Preface.

*PIPIIIIP!*

Natigilan ako sa gitna ng daanan habang papatawid ako papuntang school.

"Ano ka ba naman ineng, bilis na, tawid na!" Sigaw ng traffic enforcer sa akin habang titig na titig ang ibang
estudyante sa akin.
Ako lang kasi ang tumawid kahit 'STOP' pa ang senyas ni manong traffic enforcer. Ayan tuloy, muntik na akong
masagasaan.
"Sorry po, nagmamadali lang." Halos takpan ko na ang mukha ko sa hiya.
Pati yata yung driver nung muntik makasagasa sa akin eh nagmumura pero di ko na pinansin at tumungtong agad ako sa
entrance ng school.
Kasi naman eh! Bakit ba kasi late ako!? Maaga naman akong natulog dahil excited ako sa try-out ko para sa volleyball
team ng school na `to. HAY NAKU! Di na talaga natuto ang body clock ko! Nasanay kasi akong bakasyon at di na ako
gimigising ng maaga.
Atsaka... Uhm... Atsaka... Uhm...
OH NO~!
Asan na ba ako?!

Kung minamalas ka nga naman o! Pinaglihi ba ang eskwelahang `to sa isang maze? Ang laki-laki pa kaya ayan tuloy.
Nawawala yata ako. Grrr. Magtatanong na lang ako kung nasan yung gymnasium nila.
Ang sweeeerte ko naman

talaga! Alas otso yung try-out tapos alas nuwebe na ng umaga.

Bago ko kinalabit ang mukhang inosenteng babaeng napili kong mapagtanungan...
"Maxine?"
Napalingon ako sa isang gwapo, matipuno, makisig, at...matalinong lalaki! Matalino? Oy Maxine, OA ka ha? Paano mo
nalamang matalino ang lalaking kaharap mo aber?
Syempre, sino bang bobo ang walang alam na matalino si Richard Martinez? ANG PINAKAGWAPO, MATALINO, MABAIT NA
LALAKING NAKILALA KO.

"Ch-Chad?!"
Namangha ako sa mukha niya. Syempre, di lang sa dahil ang gwapo niya talaga, kundi dahil ngayon lang din ulit kami nag
kita. Pagkatapos kong mamangha, may naramdaman akong kakarampot na hiya at pagkailang.
"Ow..." May biglang sumulpot sa paningin ko.
Kinurot niya ang ilong ko at ngumiti. Yung ngiti niyang nakakapanindig-balahibo sa hindi malamang kadahilanan.
"Finally, my favorite girl's in college!" Pagkatapos ay ngumisi.

Ayokong sumimangot sa harapan ni Chad kaya lang ayoko rin namang sabihin ng feeling na Brent na yan na nagustuhan
ko yung sinabi niya.

A1.Favorite Girl

"Alvarado!"
Bumangon ako at agad tinali ang buhok.
"ALVARADO!"
"Po! Sandali lang po!"
Ang lakas namang makasigaw ng coach dito. Nagpapahinga lang naman yung tao sa ilalim
ng ng puno eh. Hindi pa nga lang ako nag lilimang minuto dito tapos nag aalburoto na yung
isang yun. Hay nako, makakamiss tuloy yung dati kong school. Kung bakit pa kasi ako
lumipat dito?
Dalawang taon na lang sana at ga-graduate na ako sa dating highschool na pinapasukan ko
eh tapos ilinipat pa ako ni mama dito, ayan tuloy kailangan kong magsimula ulit ng bagong
buhay.
"Ahhhh! Ang gwapooo!"
Ang sigawang naririnig niyo ay ang hiyawan ng mga tao doon sa gymnasium namin. Ngayon
kasi ipapakilala ang mga varsity. Excited din naman ako sa pagpapakilala nila sa mga
varsity kasi kasali ako dun. At kasali din yung crush kong si Chad kaya dapat nandun ako.
Kaso, nakakaenganyo kasi ang lugar na `to. Masarap ang simoy ng hangin at ang sarap
pagpahingaan.
"ALVARADO!"
"Nakakayamot naman `tong school na `to. Buti nakakapamukaw loob yung
gwapong team captain na si Chad." Ngumiti-ngiti ako habang inisip ang gwapong mukha
ng crush ko na unang araw pa lang dito ay nakilala ko na agad dahil sa kabaitang pinakita.
Pagkatapos kong suotin ang sapatos ko, tumayo na ako at tumakbo. Kaya lang, wala pang
tatlong hakbang sa pagtakbo, nadapa na ako. May nakaharang kasing kung...ano.
"OUCH!" Sigaw ng nakaharang.

Mali... may nakaharang na kung...sino.

"Aray!"
Naapakan ko ang dibdib niya kaya pumilipit siya sa sakit habang ang isang paa ko naman ay
na naipit sa braso niya kaya nadapa ako mismo sa dibdib niya at ang mukha ko sa damuhan
ang diretso.
"What the?" Sabi niya.
"Sorry."

Natagalan kaming gumalaw at umayos dahil sa hirap ng posisyon naming dalawa.

"Sorry! Sorry!" Tumayo ako ng maayos.
Lininis niya naman ang kanyang jersey at bumangon.
"Kung madapa ka na lang sana sa akin, ayusin mo naman. Siguraduhin mong
insakto ang posisyon!"
Tumayo siya at hindi parin tumigil sa paglilinis sa jersey niya.
"Huh?"
Ngumiti siya. Nakakapanindig balahibo. May matino bang lalaking ngumingiti sa nangyaring
yun? Muntik na siyang ma stroke sa ginawa ko eh.
"ALVARADOOOO~!"
Ngumisi siya habang tinitingnan ako ulo-sa-paa. Ano yan? May halong pangungutyang ngiti?
Imbes na magpasalamat ako dahil hindi siya nagalit sa pagkakatilapon ko sa kanya, e
parang mas na weirduhan ako.
"Ang sabi ko, ayusin mo yung pagkakadapa sakin next time. Siguraduhin mong
yung mukha mo, nasa mukha ko na." Tumaas ang kilay niya habang ngumingisi.
Naramdaman kong tumaas ang altapresyon ko at ang tanging naisip ko na lang ay ang mga
salitang ito.
"Ang kapal mo! Tss. Ang angas!"
Pinandilatan ko siya at sa isang iglap bigla niyang linapit ang mukha niya sakin. Nakangisi
parin siya at nakakapanindig-balahibo. ANG FEELING NAMAN TALAGA NG ISANG `TO! Sino
ba siya?
Sinampal ko na agad ng malakas.
"OUCH!" Ininda niya ang sakit ng nakangisi parin.
Umalis na ako sa harapan niya patungong gymnasium.

"Masyado kang payat para maging volleyball player. Pero ang lakas mong
manampal. Now I know, Maxine Alvarado!" Sigaw niya.
HUH? At kilala niya pa pala ako. Kumpletong pangalan pa huh?
May biglang pumito galing sa gym. Akala ko si Coach Mariz yun, yun pala yung asawa
niyang coach din ng Basketball Varsity.
"Brent Cruz! HALIKA NA DITOOOOOO!" Nanggagalaiti siya habang nakatingin sa may
likuran ko.
Napatigil ako sa pagtakbo at lumingon sa likuran.
BRENT CRUZ? Siya?! Siya si Brent Cruz?!

A2.Weird

Brent Damien Cruz. Basketball Varsity number 1. Ara Cruz's twin brother. Vil Cruz's and
Celine Santos-Cruz's Son. Meaning. The Governor's Son at tagapagmana ng Santos-Cruz
Lands.
Sinarado ko ang locker ko at sandaling huminga ng malalim habang nasa kandado pa ang
susi.
"Naku naku! sooner or later, magsasawa din yan si Brent sa selosang girlfriend
niyang yun at ikaw ang pipiliin niya, Maan." Sabi ng isang babae.
Nasa loob kaya kami ng locker room kaya hindi ko kasalanan kung narinig ko man yun o
hindi diba? Tsk.
"Sus! Yung Bianca na yun? Asa pa siyang mapansin ni Brent! HA!"
Inayos ko ang mga libro ko sa loob ng bag.
"Ayan na, ayan na! 'See ya later, pretty.' Omg!"
"Patingin-patingin ng text niya!"
"OMG! Si Brent nga!"
"AHH! Nakakakilig!"
"Hala, Maan! Baka totoong hiniwalayan niya na si Amber para sayo?"

WHAT THE? Hindi ko maintindihan ang mga babaeng ito? Hindi naman sa nakikinig ako pero
mga tanga ba sila? Ilang babae pala ang meron yang Brent Cruz na yan? Tapos umaasa pa
silang magustuhan nun? Kung 'magustuhan' nga sila ni Brent, tapos ano naman, eh marami
namang ibang babaeng ang iyon, edi masasaktan lang din sila?
Yan kasi ang hirap sa ibang babae eh. Alam na nga nilang playboy yung lalaki, didikit-dikit
pa sila tapos aasa-asa pa. Anak ng tupa, mga timang pala kayo eh. Tigilan niyo na lang
yang kahibangan niyo pwede? Tsss.
Napailing ako habang papalabas ng locker room at lumipat ng girl's washroom.
Inayos ko ang pagkakatali ng buhok ko. Nakakairita naman `tong mga baby hair, kailan pa
ba kayo magiging adult ng maayos ko ng matali ang buhok ko? Tingin ako nang tingin sa
salamin hanggang sa may dalawang babaeng biglang pumasok.
Umiiyak yung isa.
"Alison, okay lang yan. Naku!" Habang tinatahan ang nasabing si Alison.
Nakatingin lang ako sa salamin at inaayos parin ang buhok ko.
Pasensya na, bago pa lang talaga ako sa school na `to at wala akong kilala bukod sa mga
ka grupo ko sa volleyball kaya nagsisikap akong atleast ma kilala ang iba pang mga
schoolmate ko.
"Ano bang nangyari? Ba't ka umiiyak?" Tanong ko kay Alison.
Hikbi parin siya ng hikbi.
May dala-dala siyang papel, mukhang love letter. Hindi pala iyon love letter! Puno kasi ng
mga curse words at kung anu-ano pang pang-iinis. Nakita kong galing sa isang
nagngangalang 'Brent's real girlfriend' daw nanggaling ang sulat. Sino naman kaya yung
Brent's Real Girlfriend na yun?
"Hay naku! Gusto ko pa naman yun si Brent! Kaso, yun naman pala... totoo palang
playboy yun! Hayaan mo na, Alison! `Kala ko talaga ikaw lang ang gusto niya!
Grrr. Nakakadiscourage." Tumingin sa akin yung babaeng tumatahan kay Alison habang
umiiling.
Napatango ako ng slow motion. 'AHH~!' Another victim of that notorious Brent Cruz. Anak
ng tipaklong naman!
"Magsama silang dalawa nung Charlene na yun!!!" Iyak parin ng iyak si Alison.
Ahhh. Ok. Charlene. Nag sisimula na akong mag-isip na ang mga babae sa school na `to
ayPURO mga tanga. Isang araw pa lang ako dito, alam ko ng playboy yang si Brent Cruz.
Ngayong isang linggo na ako, napatunayan ko na. Samantalang kayo, dalawang taon na
yata kayo dito, hindi niyo parin ma gets-gets.
Hay naku naman buhay ka!
Nagspray ako ng cologne panghuli sa dapat kong gagawin dito sa loob ng washroom bago
umalis. Pero bago ko pa nagawa, may narinig na akong tawanan sa labas.

"Hala, sina Ara! Tayo na, Alison!"

Tiningnan ko lang silang dalawa sa salamin.
"Miss, uhm,"
"Maxine." Sabay ngiti.
"diba ikaw yung bagong lipat dito?"
"Oo, bakit?"
"Naku, hindi mo siguro alam na pag paparating na yung grupo ni Ara Cruz sa
washroom eh kailangan ng mag evacuate ng kung sinong nasa loob pa nito kasi
ang gusto nila, sila lang ng buong grupo ang-" Hindi na niya natapos kasi hinila na siya
nung Alison papalabas.
HUH? Ano na naman `tong panibagong natuklasan ko sa ibang estudyante ng school na
`to?
Papalapit na ng papalapit ang mga boses na narinig ko kanina.
"Ugh!" May biglang pumasok at tingnan ako, parang nandidiri.
Excuse me? Walang nakakadiri sa mukha ko, maayos at malinis yata ako na pagkatao.
"What? What are you waiting for?" Sabi niya na para bang nag eexpect siya na alam ko
kung anong sinasabi niya.
May pumasok na isa. "Uh, the newbie... Hindi niya siguro alam."
Sa mukha ng mga ito, mukhang sila yata ang nasa kikay-category ng school na `to.
Magaganda at maaarte sa katawan.
May tatlo pang pumasok. Pero agad kong nahulaan kung sino sa kanila ang leader ng grupo.
Nakasimangot siya at mukhang badtrip.
"Girls, girls!" Sabi nung pinakamatangkad habang nginunguso ako.
Nagkibit balikat yung unang pumasok at nginitian ako, "Lagot ka!"
Nasa harapan ko na ang leader nila. Nakataas ang kilay niya. Nihead-to-foot ako at ilang
segundo pang nakataas ang kilay niya bago niya `to binaba.
"Uh, Miss, umalis ka na lang kung ayaw mo ng away." Sabi nung isa.
"Huh? Bakit? Ni hindi ko pa nga napipindot itong spray ko para malagyan ko na
ang sarili ko ng cologne tapos pinapaalis niyo na ako?"
Parang dismayado sila at mukhang mas natatakot pa sila sa gagawin ng lider nila sa akin.
Huminga ng malalim ang babaeng nasa harapan ko. Maganda siya. Maputi, makinis,
mapupula ang mga labi (kahit walang lipstick di tulad ng mga kasama niya), kulot ang
buhok, maganda ang pares ng mata, matangkad, matangos ang ilong. Linagay niya ang
buhok sa tenga at naglahad ng kamay.

