Weekly News

Lom 2, Hawm (65)

ZIM AWGING

Restoring Hope, Rebuilding Lives Pute Vak Hong Kipan Kik Ding

07/08/2011

6P Program tawh kisai theihsakna

6P program i cih pen ahuamin gen lehang Malaysia ah a lal gamdangmite (migrant) encingin koici bawl ding cih geelna (system) ahi hi. Hih 6P program in gambeelte hong sukha thei ding hi. Gambeelte hong hukbitna pan hong sukkhak loh nadingin UNHCR in Malaysia kumpi tawh vai khempeuh sem khawm ding uh hi. UNHCR in thu khat peuhpeuh hong zaksak masiah 6P program sungah i lut loh ding UNHCR kad tawi khempeuh hong theisak uh hi. Gambeelte tungah sum ngenin 6P Program ah i lut nadingin UNHCR in Companies leh agent te tungah vaipuak pialo ding hi. UNHCR in na a sep ciangin a khong (free) vive ahih hang ahi hi. Tua ahih manin companies le agent tungtawnin sum pia aa 6P Progam ah lut loh ding ahi hi. Agentte in 6P progam ah na lut nadingin min, omna, phone nambatte leh na thu khat peuhpeuh hong nget leh piakloh ding ahi hi. Hih vaitawh kisai-in a kitelcianin na theihbeh nop leh UNHCR phone nambatte +60163688 926, +6014 231 8622 ah kidong thei hi.

15.8.2011 Ciang RSC(OPE) Kidawp Thei

UNHCR in zum thak a lamna hangin RSC (OPE) interview ni ding tawmvei sung kidawpthei lo ding hi. A dawp nuam khempeuh in 15.08.2011 ni ciangin kidawp kik thei pan ding hi cih hong thei sak ungh.

Malaysia gam aa om gamdang nasemte suahtak (Amnesty) a piakna hangin KL khuapi sungah pute a vak muh ding haksa mahmah ta hi. Hih suahtak piak hun August 14, 2011 ciangin cingta ahih manin, pute vak hong kipan ding aa, Operasi hong vak dinguh ahih manin kidop siam ni. <<<Awging Lom 2, Hawm 63 na pan a zom>>> America Gam Ah U.S kumpite leh gam thuman vai vaante in gambeelte omna (tunna) ding tawh kisai-in na sem khawm uh hi. Gambeelten huhna a ngah theih nadingin kumpite in thukhun (law) leh lamlahna (guidelines) neih sak hi. Gam thumna vai vaante in gambeelten huhna a ngah nading sepsak uh hi. Gam thumna vai vaante pen biakna kipawlna, mimal kipawlna, state taangmi (state agency) leh minam kipawlna te hi thei uh hi. Pawl khat pen biakna kipawlna pan ahih hangin biakna nasepna ah na kihel kulpah ding cihna hi pah tuan samlo hi. Gam thumna vai vaante in zong gambeelte biakna kipawlna ah a lut ding hanthawn theilo uh hi. Na tunna ding khua ahih kei leh a khua kiangah zum leh zum nasemte nei ding uh hi. U le nau, naihuai na neih leh phone tawh hopih in. Na vai hong huh thei ding uh hi. Vai vaan pawl khatte in nang hong huh ding a kipumpiak taangmite (volunteers) nei thei uh hi. Nuntak Kipan (Getting Started) Na tun phetin gam thumna vai vaante in na om nading inn koihkholhsa-in na nei ding uh hi. Sauveipi na om theih nading ahih man bangin a kipumpiak taangmite, u le nau te tawh tawmvei sung omkhop pakna hotel zong hi thei hi. Hotel khawng ah hong koih leh taangmite in sauveipi na om theih nading a manlang theipen inn hong zonsak ding hi. Na tun khitteh gam thumna vai vaante in ni 30 sung na nuntak nading a bei khempeuh hong siksak ding hi. Pawl khat ten a bei ding teng hong piaksak pah thei hi. Pawl khat leuleu in na tanaute ahih kei leh nang tung ngiat ah sum na bei zah ding hong pia ding hi. Khuasak Kipan (Getting Settled) Na tun khit pan kipanin kha 3 sung dong gam thumna vai vaante in na khuasak zia ding hong hilh ding hi. Kiim leh paam, u le nau leh lawm le gual thakte lak ah na khuasak zia lam hong lakin hong huh ding uh hi. Hong huh theih dingte in:

66300 tawh SMS Khakin RST kisam

Na sepna ah phone tawi khak loh na hang, SIM card siatna, leh thu dang tuamtuam hangin zum panin interview ding hong kisap ciangin 35% kiim in phone sang man bek aa, interview ni ding a tamzaw a kipelh tohtoh na huhau-in zum pan phone number 66300 zangin SMS interview hong samsam ta uh hi. I phone sungah 66300 tawh lai hong tun leh i phiat khak loh nadingin kitheisak hang.

Mithak A Kila Tam?

