EDITORIAL BOARD

CHAMPHAI BETHEL BRANCH YMA CHANCHINBU PATHIANNI CHHUAK KUM 28-NA ISSUE NO 21.Dt.25.05.2014
MAI LENG AN UM NGAI LO
Bethel. |omir Thla Tahrik 25
h
(Pathianni) :
Kan Mizo thufing chuan Mai Leng an um ngai lo a ti
a, hmanlai chuan kawmthlang huan leh ram huanah te thlai
chi hrang hrang chingin huan ri vela an thlai chin chuan
thenawm ramte huanah va zam changte a nei fo a, chu chu
va umzui a, a rah leh hnah dang ang chite va lak zui a awm
ngai lo a, thenawmte huana awm chin chin chu an nei mai
turah an ngai thin a nih kha.
Hmasawnna leh changkanna a awm zel avanga kan tun
hun hman mekah hian Mai Leng hi um tur a ni kher tihna a
ni lo. Mizo mizona chu thuhran ni se, kan Kristianna nen
pawh va um zui hi a in mil lo a, a tha lo bawk.
Thenawmte chawhmeh in suah leh in pe thin khan tunah
chuan lei turin kan in hnawn chamchi tawh. Inhleh vak a
awm mang tawh lo. Khawimaw laiah te chuan a la awm tho
nachungin a tam tawh lo e.
Thlai kherah a ni lo a, khawsak phung kawng hrang
hrangah te a ni awm e, kan Pal ban phun dante i en ang,
thenawmten lawmna an tawnin Ka chauh kan lawmpui thin
em? A nin a neih chuan tih rilru thalo lam put mai te pawh
thil awl tak a ni. Min zirtirtuin thenawmte hmangaih turin
min hrilh a, chuvang chuan kan in hmangaih tur a ni. Khaw
sarih do aiin thenawm khawveng do a hrehawm zawk.
Editor : H.Lalduhawma
Ph. 8014787066
Joint Ed. : C.Laitanga
News Ed. : Remruatpuia
Vanlalhruaia
V.Lalremruata
T.Lalrintlaka
Thangdeihmanga
Int er net at anga c hhi ar duh t an www. byma.webs. com ah l eh www. f ac ebo ok . c om/ b y ma
KUMPUAN
Ram
leh
Hnam
Humhalh
VENGCHHUNG
Damlo
q Pi Lalnguri H/o Sangzawna, V-Sec.
chu damlohna avangin Champhai
Damdawi Inah enkawl mek a ni.
Pi Seni H/o Ramhersanga, N-Sec.
pawh damdawi Inah vek enkawl mek a ni.
Innei
q Pastor Tuangzapaua, K-Sec. leh
Liachinghuailuni, Bukphi r te chu ni
21(Nilaini) khan Bethel AG Kohhran Biak
Inah an innei.
Branch YMA pawhin lawmpuina
thuziak a pe.
Social Audit
q Ni 10(Thawhtanni) khan Chhura
Hmuna Hall- ah Ni za inhlawhna
chungchangah Social Audit neih a ni a,
hnathawhna tawhna thlir letna leh hmalak
dan turte sawi a ni. He hunah hian J ob Card
neitute an kal tha hle a, Deptt. lam atangin
J ob card enfiah nghal a ni.
Tui Laknaah Upa Pawl
q Bethel MUP Unit mi 40 te chuan ni
21(Nilini) khan Champhai tuilakna
hmunpui Greater Water Supply Scheme,
Tupui luiah kalin an en a, a kal ten manhla
an tiin nuam an ti tlang hle. Deptt. hotute
chungah pawh an lawm hle.
Miss Mizoram Thlannaah
q Kan hmalawka Miss Mizoram
thlanna neih turah Champhai aiawhin mi
pathum an kal a, hetah hian Chapchar
Kut Miss Zonunmawii D/o Lily Parmawii,
T-Sec. awh Champhai aiawhin turin a tel.
MHIP in Ngen
q VC remtihna angin Bethel Branch
MHIP chuan vengchhung mi tlawmngaite
hnenah an In sak mek tanpuina turin
tanpuina sum an rawn khawn hnai dawn
a, tlawmngai taka an ngenna tihhlawhtlin
sak turin an ngen a ni.
