah si bawk chuan dik leh dik lo lamah hian buai vak hi a tha
ber lem lo. Amaherawh chu inlehthalna ni lovin, intluktlanna ni zawk
zel se. (…contd next page)
 Vol. XVI Issue No.40 Bangalore Mizo Association Pathianni Tin Chhuak Chanchinbu Date: 2nd January 2011 Phek Thumna
Chutiang bawkin tleirawl tih hi mipa leh minu tan kan
hman kawpa, rawlthar hi mipa tan bik chauh hman hi
a fuh ber kher em? Tleirawl ah hian lungawi vek mai
ila a tawk mai lo maw? Kan thei lo ro ro anih chuan,
tleirawl minu tan, rawlthar mipa tan tia han then hran
hmak hi a fair ber zawk lo maw? A thu hrimin hetia
han then hran hian tu tan mah a na lo ve ve zawkin ka
hria. A dik leh dik lo ai mah chuan nun a kaihruai em
tih te hi chhut zawk thin ila, a tha zawkin ka ring. Sap
tawngah pawh ‘third world’ tih ai chuan ‘global south’
tih hi ngaihthlak a nuam fe mai! Kan tawng zawng
zawng hi tih danglam vek tur ka tihna a ni lo ania.
Entirnan, ‘cheraw’ hi ‘bamboo dance’ tia koh kher hi a
ngai lo. Cheraw tiin hnam dang karah pawh lam ila, an
culture leh tawng kan hmusit tihna ani lo. An rilru
pawh a nat phah chuangin ka ring lo. Tih danglam
pawi chi ania, chu tih laiin tleirawl leh rawlthar
chungchanga pawm tlak ber pawh chhuichhuah theih
loh laia, hman dan dik leh dik lo sawi vak hi a fin
thlak em? Kum 90 kal ta piah lama pipute hman dan
chhui chhuak thei kan awm chuan a lawmawm ang.
Chu pawh chuangtlai taka an lo hmang thin anih
chuan pawm tlak a niin ka hre chuang lo. (Sawi ve
tawh rawh u, sawi tur ka hre tawh lo; keyboard ka
dawm reng ringawt ☺).
---------------------------------------------------------------
Masi &
Kum
Thar a
Eitur tui
tak tak
min
siam-
saktu…
Fatute.
2011 HRUAI THLENGTU BMA LAMTLUANG
BMA News Network
• January 7: BMA Executive Committee
(Emergency) meeting neih a ni a, he meeting ah
hian Mizoram House neih kan dilna bawhzui
ngai thil ngaihtuah a ni.
• January 26: BMA Picnic chu Bits Club-ah neih
a ni a, naupangte nen mi 90 vel chu he Picnic hun
hlimawm hmang tur hian kan chhuak a.
• February 27: Executive Committee-in BMA
Inkaihhruaina Dan a ennawn.
• February 28: Nula Fel leh Tlangval Fel atan
B.C. Lalremmawii leh Laldinmawia te thlan a ni.
• March 20: Parting Social leh Annual General
Body Meeting, Rotary Club, Coles Park-ah neih
a ni a, 2010-11 atana hruaitu thlan nghal a ni.
• April 4: BMA OB charge inhlanna chu inkhawm
banah neih a ni.
• April 8: BMA din champha vawi 26-ah BMA
OB ten Pathian hnena lawmthu sawina neih
pahin Vice President Tv. Madawnga Hauhnar te
in ah zanriah an kil ho.
• May 31: L.A.D & Social Welfare Minister- Pu
P.C. Lalthanliana Bangalore lo zin chu B.M.A
hruaituten an lo kawm.
• June 24: BMA member Pi Seni, hun rei tak
natna khirh takin a tlakbuak avanga dam lo chuan
min boralsan. Pi Seni vuina inkhawm hi a tukah a
chenna in Kammanhalli-ah neih a ni a, Hosur
thlanmualah Rev. L.H. Rawsea’n a vui liam.
• July 2: BMA Book Project bawhzuiin Editorial
Board a vawi hnihna atan an thu a, a bu hming
atan Zoram Thar A Awm Thei Ang Em? tih an sa.
• August 7: Freshers’ Day chu Rotary Club, Frazer
Town-ah tluang tak leh hlim taka hman a ni.
• August 21: BMA Football Tournament tan a ni.
• August 27: Mizoram Chief Secretary Pu Vanhela
Pachuau chu Bangalore-a Mizoram House
chungchang ngaihtuahin a lo zin. A tukah kan
hruaitu thenkhatten State Guest House-ah
chhunchaw an kilpui.
• September 25: Vangpui Kut ni hmasa ber chu
127 AD Light Regiment Ground, Banaswadi-ah
hman tan a ni. Otober 2 khan UTC Campus-ah
khar a ni.
• December 9: Mizoram sawrkar aiawhin Pu Talo
Rosanga, Senior L.O., Kolkata Mizoram House
chu a lo kal a, Bangalore-a Mizoram House
chungchanga thil pawimawh thenkhat chin fel a
ni.
 Vol. XVI Issue No.40 Bangalore Mizo Association Pathianni Tin Chhuak Chanchinbu Date: 2nd January 2011 Phek Li na

