rom: Kham Khen Pau <siakhen777@...

>
To: Suan Sawmnang <jsawmnang@...>
Sent: Tuesday, 16 October 2012, 5:27
Subject: Lai khakna

1. Dear Sia Sawm Nang,
Sia Mungno lai gelh tawh kisai in information nangah
nadingin anuai abangin ong khak ing. Direct in amah thuk
nai keng. Kei tawh direct in lai kikhak hinai lo deuh ka
himanun tua bangin khak lo hi zaw ing. ahi zongin kisam na
sak leh ong zasak kik in.
Topa in thupha ong pia ta hen!
Hong it,
Siakhen



Sia Mungno lai gelh No. 1 tawh kisai in Sia Mungno in a
gen nopteng Media zangin gengen dinga MUC zong Pasian
ompihna tawh a pai ngei-in paipai lel ding hi. Thukhen zum
in thukhen cih pen ama khen nop bangin akhen hi lela, man
hi/manlo hi cih ding kha thu-ah hamsa hi. Jesus zong
thukhen zum in alel sak hangin a biakna bei tuanlo-in pung
zaw hi. Biakna suahtakna pen Pasian ong piaksa om ahih
manin, kua mah ki thatang zawh zo nawnlo ding cih phawk
ciat ding thupi ding hi.

2. Sia Pau Khante Motaw cih tawh kisai: Kei UMM President
ka sep huna thupiang hi-a, kei theihna ciang hi bang hi:
Sia Pau Khante in sawm-akhat piak ding Tein 20 om in a
motor neu uh pia nuam cin Sia Lianpu in Yangoon pan UMM
Secretary Pr. LSMang tawh phone ah hopih ciangin, Pr. L.S.
Mang in a sumin deih zaw ung ci hi. Tua khitin kei tawh ki
ho ing. Ken bel no cih bangbang hi, no adingin a lem
penpen UMM in sang ding hi cin sia Lianpu tawh phone ah ki
ho ung. Tua khitin kei Yangoon ah Union EC tu dingin ka
pai ciangin, UMMte in adeih kei uh leh piakloh ding suakve
ci hi cin Yangoon pan kam kaza hi. Tua ciangin Sia Lianpu,
Chief Accountant of MYUM, tawh kiho pahin a motor in la
ding cih ka kip sak hi. Ahizongin a motaw pen Pa Tacii in
len-in zang ahih manin, aki-ap khit loh un ki pia thei
nailo ci hi. Aki-ap khit ciangin UMM aiawh in Motaw thei
pen Pr Suan sawlin, ki apna, le saanna, document ka bawl
sak pah hi: a motaw pen puah kisam ahih manin, Ygn ah
kipuah sak pah hi. UMM in Ks Tein 20 tangin a ngah ahi hi.
Cash tawh hilo ahih manin UMM in Non-Cash Tithe(for Ks
2,000,000=Two Million Kyats) cin Tithe in kisang hi.
Auditorte(Tin Win Lay) in Union ah Tithe pia un ci hi.
Non-Cash ahih manin Non-Cash Tithe in koih phot ung ka ci
hi. SSD Treasurer in zong ong donga, tua mah ka ci hi. Hi
bang dan nangah zelzel ngei uh hiam? Ong ci-a, hih pen
amasa pen hi ka ci hi. Tualeh cash na suah hun, zuak hun a
om ciangin Tithe na tuat leu cin ahi veh ong ci hi. (Kei
President sep khit pek ciangin sia Wesley Doe in tua
motoaw tung pan sawm-a khat Union ading in UMM Account pan
cut sak cih za ing).

Sia Pau Khante Toyota Corola Super Roof pen sawm-a khat
mah hi-a, donation hilo hi.

Sia Pau Khante in Motor 10 nei uh hiam cih tawh kisai in,
Isuzu, Jeep, Hilux hih teng nei ngei uh hi. Sawm aneih
manin tua adingin khat apia hi kei-in, Tithe apiak dinguh
Tein 20 om in, Sia Paupu a tuahsiat le gamdang atun khit
zong ahihmanin, a van-in apia uh hi zaw. Tua ciangin,
eimite ngaihsutna ah sawm-a khat cih pen she-sawm-suah-
sehkhat I ci hi. Tua in sum ahihleh sumtang she-sawm-a seh
khat, van ahih leh van 10 sungpan 1 dan-in ngaihsutna om
den hi. Sia Mungno in Sia Pau Khanten motaw 10 nei uh
hiam?. . . kici acih pen khasiatna le thangpaihna,
kisialhna in khatpeuh in ngaih sun kei henla, lungsim
picing takin a ngaihdam ding deih huai hi. Adongte in
akheldot ahih leh zong, kheldot ding zong hoih samlo-a, a
mau motaw a piakna a hang atel dinguh thupi hi.

