MP 04 J 6740

raat ke 1 baj rahe the,

ghar par naa tha koi..
duba hua tha main apne khayalo main,
aur neend bhi naa jaane kahan thi khoi...

dil ne lagai poha-jalebi ko aawaj,

jab lagai chuho ne pet main arji...
maine socha chalo rajwada ka chakkar laga aau,
phir socha,kahin police ne pakad liya toh poha nahi,milega papa se "daat naamak halwa"..

phir yaad aaya ki kal toh tha budhwaar,

budhwaar hone par bhi nahi teka ganesh ji k yahan maatha,
sabse pehle jaa kar lagau khajrana ganesh ko dhok,
varna,kahin ho naa jaaye chot...!!!

mere vishalkaaye pet ne phir lagai pukaar,

aur phir vapas mujhe pohe ki yaad aayi,
samay-chakra 45 minute aur ghoom gaya tha,
pet ka sabra bhi ab toot raha tha....

dimaag main naa jaane kahan se "pappu" ka khayal aaya,

aur bhook mitaane main sonkach jaa pahucha..
kambhakhat dimaag ko abhi bhi khurafat soojhi,
aur lake side ghoomne ke liye maine gaadi modi..

gaadi ko maine lagai phatkaar,

kaha usne abhi bhopal pahuchati hu sarkaar...
subah 4 baje jab shaan-e-bhopal par gaadi bhagai,
tab mann ko shanti mili mere bhai..

abhi un lamho ko jee hi raha tha,

ki mobile par "yeh toh sach hai ki bhagwaan hai" baja..
aur use dekh kar mujhe laga ki ab toh main phasa...

pita ji ka phone tha,darr darr kar phone uthaya..

voh bole-utho beta,darwaaja kholo..
indore main de di hai humne dastak,
15 minute main car hogi ghar par...........!!