THU TATUAM

, ,
www. t hut at uam. net
Kawlpi Ah Zatui Khaam Kiman
Kawlpi, Leipui
(Tat-oo-ti-dar)
veang ah Dec
18, 2013 nitak
11 pawl iin,
Kawlpi palikte
in, mawtaw
khat thungaa
khol in asit leh
mawtaw tung panh mikhat taai ahikom, ahawlnu
le nupi khat man in mawtaw tung panh
zatuikhaam Pseudoephedrine kawlsum teng-tul-le
zakua-le-kul manh zatui matsak hi.
Azatuikham sia tua veang sum Thang Suan Pau
inn pan apuak ci ahikom, Thang Suan Pau inn ah
delh pai in, Thang Suan Pau, Langh Suan Lian,
Sian Van Kham, Pau Gin Dal le Zam Khua
Thawn te mat thuak hi.
Hi zatuikhaam te sia, Aizawl sang panh Haimual
lam zui in, Daw Tin akicinu inn ah apai pui ci hi.

Daw Suh Kyi Vai
NLD chairman nu Daw Aung San Suh Kyi sia
January 6-10 sung Chin State sung haw tu hi.
Apeang Aziat le vei peangpi nguu te 2 sia, tawm
vave asung sang suai aa, alampai ciang, naa sa
ahikom Yangon Asia Royal Zatopi ah Dec 16,
2013 in , operation kivawt hi.

ABC GS Pa Khuasak Haw
American Baptist Churches, panh GS Rev. Roy
Medley, sia kawlngam hong thet sung nung nipi
Dec 13 ni in, Khuasak Tuiphum biakinnpi ah
Chin Baptist Convention, GS Rev.Dennis Ngun
Thawng Mang le Rev.Dr. Chum Awi te taw hong
haw in "The
First Church"
khansuang hon-
na hong nei sak
hi. Tuani ma in,
Pu Thuam Hang
le Pu Pausuan te
tuikiphumna ak-
awm lui zongh
pai suk hi.
Suutpom Card Piak 2013 Atuh Tawlnga
UNHCR te ii vaihawmna taw suutpom angen
kawlngami theampo (Kawlte,Myanmar mus-
lim,Rohinga le Rakhaingte kihel ngawl) 2/9/2013
pan 20/12/2013 dong tha 4 huam sung hong pia a,
Dec 20,2013 ni sia (2013 atuh) akhakbel ni hi.
Tuni tak nitak 5Pm pawl in tawlnga zo in, ACR
nuai om community 17 avekpi in hong piak sak hi.
Ahizong 2005-2009 dong hong laaksak ngawl hi.
2010 pan March 6,2013 dong zong thu tatuam
hang in avekpi 100% in hong piak sak zo ngawl
hi. Mara,Falam,Zo le Tedim teng sia mi 300 tek
bek hong piak sak zo hi.
Atung a, anga ngawl lai theampo sia sazian vawt
zawk ciang UNHCR ah hesauk ki ngen kik tu hi.
SOM pan zong 2005-2009 sung anga ngawl lai
teng, 2010-March 6,2013 anga ngawl lai teng sazi-
an vawt thiang zawk ciang kingen kik tu hi. 2009
ma hong theng sa ih heak peu ma SOM zum ah
hong za sak ham tang tawng.
March 6,2013 zawk hong theng teng zong March ,
2014 ciang sazian kipuak kik tu hi. Avek pi hong
pia bua zong minor (kum 18 nuai le kum 50 tung
sia teng)hong piak sak tu ki lamen hi.

Falam Ngaknu 2 Mawtaw Taw Kaanglumh
Malaysia ngam KL ah, Dec 17 zaan 12: 42 pawl
in, Falam ngaknu Es-
ther le Pi pi
(Khualui?) sia maw-
taw suakkhialna sung
kihel in thilaw ci hi.
Mawtaw hawlpa sia
mangkangte hi in, tua
nitak Philippine te 3
taw nitak dinner party nei zawk ciang, acia lam,
manlaang lei hi tuak aa, lampi laizang akikoi doi-
tuam uksuangte phutha in, amawtaw meikang ci
hi. Athite sung Esther sia se, mai nipi sung
ngamthumna peam tuh khat ci hi.

Sum Nem Tatak In Innsang Phone Sapna
Malaysia panh Hotlink (Maxis) phone line
azanghte ate atuh minit khat sap manh 0.38 cent
(pya) bekma tung sak hi. Sap tuh dan sia amasa in
132 mee masak kul tuh hi. Kawlpi ahi leh, 132-
0095-73-zawk ciang ih sap nopna nambat sia met
kul hi.zop tuh hi.
Malaysia Ah Pumkhat Suana Mopoai
Lia.Huai Thian Nuam(Siami)
le
Taang.Ngul Din Liana
te ii pumkhat suana sia
Malaysia KLBC ah
Tuni nitak 4:00-7:00 hunsung vawt sawm hi.
Lia Huai Thian Nuam sia Yangon Pa Thi-
an Khan Dal naupa Pa Khup Khan Tuang leh Nu
Lal Lian Engi te ii tanu hi.
Alawmpa Ngul din Liana sia Mizo suapuite hi.

