THU TATUAM September 8, 2013 Weekly Siyin News

Malaysia Mithak Saanna Register Vai Abosa nipi sung sia Sep 2-7 dong Ipoh ah kipia in, Sep 9-15 dong sia Cameron Hightland ah piak sawm uh hi. September 9 Zomite teng bek hi in, September 10-11 namdangte September 12-15 kingawm Amun Our Lady of Mt. Carmel Cameron Hightland September 2 zingsang Zatawp tuh kikhaam hi ka leh, Biakinn huangsung, ahihun lam awl mawk ngawl tha dan hi. September 6 zingsang ciang, amin sazian sung kihel ngawl khat in amamin kihel cin theamsawm ahikom, UN officerte thin uk aa, nai 3 tukhawng nuak uh hi.(Ki cancel dektak) UNHCR in amate tung ah athengsa min sazian teng theampo sia UNHCR zumhpi pan hong sam tuh aa, azazen in, hong kisapna munh ih bosua leh :- Mobile Registration Hotline 012 6534 791 012 6534 826 (Nisim 8am 10pm) hun sung teng kipaupui thei hi. UNHCR Card Toai Ngawlte Lau Kul Ngawl Malaysia gambeal in adelte kumhpi sang panh amat nasia tatak in Tenaganita te in khaam in, Pathian hesuakna taw UNHCR -OPI unit panh thuthiamna/ vaihawm thiamna taw ACR, CRC, ZAM, etc... card toaite akiman om leh, OPI panh tanh tuh hi. Tua ahikom, ih kidop theiza kidawm in, ih vaaak ih cia tuh aa, UNHCR card ngaa ngawllaite zongh banghma lau kul nawn ngawl hi. Akimante Zongh Angam Ah Puaksiat Ngawl Nung nipipa kipanh nipizawk nizawk ningani dong mi 5,000 man in tua sung Bangaladeshte 444 kihel ci hi. Home Minister Ahmad Zahid Hamidi in "akimante avekpi angam uh ah puaksiat ngawl tuh hi", "6P hun lai in, registerte sia kingai sut sak tuh hi, banghang ziam ci leh, naseam tuh mihingtha zongh Malaysia in kisamh lai hi" ci hi.

w w w .t h u t a t u a m. n e t
Alianbel Meimual Kimu Geologist-te in, simlei pian zawk alianbel meimual khat, Japan ngam ii nisuana sang tulkhat aki khuala-na Pacific tuipi sung ah mu ua, amin "Tamu Massif" ci hi. William Sager akici pa in, kumh 20 sung hi hi meimual buai pui aa, tai 120,000 zai in tuipi tawdap panh leinuai pi 6,500 thuuksuk lai ci hi. Million 130-145 bangh upa zo aa, tuinuai ah optop in muang maw uh hi. Atel ngawllai uh thukhat sia, Meimual khat bek ziam? Tam tatak ma kingawm ziam ci sia tuni dong tel tatak ngawl lai uh hi. Malaysia Omte Permit Sit Tawng Malaysia om, suapuite in, permit nei ci'n lungmuang tak aa ih om ngawl tuh thupi hi. Tusung teng, permitnei akisa Kawlngammi tam tatak, Agentte theam hunlam phawk meal ngawl in, vaak vanguu cia vanguu aa, akisit tatak ciang matthuak honkhat ki om zo ahikom, Hi https://eservices.imi.gov.my/myimms/ enqApplSts website meak in, anuai lim bangh form fill-up vangiat leang permit nei le nei ngawl kitel tuh hi. Numei Khat Inntung Pan Leangsuk Kawlpi , Sanmyo ah, Aug 30 ni nitak 3:30 pawl in, numei AIDS vei khat inn tung panh leang suk aa, amale ama kithat hi. Store sai khat inntung panh aleang suk hi aa, amin sia Saw Iang 43 hi in, Store sai neite ii tanaute ci hi. Mithi taw kisai Tahan Palikbu, Myint Soe in, Act 19/2013 taw thuvawt in, athucing akat laitak ci hi.