Fimkhur Rawh
q Tunlaiiin Zoram hmun hran hranah
hmeichhe naupang (kum 4 chin) hial pawh
pawngsul leh pawngsual tumna a thleng fo a,
hei vang hian a bikin hmeichhe naupang fa nei
chuan fimkhur i la, anmahni-a kal tir, awm tir leh
zanah phei chuan tirh loh ni se. Chhungkuaah
inhrilhriatna ngei pawh nei thin i la.
Tiger 5 Tournament
q Thla thar ni 7 atanga khian H.Kapthianga
& H.Vanlalfela Memorial Tiger 5 Tournament
Chhura Hmuna neih tura ruahman chu players
tel tum pawh tlai lamah practice an tam thin
hle. He Tournament hian thupui neiin Ruihhlo
laka fihlim tih a keng tel.
TUNK A R THUV A WN
A tak a tih hian hlimna a rawn thlen
fo lo. Mahse tihloh chuan hlimna a
awm lo
Mak i ti viau ang
Phek 2-na
Lawrkhawm / Tunlai
Bethel (Phek - 3-na)
Kumpuan Komiti
Kumpuan Sub-Komiti dinfel a ni
a, hun remchang hmasa berah komit
neiin hmalak dan tur an sawi hoa ang.
Chariman : Pu H.Lalduhawma
Vice Chairman : Pu C.Laitanga
Secy. : Pu C.Lalmuansanga
A.Secy. : Pu Zarzoliana
Members :
1. Pu F.Zirliana
2. Pu Lalsanglura Zote
3. Pu Remruatpuia
4. Pu Vanlalhruaia
5. Pu Lianlamthanga
6.Tv.Thangdeihmanga
7.Tv.Lalnunnema
8. Pu Lalramnghakhlela
YMA In (Kan IN)
Chhawng hnihna Slab chhung thei
turin thawh mek a ni a, Tanky awmna
chung zawn a ni. Tun dinhmunah sum
hmuh tur ang la hmuh loh avangin a ba
veka thawh rih a ni.
YMA Chanchinbu
CYMA Chanchinbu pawh a lo
thleng leh ta e. Agent ten an rawn dah
rulain a man chanve talin aw.
YMA DAY (Kan Ni)
Kumin YMA Day June ni 15 khi
Pathianni a ni a, Pathianni a nih avangin
Governor chuan a tuk thawtanni
chawlhah a puang dawn nia sawi a ni.
Branch YMA chuan engtia hman tur nge
a la rel ang.
Job Card Job Card
Deptt. lam atangi n hun
remchangah Job Card an check dawn a,
In khata Job Card nei double emaw, India
khua leh tui dik tak lo nei kan awm chuan
paih tur a ni a, hetiang kan awm anih
chuan Deptt. lam endik hmain VC hnenah
in hriattir tur a ni.
Tin, hmanni Social Audit neih-a Job
Card endik tir lo kan awm chuan a rang
lamin VCP emaw Pi Mary Lalnunpui (VLA)
hnenah kal vat tur a ni.
Inbual/Insu Suh
VC chuan vengchhung Tuikhur
tlan lai ah mi tupawh inbual leh i nsu
lo turin min ngen a ni.
UPC Revival
Zirtawp zan atang khan Bethel
UPC Kohhran Biak Inah Revival hman a
ni a, hetah hian Bethel , Hnahl an,
Champhai leh Khawbung S Bial atangin
he hun hi an hmang a, Bial 4-a Pastor ten
thusawina hun an nei thin.
|halai Sport
Nimin khan Bethel Branch KTP
chuan Chhura Hmun-ah grouo hrang
hrangte sport hmanga intihhlimna an nei.
Lucky Ticket an buatsaih Keyboard man
theihna pawh vawr nghal a ni.
Hetihlai hian Champhai Bial ZBC
thalai (ZBYF) chuan tun thla ni 30 atanga
thla thar ni 1 chhung khian Ngaizawl-ah
Champhai Bial Thalai Meet an hmang
dawn bawk. Indoor leh Outdoor hmangin
inelna an nei ang.