Mas nabigla ulit ang mga kasama niya sa ginawa niya kesa sa akin.
"Maxine Alvarado," Ngumiti siya. "so it's true. Maganda ka nga."
Hindi ko alam kung paano niya nalaman ang pangalan ko eh ngayon ko lang talaga siya
nakita.
"Ara Ysabel Cruz. Friends?"
"Sure!" Sabay shake ko sa kamay niya.
WEIRD! Bakit naglaglagan ang mga panga ng mga kasama niya at walang kahit na sinong
umimik sa kanila. Weird. Ang weird talaga.
"Uh, sige ah? Mmm alis na ako, susunduin na kasi ako eh. Bye."
"Bye!" Ngumiti yung magandang si Ara.

A3.Cough

"Ano ba naman yan Maxine Alvarado!" Nasigawan ako ng captain namin sa volleyball.
Mainitin talaga ang ulo nitong si Chloe de Silva - ang team captain namin. Tulad nina Brent,
Ara, Chad, senior na rin si Chloe. Ako ang baguhan dito kaya utos siya ng utos sa akin at
madali siyang naiirita kahit wala naman akong ginagawang masama.
"Bilisan mo naman ang pagkuha ng bola! Pwede?!" Sigaw niya.
Nag tawanan naman sila ng iba ko pang teammate. Hello? Sino ba kasi ang loka-lokang nag
s-spike tapos na a-out ang bola? Wala namang control itong ibang teammates ko eh. Grr...
"Bilis na!"
Nakita ko sina Ara sa malayo na nakatingin sa amin. Nakakahiya tuloy, tatakbo-takbo ako
dito at pawis na pawis tapos andami pa namang estudyante na nasa paligid.
"I-spike mo na! Bilis!!!" Sigaw ulit ni Chloe.
"Eto na!" Pinulot ko ang bola at inispike na papuntang court.
Malayo ako sa court. Binalewala ko na rin ang kontrol sa bola dahil pagod na ako.
*Pak!*
Napanganga ang lahat.

"Richaaaard!" Sigaw ni Chloe.

Tapos bigla nagkagulo at nagtipon ang lahat sa volleyball court.
"Maxine! Ano ba yang ginagawa mooooo!?"
Patay! Natamaan ko si Richard o Chad na president ng student council. Nandoon din pala
siya malapit sa court!
Tumakbo ako papalapit ng court. Kahit na nakikita kong umaaso na ang mga ilong ni Chloe
at pulang-pula na ang pisngi dahil sa nagawa ko.
At naroon si Chad, pinagkakaguluhan! Kulang na lang ay kargahin siya ng mga babae
papuntang clinic.
"Sorry! Sorry!" Sabi ko kay Chad na iniinda pa ang sakit sa ulo.
Ang sama ng tingin ng mga babae sa akin dun lalong lalo na si Chloe.
"Maxine, dito ka lang! Hintayin mo ang pagbabalik ko! Humanda ka, paparusahan
kita! Naintindihan mo ba yon?!" Sigaw siya nang sigaw kahit nasa harapan lang niya
ako. "Chad... Lika na, dadalhin na kita sa clinic! Tabi nga kayo!" Sabay tulak sa ibang
babaeng nakikiusisa.
"Lagot ka!" Sabi ng isang teammate ko. "Crush ni Chloe si Chad kaya galit na galit
yun!"
"Naku! I'm sure, ipapatakbo ka nun ng 100 laps sa quadrangle!"
"O baka naman paglilinisin ka nun ng Wash Room! Lagot ka talaga, Maxine! Kay
bagu-bago mo, ang dami mo ng atraso!"
Kinabahan ako sa sinabi nila. O hindi! Anong mangyayari sakin pagbalik niya? At ang crush
ko pang si Chad ang natamaan ng bola!? HUHU. Ang malas talaga.
Kilala ang school na `to na school ng mga mayayaman kaya maraming estudyante ang
maiimpluwensya ang pamilya. Sigurado ako, pagmalaman `to ng mga magulang ni Chad,
baka lagot ako lalo! Tapos, hindi naman kasama ang pamilya ko sa 'maiimpluwensyang
pamilya' kaya lalo akong kawawa! Patay!
Hindi na ako mapakali sa loob ng court habang iniisip ang mga mangyayari sa akin.
"Pssst!" Napalingon ako.
Nakita kong ang nakangiting Brent Cruz sa kabilang bakod.
"Ang lakas mo palang maka spike! Sa bagay, naramdaman ko na yun nung
sinampal mo ako." Sabay hawak sa pisngi niyang sinampal ko nun. "Nakakapanlinlang
ang kapayatan mo ah. Akala ng lahat ordinaryong volleyball player ka lang."
Tumingin siya sa malayo, sa tinayuan ko kanina habang inispike ko ang bola. "Sinong mag
aakalang kahit ganun ka layo, aabot pa talaga dito? Amazing power! Dumugo pa
talaga ang ilong ni Chad." Nakakakilabot ang ngiti niya.
"Dumugo ang ilong ni Chad?"

Umakyat siya sa bakod na nag nagbubukod sa volleyball court. Ewan ko ba kung bakit
nabilaukan ako sa sarili kong laway nang nakita siyang umakyat ng bakod at biglang
sumulpot sa harapan ko ng nakangiti. Painfully handsome. Ngayon alam ko na kung bakit
masyadong maraming babaeng nahuhumaling sa kanya. Tinanggal ko ang mga aso na
bumabara sa logic ko.
"Yup!" Bigla niyang hinawakan ang kamay ko at hinila.
"Teka! San ta`yo pupunta?"
"Edi sa`n pa? Sa clinic, kung san siya dinala! Ikaw ang may sala diba? Dapat
nandun ka!"
"P-Pero sabi ng captain dito lang daw ako at may parusa pa daw siya sa akin."
"Si Chloe bah?" Ngumiti ulit siya. "Parusa? Ha."
Nagpatuloy siya sa paghila.
Bago kami tuluyang nakarating sa clinic, nakita ko sina Ara at ang mga kaibigan niya
malapit dun at kinakausap si Chloe.
"Narinig kong paparusahan mo si Maxine Alvarado?" Dinig na dinig ko ang boses ni
Ara.
Pero umaasta si Brent na hindi niya yun narinig at nagpatuloy sa paghila sakin.
"Teka nga. Sina Ara yun ah?"
"Hmm? Hayaan mo na yang spoiled brat na yan!" Sabi niya at binalewala ang daing ko.
"Spoiled brat?"
"Yup. She's a spoiled brat and my twin sister." Sumulyap siya sa akin at kinindatan
ako. "Kilala mo pala siya? Inaway ka ba?"
"Hi-Hindi naman. Ang bait niya nga eh."
Tumango siya.
Kaya ayun, dumiretso na kami sa clinic. Sa labas ng clinic ay ang mga nag-aalalang babae
kanina. Ang samang makatingin sa akin ng mga ito ah?
"Maxine Alvarado diba?" Bulong nung isa sa kasama niya.
Di na nahiya! Hello! Naririnig ko yung bulungan niyo!
"Lika na!" Sabay hila sakin ni Brent sa loob ng clinic.
Ngayon ko lang naisip na kaya siguro ako pinagtitinginan ng mga babae dahil hawak-hawak
ni Brent ang kamay ko. Aagd ko itong binawi. Ngumisi naman ang haliparot at nagkibitbalikat nang tiningnan ko siya ng masama. Flirt! Playboy!
"Chad!" Agad kong pinuntahan si Chad na nakaupo sa kama ng clinic.
Nakilala ko si Chad sa first day of school nang nawala ako sa corridors at sinamahan ako
papuntang classroom. Nagpakilala siya as Chad Martinez. Dahil sa kanyang kagwapuhan,
napatanong ako sa kaklase kong suplada kung sino ba si Chad Martinez sa school na `to.
Ang sinagot ng kaklase ko ay siya lang naman daw ang president ng student council at top
1 ng klase sa whole fourth year!

"Okay lang ako." Sabay ngiti ni Chad sa akin.

"Sorry talaga! Sorry!!!"
Ngumiti siya lalo. Ang mga mata niya halos kumislap na.
"I'm okay, Miss Maxine Alvarado. Thanks for being concerned."
"Uh... Uhm..." Nag peace-sign ako.

Hindi ko alam kung saan niya nakuha ang full name ko at bakit maraming nakakaalam ng
fullname ko? Ke bago-bago ko dito.
Napatawa siya ng marahan at tiningnan ulit ako, "Ang cute mo."
Wow! Uminit ang pisngi ko sa sinabi niya.
"Ehem ehem." Biglang sumabad si Brent. "Sige, Chad. Pahinga ka na muna, alis na
kami ni Maxine."
"Uh... O sige."
Hinila ulit ako ni Brent, mabilis lang nangyari ang lahat ng iyon.
"Kailan ka pa inubo?" Tanong ko pagkalabas namin ng clinic.
"Kanina lang, nung nagselos ako..." Ngumisi ulit siya at parang natutuwa sa nakitang
ekspresyon sa mukha ko.

A4.Ara Ysabel Cruz, bully?

Hindi na talaga nahiya ang kumag sa mga pambobola niya! Alam na alam na ng lahat ng
babaeng bolero at playboy siya pero ang kapal parin ng mukha para mambola pa ng tuloytuloy.
"Uh, t-team mates. O-Okay, I'll take over."
Naka assemble kami sa court. Isang straight line kami ng teammates ko habang hinihintay
ang team captain na si Chloe.
"Wala pa si Chloe, uh, may problema yata kaya ako na muna..." Sabi ng assistant
team captain.
Asan naman kaya yun si Chloe? Huli ko siyang nakita nung papunta kami ni Brent sa clinic
eh. Kausap siya nina Ara. Narinig ko pa nga ang pangalan ko na pinag-uusapan nila.
"C-Chloe?"

Nabunutan ako ng tinik nang biglang tumambad ang team captain namin sa harapan.
"Anong nangyari sa-"
"Shut up, okay?" Pinandilatan niya ang assistant team captain.
Nakanganga kaming lahat habang tinitingnan siya sa harapan. Basang basa siya at para
siyang pinaliguan sa putikan. Anong nangyari sa kanya?
Tinitigan niya ako. Ang mga teammates ko, halatang takot na rin kahit ako lang naman dito
ang mukhang malalagot maya maya.
"Dismissed!"
Sabay-sabay napabuntong hininga ang team at agad nagsipuntahan sa locker room.
Nakapagtataka. Umasa kasi akong ibibitay niya ako ng patiwarik at papatayin sa
pamamagitan ng pagbabato. Bakit walang ganung eksena?
Hindi sa hindi ako masaya dahil hindi niya yun ginawa. Masaya ako! Syempre, sino bang
nasa tamang pag iisip na malulungkot dahil hindi siya binitay? Kaya lang... ay ewan ko!
Tama na nga yan, Maxine! Dapat kasi inuuna mong magbihis na sa locker eh. Tapos
maghanda ka ng kung anong peace offering para dun sa crush mong nabali ang ilong dahil
sa spike mo!
"Maxine!" Tinawag ako ni Chloe.
"Uh," Hinarap ko siya.
Sabi ko na nga ba! Sana pala umalis na ako diretso kanina at pumunta na ng locker room!
"Palalagpasin ko `to ngayon, huh!" Tumingin siya sa paligid.
Nakita ko sa bandang kanan ang grupo nina Ara. Sa kaliwa naman ay ang tatlong kaibigan
ni Chloe na nakikita kong kasakasama niya tuwing breaktime.
"Sa oras na malaman kong didikitdikit ka kay Chad, malalagot ka na talaga!"
"Pero hindi naman ako dumidikit-"
"At di ka rin pwedeng dumikit kay Brent!"
Umalis siya agad sa harapan ko. Ni hindi man lang ako nakapag salita para sa sarili ko.
Nakapagtataka, hindi naman ako dumidikit sa kanila ah? Napabuntong hininga na lang ako
habang binubuksan ang locker ko. Siguro ganun lang talaga kung titingnan mo sa
perspektibo ng ibang tao.
"Oh hayan! HAHAHA!"
May narinig akong ingay sa kabilang echelon ng locker room. Dinig ko ang mga hinulog na
libro galing kung saan at ang tawanan ng isang malaking grupo ng mga babae.
Lumapit ako at nakita ko sina Ara at ang kanyang mga kikay friends dun sa crime scene.

