Govt. Regd. No.

2172

Kipumkhatna in Gualzawhna hi. (Late 133)

21 March 2014 - Lom 4 na, Hawm 12na

Contact Address Halelujah Building Ph: 0933565003 Tat Oo 4/51, (Pinlong 8) Email: tuailai@gmail.com Yathana St., Kalaymyo Web.: www.zomiyouth.org

Pa_____________________ _____________________

Editorial

ZOMI LE SAISA

Tanglai i pu i pate'n Sai na thupi sak mahmah in ganhing lakah a golpen in ciamteh in Sai a man zote na minthangsak mahmah uh hi. A man zolote'n zong a aihzawh leh Sai man mahin kiminthang sak hi. A manpa in a aihzawh keileh a ai zopa pen minthangsak zaw uh hi. Tua hangin a kap lawibang thangzaw hiam aw, a ai lawibang thangzaw hiam? A kap in zu-le -a lawh ee, a ai lawi mah thangzaw na ci uh hi. A lamdang thu khatah a pumpi tungah a sate mun khat le mun khat a limna kibanglo na ci uh hi. Tua hangin i pu i pate'n kitot kiselna, kikhen kibalna, kithutuahlohna thu a na gen uh ciang "Saisa bangin" ci-in thu na genteh uh hi. Zomite mun-le-mual zui-in awsuah pau kilamdanna i nei hi. Pau kilamdanna hangin tuate pau tualamte i kici a, pawlpi a tuamtuam in i kisehsat mang lai hi. Tua hangin i lungsim i ngaihsut i deihna kituak theilo-in Saisa bang a i om khak pen a dahhuai le a ngaihsuthuai mahmah thu ahi hi. I pau i ham i mun i mual i biakna in i muhna hong kawciksak ahih manin khuamuzaw a pil a siamzawte muhna i sang pahpah nuam kei a, ei tumtakin lawi khekhap kuak sunga om Ukeng bangin i bualna tui a zai mahmah i sa khathei hi. Kikhen nuam in, midang i kisuahsaknop hangin unau sanggam vive i hi hi. Zomi hihna i pai i nial thei kei ding a, midang khatpeuh zong i pia thei kei ding hi. 1969 Mandalay University ka kah lai-in a kivaihawm khat ahi Common Language neihtheih nading lawmte pawlkhat hanciam mahmah ngei uh a, Salai le Mai hong at uh hi. Tai 9 pan kipan Tedim lamdung tengah zong Salai le Mai kisuanna Signboard hong om to hi. Hih laimalte Zomite pau le lai sungah ka za ngeikei a, koi pan hong piang cih tuni dong ka thei zo kei hi. Tuni ciangdong mah Zomi sungah Salai le Mai a zang i om nai kei hi. Signboard kisuangte damdam in hong bei toto a, zungthukkha zolo hi ding in ka um hi. Mittaw mi 7te'n Sai a zawt ciangin a mau zawt khakna bangbang min a vawh hangin Sai mah na hilel hi. Eizong bangbang in min tuamtuam i puaknop hang Zomi mah i hi hi. Mittawte kiminvawh sak nawnlo-in, sialkhau lensak nawn kei ni. Nasi nasa (DNA)na laih thei ngeikei ding hi. Saisa mun khat le mun khat a limna a kibat lohna pen a ma dan hi a, a kibatlohna teng tawh ganhing lamdang, ganhing manpha, ganhing minthang hong suak ahi hi. Ganhing khempeuh lakpan a manpha pen hapak zong nei hi. Ei Zomite zong mun-le-mual pau-le-ham pawlpi a tuamtuam i hih hang Zomi mah i hi veve a, Saisa bangin pumkhat sakhat i hi hi. Sai in ganhing khempeuh lakah a sang pen ahih mah bangin Zomite zong kipumkhat in i dinkhop leh minam lian, minam thupi i hi ding hi. Sai zong a mah bek lian theilo a, ganhing dang a om manin a lian thei ahi hi. Saipi in Kel mawl pihleh Kel in thuak zolo ding hi. "Hong ciah kikvaw Zomi" na mipih nasapihte in itna lianpi tawh Code No. 914ah haibang hong ngak ung. by: Pa Khan Do ( ) A 9 VEINA ZOFA-CUP 2014: A 9 veina ZOFACup 2014 pen thupi tak in kibawl sawm a, sum bei khempeuh (Sponsor) USA gam Kentucky State Zomi Innkuante in hong si ding hi. ZOFA-Advisor Rev. Pau Khan Khai Ph.D Sinna mun hi a, a ma deihsakna zong kihel ahih manin Sia Pau Khai le Kentucky State Zomi Innkuante tungah kilungdam mahmah hi cih i tangko khia hi. A 10 VEINA ZOFA-CUP 2015: Myanmar Christian Church Tulsa (USA) Pawlpi kemsia Rev. Kham Khan Khai in ZYA, ZOFA makaite Mar. 21, 2014 zingsang in ZYA Zumah kimuhkhopna hong neihpih in A 10 veina ZOFA Cup 2015 ko pawlpiin sum beiteng kong siding uh hi, a cih banah ZOFA makaite niangtui dawn nadingin Ks.100000/hong pia ahih manin makaite kinak lungdam mahmah hi. Zomi Pasian nasem khat in kimawlna thupi ahih lam hong pulak manin makaite kiangtang phadeuh hi. ZOFA PAN MI 2 KIPAISAK: ZOFA-Co-ordinator le Chin United F.C CEO Sia Do Khan Khup deihsakna le sapna tawh ZOFA-Cup 2013 panin mi 2 Tg. Pau Lam Mang (KBC) le Tg.Khup Len Tuang (TBC)te Yangon kipaisak a, cidam takin tungta cih thu kiza hi. A 2 VEINA GZA PAN TANGKONA: 1. Kum 2020 ciangin Zogam khuapi Tedimah Building (taihinn) thak 500 peuhmah lamding hi. 2. Kawlgam milip kisim hun main a munmun a om Zomite hong ciah nading un sam ding hi. 3. Kawlgam milip kisimna (Census) ciangin Zomi khempeuh khatzong kinusia loin Code-No. 914ci-in at tek ding hi. 4. Pilna lam kipattahna le kipanpihna dingin Education foundation fund nei-in a pil, sum le pai haksate Master tungsiah Scholarship pia in huh ding hi. 5. Kumsimin Nov. 28 ni pen GZA ni (GZA-Day) ciin ciamteh in thungetna nei ciat ding. 6. Hih kisimna (Census) hun sungin, Zomi Hausate, Pastorte le Zomi tangval kipumpiakin, a munmun ah encikin, huh in panpih ciat ding hi. CODE-NO. 914 VAI: Code No. 914-ah ciin at kimciat ding GZA pan thukimna kinei ahih manin Zomi kici khempeuh in, i makaite hong makaihna zuiciat ding hihang. Falam gam a, Ngawnte zong Zomi ah at nuam ung ci-in GZA-ZCC Tedimte vapai ding uh hi. Bualkhua a, Thaithul behte zong Zomi-ah at ding cih thu kiza hi.