BYMA SEMTUTE
1.Zohma-i 2. Ruatkima & Puipuia 3. Samuela 4.Amuana 5.Kapbawiha
6. Malpuia & Samuela 7. Zualbawihi 8.Henry 9.PB
Thluak awm mai mai hi Setana hnathawhna hmun a ni
BETHEL BRANCH YMA CHANCHINBU PATHIANNI CHHUAK THLAKHAT-AH` 20/- PHEK -2 NA
YMA MOTTO :
1. Hunawl hman \hat
2. Kristian nun dan tha ngaihsan
3. Zofate hmasawnna ngaihtuah
.. .... ..... .... ..... .... ..... ..... .... ..... ..... .... ..... .... ..... ..... .... .?
YMA Meichher eng hnuaiah chanhai riangvaite hlim rawh se.
EDITORIAL
Thih Chhan.........!!!!!
Hello Hello........... Branch YMA
atangin vengchhung chhiattawh thu kan
han puang ang nge chumi khami chu tunmai
dar chuti zah khan Thawhah, Cancer, Acci-
dent etc. avangin a boral a, vengchhung
mipuite kan in hriattir a ni tiin vengchhunga
chhiattawk kan awm chuan information ah
kan puang dum dum thin a.
Engtik hunah pawh ni se
vengchhunga chhiat kan tawha an puan hi
chuan tunge tiin kan beng pawh kan tun
hlawm tlangpuiin chhiattawhna lam chu
kan pan ngahl sang sang thin. A dama leh
tanpui ngaite tanpui tura penchhuak chuan
kan tih tur tam tak kan ti nghal sang sang
a, mahni tih theih tawk ang te kan ti thin.
Nimahse helai karah hian thil pakhat
inthukru leh a tuartu tana dawnsawn
nuamlo thil a awm ve thei em aw a tih theih.
damlo pakhat chu Asthma avangin
khumbetin a lo awm reng a, helaia mi pakhat
Ashtma avanga boral Information atanga
an rawn au in Asthma natna avangin a
boral a tih damlo chuan a lo hre thin. Chutih
teh vutin danglaman thlen lo mahse kha
khumbeta damlo khan a natna avanga
midang boral an awm a hriat khan
beidawnna leh rilru nghawr nghing ve thei
dawt anih avangin kha natna avanga boral
a hriat chuan thil nuam a ni lo vang a,
engtikah nge ni, ti ve thei thut dinhmunah
ka ding reng a ni tih rilru pawh put mai a
awl awm mang nge.
Kan ram khawpui Aizawl kan thlir
chuan boral an awm hian Branch tam zawk
chuan THIH CHHAN hi an puang ngai ta
meuh lo a, a chhan ni bera lang pawh sawi
tawh angin damlo natna vei mek venthawn
nan tih a ni deuh ber.
Hei hi thil tha tak pawh a ni thei a,
lehlam zawng chuan eng natna-a boral nge
tih hriat loh chu mi tam tak ngaihdan te
pawh a ni ve thei bawk. Nimahse a dama te
chuan engvakmahah kan la lutuk lo pawh
a ni thei a, helaia damlo tan erawh
ngaihthlak nuamlo leh thil hriat nuamlo a
nihna chin a awm thei niin a lang.
Kan vengah pawh ti ngai i la tihna
lam ni lovin a tha zawk lo maw tih vang
chauh a ni a, Branch Executive Komiti te
pawh hian heti lam zawng hian kan
ngaihtuahna te in seng dawn teh ang. Thil
tha zawka kan hriat chu tih mai zel hi a fin
thlakna chin pawh a awm awm e.
MAK I TI VIAU IN KA RING!!
**********************************
Ka thiannu (Agriculturi st) Maharastra a awm mek chuan ti hian min
hri lh mauh mai a. "Ka thiante hian Google velah Mizoram chungchang
hi an lo en ve thin a, "Engtin nge Mizoram-ah hian ei in zawn a? Thar
chhuah, Produce leh Export hi in nei bawk si lova, thlai lah chu a thar
tlem ber pawl in ni bawk si a?" tiin min zawt thin a, chhan a harsa thei
khawp mai" a ti. Chu mi zulzui deuh chuan tlem constructive criticism ni
pah bawkin post hi han siam ve thuai mai teh ang.