Tua mortaw om kei leh, UMM in mortaw anei lo ding kim lai
cih tawh kisai in, UMM in Local Mission dangte bangin
Motor sawm masa lo dan hi zaw hi. Pr. Thangpu hun lai-in
Toyota Suny Pickupte khat lei dingin UMM EC ah officer-
te(Pr. Thangpu, Pr. Than Khum) in thu sung hi. Agenda pen
a nunung pen ah kikum se uh hi. Tua ma-a vai dangte kikup
lai-in sum omlo vive ci uh hi. Motaw vai kikup ciangin Ks
Tein 7 tawh lei ding ci uh hi(a sum pen Saw Memoty in a
kholsa ahi hi). Pr. V. Kip, MYUM Secretary in sum omlo
cici napi Motaw lei ding cihpen Logic om lo hi cin anial
ciangin, tua nialna pen Logic ong om ahih manin, motaw lei
ding vote ngamlo in ki khawl hi: tua pen officerte in
agenda masak ding nunun kha ahih mani hi-a, tua ban ah UMM
in motor pen first thing first in koih lo zaw ahih mani
hi. 1997 kum in Kalemyo ah Jeep hoih mahmah khat Ks
140,000 dingin kila hi. Officer thum kikup ciangin Pr.
LSMang in motaw neileng buai huai ci ahimanin, Pa Pum
Zalian in tan kik hi.(Tua Lai in Kale Cash Station bek ah
zong tua zah vaal tm zaw cash bel om sam hi). Ahizongin
sia Pau Khante in sawm-a khat dingin mortaw apiak ciangin
lungdam takin sang uha it mahmah uh hi. UMM Officer
khatin Toyota Super Roof zuak in Hilux lei leng mipi tampi
in zang thei ding cin ong hopih ngei hi. Ken avan in it
kahihmanin President hihna tawh phalna ka gen kei hi.
Toungngu pan Central Mission President Pr. Montana Pau in
amau Toyota Hilux tawh khek dingin a Hilux uh Maymyo dong
ong paipihto uha, ong kun ngei hangin kei hunsungin ka
phal kei hi.

Sia Pau Khante sawm-a khat dingin motaw apiak ciangin,
zum-ah motor om ahih manin, motor hawl sin ciat pah mah uh
hi. Tua ma-in zumah motaw hawlthei Pr. Suan le Sia
Kheno(Gin Khen Kham) nih bek mah ahi hi. A sinteng lak ah
Sia Thang Lam Mung asiam pen ahi hi. Motor neih ciangin a
hawltungte in kongkhak peuh phukha cih bang nengneng om
hi. Kamsiatna tawh Pr. Suan in Maymyo Sitpian(veteran
Asso) kipawlna line-car Toyota Super Roof tawh accident
tuakin aliau banah motor nakpi in kisia hi. Tua khit 2006
August in Sia Thang Lam Mung hawl hi-a, His-Paw lam-ah
accident tuakin Pyin Kyi Village, Pyin Oo Lwin Township
ateng Ko Tun Bo kici, Taungngute khat si hi. Motor nakpi-
in kisia-a apuahna zong tampi bei hi. Sia Lianpau-te tua
motaw tawh Maymyo-Mon Yua-Kalwmyo-Tiddim apai lai un,
motaw hoih lua in maunhuai ahih manin apai uh hilo-a, Sia
Pau Khante Tithe UMM motaw mipi in mu leh deih lua ahih
man a va lak nuam hi zaw hel zen sam hi:upna tawh apai uh
hi. Lampi ah set mitto den, a siat hunin a bawlsak ding
motor dang khatta tawh kituak lianlian thei dingin Pasian
in huh ahih manin a painopna uh atungthei uh hi.(Faith
rather than figure ka phawk hi).

3. Pr. Gin Lian Pau Tuiphum ding vai tawh kisai: Sia
Mungno in Church Policy omzia zui in a gen pen a hi ding
mah hi. Ahi zongin, tua hazaa lai gelh masate pen ahaza
mah ahi hi. SDA Upna neite sungah Tuiphumzia pen anuai-a
bang in kimu thei hi.

Administrative Point of View

A) Credential License neite in phum thei hi
B) Mission President in authorize Elder ordain ngahsa or
License minister in phum thei hi. Hih teng pen Policy
sunga tuiphumna hi. Sia Mungno gengen pen hite hi.