Sinipa nung isa ang mga librong nakalatag sa sahig. Dalawang babae ang nakita kong
walang magawa na nakasandal lang sa locker at mukhang takot na takot sa nangyari.
"Sa susunod kasi, kilalanin niyo kung sinong kinakalaban niyo! Akala niyo ba di ko
alam na kayo ang nag vavandal ng 'I hate you Ara' sa mga corridors?" Sabi ni Ara.
"This is your first warning!"
Kinuha naman nung matangkad ang bag nung isang babae at tinapon ang mga libro sa
loob.
"Kung ayaw niyong matulad sa Chloe de Silva na yun, wa'g niyo akong
babanggain! Gusto niyo yatang maligo sa putik?" Ngumiti si Ara nang nakita niyang
takot na takot ang dalawa. "Oh well, since hindi naman ganun ka lala ang nagawa
niyo, hindi muna putik ang ipaliligo ko sa inyo! Lia, ang timba?"
Nagdala ang isa sa kanila ng isang timba ng tubig. Binigay ni Lia ang timba kay Ara pero
tiningnan lang siya ni Ara ng nakataas ang kilay.
"What? I can't carry that! Ikaw ang bumuhos sa kanila! Hello!"
"Tama na!" Bigla akong nagpakita sa pagtatago ko.
"Maxine!" Ngumiti si Ara sa akin.
Taliwas iyon sa inaasahan ko. Akala ko mabibigla siya at mag aalala sa sasabihin ko tungkol
sa kanya. Akala ko natatakot siyang isipin kong masama yung ginagawa niya. Pero hindi eh.
Mali ako, kasi nandoon lang siya, nakangiti, kasama ang buong tiwala niya sa kanyang sarili
na minsan ay naiisip kong, tulad ni Brent, overconfident siyang masyado.
Umambang bubuhusan na ni Lia ang mga babae.
"Lia, stop that! I've changed my mind." Pinandilatan niya si Lia at ngumiti ulit sa akin.
"Masama yung ginagawa niyo. Kawawa naman sila." Sabay tingin ko sa dalawang
babae. "Tsaka, kayo din ba ang gumawa kay Chloe nun?"
Tumawa si Ara. Matinding tawa. Pero kahit anong tawa niya, may natitira paring pagka
elegante sa kanya.
"I don't believe this. Ang bait mo! You don't know how Chloe likes Chad so much
that she'll probably stone you to death!" Umiling siya.
Alam ko.
"At itong mga babaeng `to?"
Sinipa ni Ara ang mga librong nakaharang sa kanya.
"Mga babaeng desperada. Nagpapakalat ng hate mails at kung anu-ano pa tungkol
sa akin. Gusto niyo lang namang masali sa grupo ko diba?" Tanong niya sa mga
babae. "Para mapalapit sa kapatid ko. Ang gwapo ng kapatid ko, ano? Tsk tsk."
Linapitan niya ang dalawa. "Too bad, I didn't like you both." Tumawa siya sa mukha ng
dalawang babae. "At ngayon," Lumambot ang boses niyang bigla. "Too disappointed?

Binabangga niyo na ako just because I didn't accept you both in my social circle?
Tapos you were threatening me because your brother is a senator," Sigaw niya sa
isa. "And you're Dad is a stockholder of my mom's company?" sigaw niya sa isa.
"Yiiii! Katakot naman!" Ngumisi siya. "I'm so scared. Really. I can't believe how you
two brought up those things to me! I don't care about your positions in the
society! Don't make me laugh, darling!" Hinaplos niya ang mukha ng isa. "Kung iniisip
niyong sosyal kayo dahil dun at dahil sa Louis Vuitton niyong mga bag ay pwede
na kayo sa grupo ko. Think again! Saying and bragging those things make you the
biggest losers ever! And I hate loser friends." Tumayo siya.
Ngayon, unti-unti kong napagtanto kung anong klaseng mga tao ang nandito sa
eskwelahang pinapasukan ko. Naintindihan ko kung paano umaandar ang lahat.
"Maxine,"
Mejo napatalon ako nang tinawag ako ni Ara.
"By the way, they are girls from your class. Sabihin mo lang sakin kung
magkakaproblema ka sa kanila." Ngumiti siya at umalis din naman sila.
Hindi ko rin naisip na magkakaproblema ako sa dalawa. Kasi naman, sinong matitino ba ang
magdadala ng problema sa taong nagligtas sa kanila diba? Kung ako, linigtas nino, hinding
hindi ko kayang bigyan ng problema ang taong nag ligtas sa akin.
Hindi ko naisip yun hanggang sa nung pumasok ako ng classroom at nadapang bigla dahil
sa dalawang paang nakaharang sa daanan ko.
May narinig akong mahinahong pagtawa at, "Sorry!"
Naaninaw ko ang mukha ng dalawang babaeng linigtas ko kahapon. Nakangisi silang
dalawa. Para bang nakahuli ng bagong biktima.
Nagtawanan silang dalawa habang patayo ako.
Tama si Ara!
"Maxine!" Napatingin kaming lahat sa prinsipeng tumawag sa akin na nasa pintuan.
Nakita ko ring kumaway ang isang demonyong nakangisi sa tabi niya.
Sa puntong ito, alam ko, hindi magiging madali ang buhay ko dito.

A5.Venus and Adonis

Sa nalalapit na semestral break ng weirdong school na `to, naisipan ng coach namin
na magtraining sa isang exclusibong beach resort na pag aari daw ng asawa niya.
Binubunot-bunot ko ang damo sa field nun habang naka indian sit kaming lahat at
nakikinig kay Coach Mariz.

Maganda naman pala ang eskwelahang `to, hanep sa facilities. Pero ganun pa man,
di parin ako kumbinsido kung bakit ganun ka mahal ang tuition dito. Di bale na nga
lang, mag aanim na buwan na ako dito tapos aangal-angal pa ako?
Anim na buwan. Okay lang naman ang buhay ko. Buhay pa naman ako. Wala naman
masyadong asungot sa buhay. Minsan lang naman. Hindi rin naman ako mabenta sa
mga bully. Simpleng buhay lang, ang aking pinakaaasam-asam. Kaya lang, sana
naman magkaroon din ako ng kahit konting kaibigan bukod sa mga nanghihingi
sakin ng papel tuwing quiz at sa nag papatext sakin kung ano ang assignments.
Buti na nga lang hindi na ulit ako ginulo nung mga kaaway ni Ara, balita ko kasi
marami dawng spy si Ara kung saan-saan kaya agad niyang nasasagap ang mga
pinakawalang-kwentang balita tulad nung pagkadapa ko. Hindi ko alam kung bakit
sa tuwing nakikita ko si Ara, nginingitian niya ako. Mukha naman siyang mabait.
Mala anghel yung mukha niya eh. Bukod sa kanya, may iba't-ibang tao din namang
pumapansin sa akin eh. May ngingiti-ngiti at punupuri ang volleyball skills ko, may
nagtatanong kung original Swatch ba daw ang relo ko, o pinarebond ko daw ba ang
buhok ko. Pero hanggang dun na lang yun.
"Alvarado!!!"
"Po!" Napatalon ako ng bigla akong tinawag ni Coach.
"Anong balak mo? Ang kalbuhin ang field? Tigilan mo nga yang
pagbubunot mo ng damo!"
"Opo! Sorry po!"
May kantsaw akong narinig sa team mates ko.
"O sige, okay na ba yun, team? The training is two days and one night
lang! Kaya?"
"Kaya!" Sigaw naming lahat.
"Okay, dismissed!"
Tumayo ako at pupunta na sanang locker room.
"OMG! Excited na ako! Sobra!" Sabi nung ka team ko.
Anong nakakaexcite sa training? Tsss.
Habang papunta akong locker room, nadaanan ko si Chad na naglalakad din, hindi
ko alam kung saan siya pupunta.
"Chad!" Ngumiti ako sa kanya.
"Maxine!" Ngumiti din siya.

Ang gwapo niya talaga, sobra! Crush na crush ko na siya! Ang bait niya kasi! Bawat
game namin, nandyan siya nakasupport. Tinutulungan niya ako kung may problema
sa assignments. Ang talino niya! HAAAY! Syempre, tutulungan ka niyan dahil
Student Council President nga diba?
"Papuntang locker room?"
Grabe, pinagpapawisan ako dahil sa kaba.
"Oo, kakatapos lang ng meeting." Sabi ko.
"Pinagpapawisan ka ah?" Sabay tingin niya sa noo ko. "Gusto mo
magpahangin muna? Ililibre kita ng Gatorade." Ngumiti siya.
"Sige bah!" Syempre! Sinong tatanggi sa crush?

Sininghot ko ang sarili ko, mabuti na lang at mabango pa naman ako. Okay lang
kaya ang mukha ko? Baka oily na!
Pumunta kami ng canteen para bumili ng maiinom. Grabe, kinakabahan akong
maglakad katabi siya. Para akong lilipad. at sa tuwing nginingitian niya ako umiinit
ang pisngi ko.
"Hey!" Kumaway si Brent Cruz galing sa isang table sa canteen.
Grabe! Pinandilatan ko na lang! Kasi naman, puro babae ang nakapaligid sa kanya.
Nakangisi siya habang tinitingnan kami. Kumaway din si Chad sa kanya.
"Abaaah! Malayo pa lang ngiting-ngiti ka na, Max ah? Saya mo yata?"
Nakangisi parin siya.
Excuse me? Napawi na kaya ang ngiti ko ngayong nakita kita.
Umiling na lang ako, "Sino kaya satin ang ngiting-ngiti ngayon?" Tinaasan ko
siya ng kilay at tiningnan ang mga babaeng nakapalibot sa kanya.
Hindi ko namalayang umalis pala si Chad para bumili ng maiinom. Binigay niya
sakin ang Gatorade bago ko pa namalayan.
"Thanks!"
"You're welcome." Ngumiti siya at nagpalakad palayo sa table nina Brent.
"Uyyy! May date!" Sigaw ni Brent nung sinundan ko si Chad.

Napalingon kaming dalawa sa kanya. Tumawa lang si Chad habang tiningnan ko ng

masama si Brent na naroon at tawa nang tawa sa reaksyon ko.
"Pasensya ka na kay Brent ah?" Sabi ni Chad pagkatapos ay uminom.
"O-Okay lang. Sanay na ako. Kinukulit niya ako lagi simula nung nakilala
ko siya eh."
Ngayon ko lang naisip, kahit mas matalino, mas mabait, at mas sa lahat ng bagay si
Chad, bakit kaya mukhang mas sikat parin si Brent sa kanya? Hindi ko
maitatangging mag kasing gwapo naman sila. Pareho silang matangkad pero mas
matangkad si Chad ng konting sentimetro. Mas maputi si Chad kay Brent. Malaki
nga lang ang katawan ni Brent kung ikukumpara kay Chad. Pero makikita mo sa
mukha nila na mabait si Chad at approachable pa. Si Brent, mas approachable pero
alam mo ng puro pambobola ang sasabihin nun.
"Kinukulit ka niya?"
"Oo." Sabay lagok ko sa Gatorade.
"Crush ka nun."
Halos mailuwa ko ang mga nainom ko. Kaya lang dumiretso sa tiyan ko o kaya sa
lungs ko kaya ayan, inubo akong bigla.
"Okay ka lang?"
Naku naman! Ang gwapo mo talaga, Chad! Ang bait pa!
"O-Okay lang! Nabulunan lang..."
Tumawa siya, "Nabigla ka yata sa sinabi ko. Alam mo naman yun si Brent.
Maraming babaeng nakapaligid dun."
May babaeng kumaway kay Chad sa malayo, kumaway din naman siya at nginitian
niya pa. Ang gwapo niya talaga! Nandito kami sa paboritong tambayan ko kung
saan ko unang naapakan si Brent noon.
"Oo nga. Maraming crush yun. Pero teka, hindi ko talaga makuha. Bakit
magkaibigan kayo ni Brent? Eh mukhang magkaiba kayo?"
"Mmmm. Dahil siguro sa basketball. Tsaka, classmate kami since kinder
eh."
Tumango ako, "Ahhh. Kaya naman pala."
"Nga pala, kamusta yung Language Arts niyo? Anong topic ng Study mo?"
Halos araw-araw kasi akong kinakamusta ni Chad. At kinikilig ako lagi pa'g naririnig
ko siyang nagtatanong sa mga subjects ko. Pakiramdam ko nag-aalala siya sakin.
<3

"Uh." Uminit ang pisngi ko.

Ngumiti siya habang tinitingnan ako. Patay! Baka pulang pula na ako dito kaya siya
ngumingiti! Nakakahiya.
"V-Venus a-and Adonis ang t-topic ko."
Ayan! Tinotopak na ang pagsasalita ko!
Tumawa siya ng mahinahon, "Ah! Gusto ko yan! Gusto mo ng kopya niyan?
Nasa locker ko. Ibibigay ko sayo." Sinalida niya ulit ang matatamis niyang ngiti.
OH! Chad! I think I'm falling, falling in love with you.
"Richard!" Sigaw nung Coach ng basketball team.
Istorbo naman!
"Coach!"
"Ba't daw wala yung lintik na Cruz sa meeting kanina?!"
Nanggagalaiti na naman ang Coach nila, at dahil na naman kay Brent.
Hindi sumagot si Chad. Tiningnan niya ako at umaambang aalis.
"sige, sige. Okay lang. Uuwi na rin siguro ako eh."
"San ba ang inyo? Gusto mo ihatid kita?"
"Naku, wa`g na. M-Malayo yun." Sabi ko ng kinakabahan. "T-Tsaka, baka kunin
ako ni Papa eh."
"Oh. Okay!" Ngumiti siya.
Actually, hindi ako sigurado kung kukunin ako ni Papa ngayon. Kaya lang, nahihiya
ako kung ihahatid niya ako samin. Balita ko, BMW daw ang kumukuha kay Chad dito
sa school at may driver pa talaga siya huh! Mag aaksaya lang sila ng gasulina
papunta samin. Naku! Nakakahiya. Tsaka, sigurado ako ililibing ako ni mama at papa
sa mga tanong.
"Salamat ah?" Ngumiti ako.
"walang anuman." Ngumiti ulit siya. "Ihuhulog ko na lang ang kopya ko sa
Venus and Adonis sa locker mo." Tumakbo siya paalis patungo sa coach nila.
"See you sa training camp!" Sigaw niya.
Training Camp? Kasama sila sa Training Camp?
KASAMA SILA SA TRAINING CAMP!? Oo nga naman pala! Si Coach Mariz at Coach ng

basketball team ay mag-asawa! Ibig sabihin nun, impossibleng ang volleyball team
lang ang mag t-training dun! Oh. My. Gosh. Excited na ako.
Nahulog galing sa locker ko ang nakapilong mga papel na may nakalagay na...
"Love's gentle spring doth always fresh remain."
Venus and Adonis, by William Shakespeare. May initials na R.M. sa likuran. Richard
Martinez.