Tripura Chief Minister, Manik Sarkar i va hmuh chuan, vai thuamhnaw
man tlawm tak nen In leh lo mawlmang takah, car pawh nei lovin a lo
khawsa a nga, "hepa chu a va nep hmel ve, communist pa leh nghal" i
ti a ni mai thei; mahse a hnathawh an lo kawh hmuh ang che, Tripura
chuan 100 Megawatt Hydro Electricity, an ram pumpui pawh in an hman
sen lo an lo nei si ang a, rubber plantation ropui tak an lo kawhhmuh
bawk ang che. MAK I TI VIAU ANG!!
Mizoram Chief Minister lo ni tawhte va hmu ve leh la, Coat Suit leh
necktie man to ber chi nen an l o in duang zaih thung ang a, in leh lo
ropui taka chengin; car ah pawh Honda City ai a hni am lovah VIP light
nen khawpui an lo fang thin ang. "Hei ngei hi a ni miropui chu, Kristian
pa nge nge chu tluk loh rim an nam" ti bik mai suh! An hnathawh an lo
entir ang che a nga. Kum 30 vel awrh kal ta kha Mizoram chu mahni
intodel h ram leh hnam kan l o ni tih thin thu leh tunah chuan kan Chief
Minister nilai mek meuh pawh i n KUT DAWH hnam kan nih zia a lo hri lh
tawh ang che. Electricity ah phei chuan Aizawl khawpui chawm zo pawh
kan nei h loh thu an lo hril h thung ang che. MAK I TI VIAU IN KA RING!!
Di scovery channel vel i thlir ve thin in ka ring. Construction lian
pui pui hna thawk lai pawh i hmuh ve thin ang. Mi ram Engi neer te hi chu
hnathawhna hmun-ah chuan Labour pangai nen I thliar hrang thei lo mai
thei. Safety helmet an khum a nga, Labourer te nen hna an lo thawk
lawp lawp thin ang, an bal in a pawr viau pawh a ni thei! Ngainep ngawt
suh. Anni chuan hna hi Office atang ringawt lovin a takin an thawk a.
Khawvel a Construction lian tham khawih tu Engineer te chu heng ho hi
an ni a, an hnathawh chuan kum tam tak daih thin a, a tlo hle zel a ni.
Mi zor am Engi neer te er awh chu Offi ce ah an l o thu ang. An
hnathawh chhuanawm ber ber te chu KAWNGPUI siam leh Quarter sak a
ni thung ang. Hnathawhna hmun-ah zuk kal la, labour hlir i hmu a nga; I
vanneih chuan Engi neer i zuk hmu tel mial mai thei! Vanneih a ngai a
nia. Engineer te chu an lo fai hle a ang, bal thianglo ang mai an ni ang.
Mahse an kawngpui siam chuan, Fur vawi 1 pawh a daih meuh lo a nga,
an In sak te chu a khi tem tuam ang. Mahse Engi neer-te chu an lo hausa
hl eang.
MAK I TI VE MEUH A NGEM O???
Hmanlai kan pi leh pu te kha mi taima, rinawm leh intodelh an ni tih
chu ka hre vek a. Mizoram a kan nei h loh CHI (Salt) pawh ramdang a mi
an la ang, mahse a thlawnin engmah neih an tum ngai lo. In pawh an
kal h ngai lova, thingfak a kawngkhar an do chuan an ngaihtha em em
mai a ni. Rukruk leh eiruk a awm ngai meuh lo a, hmeithai leh fahrah
khawsak harsa chu khawtlang in a khai chhuak thin a. Misual leh rukruk
hmang tan hmanlai Mizo Society-ah hmun a awm ngai lo a ni ber mai.
THIL MAK TAK A NI!!
Tunlai Computer age ah chuan Tala lian pui pui pawhin thla min
muan tawh meuh lova. Khawngtlang tan Volunterr in YMA leh JAC te'n
min veng a. Misual awm tha duh lo leh retheih luat vang a ruk ruk chi ng
te chu YMA leh JAC lamin an lo ven sak ang che. Hei hi chu thil mak a
ni lo. Mahse mak tak mai chu Neck tie leh Coat sui t ha te'n ruk an ru ta
mai hi a ni. YMA leh JAC lamin Kawngpui si am lai an veng i lo hmu ve
tawh ngai em? An sawi thawm tal i hriat tawh chuan heng NGO te hian an
ven ber chu Contractor ho hna chhe lutuk tur a ni thin. Heng contractor
leh PWD lam te hian mipui kawngtur hi a theih hram chuan a chhe thei
ang ber a siam an hnial lo aniang, ven an ngai ta tlat mai. MAK TAK A
NI!!