Khangmoi Bel Vanleang Hawl Senngam ah He Yide@ Duoduo akici patang kumh 5 sia vanleang hawl thei-te sung panh ano bel ci'n Sen news sung kisua hi. Hebei province ah ni 20 sung sin aa, tua zawk ciang, ama ii in minit 35 sung hawl hi. ahui ah ama ahilpa zongh to in, km 30 sung hawl sak ci hi. Apa ii pattaa huu ahikom, mediate in apa sia "Eagle Dad" ci'n minpia hi. 1996 lai USA ngam ah Jessica Duroff akici kumh 7 patang khat sia "vanleang hawl sung panh khangmoi bel" ci min ngaa natuh in, ama asyapa le apataw cip suakkhial in thilaw hi. USA le Cuba Ngam Kilaklaw Tui Op US ngammi Diana Nyad kumh 64 in, tai 110 akikhua la Cuba ngam Havana panh USA, Florida nung nino ni panh nipi khuavakni dong, nai 53 sung tui-op in theng ci hi. Ngasa ngilo om ahikom, adalna ciang khat taw ama ahuu kipawlna te in, electric luang sak aa, hung uh hi. 1978 lai khat vei, 2011 ciang khat vei le 2012 ciang khat vei thum vei sinsen hanciam ngei aa, tutuung ciang azanmang taangtung suak hi. Nidang akhuala bel tuiop record sia AustralianBritish mi Penny Palfrey hi in, tai 70 akikhua Caribbean tuikulh ni kilaklaw nai 40 le minit 41 sung op hi. Mokkaih Huu Mawtaw Kitaih Anasia Bel Mangkang ngam Sheppy tuikulh leih tung ah nipizawk nilini zing nai 7:15 in, mawtaw 100 kiphucip in, Zato ah 33 kipuak in, Mi 8 sia nasia tatak in liam aa, 200 sia nasia liam lei ngawl ci hi. Mokkaai ahikom, hi bangh suakkhialna piang aa, Maangkang taangthu sung mokkaai huu mawtaw akiphutha sung ah tusia nasia bel ci hi. Kawlngammi Khat Malaysia Ah Kisuam Lumh Malaysia ngam Pandan Mewah, Muslim biakbuuk naina, hawkluam khat ah September 3, 2013 in, mithi uingim nam ahikom, palikte in a et leh, mithi khat kimu ci hi. Athipa ii pumpi tung naam taw 10 vei tungsia kiholna maa leh kawlngammi ahina laidalte pawlkhat kimu hi. Ama sia tuma ni 3 lai in, mihing pawlkhat ii suam lum hi tuh umh uh hi.

Thutatuam Media Thusinna September 2, 2013 in thutatuam panh vaihawmna taw media taw kisai thusinsakna MSCCF biakinn sung ah kinei in, mi 25 kihel thei hi. Sya Maung Nwe Myint (Kawlngam Journalistte Secretary) in, 1-News Zondan 2-Aatdan 3-Kaihkhopdan 4-Photo laak tuh dan le 5-Reporter khat ii nasepte hilna nei in, Tua zawk ciang, IT taw kisai, in Sya Thawng Pu (New Dream) in hilna hong nei hi. Hi programmee atuh huuna sia anuai ate ii huuna taw kivaihawm zo ahikom, thutatuam panh lungdamh thu ih ciamtee hi. 1. Sya Mung Khat -RM 20 (Thuklai) 2. Mary Huai (Canada)---- RM 100(Suangdaw 3. Pa Tuang Pu--------RM 50 (Suangdaw 4. Pa Suan Pau---------RM 10 (Dolluang) 5. Nu Ngiak Khan Dim-RM 10 (Limkhai) 6. Nu Mang Boih-------RM 5 (Limkhai) 7. Sm Shin Naung -------RM 10 (Kachin) 8. Sm Man Cing--RM 15 (Suangdaw) 9. Nu Suan Bawi---------RM 5 (Thuklai) 10. Dim Toih-----------RM 5 (Hiangzing) 11. Ciin----------------RM 5 (Hiangzing) 12. Pau Dal-----------RM 5 (Limkhai) 13. Nu Neam Pum-----RM 20 (Limkhai) 14. Mrs. Philip Khai-RM 20 (Limkhai) 15. Uap Mek Nu-RM 5 (Lophei) 16. Pa Thang Pui----RM 20 Hiangzing 17. Ngo Khai ------------RM 10 ( Limkhai) 18. Pa Thawng Pu------RM 5 (Limkhai) 19. Pa JM Khai No ----RM 20 (Thuklai) 20. E . Mang--------------RM 10 (Limkhai) 21. Dim Teuh ----------RM 10 (Limkhai) 22. Pa Pum Khual-----RM 10 (Voklaak) 23. Pa Lamh Nang-------RM 5 (Limkhai) 24. Khan No ----------RM 50 (Limkhai) Melbourne Sizaang Inn Kuan Melbourne om Sizaang mi te tha khat khat vei, ki mu khop na le thu ki kup na se 31 / 8 / 13 ( Sat) Ni Syama Neam te inn ah nuam tak nei thei hi. Naunei Lungdamh Puina Australia ngam Melbourne Khua a om Sizaang inn kuan pan Pa Sing Kho Hau le Nu Neam Vang Ciang ( LimKhai/ Tahan ) te tung pan ta numei meal hoi mama khat July 29 ni , cidam hong nei thei hi. A ma te se Ta pa 3 nei zo aa, tua a sia a 4 na Ta numei hong nei a hi man, ki lung dam pui tek mama hi.Nau Min se Thian Deih Cing ci min phuak hi.