B1.Disturbance

But all in vain; good queen, it will not be:

She hath assay'd as much as may be proved;
Nasa loob kami ng bus at hinihintay na lang ang ibang myembrong hindi pa
nakakarating. Tama! Sa loob ng bus ay ang basketball team at ang volleyball team!
Nasa dulo ako at katabi ko ang ibang teammates ko habang nasa unahan naman si
Chad at nakikipag-usap sa ibang ka team niya. Dala-dala ko ngayon ang kopya ng
Venus and Adonis ni Shakespeare. Gusto ko sanang magpatulong sa pagsasalin sa
ibang linyang hindi ko maintindihan.
"Cruz! Late ka na naman! Akala ko ba di ka sasama!" Sigaw ng coach nila sa
kararating lang na si Brent.
"Always late but worth the wait!" Ngumisi siya at natagpuan agad ang titig ko.
Kinindatan niya pa ako habang papunta sa upuan niyang mas malapit sa akin.
"Brent, where's your Porsche, dude?" Sabi nung katabi niya.
"Oo nga, Brent." Napatalon ako nang narinig kong nagsalita si Chad. "`kala ko ba
di ka sasama sa bus kasi babyahe ka gamit ng Porsche mo?"
Humikab si Brent, "Oo nga eh. Kaso tinamad ako."
Si Brent ang isa sa mga taong kahit wala pa dawng driver's license noon ay malaya
ng nakakapagpatakbo ng mga sasakyan sa syudad.
Nakakainis masyado ang angas niya. Sana hindi mahawa si Chad sa kanya!
Syempre! Di naman talaga mahahawa si Chad dahil siya ang... White Prince! Tama!
White Prince, si Chad.

Crush na crush ko na talaga siya.

Pagkatapos ng isang oras na byahe, dumating na kami sa exklusibong beach resort.
Undeveloped pa ang resort kaya wala masyadong tao. Puti ang buhangin, ang sarap
ng buhangin! Sa malayo, may makikita kang mukhang maliliit na isla at bato.
"Okay, team!" Sigaw ni Coach Mariz.
Nag assemble kami sa harapan niya at ganun din ang mga basketball varsity sa
coach nila.
"Sumunod kayo sakin para sa dorms niyo! Dalawang araw lang tayo dito
kaya wala dapat maaksaya na oras!"
Sumunod kami sa kay Coach Mariz.
"Akala ko naman magiging masaya `to. Yun naman pala, hindi natin talaga
kasama ang Basketball Team sa training." Sabi nung isang teammate ko.
Okay lang naman ang tutulugan namin. Dorm type. Double deck ang mga kama.
"Oh my! Bakit ganito? Hindi ko alam na ganito? I thought suites?" Reklamo
nang reklamo si Chloe sa loob.
"Team! Let's go!" Pumito si Coach Mariz at nagsilabasan kami.
Nag jogging kami sa tabing dagat. Sulit naman kasi nandun rin ang Basketball
Team. Kinawayan pa nga ako ni Chad ng nalagpasan namin silang nag wa-warm up.
"Hoy, Alvarado!" Tinabihan ako ni Chloe. "Wala si Ara Cruz dito kaya walang
mag tatanggol sayo! Tumigil ka nga sa pag flirt mo kay Chad!"
"Hindi naman ako nakikipagflirt ah. Magkaibigan lang talaga kami."
"So? Magkaibigan din naman kami ah? As in close! Kaya wa`g kang
masyadong feeling!" Pinandilatan niya ako at linagpasan.
Ano bang problema ng Chloe na yun? O sige na, crush ko na nga si Chad kung
crush. Pero ano naman ngayon? Crush ko lang naman yun at wala naman yung
gusto sakin.
Alam kaya ni Chad na may gusto si Chloe sa kanya?
Napatanong ako sa sarili ko nang nakita kong nag uusap silang dalawa habang nag
wa-warm up kami.

"Okay, team! Sisimulan na natin ang drills!" Sigaw ni Chloe na may ngiti sa
mukha.
Tinitigan niya pa ako na parang may karatula sa noo niyang, 'I win'.
Nakakairita yung ekspresyon ng mukha ni Chloe. Pinag iinitan niya pa ako,
dalawang beses akong pinapaulit sa mga drills. Buti na lang ilang sandali ay
dumating si Coach at inalis siya sa pwesto niyang nagbabantay sa amin.
Pagdating ng tanghalian, kasama namin ang basketball team. Ang sarap din ng
pagkain dito ah. Seafoods.
"Chad, diba allergic ka sa shrimp at crabs?" Narinig ko si Chloe kung saan.
"Oo eh. Sayang nga! Masarap pa naman ang mga iyan."
So... allergic pala si Chad sa mga iyon. Tiningnan ko silang dalawa at ayan na
naman ang mga malademonyitang-tingin ni Chloe sa akin. May karatula ulit sa noo
niyang, 'you lose'.
Siguro nga alam na ni Chad na may gusto na si Chloe sa kanya. Baka nga M.U.
silang dalawa eh.
"Hey..."
Bigla akong tinabihan ni Chad habang nakaupo ako sa buhangin, nagpapahangin at
nagpapahinga. Mamaya kasi mag di-drills ulit kami. Yung iba kasi naligo sa dagat.
Yung iba naman ay kasama ang ibang players ng basketball team.
"Hi!" Sabay ngiti ko at talon ng puso.
"Kamusta ang Venus and Adonis?"
"Maganda! Nagustuhan ko. Dala ko nga eh, magpapatulong sana ako
sa`yo. Di ko kasi masyadong naiintindihan ang Old English eh."
"Talaga? O sige ba, tutulungan kita. Gusto ko kasi si Shakespeare kaya
halos lahat ng pieces niya, may background knowledge ako. Isa sa mga
paborito ko ang Venus and Adonis niya."
"Ako kasi, Romeo and Juliet lang ang alam ko sa kanya." Nakakahiya naman
yung sinabi ko. Pero totoo naman! Hay! Si shakespeare kasi eh, di ko maintindihan!
"Tsaka yung Sonnet 116. Naisaulo ko yun nung second year ako."
"Ah ganun ba? Sino ba ang paborito mong writer?" Tanong niya ng may
matamis na ngiti sa mga labi.
Kinikilig ulit ako! Ang bilis ng tibok ng puso ko!

"Hindi naman kasi ako mahilig magbasa eh. Pero nagustuhan ko ang Pride
and Prejudice ni Jane Austen."
"Gusto ko rin yun! Magaling talaga si Jane Austen."
Nakakahiya tuloy dumugtong. Kasi naman, isang nobela lang din ni Jane Austen ang
nabasa ko.
"Chad!" Sigaw ng naka trunks lang na si Brent.
Nanlaki ang mga mata ko nang nakita ko ang mayabang niyang ngiti, abs at ang
maangas na titig.
"Maxine, laway mo oh!" Sabay tawa niya.
Nakakahiya! Naabutan niya akong nakatitig sa kanya! Imbes na matawa din ako sa
kahihiyan, pinagtagpo ko ang mga kilay ko at pinandilatan siya.
"Ano ba naman kayong dalawa! Wa`g nga kayong mag mukmok dito!
Maligo tayo! Tara na!"
"Tara, Max!" Inimbita ako ni Chad.
"Ahh... okay lang. Di na. Dito lang ako." Sabi ko.
"Why? Don`t know how to swim?" Tanong ni Brent.
"Wala lang. Okay lang ako dito." Sabi ko.
"Oh. Okay." Nginitian ako ni Chad.
"Hey if you don't know how to swim, I`m just here, I can save you." Andyan
na naman ang nakakapanindig balahibong ngiti nitong si Brent.
Umiling na lang ako habang nakangisi si Brent.
Kahit kailan, istorbo lang talaga yang si Brent na yan! Linayo niya si Chad sakin!

B2.Sprain in the heart

Pagkatapos ng konting pagkakataon para magpahinga, agad kaming pinabalik para

mag practice. Di ako nahirapan kasi di naman ako naligo samantalang mukhang
tinatamad na ang iba.

Nagjogging ulit kami, drills, at kung anu-ano pang mga pag s-spike sa bola. Lagi
akong napupuri ni Coach dahil sa nakakabasag mukha kong spike.
"Saan mo ba hinuhugot yung lakas ng spike mo, Maxine?" Tanong nung isang
second year na rookie.
"Hindi ko alam eh. Basta iniispike ko lang."
"Hoy! Maxine Alvarado! Tatlong beses mong ulitin yung drills na para
sayo?" Sigaw ni Chloe.
"Huh? Bakit? Eh diba-"
"Sino bang captain dito? Diba ako? Sumunod ka na lang!" Pinandilatan niya
ako.
May ginawa kasi ulit si Coach kaya si Chloe na naman ang nag babantay.
Pagbalik ni Coach, nag practice game kami. Ibang klase pala pag sa buhangin ka
naglalaro, kasi nakaka-ubos ng stamina.
"de Silva, Team A. Alvarado, Team B..."
Dumating na rin ang Basketball team na mukhang kagagaling lang sa kanilang
Practice Game. Pawis na pawis sila habang pumipwesto at mukhang manonood pa
yata sa game namin.
Naku! Ayun si Chad! Nakangiti siya sa akin! Nginitian ko rin siya at pumwesto na.
Sakin ang first service. Kalaban ko pa sina Chloe kaya dapat galingan ko `to!
Naramdaman ko rin ang tension ng mga team mates ko, kasi naman nandyan ang
basketball team!
"Alvarado, service. Team B."
Napapalakpak ang teammates ko ng nakuha ko ang unang score sa service ko.
"Go Alvarado! Galing mo! Ganda pa!" Sigaw nung hindi ko kilalang taga
Basketball Team.
"Oy astig Max! Kilala ka talaga ah!" Sabi ng teammate ko.
Syempre, nakaiscore din ang kabilang team. Para saan ba ang pagiging Team
Captain ni Chloe kung hindi siya magaling? Magaling siya sa pagpaplano at diskarte.
Madali niyang napapasunod ang teammates niya. Ako naman, umaasa lang sa
sasabihin ng assistant team captain na ka grupo ko. Pag talon at ang puwersa lang

ng spike ko ang maipagmamalaki ko.

Uminit ang laban. Naramdaman ko `to sa kalagitnaan. Nang lamang ang Team A sa
amin.
Sa huli, tumabla ang iscore. Pagod na ako! Naiinis ako sa pagod na naramdaman ko.
Kulang na lang eh humilata na ako sa guhangin at magpahinga. Kaso hindi pwede
eh! Gusto kong manalo! Mananalo kami! Naalala ko ang mga doble at tripleng drills
ko ngayong araw na `to. Kaya siguro halos maubos ang puwersa ng spike ko dahil
doon!
"Maxine!" Sigaw ng assistant team captain namin nang tinira ni Chloe ang
pamatay niyang tira para matalo na kami.
Alam ko. Sa taas ng inabot ng bola, ako ang inaasahan nila.
"Mine!" Sigaw ko.
Tumalon ako gamit ang buong lakas ko at inabot ang bola, inispike pabalik sa kabila!
Napatalon ang teammates ko nang napasamin ang huling score! Pero hindi ako
makangiti nang naramdaman ko ang naipit ko muscles sa wrist.
Pumikit na lang ako habang pinalibutan ako ng nag aalala kong teammates.
Tumakbo na rin si Coach papunta samin.
"Yung first aid kit!" Sigaw niya.
Halos maiyak ako sa napakasakit na pagkaipit ng muscles.
Napawi ang lahat nang nakita kong si Chad ang humawak sa kamay ko habang
pinupulupot ang band.
"Masyado mo yata nagamit ang pag i-ispike mo. Magpahinga ka muna.
Dalhin niyo siya sa clinic ng dorm!" Sabi ni Coach sa teammates ko.
Nandun parin si Chad sa harapan ko hawak-hawak ang kamay ko.
"Chloe!"
"Yes, coach!"
Hinatid nila ako sa clinic. At syempre, nasa tabi ko si Chad.

Wala namang

imik si Chloe. Pinaupo ako sa kamang pang pasyente talaga.

"Okay ka lang?" Tanong ni Chad.
Kinikilig ako! Hawak-hawak niya parin kasi ang kamay ko! Halos tumili na nga ang
teammates ko sa sinabi niya eh. Uminit tuloy ang pisngi ko.
"O-Okay na." Dahil sa`yo. "Salamat."
Ngumiti siya at mukhang masaya nang narinig ang sinabi kong okay na ako.
"Don`t over exert yourself." Sabi ni Chad.
Grabe! Puputok na ang mga arteries ko sa kakilig dito!
"Hay naku syempre! Sinong hindi magiging okay kung hawak-hawak ng
mahal niya ang kamay niya, diba? Tsss." Singit ng panirang si Chloe.
Natigilan si Chad at napabitiw sa pagkakahawak sa kamay ko.
"Uy! Mahal daw!" Sigaw nung isang taga basketball team.
"Totoo ba yun, Max? Gusto mo si Chad? Ayieee!" Tanong ng assistant team
captain namin.
HALA! Anong sasabihin ko!!! Oo! Totoong gusto ko siya! Pero hindi ko naman alam
kung mahal nga ang tawag dun! Atsaka, nakakahiya namang umamin! At
nakakahiya ring mag maangmaangan!
Tiningnan ko si Chad. Mukhang nag iba ang ekspresyon niya habang nakatingin sa
akin. Ang bulong-bulungan sa paligid ay mas nakakapgpasaliwa sa nararamdaman
naming dalawa.
"Uh," Humupa ang bulong-bulungan at muling tumingin ang mga tao sa akin.
Grabe! Sobrang nakakahiya `to! Oh God! Anong gagawin ko? Bakit ako nasa
ganitong sitwasyon?
"Mahal mo siya, diba? Maxine?" Singit ulit ni Chloe na mejo natatawa na ngayon.
"Uh," Aamin na ako!
Biglang ngumiti si Chad at tinapik ng marahan ang ulo ko. Para lang tumatapik ng
aso ah?
"Bata ka pa, Max. `Di ako naniniwalang mahal mo ako. Kung totoo man

yun, puppy love lang yan. Kalimutan mo na lang." Ngumiti siya.