Korea leh ram changkang fai zia i hmu ngai em? A fai teh a sin. In
tih balh pawh tum viau mahl a thil harsa tak nii n a rin theih. Heng ho ram
hi a fai thut lem lova, a fai theih nan engkim a tha ber chi a thuam a ni a,
tha leh hun tam tak seng a din a ni a, vaivut khu l eng chum chum i hmu
ngai hauh lovang. An incheina a nalh in a changkang thin hl e.
K e i m a h n i
Tunlai chu BYMA chhungkaw lamah
naute thar nei hlim kan nih vang nge kan
buai ru tlat, nau ek suk ngai ti tuah hum
mai. Fel kan zir zel pawh a nia nge. Tuah
mai ah.
Hmun thenkhatah Chanchinbu man
lamah tan kan lak deuh a ngai a,
engemawni te te kan tuak ve a.
BETHEL BRANCH YMA CHANCHINBU PATHIANNI CHHUAK THLAKHAT- AH` 20/- PHEK-3 NA
B R A N C H D I N K U M 1 . 2 . 1 9 8 3 C H A N C H I N B U C H H U A H |A N K U M 1 9 8 6
Leader : C.Lalrawngbawla Lalmuanawma Zoherliana Hrangthanmawia
Asst. Leader : Lalhrima K Lalengkima Remruatpuia Zamsianpaua
Secretary : C.Lalmuansanga H.Vanlalpeka C.Laitanga B.Lalhmingliana
Asst.Secy. : Pc.Lalmuanpuia T.Lalnunzira Pc.Lalremruati Lalramthara
Treasurer : C.Lalhlimpuii Keneth Lalthanzaua Vanlalhruaia Lianlamthanga
Fin.Secy. : K.Lalengthanga C.Lalnunpuii C.Lalpekliana Thangdeihmanga
SECTION
HRUAITUTE
YMA chu \anpui nga i t e \anpui t u a ni .
Tunlai Bethel
Uum tunah zawng Tl ai
khawthim dawn ruaia kawngsir
thingkung atanga Thereng hram ri
chuah chuah leh khuangbai hram ri
hriattur tam chuan kan khaw awmdan
a hriulin leilung an mawi hneh hle.
Khawtlang ah hmasawnna hmel
hrang hrang hmuh tur a awm reng a,
kan kawngpui rulnganpa ang a luan
tle zar te, kopang lungrem intiangkhup
mai te hian kan khawtlang hruaitute
l eh kan sawrkar l am hotu te
thawhri mna a ti l ang a, kan
vengchhung hmel a ti mawi bawk....!
Kan veng lunlai Bethel kawnah
pawh mi chitin chitang hmasawnna
kawng zawh in an phu suau suau a ni
ber mai, chutih kar erawh chuan he
hmasawnna rahbi zawhtu tamtak
zingah i tello palh ang tih erawh a
hlauhawm khawp mai.
Tomir thla in a nihna a theihngilh
ta emaw tih mai tur in khua a ro in a la
khu khawp mai,kan hunbi neih te
pawh hian an hunbi ah an thiamthil an
rawn tilang ta meuh lo, ngaiteh..engtik
ni ah emaw chuan kan nin hluai tur
khawp in a rawn sur leh mahna....!
Vengchhung a tha lam zawng
zawng kan hauh thei bik lo a, chanchin
chhia pawh kan tawk leh thin. Ruihhlo
avangin kan hmingchhe leh chawk
thin. Hawh u, i sim daih ang u.
Thuamhnaw hian kan sik leh sa
awmdan a hril ber mai, kan thlasik
thawmhnaw te meuh pawh Thul
mawng ah dahtha in a hmei a pa, a
tar a zur in thlengin thawmhnaw pan
lampang leh kekawrbul kan uar tlang
a, a khel hmasa ang hrimin kan kal
bul suau suau mai a nih ber hi.....
Thalai inkhel ngaina leh en thin
te tan weekend ah a lunglenthlak duh
thin ngei mai, mahse Ual Kap pawh
kan hnaih sawt tawh alawm le..Taka
nizan ah khan foot ball ngaina te tan
chaw tui tak Portungal khawpui ah min
hlui tak kha maw, kan hmaih lemlo
turah ngai ila,...