Theological and Missiological View Pan

Ka gelh theih zel mah bangin, Tuiphum dinga sawlna pen
Jesus piak hi. Matte 28:19-20. Tua sungah Note pai kawi
kawi unla, mi khampeuh nungzui suaksak un. Pa min Tapa
min, Khasaingtho min tawh na BAPTIZE(Tuiphum) un,. . . .
ci hi. Tua pen The Great Commission kici hi. Tua thu
Ellen G. White in the Desire of Ages(Khangcin Lungdeih)
sungah agenna ah, tua sawlna Commission( pai unla, nungzui
suak sak unla, Pa Min, Tapa min , Kha Siangtho min tawh
Baptize un kong piak thukhamte azuih nadingun hilhun)
sungah hiteng package khat in om hi. Tua Commission pen
nungzuite bek kipia hilo in, THU UM MI KHEMPEUH tunga
kipia hi ci hi. Gin Lian Pau zong thu um mi khat ahih nak
leh amatung ah tua Commission om hi cih kitel hi.

Historical View Pan

China ah SDA numeite zong in tuiphum uh hi. Amau omna gam
huam alen Northern Asia-Pacific Division in phalna le
license pia lo hi. Zong kham lo uh hi. (1992 kum August in
SDA Elderte in mi 2000 phum uha, nithum sikhop uh hi). Sia
Lian Pau in Ministerial Credential len nawnlo ahih leh SDA
organization-ii guaih Ministerial Worker hihna tawh
tuiphum hilo ding hi. Elder Ordination angah ngei leh
Elder hihna tawh tui phum thei hi. A kiphum dingte in
deihin alungkim nak leh a phum hangin mawhna omlo hi. Lian
Pau tuiphum ding thu kizak ciangin MYUM le USA kikaal
kizopna pan ong piang khia Okalahoma conference a
pastorate lai a hong om pan ahi hi. Tua vai ah tuiphumna
man hi/lo hi/ policy hi/hilo hi cih sangin buaina-ii
culprit pen laigelh a akhiate ahi hi.

Lian Pau in tua Tulsa khawmpi ah tuiphum leh akituiphumte
in gupna ngahlo ding hi cih lungsim tawh sincere takin (a
theihna zailo-a) lai gelh ahih leh tua theina uh neulai
cih ding hia, upna neu mi na mang un cih bangin man theih
ding thu hoih khat hi. Tua hilo-in lungsim sung a vom khat
nei ahih leh tua pen ahoihlo, amah le Pasian kikaal suak
ding hi.

Tua ahih manin Gin Lian Pau in tuiphum hileh, theological
in khial kici thei tuanlo hi. Organization sunga zatzia
dawl masa zui in bek hithei kei cih thu bek hi. China ate
zong nap hawk zel sam un cih kong hanthawm nuam hi. Ki
nial thamlo thukhat hangin van le lei vuikhu liangin
kinial hoih lo hi. Tua aciangciang lai kigelhte ah kikupna
sangin ki-elna pian vive tam zaw in ka mu hi. Lungsim pi
cing tak in muh siam kong hanthawn hi. Kalemyo-a lengkai
Sakolte mit pang kidalsak bangin kimle paam mutheilo
zahdingini om ding hoih ka sa kei hi.
4. Sanpya Clinic Vai: Pr. Thang Siangh President akah
ciangin Yagoon ah Project gelh zia ding Seminar khat SSD
in sam hi. Tua sungah Thailand Missionte gelh project dan
tampi copy ong keng to-a Kalemyo ah Pr. Kai Khan Khual le
Pr. Kham Khen Pau ong lak hi. Pr. Thang Siangin Clinic,
Chinswin gundung ading Mobile Clinic cihte geel hi. Tua
sungpan in Union in aphal Sanpya Clinic om hi. Amun ding
pen, tu-a Sanpya Clinic lui mun a innmun nei ten azuak uh
ahi hi. ZBAte hiam tawh akiho khin pian hinapi, SDAte
tungah ongzuak uh hi. Tua ciangin Sia Pau Khante tungpan
sum Ks 600,000 kizang phot hi. UMM in a leitang man
nungpiak hiam khat hi. Sia Pau Khante in UMM pia suak uh
hi cih bel thei kei ing. Sumlom zat nadingin pen Pr. Thang
Siang le Sia Pau Khante unauteng Mandalay ah innkuan khat
bangin aom uh ahihmanin, ki la ngam uh hi cih bel tel ing.

5. Sia Mungno leh Sia Gin Lian Pau vai tawh kisai:
Keitelna ah Sia Gin Lian Pau pen Enthusiastic and dynamic
hi. Mipi mai-ah accordion khawng tawh la a makaih ciang hu
nei mahmah vanglak hi. Ahi zongin ahibuatbuat khat hia,
thudam tawh zawt thei lo hi. Teddim AAS sang in Pr. Ba
Khin hun in tan sawm Day School ding ngah hi. 1990 kum in
tan 8 cviang bek hia, Sia Khaipu in siapi sem hi. Teinkaya
tan 10 hon dingciangin Pr. Thang Siangh in AAS sangin
Teinkaya ah focus tam pia zaw hi. Tua ciangin siapi dingin
Sia Khaipu tualai kikoih hi. Tua ahihmanin, Anlangh sia
sem Sia Gin Lian Pau pen Tiddim AAS ah ki koih hi. Ong tun
cianin Anderson fun bulphuh a mipi kidon sum tawh kilam in
thatnih bek om hi. Tutpha, sabuai omlo in takpek khung in
sangnaupang sabuai in zang uh hi. Amah ong tun ciangin,
Tan 10 hong nuamin kipei hi. Hih thei omlo in Tiddim
worker innsungah thuka ngen uh hi. Pasian in ong awi leh
sia le sangnaupan ong puak hen ci in ka to uh hi.