"Magpahinga ka na."
Halos mapanganga ako sa sinabi niya. Hindi ko alam kung bakit pero parang
hinampas ako ng sangkaterbang palakol.
"Guys, iwan muna natin siya para makapagpahinga."
Natahimik ang lahat at lumabas na sa clinic ng walang kahit anong angal sa sinabi
ni Chad. Habang nakangisi si Chloe ng abot tenga bago umalis at si Chad naman
ang sumarado sa pintuan.
WHAT WAS THAT?
Napahiya ba ako? Malamang! Ngingisi ba ang Chloe na yun kung di ako napahiya?
At sinong nagpahiya sakin?
Si...
Chad?
Napayuko ako habang tinitingnan ang kamay kong kanikanina`y hawak-hawak niya.
Her pleading hath deserved a greater fee;
-Venus and Adonis, W.S.

B3.Hurt

Hindi ko alam kung papaano at bakit pero parang kinukurot ang puso ko. Parang
binabasag ito unti-unti...
Yinakap ko ang dalawang tuhod ko habang nakatingin sa puting kurtina sa loob ng
room.
"Puppy love?"
Nagsimulang bumuo ang mga luha ko sa mga mata. Hindi ko alam kung bakit
umiiyak ako. Hindi naman ganun ka grabe yun ah pero bakit ganito? Ngayon pa lang
ako nagkaganito!

Napahikbi ako ng marahan. Hindi ko mapigilan! Natatawa ako sa nangyayari sa

akin. Pero hindi ko parin talaga mapigilan!
"It`s not something that deserves so many tears." May biglang sumulpot sa
puting kurtina.
Halos mapatalon ako pero imbis na ganun, nagmadali na lang akong punasan ang
mga luhang nasa pisngi ko.
"Anong ginagawa mo dito?" Tiningnan ko siya ng may poot sa mga mata.
Inalis niya ang puting kutinang naka hadlang sa paningin ko. Nakita ko ang isang
malaking bintanang tinuro niya.
Yeah, I know! Diyan siya pumasok! Of course! Illegal!
"Kinakamusta ka."
Umupo siya sa kama ko at hinawakan ang kamay kong nanginginig. Agad kong
binawi ang kamay ko.
Tumayo siya at napabuntong-hininga.
"Ano bang nakita mo sa lalaking iniiyakan mo`t nag-aaksaya ka pa ng
panahong iyakan siya?"
"Ano ba ang nakita ng mga babaeng umiiyak dahil sa`yo at nag-aaksaya
pa sila ng panahong iyakan ka?"
Natigilan siya.
Mas lalo akong umiyak. Sa harapan niya. Nakakainis siya! Ano bang alam niya!
Wala, diba?
Hikbi ako ng hikbi habang nakatunganga siya sa harapan at walang ginagawa kundi
hayaan ako at tingnan lang akong umiiyak siguro para aliwin ang sarili niya. Si
Maxine Alvarado, umiiyak!
"Anong pa bang ginagawa mo dito? Umalis ka na nga! Wala kang alam!
Palibhasa hindi ka marunong magmahal! Palibhasa ikaw `tong nananakit
eh!"
Hikbi parin ako ng hikbi!

Ayokong sabihin ang mga iyon. Pero naiirita ako sa kanya. Nakikita niyang umiiyak
ako dito pero nakatunganga lang siya diyan at tinitingnan ako. Anong klaseng lalaki
siya?
Tiningnan ko siya at nakita ko ang isang ekspresyong ngayon ko lang nakita.
Seryoso, malamig at galit.
Humiga ako at binalewala siya.
Lumapit siya sa kama at tinaas ang kumot ko, "Magpahinga ka." At umalis din
naman agad.
She's Love, she loves, and yet she is not loved.
-Venus and Adonis, W.S.

Nakatulog ako. Pagkagising ko, gabi na pala kaya lumabas ako ng clinic at
tumambad sakin ang halos nagpaparty ng mga teammates ko sa tabing dagat.
Kumakain silang lahat at may kumakantang live band sa harapan.
"Maxine, kumain ka na!" Sigaw ng assistant team captain. "Okay ka na ba?"
May ganung tingin parin siya sa akin hanggang ngayon. Tinging naaawa o naiilang
dulot ng nangyari kanina.
"U-Uh... O sige."
"Sige na! Kumuha ka na dun!" Sabay turo sa buffet na nasa harap.
Wow! Gutom na gutom pala ako!
Kaya lang, nawalan ako ng gana ng may mga narinig ako sa kabilang table na
nagbubulungbulungan...
"Nabasted siya? Ni Chad?"
"Ang sakit nun!"
Sabay tawanan ng mga babaeng may pasulyap-sulyap pa sa akin.
Umiling na lang ako habang pumwesto ako mag-isa sa table. Ang lamig pa naman
ng simoy ng hangin.
"Oi `tol! Nabasted na yata si Maxine kay Chad! Ano na? Ligawan mo na!
May pag-asa ka na!" May narinig akong ganun kung saan pero binalewala ko na

lang. Nagtawanan sila at mukhang pinagkakatuwaan lang yung nangyari.

Pero nabigla ako nang natahimik. "Shhh!"
"Okay ka na?" Tumingala ako at nakita ko ang taong tatabi sa akin. Si Chad.
Halos mailuwa ko ang kinakain ko.
"O-Okay na."
Hinawakan niya ulit ang kamay ko. Hindi ko alam kung bakit binawi ko `to imbis na
sana ay titingnan niya lang.
Nagkatinginan kami.
"S-Sorry." Sabi niya.
"Sorry din."
Katahimikan.
"Ano nga pala yung ipapatulong mo sana sa Venus and Adonis?"
"Uh, yun ba? Wala na... Uh, okay na siguro yun. Mejo kaya ko na...
Salamat."
Nakakailang kasi `to.
"Go Brentttt!" Nagtitinisan ang boses ng mga teammates ko.
Hindi ko alam kung ano ang nangyayari pero nakita ko si Brent na tinutulak
papuntang stage. Tawa sila ng tawa.
Naiinis parin ako sa tuwing naaalala ko siya na pumuntang clinic kanina. Tapos
ngayon, tatawa tawa lang siya habang nakikipaglandian sa mga babaeng yan.
Tapos, eto namang si Chad, nasaktan na nga ako kanina pero nagpakita parin siya
sakin ngayon na parang walang nangyari.
"O sige na! Dahil mapilit kayo..." Ngumisi si Brent sa stage ng live band.
Sa itsura niya, kakanta yata siya.
"Sigurado ka?"
"Oo." Nginitian ko si Chad.
"Nga pala, sa`yo na yung kopya, di mo na kailangang ibalik sakin yun."

"Talaga? Salamat."
"Kakanta na ako!"
Nagtilian ang lahat ng babae sa beach.
May binulong si Brent sa banda at agad tumugtog ng isang pamilyar na kanta. My
favorite song!
Natigilan ako habang pinagmasdan siya. Hindi lang yata ako eh, lahat yata kami.
"This song is for the girl who`ve hurt me."
"Yiiieeeeee! Sino kaya yun?" Sigaw nila.
Napatawa ng mahinahon si Chad.
"Who can hurt Brent Cruz?"
Napatingin ako sa kanya habang umiiling.
"We watch the season pull up its own stakes and catch the last weekend of
the last week..."
Hindi naman talaga ako nabigla sa ganda ng boses ni Brent. Parang tulad nung
original na kumanta. Hindi ako nabigla dahil parang inaasahan ko nang may
magandang boses na lalabas sa bibig niya dahil sa kagandang lalaki niya.
Ano daw yung iniisip ko?
"You have stolen my... heart..."

B4.Command

Pero pagkatapos ng training camp, hanggang dun na lang rin ang lahat. Hindi na
ako masyadong kinakamusta ni Chad. Siguro tuluyan na siyang nailang sa akin.
Minsan, nakikita ko naman si Brent na may kasamang babae. Mga babae.
Balita ko nga naghalikan daw silang dalawa ni Lia. Si Lia yung pangalawa sa

pinakamaganda sa grupo ni Ara. Syempre, si Ara ang pinaka maganda.

Mas pinili ko na lang ring manahimik at iwasan na si Chad at Brent.
Sa mga corridors, hindi na rin ako masyadong pinapansin ni Chad. Ilang beses nga
kaming hindi nagkasalubong pero hindi nagpansinan.
"Ang sarap talaga ng hangin dito..."
Isang pamilyar na boses ang nagsalita habang nakaupo ako sa paboritong lugar ko
sa skul na `to. Si Chad pala!
"Uh, oo eh."
Nagtaka ako. Bakit niya ako pinapansin ngayon samantalang hindi naman talaga
siya namamansin na.
Umupo siya sa tabi ko.
"Haaay!"
Nakatingin siya ng diretso sa tanawin habang ako ay titig na titig sa gwapo niyang
mukha.
"May nang aaway pa ba sa`yo?"
"Huh?"
Bigla kong naisip si Chloe at ang iba pang mga teammates at kaklase kong, hindi
naman nang-aaway pero, nang-aalipin.
"Pasensya ka na, hindi na kita masyadong pinapansin..." Humiga siya sa tabi
ko.
Nakatingin lang ako sa kanya.
Sikat si Chad at alam ng lahat yun. Siguro kaya ako inaaway ng mga kaklase ko
dahil napansin nilang malapit ako sa kanya. At ngayong mag iilang buwan ng di niya
ako pinapansin masyado, wala na rin masyadong pakealam si Chloe sa akin. Di
tulad noon na lahat ng gagawin ko ay pinapakealaman niya.
"Okay lang." Naiinitindihan ko naman yun.
Siguro hindi niya ako pinapansin dahil naiilang siya sa nangyari nung training camp.
Di ko naman siya masisisi. Atsaka, ako rin naman eh, ayaw ko na rin siyang

pansinin. Nakakailang at nakakaasiwa kung papansinin ko pa siya pagkatapos ng

kahihiyang iyon.
"May date ka na ba sa prom?" Tanong niya.
Napalunok ako sa sarili kong laway! Kinabahan ako at pinagpawisan ng todo-todo!
"W-Wala."
Pero... alam ko. Hindi ako ang magiging date ni Chad. Sa lahat kasi ng Seniors, siya
lang ang hindi pwedeng pumili ng date dahil inaasahan na siya ang idi-date ni Clara
Montesclaros, ang pinakamatalino sa juniors. Siya ang susunod sa yapak ni Chad
kaya napagdesisyunan ng silang dalawa na ang magpapares para sa gabing iyon.
Silang dalawa rin ang naatasang mag organize nun kaya hindi na rin ako aasa ng
kahit ano.
At sa gabing iyon... ang buong araw at buong gabing iyon... ang kaarawan ko.
"Wala pa."
Napabuntong hininga siya.
"Narinig ko inimbita ka raw ni Martin Mercado, Enzo Santos at Yael
Escudero?" May bakas ng ngiti sa mukha niya pagkatapos niyang mabanggit ang
mga pangalan.
"Oo eh."
"Bakit di ka pumayag ng kahit isa sa kanila?" Nakangiti siya.
Aray ano ba yan! Namumula na yata ako dito, nakakatunaw kasi ang mga tingin
niya.
"Uh, kasi... wala naman akong kilala sa kanila. Ayokong hindi ko kilala ang
kadate ko."
Natawa siya, "Pero kilala ang tatlong iyon ah. Si Martin at Yael parehong
basketball varsity. Tapos si Enzo kilalang tennis player at modelo."
"Hindi naman yun ang ibig kong sabihin. Hindi ko sila kilala ng lubusan
eh..."
"Naku! Alam ko na yata kung bakit maraming nang-aaway sa`yo na mga
babae." Tawa siya ng tawa.
"Bakit?"
"Hindi mo kasi nakikita eh. Halos lahat ng mga sikat na lalaki sa skul,
tinatanggihan mo."
Napabuntong-hininga ako. Ayaw ko lang naman kasing magkaroon ng date tapos di

ko naman talaga kilala. Sana pwede kong dalhin si Carlo, yung kapaitid ko. Kaso,
kailangan sa Seniors mamili eh. Ang bilang kasi ng Senior boys and girls at Junior
boys and girls ay magkapareho lang. Kaya impossibleng walang date ang kahit isa
sa kanila.
"O sige, kung pipili ka ng date, sabihin mo sakin kung sino... ako na ang
bahalang magsasabi kong mabait siya o hindi. Okay, Max?" Tumayo si Chad
at aalis na yata.
"O sige... I'll try."
"Gotta go." Ngumiti siya. "I'm sorry for being so busy. I missed you. I wish I
can be your date." At umalis siya ng tuluyan.
CHAAAAAAAAAAAAD! I miss you too! Este...
Tiningnan ko siya hanggang sa nawala na siya sa paningin ko. Yinakap ko ang mga
tuhod ko.
Hindi ako makakahanap ng date nito! Si Chad ang gusto kong makadate! Pero hindi
pwede! Hindi pwede! At sigurado akong mas maiilang ako kung siya ang kadate ko.
Balita ko halos 80% sa Juniors at Seniors may ka date na eh! Ang alam ko, ang date
ni Ara ay si William Buffardessi, yung half Italian na classmate ko. Ang ka-date
naman daw ni Chloe ay si Robert Lim, pagkatapos niyang tanggihan si Enzo Santos!
At ako? Wala pa! Pwede namang pumunta kahit walang kadate ah?! DIBA?
Halos sabunutan ko na ang sarili ko sa pag-iisip ng kadate! SINO ANG IDI-DATE KO?
"Be my date..." May biglang tumalon galing sa sanga ng punong katabi ko.
Agad kong iniba ang ekspresyon ko. From lost to mad!
"Huh?"
Andyan na naman yung kayabangan ng aura niya at ang ngiti niyang parang
walang insecurities sa katawan.
"Be my date." Inulit niya `to. Ngayon, mas naramdaman kong hindi imbitasyon
ang pagkakasabi niya, kundi utos.
Brent Damien Cruz.

