WGING Weekly News

Lom 3, Hawm (11)

ZRC A

Restoring Hope, Rebuilding Lives

03/11/2013

ZRC Card Tawi UNHCR Pan Tau Ngah Khinte Ading In November 5, 2013 Ciang Gospel Hall Ah Pai Ding ZRC card tawi aa, UNHCR pan tau (khut bulh) ngah khin Zomi akua mapeuh in Gospel Hall ah November 5, 2013 ni in zingsang nai 6:00am maa in tun kim ciat ding kong zasak uh hi. Ani : November 5, 2013 Ahun : 6:00am maa in tun kim ciat ding (zakai leh cin UNHCR pan lut khuan ngah nawnlo ding hi.) Amun : Gospel Hall No. 3, Jalan Hang Jebat Kuala Lumpur (Zomi EBC te ii ki khopna mun) (Zomi Khuado bawlna nuai aa biakinn) (Chin Woo Stadium nuai) Thei Ding Thu Pawl Khat 1. Kawlgam pan Malaysia gam nong pai na hang ahi na taangthute lai dal khat ah na khut ngait tawh gilhsa in koih inla hong pua hamtang in. (Mang ngilh ngiat loh ding) 2. UNHCR pan hong piak ahi na khut ah aki vial na tau (khut bulh) pen laak khiat vet loh ding hi. Laak khiat sawm vet kei in. Na paipai na ah na puak ding hi. Na mang sak or na kiat suah zenzen leh na UN vai te hong nawng kai to zo ding hi. 3. Na taangthute hoih tak in ki gingsa in hongpai in. (e.g. Na Pa/Nu min, Na Min, Suahni Suahkha Kum, Pa/Nu/Nau/U/Zi/Ta te ii suah kum, etc. A thei beh nuam i om leh Zomi Refugee Committee ah phone tawh ahi zong ki tel dot thei ding hi.) 4. UNHCR pan hong piak tau (khut bulh) ngah nailo in ZIM card tawi ngei aa hih thu za kha vet keng aci peuh mah in Zomi Refugee Committee (ZRC) ah min sayin nong piak ding kong zasak uh phapha uh hi. RSC, DHS Leh IOM A Dawp Nuamte Ading RSC (OPE), DHS (Lawaka) leh IOM (sii sit) adawp nuamte in UNHCR zum dong pai kul nawnlo in phone (03-2141 5846) pan in olno tak-in ki dawp theita hi cih thu hoih kong theisak sawn uh hi.

RST phyi (interview) khin in RSC (OPE) ngak zawh kum 1 leh kha 2 tungsiah apha khin peuh mah in lai tawh Zomi Refugee Committee (ZRC) zum pan in zong ki kan thei hi. Ki-Dawm Ciat Ni Hih Registration tawh kisai Amun zat namun te pen Biak Inn huang sung vive ki zang a hih man in Zaa, Zaamuam, Kunzaa, Zuu cih te biak inn leh Pasian ii zahtak na tawh in zang kei ni.Vai tampi ong nawng kaisak thei hi. UNHCR Zum Ah Interview I Pai Ciang UNHCR zum ah Interview i pai ciang in counter pan in bang minam na hiam? ci in hong ki dong hamtang aa, tua hun ciang in Zomi i ci tek hi. Anihna in bang pau zang na hiam? ci in hong ki dot tak teh Zopau (Tedim) aci pawl ki om aa, tua hun ciang in Zo kamphen ding khat hong sawl uh hi. Tua hun ciang in ki buai thei zel hi. Tua ahih man in Bang minam na hiam? ci in hong ki dot ciang in Zomi mah ci in la, bang pau zang na hiam? cih hong ki dot teh Tedim, Siyin, Zo, etc ci zaw ni. Lungdam Pihna Zomi Refugee Committee (ZRC) ah Advisor (20112013), Zomi Refugee Student Organization (ZRSO) ah Executives Committee member (20122013) leh Hope Learning Centre sang ah Zomite ading bek mah in deihsakna tawh sang sya hong sep sak Sya Thang Khan Thawn (Sya Thawn) leh a innkuanpihten nung kha October 30, 2013 zingsang nai 5:00am in Australia gam nuam ah hong zuan santa ahih man in ki ZRC pan ki lungdam pih mahmah hi. Malaysia a om sung in Zomite ading mah deihsak in a sepna peuh ah Zomite ading in na sem mi hoih, mi ciim khat ahi hi. ZRC Card Aman Lang In Bawl Ding ACR card tawi Tedim akici khempeuh in Zomi Refugee Committee (ZRC) card a manlang theipen in nong bawlna ding in kong zasak uh hi. Adiakdiak in UNHCR card a tawi nailo ten nong bawlna ding kong zasak phapha uh hi.