Kihukbit nading bangmah tawilo-in Zomi tampi tak Malaysia ah i om aa, UNHCR zum panin minsanna hong neihbaih ding i ngaaklah mahmah ahi hi. Ahi zongin, vai tuamtuam hang tawh mai kum 2012 sung dongah mithak san nading tawh kisai hun sehna (schedule) dim khinta hi ci-uh ahih manin UNHCR kad (card) a tawi nailo Zomi khempeuh in, Malaysia gamah i om sungin mat leh hen i tuah khak loh nadingin pilvang takin om sawm ciat ni.

Sauveipi na om theih nading inn hong zonsak ding Inn sung vaanzat (furniture) leh niik ten puan silh hong zonsak ding Gam dang omsa na innkuanpih u le nau te tawh na omkhop theih nading hong geel sak ding Nasep na ngah theih nadingin a kisam ahi Social Security Card na ngah theih nading hong vaihawm sak ding Nasep hong zonsak ding Na tate sang hong aap (enroll) sak ding U.S ah sum tawh kisai (monetary) system hong hilh ding U.S ah khualzit zia hong hilh ding Zato na kilah theih nading leh cidamna tawh kisai a kisam dingte hong hilh ding Mikang lai sin nading hong zonsak ding U.S kastam (customs) leh thu khun (laws) hong sinsak ding Hong huh thei ding kipawlna tuamtuamte hong hilh ding Na tun zawh ni 90 sung huhna hong pia bek ding ahih manin hun na neih sung hoihtak na zatsiam ding thupi hi. Ni 90 a cin khitteh mimal kisapna leh taangmi kipawlnate tawh kizui-in huh piakna kilamdang hi. Taangmi dang khatpeuh tungah huhna hong ngen sak taangmi zong om thei hi. Gam thumna vai vaanten na bills leh leibat hong lohsak lo ding hi. Na zat khempeuh na piak zawh nadingin, na na sep kul hi. Taangmi kipawlna aa staff te tawh na sem khawm lecin na kisapna hong huh zo pen ding hi. Na na sep teh na utzia, na deihzia te gen siausiau-in la mi tawh kipawlkhop theih ding hanciam in. <<<Zop Lai Ding>>> Zomi Computer Center Sunway ah Kituah Ding Kha thum ciang (1) vei ta omna kituah kawikawi-in (Mobile) computer sinna i neih ahi, Zomi Computer Center pen a nunungpenin Jalan Choo Cheng Khay ah i nei hi. Tua panin pil sin sangnaupang 15 in gualzawhna laidalpi (certificate) July 29, 2011 ni-in Chinese Assembly Hall hong ngah theita uh hi. Basic IT Skills sang naupang 13 lak panin 6 te in Distinction tawh gualzawhna hong ngah uh hi. Tua lo sangnaupang 2 in Basic HTML gualzawhna hong la uh hi. Zomi naupangte computer hong siamna dingin ZIM Awging Lom 2, Hawm 65

hong pattah sak sya/nu te tungah lungdamna i pulaak hi. Mai ciangin Sunway Mentari Court ah kituah ta ding aa, a kiim a paam aa om Zomi computer sin nuam khempeuh in man olno tak tawh kisin theita ding hi. A lunglutte in Sya Cin Khan Tuang: 017-226 8654 leh Sya Na Nang: 016-996 0503 tungah min kiaap kholh theita hi. Hope Learning Center Pandan Jaya ah Rev. Hang Go Thang leh sya/nu pawl khat hanciamna tawh Zomi Christian Assembly, Pandan Jaya biakinn zangin pil sinna sang May 10, 2011 in kihong hi. Tu laitak sangnaupang 46 te in pilna sin ziahziah uh hi. A kiim a paam ah a om nu le pa te in i tate sang i khak nop leh kikha thei ding hi. Zolai, Mikang Lai, Mathematics, Science, Lai Siangtho, leh Music kihilh hi. No. 4-2A, Jalan Pandan 2/1 Pandan Jaya, KL 55100 Contact: Rev. Hang Go Thang (012-975 1440) Food Catering Zo Siang UNHCR zum huang sungah SPF te vaihawm siamna tawh Zomi Innkuan Malaysia (ZIM) in July 2011 kha bup sung tui leh an zuakna i nei hi. UNHCR zum ah interview aa pai Zomi a kua mapeuh in tha hong pia aa nong van zuakte nong leisakna hangun supna baina om hetlo-in i zo siangta aa, UNHCR-SPF leh tha hong pia khempeuh tungah lungdamna kong pulaak uh hi. Nasep!!! Nasep!!! Nasep!!! 1. T.Shirt Setzong ah numei 2 kisam Amun:- Port Klang Ahun:- nai 8 sung Nitha:- 30RM OT om Omnapia 2. Ansai ah pasal 2 kisam Amun:- Jalan Epoh, KL Ahun:- nai 12 Sung Khasum:- 850RM Omna pia/An pia 3. Condo Cleaner ah numei 10 kideih Khasum:- RM1000 Ahun :- nai 12 sung Omnapia Lungdam Kohna Pa Thangkhek in i mipih sapihte hong itna leh a khualna in ZIM Awging hawm nadingin A4 laidalpi card khat hong pia leuleu aa, lungdamna Awging tawh i pulaak hi. I biak vanglian Pasianin thupha hong ta hen. ZIM: 03-2141 2078, Email: zim.mly@gmail.com