B5.Brentology

Asa pa ako? Alam kong maaring kalahati ng buong papulasyon sa Juniors ay naniniwalang ang
kanilang date ay si Brent Damien Cruz. At hindi ako maaring maging parte sa kalahating
papulasyon na iyon.
Pumunta ako sa prom ng mag isa. Maaga ako para hindi magkagrand entrance.
"Lady Maxine Theodora Alvarado with her date... Ehe-ehem... I mean, Lady Maxine
Theodora Alvarado."
Mabilis kong tinahak ang red carpet at agad ng pumwesto sa table na nakatalaga sa akin. Pink
ang kulay ng gown kong kahapon ko pa binili. Happy birthday to me! Sariwa pa sa akin ang
Chocolate Mousse ni mama na kinain ko kanina bago ako nimake-upan.
"Lady Cecilia Evangelista and Lord Jeffrey Leandro Ortiz."
Si Lia... Yung rumored girlfriend ni Brent!
"Lady Clara Angela Montesclaros and Lord Richard Martinez."
WHOA! Ang gwapo gwapo ni Chad! Naka tuxedo siya. Dark blue ang kulay ng tie niya!
Sobrang gwapo! New haircut! Halos malaglag ang mata ko.
Sa harapan ang table nila. May isang table pa mula sa akin kaya madali ko siyang makita!
"Lady Ara Ysabel Cruz and Lord William Burffardessi..."
"Uy si Ara! Dinig ko, Chanel daw yung dress niya!"
Ang ganda ni Ara! Puti ang soot niya. Puting may sequins na pink. Buti na lang at si William ang
pinili niyang date! Kasi wala sa Juniors ang makakapantay sa kagandahan niya. Masyado siyang
maganda para makadate ni kahit kanino sa Junior boys, at siguro si William lang, na half-Italian,
ang mejo makakapantay nun.
Si Ara... kung ganun, ang susunod ay si?
"Lady Chloe de Silva and Lord Robert Adrian Lim."

Wala pa si Brent? Sino kayang date ng mokong na yun?

Halos natapos ng matawag ang lahat ng estudyante pero walang Brent na pumasok. Okay lang
siguro kung kung sinu-sino lang yung hindi pa dumarating, kaso sikat siya at halata sa lahat na
hinahanap siya. May lumapit na nga kay Ara para magtanong kung nasaan na ang kapatid niya
pero...
"He`ll be here soon."
Yun lang ang nasagot niya.
Puno na ng bulong-bulungan ang paligid. Kahit na may instrumental naman na background
sounds pero mas nangingibabaw ang bulung-bulungan.
"Sorry I'm late."
Agad siyang inispot-light at...
"Finally, Lord Brent Damien Cruz." Hindi na nag microphone si Mrs. Torregoza na teacher
namin sa speech pero dinig na dinig ng lahat. "Alone?"
"Yeeep! I`m alone!" Sabi niya habang tinatahak ang red carpet.
Mas lalong nagbulung-bulungan ang mga tao. Naka tuxedo din si Brent Cruz, kulay puti. Bagay
na bagay sa kanya. Kumikinang siya at mas lalo siyang nakakasilaw dahil sa ngiti niya.
"Si Lia? Di Pwede kasi Senior din siya!"
"Pero diba rumored girlfriend niya rin si Rosalie na third year?"
"Asus! Kilala niyo naman yan! Sa dami yata ng babae niyan, di na nakapili kaya hayan!
Walang date!"
"Diba equal number lang? Sinong walang date sa Juniors?"
"Si Maxine Alvarado."
"Ay oo! Narinig ko, sa lahat ng pinopormahan ni Brent na mga babae, wala daw ni isa sa
kanila ang niyaya niya! Bakit kaya?"
"The Junior-Senior Night will now start!"
Dalawang oras ang program at pagkain. Pagkatapos nun ay ang sayawan naman. Si Clara
Montesclaros at Chad ang unang sumayaw at sinundan ng ibang cotillion.
Sa tingin niyo may pag-asa akong maisayaw si Chad?

Nagsayawan na halos lahat. Nakita ko nga si Brent na sinayaw si Lia at yung si Rosalie at pati na
rin yung Alison na umiyak sa CR nun. Hindi ko na mabilang ang mga sinayaw niya. Siya kasi
yung madali kong nakikita sa dancefloor dahil sa soot at dating niya. Nasaan kaya si Chad? Sa
tingin niyo isasayaw niya ako?
*Krriiiing!-Kriiiing!*
"Hello, ate?" Humikab pa si Carlo, ang kapatid ko yung tumawag sakin.
"Carlo?"
"Ano? Nasa labas na kami ng Plaza Maria Clara nina mama at papa."
Grabe, buong pamilya pa talaga ang susundo sa akin huh?
Sinabihan ko kasi sila na limang oras lang ako sa Prom. Wala rin naman akong dahilang
magtagal dito. Pero sandali lang... limang oras? Sa halos tatlong oras ko dito wala ni isang
yumaya saking makipagsayaw? Hay naku! Nakakaawa naman ako, jusko!
"O sige, sige! Aalis na ako! T-Teka lang!"
Nagmadali na akong itago ang cellphone ko at tumayo na para umalis. Sa huling pagkakataon,
tiningnan ko ang dancefloor. Nakita ko si Chad, kasayaw si Chloe. Nice. Siguro hindi niya na
nga ako maisasayaw. Hindi na, diba? Aalis na ako eh.
Napabuntong-hininga ako at umalis na.
Pero nasa garden pa lang ako may humila na sa braso ko at umambang isasayaw ako.
"Hi, Lady Maxine Theodora Alvarado. It`s your birthday, right? Happy birthday! Nice
night! Lalo na pag ikaw ang kasayaw." Ngumisi siya, nakakapanindig balahibo.
Paano nalaman ng mokong na `to na birthday ko ngayon?
"Brent Damien Cruz!? The nerve! Sa tingin mo isasayaw kita?"
"Can`t help it?" Sabay tingin sa mga paa kong sumusunod na sa pagsasayaw niya.
Tinitigilan ko ang pagsasayaw ko at binigyan siya ng pinakagalit kong mukha.
"I never thought someone could be as beautiful as you when angry."
"Shut up! Engliserong playboy!"

Nakakainis, kung nagagandahan siya sa mukha kong galit eh ano na lang ang gagawin ko? At
hindi naman ako naniniwala sa sinasabi niya! Ano ako bale? Syempre linya niya yan sa mga
babae niya! Liar!
"Kung iniisip mong mapapabilang ako sa dami ng babae mo, nagkakamali ka oi! Nasa
ibang channel ka po! Brent Cruz, di ako tulad ng mga babae sa skul na `to na madali mong
nauuto!"
Nakakainis! Nakangiti siya habang ako dito naiinis!
"Nangungulelat man ako sa Chemistry, pero di ako mangungulelat sa Brentology! Excuse
me! At least may naipagmamalaki ako, one step smarter ako sa lahat ng babaeng binobola
mo-"
Bigla niyang hinawakan ang magkabilang pisngi ko at hinalikan ako ng diretso.
Pagkahalik niya, naubusan ako ng ideya sa mga sasabihin pa! Ang gusto ko lang ay itulak siya
papalayo. Butterflies in my stomach, heart skipping a beat, that can't be safe.
"The only way to shut you up, eh?"
Sa likuran niya, nakita ko si Chad. Galit, pula ang pisngi, nagkasalubong ang mga kilay at
mukhang nakita ang buong eksena.
"Chad!"
Nag walk-out siya.
Ngayon, nagdududa ako. Ang buong eksena ba ang nakita niya o ang kissing-part lang?
BRENT CRUZ!!! Kasalanan mo `to!
At dito ang hangganan ng pantasya ko kay Chad. Este, ito ang hangganan ng lahat. Pagkatapos
ng Prom, hindi na ulit kami nagkita. Oo, hindi na ulit. Gumraduate na sila. Sa wakas! Wala ng
Brent Cruz sa buhay, pero ibig sabihin nun, wala na rin si Richard Martinez.

Nawala

siya dahil pinili niyang umalis sa gabing iyon. Hindi niya dininig ang tawag ko. Naiwang
nakangisi si Brent Cruz habang ako`y mangiyakngiyak na tinatawag si Chad.

The C-arcs.

C1.The Spike

Ngayong college na ako sa parehong school. Iisang pangalan, magkaibang campus. Sigurado
ako, makikita ko ulit si Chad dun. Kinakabahan na ako at excited!

"Finally, my favorite girl's in college!"

Yung halimaw na yun! Ang presko-presko at magnanakaw pa ng first kiss! Ang masama pa
niyan, nakita pa ni Chad ang nangyari! Pero pinansin niya ako kanina, nginitian pa! Ibig sabihin
kaya nun ay di na siya galit? At bakit naman yun magagalit sa akin? Pero nag walk-out siya noon
at di na ulit ako pinansin pagkatapos nung prom diba? Siguro napatawad niya na ako ngayon,
isang taon din naman ang nakalipas eh. Isang taon din kaming hindi nagkita. Noong gumraduate
na sila at naging senior na ako, mejo boring ang buhay pero mas mabuti na rin yun para wala ng
makapanggulo sa akin.
Kasalanan talaga ni Brent ang lahat ng nangyari na yun!
"Whoa!"
Napapalakpak ang teammates ko at yung Coach sa college volleyball team.
"Awesome power. Pero kulang sa control." Sabi ng lalaking coach namin.
Maypagkachinito siya at kung hindi sana siya nagsoot ng t-shirt na may nakatatak na 'Faculty' sa
likuran, di ko maiisipang Coach siya ng volleyball. Pwede kasi siyang college student. Ang
gwapo niya rin! Sobrang gwapo na pakiramdam ko may halong brazilian ang chinito niyang
mukha. Matangos ang ilong mejo chinito ang mata. Kumikinang ang kutis niya at maporma ang
katawan. Sa sobrang gwapo niya, napaisip akong pwede siyang mag modelo sa kahit anong

clothing line o kahit mga underwear! LOL! Ano ba `tong mga iniisip ko!?
"Ang gwapo talaga ni coach!" Sabi nung isang taga volleyball team. Mukhang halos mga
upperclassmen ang nandito.
"Miss Maxine... Alvarado?" Tiningnan ni Coach ang papel na hawak-hawak niya. "Congrats,
you're part of the team!"
"But Coach! Late siya! Ayoko ng teammates na late comer!" Sigaw ni Chloe na nasa kabilang
court.
Si Chloe kasi ang team captain ng volleyball team! Grabe! Magaling kasi talaga siya! Nandun rin
yung assistant team captain nung highschool, pero di na siya ang assistant team captain dito.
"Miss de Silva, kung gusto mong maging magaling na lider, kailangan marunong kang
dumisiplina sa mga myembro mo."
Pinandilatan ni Chloe ang si coach.
Si Coach naman ngiting-ngiti lang habang ang ibang ka-team ko halos tumili na para sa gwapong
coach namin.
"My name is Paul Tan." sabay lahad niya ng kamay at ngiti ulit para sa akin.
"Maxine, uh, coach!"
Tumango siya, "Miss Alvarado."
Naiilang naman ako sa 'Miss'. Sasabihan ko na sana siyang tanggalin na lang iyon pero agad
naman siyang nagsalita para sa buong team.
"Assemble! Freshmen, kay Miss Alvarado pumila..." Pumito siya.
Isang spike lang, napasok agad ako sa team! Hindi ko alam kung ganun ba talaga ako kagaling o
nagmamadali itong si Coach Paul?
"Okay team! Magpractice maigi! Tapos, Team captain, wa`g masyadong mahigpit, okay?
Kung may problema kayo, pumunta lang kayo sa office ko kung wala ako sa court!"
Tiningnan niya kaming lahat ng maigi. Habang ako naman, napatingin ako sa likran niya.
Nandun si Ara. Pero si Ara lang mag-isa.
"Okay, see you around! Freshmen, goodluck sa first day of school this Monday!" Kumindat
siya sa mga freshmen at halos mapatili kaming lahat. Pati nga ako eh napangiti.
"Good bye!" Umalis siya agad, mukhang nagmamadali.
"Hoy, Alvarado! Hindi pa kita pinapaalis! Maglinis ka dito! Kunin mo lahat ng bolang
nakakalat!"
"Okay..."

"Freshmen! Hayaan niyo si Alvarado ang kumuha ng mga bola! Mag-isa!"