GZA-ZOMI CENSUS COMMITTEE KIPHUAN: A 2 veina GZA thu pulakna om bangin Zogam sungah Zomite a kinusia om loin i kihuai kim ding deihna tawh Cikha, Tonzang, Tedim, Kalay, Tamu le Sagaing Khanglam tengah GZA-Zomi Census Committee kiphuan in, a munmun ah nasia takin Census vai genna leh Code-No. 914 at kimciat nading vai lianpen le vai thupi pen in kingaihsun in GZA-ZCCte man lah mahmah uh a, sum le pai bei khempeuh Singapore Zomi Innkuan, Malaysia Zomi Kipawlna, Leitungbup Zomi Innkuan, World Zomi Congress etc in si uh hi. GZA Khawmpi sungin, hih nasepna ading mimal tungah donna kinei-in sang 18 kim kingah hi. ZBA KHAWMPI A 52 VEINA: A 52 vei cin ZBA Khawmpi Tonzang ah Mar.7-9, 3014 sung kinei a, 2014-2015 sung panmunlen ding a nuai-a bangin teel in kipsak uh hi. Chairman- Rev. Cin Lian Thang,Chairman 1- Upa Gin Kap Thang, Chairman 2- Upa Lang Suan Thang, Sumkem- Upa Lian Dal, General Secretary- Rev. Mang Kap, Asso Secy- Rev. Pau Suan Thang, Mission Director- Rev. Thang Khan Khai,Youth Director- Pro. Gin Kap Hang, Women Secretary - S/m Niang Hau Cing KACHIN BAPTIST CONVENTION: Kum 4 ciangin khatvei kibawl Kachin Baptist Convention (K.B.C) a 37 veina Khawmpi March 28-30, 2014 sungteng Phakan township sungah kibawl dinga, panmunlen thak zong kiteelna om ding hi. Kawlgam milip kisimna tawh kituak ahih manin hih sung mahin mi kisimna zong kinei ding ci uh hi. MEISAP KHANG DING: Kawlgam sunga kizang Electric meisapte pen mai April 1, 2014 panin khangsak ta dingin Hlutdaw ah thukimna nei uh hi. Inn a kizang Unit 100 ciangte Unit khat Ks. 35/ - Unit 100-200 kikal Unit khat Ks. 40 Unit 200 tungsiah Unit khat Ks. 50 cih bangin kila ta ding ci uh hi. ZOMI AH TUIBANG KIGAWM NI: Beh le phung tawh kikhen nawn keini, Behkhat lopi khuakhat tuikhat ah i teng khawm hi, Khua le tui tawh kikhen nawn kei ni, Behkhat unau sanggam khat khuakhat tuikhatah i tengkhawm kei hi, Pau-le-ham tawh kikhen kei ni, Unau sangam khat i pau i ham Sisan tawh nasepna (Friday - Friday):
No. Date Sihawm/ Min ngen Sihawm Tg. Aung Khai Tun

