sanskrit heart sutra // namaH sarvajJaaya //

evaM mayaa shrutaM /

ekasminsamaye bhagavaanraajagrihe viharati sma gridhrakuuTe parvate

mahataa bhikSusaMghena saardhaM mahataa ca bodhisattvasaMghena /

tena khalu samayena bhagavaabhiiraavasaMbodhaM naama samaadhiM samaapannaH /

tena ca samayenaaryaavalokiteshvaro bodhisattvo mahaasattvo

gaMbhiiraayaaM prajJaapaaramitaayaaM caryaaM caramaaNa evaM vyavalokayati sma /

paMca skaMdhaastaaMshca svabhaavashuunyaaM vyavalokayati /

athaayuSmaaJchaariputro buddhaanubhaavena

aaryaavalokiteshvaraM bodhisattvaM mahaasattvametadavocat /

yaH kashcitkulaputro gaMbhiiraayaaM prajJaapaaramitaayaaM

caryaaM cartukaamaH kathaM shikSitavyaH /

evamukta aaryaavalokiteshvaro bhodhisattvo mahaasattva

aayuSmaMtaM shaariputrametadavocat /

yaH kashcicchaiputra kulaputro vaa kuladuhitaa vaa

gaMbhiiraayaaM prajJaapaaramitaayaaM caryaaM cartukaamastenaivaM vyavalokayitavyaM /

paMca skaMdhaastaaMshca svabhaavashuunyaansamanupashyati sma /

ruupaM shuunyataa shuunyataiva ruupaM /

ruupaanna prithak shuunyataa shuunyataayaa na prithagruupaM yadruupaM

saa shuunyataa yaa shuunyataa tadruupaM /

evaM vedanaasaMjJaasaMskaaravijJaanaani ca shuunyataa /

evaM shaariputra sarvadharmaa shuunyataalakSaNaa

anutpannaa aniruddhaa amalaavimalaa anuunaa asaMpuurNaaH /

tasmaattarhi shaariputra shuunyataayaaM

na ruupaM na vedanaa na saMjJaa na saMskaaraa na vijJaanaM /

na cakSurna shrotraM na ghraaNaM na jihvaa na kaayo na mano

na ruupaM na shabdo na gaMdho na raso na spraSTavyaM na dharmaaH /

na cakSurdhaaturyaavanna manodhaaturna dharmadhaaturna manovijJaanadhaatuH //

na vidyaa naavidyaa na kSayo yaavanna jaraamaraNaM na jaraamaraNakSayaH /

na duHkhasamudayanirodhamargaa na jJaanaM na praaptirnaapraptiH /

tasmaacchaariputra apraaptitvena

bodhisattvaanaaM prajJaapaaramitaamaashritya viharati 'cittaavaraNaaH /

cittaavaraNanaastitvaadatrasto viparyaasaatikraaMto niSThanirvaaNaH /

tryadhvavyasthitaa sarvabuddhaaH prajJaapaaramitaamaashritya

anuttaraaM samyaksaMbodhimabhi saMbuddhaaH /

tasmaajjJaatavyaH prajJaapaaramitaa mahaamaMtro mahaavidyaamaMtro 'nuttaramaMtro

'samasamamaMtraH sarvaduHkhaprashamanamaMtraH satyamamithyatvaat

prajJaapaaramitaayaamukto maMtraH /

tadyathaa /

gate gate paaragate paarasaMgate bodhi svaahaa //

evaM shaariputra gaMbhiiraayaaM prajJaapaaramitaayaaM caryaayaaM shikSitavyaM bodhisattvena /

atha khalu bhagavaan tasmaatsamaadhervyutthaayaaryaavalokiteshvarasya

bodhisattvasya mahaasattvasya saadhukaaramadaat /

saadhu saadhu kulaputra evametatkulaputra /

evametadgaMbhiiraayaaM prajJaapaaramitaayaaM caryaaM cartavyaM yathaa tvayaa

nirdiSTamanumodyate sarvatathaagatairarhadbhiH samyaksaMbuddhaiH /

idamavocadbhagavaan aanaMdamanaa aayuSmaaJchaariputra aaryaavalokiteshvarashca

bodhisattvo mahaasattvaH saa ca sarvaavatii parSatsadevamaanuSaasuragaMdharvashca

loko bhagavato bhaaSitamabhyanaMdanniti /

prajJaapaaramitaahridayasuutraM samaaptaM //