Ang lupit talaga ng Chloe na yun! Nakakainis! WHATEVER LOSER! Ang sarap niyang sipain,
kaya lang agad naman silang nawala. Pati ang mga freshmen, puro mga walang pakealam!
Talagang hinayaan ako mag-isa dito.
"Maxine!" Nakangiti si Ara sa labas ng court.
"Ara! Kanina pa kita nakikita. Anong ginagawa mo dito? Nasaan sina Lia?"
"Uh, papunta pa lang dito."
"Ahhh. Enrolment pa ba ngayon?" Tanong ko.
Hindi naman kasi first day of school ngayon kaya nagtataka ako kung bakit marami paring
estudyante dito.
"Hindi naman. Pwede mo kasing tingnan ang mga classroom mo ngayon. Kung ayaw mo sa
classroom o masyadong malayo sa next class mo, pwede mo pang i-drop ang clase."
"Ahh." Hindi ko alam yun ah?
May tiningnan siya sa likuran ko kaya pati ako nakatingin na rin. May nakita akong isang
sasakyan, mamahalin.
Hindi naman ako interesado sa mga sasakyan pero hindi ko maiwasang mamangha sa isang ito.
Mercedes-Benz GL. Ang pinapangarap na sasakyan ni Carlo.
"Maxine." Napatingin ako kay Ara na nasa harap ko na. May dala siyang bola, binibigay sakin.
"Salamat."
Ngumiti siya.

"Wa`g kang mag-alala, akong bahala kay Chloe." Kinindatan niya ako at umalis.
Nawala siyang parang bula.
Weird naman. Tiningnan ko ang paligid at nakita ang mga nakakalat ng bola.

"Need help?" Nakita ko si Chad, may tatlong bolang hawak. Nakangiti.

c3.Death threats

Ituturing ko na lang itong practical exam sa isang ipinagbabawal na subject, ang

Brentology.
"Aray!"
Ang hapdi naman nung linagay nung ngiting-ngiting nurse kay Brent! Ano bah? Galit
ba `to sakin? Malamang, syempre nandito kasi si Brent baka akala nito na girlfriend
niya ako. Naiisip ko tuloy kung ganito rin ba ang sinasapit nung mga girlfriend niya?
Yung rumored girlfriendS niya?
"Ano ba yan! Ayusin niyo nga yang trabaho niya... Nasaan ba yung doctor
dito?"
Naka sandal si Brent malapit sa pintuan ng emergency room habang may tatlong
nurse na nag-aalaga sakin. Nakakahiya! Bakit dito niya ako dinala?! GRRR!
Kanina pa siya talak nang talak sa mga nurse at nagpapaulan ng death threat kung
di lalabas yung doctor.
"Asan na ba yung doctor? Ha? Ang tagal naman."
"So-Sorry po Sir-" Sabi nung nurse.
"Hoy Brent! Tumahimik ka nga diyan! Gasgas lang `to, malayo sa bituka
tapos dinala mo ko dito sa emergency room at pinaalagaan ng tatlong
nurse? Pwede namang inuwi mo ako sa bahay at ako na lang ang mag
lalagay ng betadine o alcohol nito!"
Ngumisi siya, "Okay, iuuwi kita pagkatapos ka nilang gamutin."
Alam ko na naman ang iniisip ng bruhong ito! Pinandilatan ko na lang at tiningnan
ulit ang dumudugong sugat ko.
"Ayus ayusin niyo yan! Ayokong magkaroon siya ng peklat at ayokong
marinig na umaray ulit siya. Pag nagkataon, ipagigiba ko `tong ospital na
`to. Patatanggalan ko din ng lisensya ang mga nurse dito, sige kayo!"
Ang sarap sipain ng Brent na yan! Naku! Kawawa naman `tong mga nurse na
nandito.
"Katakot naman yung anak ni Governor. Pero ang sweet huh? Girlfriend ka
niya?" Tanong nung nurse na naglagay ng plaster sa sugat ko.
"Uh, hindi. Naku, wa`g kayong matakot niyan. Akong bahala." Sabi ko.
"Salamat!"

Umalis din ang tatlong nurse ng walang imik at pumasok ang doctor.
"Doc,"
"Mr. Cruz... Anong nangyari sa girlfriend mo?"
"Ehe-Ehem! Di po niya ako girlfriend."
Tumaas ang kilay ni Brent ng sumingit ako. "Doc, ayaw kong magkaroon ng
peklat ang sugat niya."
"Hmmm, base sa sinabi ng mga nurse. Di naman magkakapeklat ang sugat
niya."
Leche! Ang OA talaga ng Brent Cruz na `to.
"Tsaka, ipapacheck-up ko na rin siya... Umubo ka kanina diba?" Tanong niya
pero di na ako hinintay sumagot. "General Check-up, doc."
YUNG 'EHEM' BA ANG TINUTUKOY NIYA! NAPAKA WULANG HIYA NAMAN TALAGA NG
BRENT NA `TO!
Nakasimangot ako habang nichicheck-up ako ng doctor.
"Ano doc? Kamusta yung ubo niya?"
"Ano ba `to? Nagpapatawa ba kayo? Wala akong ubo!" Pinandilatan ko si
Brent na tumatawa.
"Wala naman siyang ubo. Athlete ka?" Tanong ng doctor.
"Opo. Sabi naman sa inyo eh! Wala akong ubo!" Grrr!
"Okay lang naman siya Mr. Cruz, wala naman siyang sakit."
"Okay, salamat doc!"
Syempre, siya ang nagbayad sa lahat ng ka gag0hang pinasok namin.
Nakatunganga ako sa isang tabi ng clinic habang naglalakad kami sa loob ng
ospital.
Nabunggo tuloy ako ng isang lalaking nurse.
"Hoy! Mag ingat-ingat ka nga! Patatanggalan kita ng lisensya, gusto mo?"
Hinila ko na agad si Brent.
Nakakahiya talaga ang angas niya.
Inakbayan niya ako nang napansin ang paghila ko sa kanya. "Wa`g ka kasing
masyadong tumutungatunganga... Anong gusto mong gagawin ngayon?
Baka gutom ka?"
"Gusto ko ng umuwi..."
"Okay! Then, let`s go home." Binuksan niya ang pintuan sa Porsche niya.
Tiningnan ko lang siya.
"Magtataxi na ako pauwi." Sabi ko.

"No. I'm taking you home."

"Brent, okay! Salamat! Okay? Di mo na ako kailangang ihatid. Malayo pa
ang bahay namin. Mag aaksaya ka lang ng gasolina..."
"Get in."
Tinitigan ko siya at napagtanto na mukhang seryoso talaga siya at wala ng
makakapigil sa kanya kaya pumasok na ako.

D1.Whose victory is it?

"Dito lang." Sabi ko nang nakarating kami sa gate ng Domino Heights, kung saan
ang bahay namin.
"Malapit lang pala ang bahay natin." Ngumisi siya.
Alam ko. Taga Leonore Hills kasi ang mokong! Yung kilalang lugar kung saan ang
mayayaman dito nakatira.
"Dito lang..."
"No! Door to door." Sabi niya.
Utos na naman! Sinimangutan ko siya.
"Brent, anong door to door ang sinasabi mo? Itigil mo nga ang sasakyan mong `to!
Papagalitan ako ni papa nito eh!" Grrrr!
"Whoa. Don't you like that? I'll be meeting your parents sooner than expected?"
Sabi niya ng ngiting-ngiti habang nililiko ang sasakyan sa bawat kalye ng
subdivision.
Hindi niya naman alam kung nasaan yung amin.
"Itigil mo nga `to! Hindi ako nagbibiro, Brent! Please? Please?!"
"Hindi ko hahayaang maglakad ang isang babae papunta sa bahay nila
kung kaya ko naman siyang ihatid. Especially you. I'm a gentleman, you
know?"
Saang pahina ba `to sa Brentology natatagpuan ang pagiging gentleman niya?
"OKAY! Alam ko na! Gentleman ka!"
Tama! Syempre, kailangan niyang maging gentleman para mas lalo siyang
makapang-akit ng kanyang mabibiktima! Pero para sa akin, di niya na yata
kailangan yun, mukha niya pa lang nakakapang-akit na ng kung sinu-sino. Para saan
pa ang pagiging gentleman?

Kaya hindi pwedeng magkaroon ako ng koneksyon sa Brent Cruz na `to... Dahil ayon
sa Brentology, dakilang mang-aakit at manloloko siya. Lahat ng lalabas sa bibig
niya, panloloko. Ganun yun!
"Hindi mo na kailangang i-prove yan sakin dahil alam ko na... stop the car,
Brent!"
Hindi ko namalayan, na nasa tapat na kami ng bahay nang sinabi ko yun at sinunod
niya.
Seryoso na ulit ang mukha niya nang hinarap niya ako at sinandal niya ang likuran
niya sa upuan. Kuminang ang seryoso niyang mga mata at mas lalong na bigyangdiin ang walang maipipintas niyang mukha.
"Why are you so dense?"
"Dense?" Napatingin ako sa bahay namin.
Si Carlo nasa bench ng bakuran namin habang naglalaro ng PSP.
"Is that your house?"
Pagkatingin ko sa mukha niya, nakangisi na siya pero bakas parin ang pagiging
seryoso niya.
"Now I know. Wa`g ka kasi masyadong masungit. Ihahatid lang naman
kita."
Pinandilatan ko si Brent. Lalabas na sana ako ng sasakyan niya nang biglang...
*PIPIPPP!*
"Holy crap!"

Napatingin ako sa likuran! Sasakyan namin! Nakauwi na si mama at papa!

"Wait." Sabi ni Brent nang sinubukan kong lumabas. "I'll move."
Pinaandar niya ang sasakyan para makapasok si mama at papa sa loob ng bahay
saka ako lumabas sa sasakyan niya.
"Ma... Pa..." Sabi ko at nag mano.
Ang sama ng tingin ni Carlo sa akin habang nagmamano ako. Grrrr!
Si Papa naman, nakatingin sa labas.
"Uh, Pa-"
"Hinatid ka ba nun?" Sabi ni papa.
"O-Opo."
Tumaas ang kilay ni papa. "Ipapasok mo siya sa bahay."

"Huh-HUH?"
"Sige na, Max. Sundin mo na ang Papa mo. Pinagluto ko rin naman si yaya
kaya ipasabay mo na lang siya sa hapunan."
HDKNAKDKAHDOJSALKSJLIKJSAK!
What the? Bago pa ako makapagreact ulit, pumasok na si mama at papa sa loob.
"Hey, miss sungit!" Sigaw ni Brent habang nakababa ang salamin ng Porsche
niya.
Hindi ako makapagsalita sa inis! Nabigla ako sa sinabi ni mama at papa.
"I`m goin'!" Kinindatan niya pa ako habang isinasarado ang nakababang salamin.
"Teka!" Tumakbo ako palabas nang agad niyang pinaandar ang sasakyan niya.
"Yes?"
Nakatayo ako ngayon sa harap ng sasakyan niya habang siya naman ay lumabas at
mukhang ginanahan sa pagpigil ko sa kanya.
"Interesting. This is the first time I saw you running after me."
BWISIT! BRENT CRUZ!!!
"And this is the last time."
"I don't like that... But I can run after you anyway."
"Ewan ko sa`yo, Brent Cruz!" Tinaas ko ang isang kilay ko. "Dito ka na daw
mag didinner..."
HA HA HA! Kunwari kakabahan siya at tatanggi sa alok ko. Syempre, halos lahat ng
lalaki (lalong lalo na yung mga hindi seryoso) ay takot na maipresenta sa mga
magulang ng kahit sinong babaeng pinaglalaruan nila. Ano ka ngayon Brent Cruz!
"...Sabi ni mama... at PAPA."
Ngumisi siya at tiningnan akong mabuti bago bumalik sa loob ng sasakyan.

VICTORY, MAXINE ALVARADO! The scent of victory!

"Hey, Miss Sungit. Ang saya mo ah? Where should I park my Lightning?"
Sabi niya.
Saka ko naunawaan na si Lightning ay ang itim na Porsche at ipapark niya ito dahil
maghahapunan siya kasabay ang mga magulang ko! Napawi ang ngiti ko.

D2.Back off

"Brent Cruz? Ikaw yung anak ni Governor?" Sabi ni papa

habang natigilan sa pagsubo ng ulam.
Ako naman, halos mawalan ng gana ngayong kasabay kong
kumakain si Brent, katabi ko pa.
Hay! Ang kapal kapal talaga ng mukha ng Brent Cruz na `to at
nakaya niya pang maghapunan sa amin. Kahit kailan, wala pa akong
nadalang lalaki dito sa bahay namin. Kahit kailan. Ngayon lang!
Hindi naman talaga kasi ako mabenta sa mga kaibi-kaibigang yan.
Wala lang talaga akong masyadong kaibigan.
"Opo..."
Opo.
"Governor Cruz is a good friend. Sinusuportahan niya ang
kompanyang pinapasukan ko... Magaling ka rin siguro sa
business." Sabi ni papa.
OHRYT! Ang galing! Ngayon magkakasundo na silang dalawa. Mga
lalaki talaga.
"Hindi naman po masyado."
Halos mabilaukan ako nang sinabi ni Brent yun!
"But my dad is training me. He lets me handle some."
"Ano pa ba ang hilig mo, Brent? Maybe you can start you
own business of something that interest you."
"Oh! AHAHA! Bar!" Bigla kong sinabi.
Napatingin silang lahat sa akin.
KASI NAMAN! Iniisip kong pwede siyang magtayo ng maramingmaraming bar! Yung nagpapasayaw ng hubo't-hubad na mga babae.