Kawmthlang huana Theite han
seh thur sawk a tui a, Ha erawh tih
tim chang a nei ve chawk. Khanghu
in a vullai ni a rawn tawngchho mek
zel a, phuihnam, zikhlum te pawh hian
chaw ei dawhkan ah hmun pawimawh
an chang chho mek zel bawk. Ti leh
daih i la, tukin zet zawng Pathianni a
ni a, chawhmehin a zir turah ngai leh
ang, chawm bawk in hawp bawk ila ani
mai lawm ni. Byma chhiartu te chaw
ei tuiin ni hman nuam vek u han in ti
veleh thawng teh ang.
** Infiamna **
Tiger 5 Tournament
* Dt 7.6.2014 (Saturday) ah
Chhurahmun Tiger 5 tournament a vawi
6-na khelh leh tur ani a, Senior mai bakah
Under-14 pawh a awm tawh ang.
* Entry fee Senior tan Rs 500 leh
Security Rs 300 ani ang. Under 14 tan
entry fee Rs 100 leh security Rs 50 ani
ve bawk ang.
* Team 1-ah player 8 awm leh tur ani a,
substitute 3 a siam theih tawh ang. Hemi
bakah Player lakbelh duh an awm chuan
fee a awm leh ang, Player 2 bak lakbelh
theih ani lo thung ang. (Player 1 na man
Rs 200,player 2 na man Rs 300)
Under 14 tan Squad-ah player 8
awm tur ani bawk a,player lakbelh theih
ani tawh lo thung ang. Under-14 ah hian
kum 15 player 2 tel theih ani dawn ani.
* Team Jersey kan nei thei vek lo anih
pawhin,Jersey colour inang hak vek tur ani.
* He tournament hian school kal leh office
kal a tibuai dawn lova, Senior hi zing leh
tlaiah khelh thin ani anga, U-14 hi holiday
leh Saturdayah khelh tur ani ang.
* Tie draw Senior tan Dt 5.6.2014
(Thursday) dar 7:30ah TV Lalfakawma
(Asst.sec BSC) Bethel Veng te inah neih
tur ani a,team aiawhin mi 2 ai tlem lo kal
ngei ngei tur ani ang.
Under-14 tan Tie draw chu Dt
7.6.2014 zing dar 6:30ah Chhurahmunah
fieldah neih ani thung ang, player
checking neih nghal tur ani ang. Player
zawng zawng kalkhawm vek tur ani ang.
* Tie draw neih hunah team squad thehluh
vek bawk tur ani ang. Thehluh tawh hnuah
team squad tidaglam duh an awm cuan,senior
tan player 1 ah Rs 50 zel fine a ngai tawh
ang. U-14 tan Rs 10 ani thung ang.
* Entry fee leh Security pawh Tie draw
neih hma in pek vek tur ani ang. A hnu
lama pe chu, Rs 100 late fee a awm ang.
U-14 tan Rs 20.
* Mimal lawmman a awm tawh dawn bawk
a, senior tan Best player,top scorer mai
bakah best 5 player thlan chhuah anni ang.
U-14 tan Best Promising player,top
scorer leh Best keeper thlan ani bawk ang.
Hrechian belh duh nei te tan Ph no:
8414901812 ah emaw Facebook user tan
Chhurahmun Tiger5 group-ah zawhfiah
theih reng ani.
Deco Testimonial
Zanin hian football chawlhsan
ta Legend Deco testimonial match
khelh a ni dawn a. FC Porto 2004
team vs Barcelona 2006 te chu an
inkhel dawn.
Barca lamah Messi,Ronaldinho,
Xavi, Bommel te chu tel tur zinga sawi
a ni. Porto lamah Carvalho, Fereira,
Maniche te an khel ang.
Jose Mourinho an FC Porto a
kaihruai ang a, Frank Rijkaard an
Barcelona a kaihruai ang.
LAWRKHAWM
POPE in Israel Tlawh Dawn
Khawvela Kohhran pawl lian
bera sawi, Roman Catholic kohhran
hotu lu ber, a uar tak takte chuan Leia
Pathian aiawhtu an tih hial Pope
chuan May, ni 25-26 Sunday Monday
hian Ram thianghlim, Israel a tlawh
dawn a, Pope Francis zin tur hi Israel
sorkar chuan an inbuatsaih nasa em
em a, Police ringawt pawh 8,000 rual
an duty tir dawn.