Kawl Ngalkap Bu Khat Phalaak Nasep Seam
Mandalay, Meih-thi-lar ah ngalkap bu khat in, Dec
17 ni naam khat taw Innwa bank manager nu
naam taw ngat in, sum sut ahikom, matthuak hi.
Ama sia Wai Yan Myo Kyaw (26) hi in, Kanh-
balu 6006 Tank Infantry panh captain khat ci
NLD media sangte in son hi.

Tamu Sang Ngamngii Vai
Sak sang thunei India-te in, Tamu sang ah, ngii
keak ahikom, kumhpi thunei tetek kikupna nei zo
ahi hang, Mipi sang panh Indiate ii tat zia maan sa
ngawl ahikom, Pholaakna Yangon India embassy
mai leh Tamu ngamngii ah Dec 24, 2013 in nei
sawm hi.

Kawl-Indo Bawlung Poai Manhzawk Buai
Dec 16 nitak Kawl leh Indonesia bawlung poai ah
Kawlte ii nguallelh thangpai in, palikte mipi Yan-
gon Tuwana leentual puasang ah kibuai in,mi 9
man ahihang azing ciang thaa kik ci hi.
Thingangyun palikte ii kepna panh kisam in,
Kawlngam Bawlung Federation panh chairman U
Zawzaw in, Yangon ateangte mikhat ciang
kawlsum 50,000 le Mandalay sang panh apai mi-
khat sia teng khat pia in cia sak kik ci hi.

Tansawmte March Tha Sung Laihuan Tu
Kawlngam tansawm laihuan (2013-2014) tu te
mai kum March 12 ni ciang huan kipanh in,
March 22 ni man tuh ci hi. Tukumh sia Thuklai
panh ahuan tu saang patang 57 pha ci thu kiza hi.

Kawlte Sea Game
Kawlngam ah Asean ngam 10 teng ii kimaina
tatuam kidemna Seagame sia tuni man tu hi.
Thai ngam in Khamh medel 95, Kawlngam in 74
le Indonesia 67 taw athumna ngaa hi.

Kachin Ngam Ah Shan Taw Buaina
Kachin ngam Mansi ah, Shan mipi 400 bangh in,
Kachin hiam toai KIA te ii ngalkap tuh in
akaikhopte apusua tuh in ngen in, KIA te son
bangh hi le Kawl kumhpite ii heltuana cin son hi.
A Khut Tha Luk Bangh Apeang Ah Thuazi Tu
Senngam Hunan province ah, Xiao Wei 25 ii
ziat sang khut sia, nung november tha lai
suakkhial aa, zato ah ki aap pai ahihang, akhut chi
-ngui hat nawn ngawl in
bot sa hi.
Tua ahikom, tua akhut, aat
tan kik in, apeang chi-ngui
taw Dec 4, 203 ni apeang
chi-ngui taw kizomh sak
kik hi.
Apeang taw tha luk bangh
akizop sak zawk ciang,
apeang aa akithua phot akhut sia amuan huai leh,
at tan kik laleau tu a, abaan taw zomh kik tu hi.

India Le USA Ki Nuak
USA ah India embassy ii Indian deputy consul nu
Devyani Khobragade sia USA thukun paltan huu
in matthuak ahikom, India thuneite lungkim
ngawl hi.
Devyani Khobragade in inn naseam tuh in asap
numei khat ii visa seauna vai ah leilot thu zangh
in, atha sum zongh ciangtat thasum sang in tawm
zaw ahikom, hi bang in matthuak hi.
India te zong Devyani Khobragade matthuak
nathu lungkim ngawl in, India ngam USA embas-
sy zumh mai ah security tuh in akikoi uksuangte
zawthawk thu taw nipizawk ninii ni in khin sak
aa, USA pan atum tuh visa te pawlkhat phiat sak
kik siat ci hi.

Israel Ah Tuikhang
Israel ngam Gaza ah Dec 11 ni ngua ciing peuma
ahikom, tuikhang in, mi 5,000 sia a omna inn
anusiat kul ci hi. Tuikhang ahikom, mi 35,000 in
electrict mei ngaa ngawl aa, Gaza khuapi mi see-
thum-sua see-khat sia Jerusalem ah akikhiin kul
ci'n CTV news sung kisua hi.

Christian Hiamtoaite Buaina CAR Ngam
Central Africa Republic (CAR) ngam ah Tapidaw
le Muslimte buaina kizomh tato lai aa, mi 200,000
bangh sia suutpom (ngambeal) tuh zong hi.
CAR ngam mi
50% sia tapidaw hi in,
35% sia ngeina biakna
hi aa, 15% sia Muslim
ci hi. Muslim hiam
toaite sia Seleka kici
in, Tapidaw minpu
hiam toaite sia Anti-
Balaka kici hi.
Nidang in Pyint colo-
ny ahikom, Pyintit
ngam in lemtua laitak hi.