(awkaih) kibang tuanlo hi. Tenna mun le gam tawh kikhen kei ni. Unau sanggamkhat khuakhat tuikhat ah i tengkhawm kei hi. Biakna, up-le-sanzia, paaiziate tawh kikhen nawn kei ni, Unau sunghta putu khatzong i upna i biak i paaizia kibanglo hi. I u-le-nau ciangbek huamsak kei ni, I biakna sandan ciangbek huamsak nawn kei ni, I khua i tui ciangbek huamsak kei ni. I pau (awkaih) kibatpih ciangbek huamsak nawn kei ni, Eite khempeuh tunsung khat piang unau laigui kizom Zomi hihang Zomi-ah tui bang kigawm ni. Khaitawng, Singapore ZOMITE THEIH DING THUPI: Voklak AG Pastor Sia Ngo Lamh Cinh le Thuklai Tuiphum Pastor Rev. Hang Khan Nang-te in Zomi tawh kisai nasepnaah ahih theih tawpun gensia-in hong langpan ban uah GZA pan Zomi bup thukimna ahi Code No. 914 ci-in at ding i cih pen Code No. 914 Zomi- ciin lai hawm ahih manun Zomi le Zomi ading nasepnate ah Zomi langpangte hi, ci-in i ciaptehna thu kong tangko khia uh hi. Note: Code No. 914
Zd k r D ;at leng gamdang mi suak ding cih a mikhem leh i Zomi nasepna hong langpang mi na theih uh a om leh Naypyitaw ah kikhia/heek nuam ahih manin a manlang theithei in GZA-ZCC Kalay ah nong zaksak nading un i kizasak hi. Ph: 0933565003/ 09400311770

LUNGDAMPIHNA: (1) ZBCM gambup in Zolai le minam khantoh nading ngaihsutna tawh tukum a kibawl "Gam mihoih le Gam hoih" laigelh kidemna ah ZYA News Agent (Kapteel) Rev. Song Sian Pau in a nihna hong ngah manin ZYA Weekly News pan lungdampihna i pulak hi. (2) ZYA Hlaitaya kipawlna-ah nopna, dahna a zat theih dingin sikkeu, annekkuang 200, kuang gol 80, sikkeupi 3, sumtangin Ks. 200000/- val man Pu Dal Za Cin in piakhia ahih manin ZYA Weekly News panin lungdampihna i pulak hi. Pu Dal Za Cin pen Kalaymyo le Mauhlen ah 1988 ciang thukhen mangpi sem hi.

ZOMI KA HI HI.
Kum 2014 Mipi kisimna (Census)teh Code No. 914- Zd k r D ; at ding GZA makaihna zuiciat ding Zomi langpangte zong thei khia ding
Natna Khuk liam Zato min Agape Zato

Biakna/Pawlpi/Khua Buddish, Kalay

Theih ding 4 vei hawpna 1 vei ngetna

1. 16-3-2014

Singen Tg. Khup Sian Muang SDA, Pyidawtha Myothit BC, Kalay Sihawm Pa Nang Sian Sang 2 17-3-2014 EF Church, Mawsi Singen Nu Dalpui Sihawm Lia Zen Ngaih Nuam Myothit BC, Kalay 3. 19-3-2014 Singen Lia Niang Ngaih Lun AG, Naphalong

Thabei Agape Zato 6 vei hawpna 1 vei ngetna Lung tang Wesley Zato 1 vei hawpna 4 vei ngetna

Motor le Oxygen tawh nasepna (Friday - Friday)

Date Motor 16-3-2014 19-3-2014 20-3-2014 Oxygen 15-3-2014 15-3-2014 18-3-2014 Min Nu Ning Hau Cing Biakna/Pawlpi/Khua PCM, Phai
Buddish/Cycle accident

Theih ding Sivui Zato puak Zato puak Bung 1 Bung 1 Bung 1

AdkvfBuD;wifxG#f

Pa Do Khan Mang Munlai BC/Cycle accident Tg. Kam Khan Khai St. Mary R.C, Kalay Pa Thang Khan Nang SDA, Tonzang Tg. Kam Za Kham R.C, Mualnuam