N.KOREA LEH S.KOREA INKAP
South Korea-in nihnih kalta
khan North Korea lawngten tuipuia an
inrina an paltlang chuan kan kap tia
an lo puan tawh chu North Korea lam
chuan chhangletin an inkap a,
chhiatna emaw thi leh hliam emaw
an awm tarlan a ni lo. Anni ram
pahnih hi tawngka pawhin an inelsen
tawn tawn hle a, North Korea hruaitu-
in S Korea P.M chu nawhchizuar ang
mai a ni tia a sawi hnu-ah South
Korea lam hian North Korea chu a la
boral thuai dawn a ni tiin an chhanglet
ve thung a, tihian tuipui lamah pawh
an inkap chho ta zel a ni.
Hre Zau Leh Lawks Ang
** Thlalak a mit sen rum(rui mengsen ni
lo) hi a chhan chu camera flash in retina
a thisen zam a reflect vang a ni.
** Maimawm hian kum khat ah rannung
2000 chuang an ei thin.
** Computer hmasa ber aiin calculator
thenkhat kha an chak zawk.
** Sakawr te hian nikhat ah darkar 19
chhung thil ei nan an hmang.
** Taiwan official name chu Republic of
China a ni daih.
** New Mexico pawh hi USA ah a awm..
** Blue whale lei(tongue) hi sai puitling
aiin a rit zawk.
** Kaikuang te hi an piantirhin a pa
(male) vek an ni.
** Thehlei te hian tihpalh thilthu in thing
tamtak an phun thin. An thei phumruk
na an theihnghilh thin vangin.
** Khawvela maimawm te ber chu hriau
hmawr tiat lek.
** America President ropui Abraham
Lincoln khan lehkha pawimawh deuh
deuh te chu lukhum chhungah dahin a
khum hnan thin.
** Thla en that zan chuan chhimbuk hian
feet 150 a hla a sazu tlan a hmu thei.
** A tlangpuiin nikhat ah minute 30 vel
mit khap nan kan hmang thin.
Kan Insawn E Aw
Hmun hla-ah kan insawn lo a,
a hma-a kan awmna chungah mai
khan engthawl leh nuam zawkah
kan insawn e aw, min dawrtuten
min han duhsak chhunzawm zel u
la.
I sam meh duh dan ang erawh
chuan kan la met thei reng e.
Prop : Peka
BETHEL BRANCH YMA CHANCHINBU PATHIANNI CHHUAK THLAKHAT-AH` 20/- PHEK-2 NA
BYMA SHOTGUN
CHAWNGKHUM DAN TLANGHUAT LOH
(Thutak hla taka khukpui awih loh,
BYMA Shotgun a ni tlat mai lei le.)
BRANCH
SENIOR
ADVISER
Presi dent : K. Lal bi akhl i r a
Ph. 9615673359 / 8415810290
Vi ce Pr e. : C.Rohmi ngl i ana
Ph. 9862506083
Secretary : F. Lal hr i at pui a
Ph. 9862614280
Asst .Secy : H.Lal duhawma
Ph. 8014787066
Treasurer : Thangkunga Hual ngo
Ph. 9856556745
Fi n.Secy : Vanl al hr i at a
Ph. 8014534148
BRANCH HRUAITUTE 1. H.Lalmawia Ph.9612753844
2. C.Lalthantluanga Ph.9612341540
3. C.Roliana Ph.9615673361
YMA changrel a
sual
ngai lo
@ Tuntum Pavalai meet chu ka hlawhtling ngei
mai,sunday zingah ngei mai kuhva kan rui der
a kan mu tap mai a, kan pa thleng kan siltir
ngei bawk a.Kan mikhual te pawn min
ngaisang ru ngawt in ka ring.....(true story)
...Pi Engzuali V-Sec
@ Bethel Pavalai Pawlah chuan samsei pahnih
an awm, ka nu leh Pu T.Zaia.
..Tv.Ruata of Langsung, T-Sec.
@ Ute bike thar lawmnan tiin khalh kan zir ve
ngawt a, L.P.K nen kan in kan in chaltauh lo
chauh alawm le, chi loh ngei mai.....!