Sakhua

Kum tharah chuan…

(Sam 27: 1-14; Mat. 33-37)
Kum a lo thar hian kum thar thutiam kan nei thin.
Kan thutiam kan hlen thin reng em aw? America
rama mite zinga 5% chuan an kum thar tiam thla
khat chhung atan an hlen thei a; 40% chuan kum
(contd…)Krismas leh Kum Thar fatute.
chanve chhung an hlen thei a; 19% chuan kum hnih
chhungin an hlen thei a ni. Kan ramah hian engtia ☺K☺ FIAMTHLALANG - Kimtea Pa
rei nge kum thar thutiam kan hlen thin le? Kum
Kan thuhriltu khan Vanram camera thatzia leh
tharah chuan heti ang hian ka awm ang:
an computer chakzia hi a sawi ve chiam a.
Enoka angin ni tinin Pathian, ka Pa vana mi nen Mihring thiltih zawng zawng hi Vanram camera
kan leng dun thin ang a; Abrahama angin Pathian chuan a lo click vek thu leh computer-a an store
chauh ka ring bur ang a, Joba angin hun harsa berah vek thu hi a sawi uar hle. Kimtea te thianho inti
pawh dawhthei takin ka tuar hram hram ang. Josefa computer zir, inti thiam ve tantirho hian an
angin tisa chakna sual ka tlansan daih zel ang a, dawng fuh phian a, an dawn dan erawh a ‘kawi-
Mosia angin rei lo te atana sual nawmna hlimpui ai sawi’ angreng phian a! An thianho an insawi
chuan Pathian mite nena tihduhdah tuar ka thlang phur a, thuhriltu chu an han pan a: “Ka pu, i tar
zawk ang a; Josua leh Kaleba angin rilru lama ve tawh si a, Vanram computer-ah i thiltih sual
hnualna leh zamna lam chu ka hnawl zel ang a, pawh a chuang hnem tawh awm tho si a, a
Gideona angin, ka lama tang chu tlemte mah nise delete dan i thiam awm si lo va, delete ngai i tih
hma lam panin ka kal zel ang. Davida angin tlang apiang chu min lo hrilh la, kan delete sak vek
lamah, Lalpa min tanpuitu lam chu ka thlir reng ang ang che,” an ti a. Kan thuhriltu pa a mangang ta,
a; Jehosophata angin Lalpan chhandamna min a ngaihtuah vung vung a, “Naute u, khang ka
thawhsak tur lam ngawt chu ka thlir ang, Daniela uire te, ka zu in te, ka eiruk te kha chu computer
angin khawiah pawh nise Lalpa Patihan chauh chu lar hma a nia, Vanramah pawh an kawl kher lo
chibai ka buk ang. Andria angin Krista ke bulah mi vang,” a lo ti a. An thianho pawh chu an
dangte ka hruai thin ang a, Stephana angin min tih lungawi ve leh mai bawk. Kimtea te thianho la
nat tumte tan ngaihdamna ka dilsak thin ang a; atzia leh kan thuhriltu rilru chakzia ka ngaihtuah
Paula angin hnung lama thil awmte theihnghilhin hian ka nui deuh tet tet zel.
hma lama thil awmte chu ka um ang. (LH)
Mizo Upate Thurochhiah Thenkhat INFIAMNA
English Premier League:
%Thenawmte do aiin Khaw sarih do a
Zanina Inkhel turte:
thlanawm zawk. Mizote chu thenawmte nen
Chelsea vs Aston Villa 06:55pm ESPN
pawha chhungkhat ang maia khawsa thin an ni.
Wigan Athletic vs New Castle 09:25pm ESPN
Mahni ram chungchangah te, thil neih
English Premier League point dinhmun:
chungchangah te leh thildang dangah an inti
(as on 2nd January 2011, 08:00am)
thiamlo ngailo mai pawh niloin an in itsikin an Position Club Played GD Point
in thik ngai lo. 1 Manchester United 19 +23 41
2 Manchester City 21 +17 41
Bangalore Mizo 3 Arsenal 20 +20 39
4 Tottenham 20 +7 36
Birthday Chibai (3rd – 9th January 2011) 5 Chelsea 19 +18 34
3rd January: Pi Irene Malsawmtluangi 6 Sunderland 21 +2 30
5th January: Pu Zoramthanga, Tv. Vanlalawmpuia 7 Bolton 21 +5 29
8 Stoke City 20 +1 27
BMA Aw chhiartu zawng zawngte
9 Liverpool 19 -1 25
Kum Thar chibai ule!! 10 Blackpool 18 -4 25