In God We Trust

Vai thupi Mahmah A Om Kei Leh Vak Ki Dawm Ni!!! Tu laitak KL khuapi sung MYDIN kiim teng leh Maluri station, Pudu station, Selak Seletan Station cih te ah kimat /hen tampha deuh ahih manin ii vak leh zong tua mun te ah pelh ham tang ni. Deihlohpen in ki-mat natuak zenzen leh Zomi Refugee Committee (ZRC) card tawite ading in a) 012-653 4826 (Malay or English) b) 012-653 4791 (Malay or English) c) 017-307 8966 d) 03-9224 7283 ah nong zaksak hamtang ding ki sam hi. ZRC card tawite ading in UNHCR zumpi pan leh ZRC zum pan hong ki van ding hi. Ki-mat na tuak zenzen leh Na card tawi tung ah aki gelh na min mah pia hamtang in. 93 Visa Tawh Kisai 93 Visa tawh kisai in American Embassy pan hong kalh theih ahi Malaysia gam sung ah om mah hi cih theihpihna lai (Notary) la nuam aa, a la theilo ih om leh i Zomi zum ahi Zomi Refugee Committee (ZRC) zumpi ah nong kan nading un kong theisak uhhi. Bang Hang In Pute In Zomite Man Nuam Deuh Hiam? UNHCR card tawi nailo Zomi gambeel (refugee) te ading in Pute (Polis, CID, Immigration) ten mat theihna thu nei mah hi. Permit or UNHCR card neilo te pen Immigration te tawh ki sai zaw aa, polis leh CID (uniform silhlo)te tawh ki sai khollo zaw hi. Ahi zong bang in Polis leh CID (uniform silhlo) ten Mi nam dangte sang in Zomite man nuam deih hiam? i cih ciang in, UNHCR card ngah nailo kipawlna (community) card bek atawite in, ki mat sial in, sum tawh i ki tat pahpah lam uh hong theih ciang in, sum zong Polis/CID te in nam dangte sang in hong man nuam pha deuh in, zong hong ip lah pha deuh uh hi. Zomi Khempeuh In ZRC card Bawl Ding Zomi khempeuh in Zomi Refugee Committee (ZRC) card i bawl ciat ding kong zawn uh hi. Adiakdiak in UNHCR card tawi nailo Zomi akua ma peuh in Zomi Refugee Committee (ZRC) card bawl ciat ni. Zomi na hih man in Zomi Refugee Committee (ZRC) card abawl na hih masak ding thupi ding hi.

Nasep!! Nasep!! Nasep!!

1. KFC ah Pasal/Numei Ki Deih Hi Khasum : RM 1236 Ahun : Nai 10 sung (Sun/Zan) Amun Amun Amun Amun Amun Amun Amun Amun Amun Amun : KFC Pavilion Mimal 3 : KFC Pertama Complex Mimal 3 : KFC Bukit Bintang Mimal 3 : KFC Balakong Mimal 3 : KFC Tessco Puchong Mimal 3 : KFC Sungai Besi Mimal 3 : KFC Bukit Jalil Mimal 3 : KFC Bukit Kemuning Mimal 3 : KFC Enquine Park Mimal 3

: KFC Endah Parade Mimal 3 Min sayin November 6, 2013 a nunung pen in nong piak na ding un kong zasak uh hi. Hong pia khinsa ten zong nong hopih kik ding kong zasak uh hi. 2. Chok Fashion (Puan Sai) Amun : Time Square (Imbi) Ahun : 10:30am-9:30pm Khasum : RM 1100 Omna/An : Pialo Kal 1/1 vei off ZRC Awging adeih peuhmah in KL khua sung ahi Aung Nan Daw, Taung Za Lat, Khan Myint sai ah a mawkna in ki ngah hi. Tua bek thamlo in Zomi biakinn teng ah zong ki ngah hi. Email pan a deihten Zomi Refugee Committee (ZRC) zum or email pan hong zasak un. Facebook pan a en nuamten Zomi Refugee Committee (page) pan a link: (https://www.facebook.com/ZomRefugeeCommittee) pan ki en thei aa, Zomi Innkuan Malaysia, Leitungbup Zomi Innkuan, Zomi Time (facebookgroup) pan zong ki en thei hi. ZRC: 03-9224 7283, Email: zrcmly@gmail.com

ZRC Zum hon hun kihong den hi (10:00am-6:00pm)