Pu Thangbawiha k-Sec
@ Aizawl atangin lamang ka rawn let leh ta e,
ka rawn slim haw khawp mai a duh piang tan
a ni mai aw....!
Nl Mami(dc road)T-Sec.
@ Tunlai chu in awm pawh a nuam leh ta lo
lung a leng leh der. Hringnun hi.
...Pu oh Tv Lawma T-Sec
@ Mi nun beidawng ka nih hi aw, engmah
pawsak ka nei lo nia, pawisa pawh ka nei lo.
...Tv Lawmawma N-Sec
@ Chawlh hmangin ka rawn haw lawk, min
han vawrh lar leh lawk teh u, full vacancy........
` ....Nl Rachela N-Sec
@ E.V.M zungzamin min la fan deuh a kawng
hmuh fiah pawh a har thin khawp mai, polling
officer emaw te ka inti leh thut zel.
..Pu Rozara(Azabi)N-Sec
@ Haleluiah thisen thisen tih hla satu hi in
hre ve hlawm em? Kei chu ka hrechiang teh a
nia aw..! (Uai... enge ni ta ang le)
.Nl Jenniferi T-Sec.
@ Tawng lama ei zawn tur chu nise ka hausa
ngawt ang, dang a nal ve par par bawk nen.
... Tv Lalzoa-TSec
@ Catch them young policy ka hmang chung
pawn hma sawnna ka nei thei tak tak chuang
lo hui ham..! Van hahthlak thin em.
.Nl Teremi N-Sec..,
@ Hnung lam atanga ka sam ringawt an hmuh
hi chuan khawilai Rock Band a tel ve emaw
min ti fo thin a nia..
...Tv Ruata(ruatkura) V-Sec..
@ Tunlai chu demand channel a zaithiam
pakhat model nen hian kan in haw lo riau mai,
Kawn velah hian a awm in ka hria a....
...Tv Muantea T-Sec..
Printed at CK Press, Vengthlang : Champhai, Copies 530
ENG NGE AN SAWI?
* In satu chuan a duh duh hlawhfa turin a ruai thei teh reng mai. Nimahse kan
duh duh kan ruaia kan chhawr erawh kan tan thil tha angin lang teh reng mahse
khawtlang, ram leh hnam tan erawh thil tha a ni kher lo. A pawng a taka kan in sa
tura Vai Mistir kan han chhawr leh ringawt mai te hi kan ngaihtuah chian a ngai.
Lehlamah chuan chhawr lo thei dinhmunah pawh a din ve theih nachungin a pawng
a taka Vai Mistir kan chhawr erawh thil dik ber a niin a rinawm loh.
Chutihlaiin Mizo Mistir pawhin kan hnathawhnaah hmasawn tum i la, uluk
zawk leh taihmak pawh chhuah zel i tum teh ang. Vai Mistir chhawr kher ngai lovin
kan kutah awm tir i la, Vai Mistiri chhawr thinna te pawh hi tlem chuan a kian phah
ngei a va rinawm ve. Kumina Helper chuan nakumah Mistiri nih tum rawh se. A
hnathawhnaah in zir belh zel rawh se.
.....Rama, V-Sec.
* Ruihhlo avanga kan Veng kan hmingchhe leh thin hi chu a va ninawm
zozai tawh ve. Hman atanga vawiin thlengin. Hawh u hawh u, i sim lul tawh
teh ang u. A sim theih a nia, engahnge ruihhlo ti leh zuar reng tura ka in
ngaih. I harh ang u. .....Te-a, T-Sec.
B Y M A C R O S S W O R D 187
Chhangtu Hming :_______________________________________
Section :________________ Password:___________________
A chhang ten Zirtawpni hma a Editor hnenah rawn thehluh
tur a ni ang. Vanneih loh pawn chhan zel tur.
Lawmman hi Rs 50 a ni a, chhang dik hi 1 aia an tam chuan thum
vawr a ni ang.Password tel/ sawi lovin lawmman a lak theih loh.
Tu tih hre thei rawh,
Aizawl ami a nia, i
hriat chuan
Tv.Lalpuia, T-Sec. in
Kuhva a lo khilai ang
che.
Purunvar hi Bible
ah vawikhat
chiah a lang ve.
(Number:11)