Sia dingin kumpi sungah BA angah Saw Jonah(sia Chan Kung
tapa) Pha-An pan, le Sia Livingston, Sia Toe Bua tapa,
Irrawady section pan nih le khuatual pan kaihkhop acingin
in ki ngah hi. Sang naupang dingin akumc ing a hitheipian
dingte tan 9 le 10 ding in kikoihto hi.

Pr. Sidny Gyi, Edu Director MYUM in August in initial
evaluation ong bawl a bang mah om lo hi. Ak khat kigawh
sunsun khanghamlua in asa minlo lai-a petzo lo lai hi.
Aciah ding ciangin Evaluation guide India pan-a khat ong
nusiat hi. Tua zui in akisam Laibu, bizu, tutphah, naipi,
laikhetna cihte Gin Lian Pau in anget kawikawi leh tampi
ngah hi. November kha ciangin Evaluationte( Pr. Do Hen
Pau, Pr. Tember Chit, le a group) in day school dingin Tan
10 kipsak uh hi.

Tua khit in UMM audit cin Sia Mungnote ong pai in, Gin
Lian Pau UMAS ah laivuan supervisor dingin apaikal hi-a
omlo ahih manin sit theilo uh hi. Tua kum khalciangin
audit dingin ongpai kik uh hi. Anitak an dingun Gin Lian
Pau in aksa kan le atuihuan bawl saka, sang Committee teng
tawh ne khawm ding in geel hi. Annekma in Committee teng
khawm in kikupna ah nasiapi takin auditor te in Gin Lian
Pau mawh sak uh hi. Amah zong agen theih ciang gen sam
napi, account bawlzia, properties ledger cihte neilo cin
mawhsak uh hi. Amah zong kun ngiungeu bek hi.(Tua bangte
pen guide apiak ding uh hi a, UMM sang hi khin ahihmanin
Accountant ding pen UMM in apiak ding hizaw kim lai) le
zum sungah hi dna hidan in na sem un cih guide ding hi lel
napi mipi mai ah kinak ko lua suak hi.

An nek ding ciangin Sakollam ah thukin khat nei pa king
cin Gin Lian Pau nuak tai hi. Sia Awn Za Tuang in kei
kiangah lawmte hizah ding sa leng Committee dan zong sap
huai kei ong cikhialkhial lai zaw hi.

1992 kum Pr. Sandy in UMM President ong sep ciangin Sia
Mungnote, sia Thanglam, sia Kappaute ong deihsakna mah
tawh Church Ministry Director in UMM ah ong koih uh
hi.1992 kum April kha in ka innkuan un Maymyo ka tung uh
hi. Tua laitak in Pr. Thang Siangh pen Yangon ah Church
Ministry Associate Director ding in kiseh a paisuk nalo
deuh uh hi. Nitak khat Sia Lianpu, Sia Mungno, Sia Thang
Siangh, Sia Gin Lian Pau,ten innka ah kihoho kimlai, Sia
Gin Lian Pau gum luateh cih thukhat tawh nasiapi takin sia
Mungnote in Pr. Thang Siangh mawhsakin ong ki nial gawp
mawk hi. Tua pen Tiddim-a a om lai in Sia Lian Pau in
pawlpi a makaih zia Upa Dam Khan Pau( Pa Pau) in deihlo
den hi. Tua vai le Pianno ngetna vai in Sia Dal Tawng le
Sia Lianpaute ong kitelkhial uha, Zo ngeina tawh Sia
Daltawngte inn ah kei makai in U No Bawi, U Thuam Mang, le
upa teng ka pain a uh zong kihel hi. Tedim AAS ang van vai
zong kihel gawp mang hi.Tua vai teng pen Maymyo ah na
kikhia den dan ahi hi.

Hih danteng a om ciangin, mimal in kitelkhialhna le
kimaisak zawhloh a om kha hiam aci ka hi hi. Kei
experience pan a observation ka bawl a hi hi.

Hih pen nang information na ngah na dinga kong khak hi in,
direct in sia Mungno tawh kidawng hilo ka hih man in ken
dawng leng kilawm kei zaw in um ing. Ahi zongin MUC tawh
direct in ong kisai ciangin, MUC aiawh in ka dawn hun ong
om sam ding hi.