Yun! Dun siya aasenso dahil yun ang hilig niya.

"Joke!" Nag-peace sign pa ako kay papa at bumalik sa pagkain.
Ang sama pa ng tingin ni Brent sa akin pero tulad ko ay nakangisi
din siya.
"Yes, I'd like to handle bars."
Tumaas ang kilay ni papa.

"Only because I love architecture, too. Kung magpapatayo

man ako ng bar, sisiguraduhin kong maganda at magara ang
pagkakagawa nun. That's just it. Gusto ko lang magpatayo
ng mga building with my own style in art."

Halos mapanis yung lahat ng nakakatawa sa utak ko. Galing mo

Brent! BRAVO! Makapagnosebleed nga sandali dito.
"Ang galing! Architecture!"
"Maganda nga yung ganun. As expected..."
Mukhang na impress niyang mabuti si mama at papa sa kanyang
mga sinabi ah.
"Magkaklase pala kayo ng Maxine ko... Ito ang unang
pagkakataong nagdala siya ng kaklase dito."
"Hindi po kami magkaklase pa, hinatid niya lang ako kasi
nadapa ako kanina habang pauwi ako tapos nasugatan ako-"
"Dinala ko po siya sa ospital." Singit ni Brent.
Nagkatinginan si mama at papa.

"So, ngayon pa lang kayo nagkakilala?" Tanong ni mama.

"Hindi po." Sabay naming sinagot yun.
"Kilala ko na siya simula highschool. I'm a year older than
her. We are good friends." Ngumisi si Brent.
"Wala naman palang problema, akala namin napulot mo lang
kung saan si Maxine namin." Sabi ni mama. "Hija, saan ka ba
kasi nagpupupunta at nadapa ka pa sa daanan?"
"Ma, kasi naman papunta ako sa sakayan ng jeep para
makauwi na."
"Hindi sinabi ko sa`yo na mag taxi ka kasi wala namang
pumapasok na jeep dito. Tapos kailangan mo pang
maglakad. Delikado yun, lalo na pag gabi."
"Ma, may araw pa naman nung pauwi ako."
"Pero kahit na, Maxine."
"Bilhan mo na lang siguro ako ng Porsche ma, ako na mismo
ang mag-uuwi kay Maxine dito." Singit ni Carlo.
"Hoy! Hijo, mag ate ka nga!"
Ganyan talaga si Carlo, minsan tinatawag niya akong Maxine kung
nang-iinis.
"Ikaw ng bumili nun, Carlo pag may trabaho ka na." Sabi ni
papa.
Nagtawanan pa sina mama at papa kasama si Brent.
"Kung gusto niyo po, ako na lang ang maghahatid kay
Maxine dito after school." Sabi ni Brent na halatang ikinagulat ni
mama at papa.
"Talaga, okay lang ba yun sa`yo? Hindi ka ba busy?"
"Oo nga! Yung girlfriend mo, Brent? Baka kailangan mo
siyang ihatid. Two seater lang si Lightning." Ako naman ang
nakangisi ngayon.
"Wala naman akong girlfriend. Tsaka... hmmm. Marami
naman sigurong pagkakataon na pwede kaming magkasabay
ni Maxine umuwi, kaya okay lang."
Ang kapal ng balat ng mokong na `to! Nideny ba si Lia na girlfriend
niya raw? O kung sinu-sino pang babaeng nalilink sa kanya! KAPAL!
"O sige, Okay lang samin yun. Salamat! Mabuti na rin yung

kilala namin ang kasama niya. Pero kung busy ka naman,

Brent, nakakahiya naman kaya hayaan mo na lang siya...
Maxine, mag taxi ka sa susunod." Sabi ni mama.
Hindi ako makapaniwalang pumayag si Mama at Papa sa alok ni
Brent!
"Opo! Magtataxi na nga lang ako." Kesa sa ihatid pa ako ni
Brent.
"Hindi ba may kapatid ka? Di ba kayo sabay umuuwi?" Tanong
ni papa.
Oo nga pala! Si Ara?
"Hindi po. Nagpapakuha po siya sa driver namin."
Pagkatapos kumain, napansin kong nagiging close na si Brent at
Carlo! WOW! Ang galing naman talaga pag magaling kang
makihalubilo sa mga tao ano? Kung sinu-sino na lang talaga ang
nagigingkaibigan mo.
"Brent! Ganda talaga ng Porsche mo. Nabasa ko `to sa
internet eh. Porsche Cayman bah?"
Abah! Brent na Brent ang tawag ni Carlo kay Brent ah. Hay! Ibang
klase!
Ano na lang ang sasabihin ni Chad pag nalaman niyang pumunta si
Brent diuto sa bahay? Magagalit kaya si Ara sa akin? Eh close sila ni
Lia ah? Yung GF ni Brent? HAY NAKU! BUHAY!
"Salamat po sa hapunan." Sabi ni Brent at mukhang aalis na!
"Lang anuman yun, Brent. Bumalik ka dito ah? Ipagluluto
kita. Maxine, mag-aral ka na ring magluto para mapagluluto
mo si Brent."
Aray naku! Nakakahiya naman yun! Ipagsigawan daw ba ang
pagiging inutil ko sa kusina? Ngumisi si Brent habang di ako
makatingin sa kanya.
"Maxine, ihatid mo si Brent sa gate."

"O-Opo." Kailangan pa ba yun?

"Salamat po ulit, tito, tita." Ngumisi siya lalong lalo na nung
nakita niyang sumimangot ang mukha ko pagkatapos niyang sabihin
yun.
"Tito? Tita? KAPAL!" Sabi ko nang nasa gate na kaming dalawa.
"Bakit ang sungit mo talaga sakin? Do you hate me that
much?"
Hindi ako makatingin sa nakakatama niyang mga titig.
Ito ang ganap na dahilan kung bakit delikado si Brent! Delikadongdelikado!
"Tumigil ka nga, Brent! Happy now? Pwede mo na raw akong
ihatid, kilala ka na ni mama at papa, close na kayo ni Carlo!
WOW! Talentado!"
"You despise me, a lot. Why?"

OMG! Sobrang nakakapanama ang titig niya kahit di ko naman siya

tinitingnan.
Yumuko siya at hinaplos ang mukha ko.
"Back off!" Sabay tulak ko sa kanya.
Hindi mo na ako mahahalikan ulit, Brent Cruz!
"Okay! I know! I won't try to kiss you anymore."
Seryoso na naman siya. Bakit sa tuwing nakikita kong nagseseryoso
siya, gusto kong bawiin lahat ng mga sinabi ko?
"Is your kiss still for the person who made you cry? Richard
Martinez?"

WHAT!? Oo nga naman! Simula pa lang, alam niya nang may gusto
ako kay Chad! Simula pa lang...
Hinaplos niya ang mga labi ko. Gusto kong umangal, pero ayaw
sumunod ng sistema ko. May kung anong pumipigil sa akin.
"He can't have your kiss, either."

E-arcs
E1.New friends.

"He can't have your kiss, either."

Yung Brent Cruz na yun! Na-LSS yata ako sa sinabi niya eh. Parang sirang plaka sa
utak ko. Papaano ba naman kasi, bakit niya naman yun sasabihin diba? At bakit
naman ako hahalikan ni Chad, diba? Eh si Brent lang naman yung bigla na lang
nanghahalik dyan!
Kaya eto tuloy, badtrip akong pumapasok sa bawat klase ko ngayong first day of
school. Imbis na ngingiti-ngiti dapat ako ngayon para naman magkaroon ako ng
kaibigan, eh hindi naman ako madapuan ng ngiti dahil sa pag-iisip sa Brent na yan.
"Get out of my way!"
Nakuha ni Ara ang atensyon ko nang bigla ko siyang narinig na sinasabihan ang isang
babaeng may malaking glasses at naka braid ang buhok.
"S-Sorry." Umalis yung babae habang inaayos ang glasses niya.
Nandun rin ang mga kaibigan ni Ara na sina Ashley at Tasha. Pero wala ang rumored
girlfriend ni Brent na si Lia.

"Sorry?"
Itutulak na sana ni Ara ang babaeng nakaglasses kanina. Mabagal kasing kumilos
yung nakaglasses, kaya lang nasabuyan siya ng 500ml na coke na iniinum nung
lalaking dumaan.
"ARGH! What the hell?"
"Sorry, Ara..."
Binigyan niya ng panyo si Ara pero imbis na gamitin niya `to ay hinagis niya sa
malayo.
"Sa tingin mo ba mapupunasan ng panyo mo ang nabasa kong damit? Oh my
gosh! You are so ruining my ruined day!"
Pinagtitinginan na siya ng lahat ng tao dito sa campus. Gusto ko na sana silang lapitan
kasi naawa na ako sa lalaking walang magawa at dun sa nakaglasses na takot.
"Ikaw, ikaw! Kayong dalawa? You... nerd girl with no sense of fashion!" Sabay
tingin niya sa buong suot ng nakaglasses. "And you... you, her helpless hero? Why
are you always doing this to me?"
"Bad trip yata si Queen B." May narinig akong nagsalita sa likuran ko.
May isang grupo palang nakikiusisa sa likuran ko.
"Sino ba yan?" Tanong nung isang freshmen, tulad ko.
"Oh my gosh? Don't you know her? She's Ara Cruz... wa`g na wa`g kang
makekealam sa mga away niya at wa`g na wa`g kang haharang sa daanan niya.
Lagot ka talaga."
Suminghap si Ara at binalik sa ngiti ang mukha niya pero pinandilatan ang dalawang
nakasagupa.
"Akin na nga yang iniinom mo!" Sabay kuha sa iniinom ng lalaki na Coke.
Mukhang sasabuyan niya yata ah!
"Ara!" Sa wakas! Nagkaroon din ako ng tyempo.
Halos nanlilisik ang mga mata ng mga kaibigan ni Ara sa likuran niya nang nakitang
sumabad ako sa eksena.

"Maxine..."
"Kawawa naman sila... Hayaan mo na lang." Sabay pagitan ko sa kanilang tatlo.
Nasa likuran na ang dalawang kawawang nilalang at si Ara ang nasa harapan ko.
"Haaay! I'm going home. I can't go to class like this, Maxine."
Nabigla ako sa sinabi niya. Akala ko nga pati ako ay kakalabanin niya. Paano ba
naman, para siyang tigre kanina.
"Kayo!" Sabay tingin niya sa dalawang nasa likuran ko. "Pasalamat kayo't nandito
si Maxine at na save kayo!"
Tinapon niya ang hawak-hawak na Coke at umalis.
"Uy, salamat ha?" Sabi nung lalaki.
"Walang anuman yun..."
"Ang galing mo ah? Nagawa mo yun? At hindi nagalit si Ara sa`yo! Ako nga pala
si Jason." Ngumiti siya at agad tiningnan ang tahimik na babae sa tabi niya, yung
nakaglasses. "Eto si Emily."
"Max-"
"Maxine Alvarado." Sabi nung si Emily.
Hindi ko alam kung saan ako nabigla. Sa pagpapakilala nila sa akin o sa pagsasabi ni
Emily ng pangalan ko.
"Kilala mo siya?"
Inayos ni Emily ang kanyang glasses. "Oo. Schoolmate kami sa highschool. Hindi
rin ako nabigla nang huminahon si Ara kanina nang bigla kang humarang sa
gagawin niya." Ngumiti siya sakin.
BAKIT KAYA? Bakit nga ba ako paborito ni Ara samantalang inaaway niya lahat ng
tao?
Naglahad si Emily ng kamay at, "Emily de la Torre."
"Uh, Maxine."
"Friends?"
"Sure!"
Nagtaka ako kung bakit sa tagal ko dito sa mundong ito, wala parin akong, hanggang

ngayon, kaibigang babae na laging nakakasama. Natuwa tuloy ako nang naglahad siya
ng kamay sa akin.
"Okay, Emily! May kaibigan ka na rin sa first day of school mo!" Sabi ni Jason.
Pagkatapos nun ay nagpakitaan kami ng class schedule, at sa kabutihang palad,
magkaklase kami ni Emily sa halos lahat ng subject. Si Jason ay second year din pala
kaya sila ninan Chad ang magkaklase.
"Sige, iwan ko na kayo! May pasok pa ako!" At umalis si Jason.
Naiwan kami ni Emily sa tapat ng mga bulletin board nang biglang dumaan sina Brent
Cruz sa malayo. Sa malayo pero kitang-kita ko ang braso niyang nakapulupot sa
baywang ni Lia at ngingiti-ngiti sa mga kasama niyang taga basketball team. Si Lia
naman, ang taas-taas ng legs sa soot niya at ngingiti-ngiti rin.
ANG KAPAL TALAGA NG MUKHA NG BRENT NA YUN! Sinabi niya sa mga
magulang ko na walang siyang girlfriend? Pero ano yan? Anong tawag diyan?
LECHE!

"Chill, Maxine~"
"Huh?" Napatingin ako sa kay Emily na kanina pa pala nakatingin din sa akin.
"Brent Cruz. Is he still pursuing you?"
Halos gumuho ang mundo ko pagkakasabi niya. Hindi ko kasi alam kung ano ang ibig
sabihin niya at alin dun ang 'pursuing'?
"Hindi..." Bahagyang napatawa ako.
"Hindi? Alam ng lahat na may gusto siya sa`yo ah?"
"Huh?"
Nagsimula kaming maglakad patungo sa next class namin.
"Nung highschool, kaya walang nakakalapit na lalaki man o babae sa`yo ay dahil
malakas ang koneksyon mo sa Cruz Twins. Galit o naiinggit ang mga babae
sa`yo at takot ang mga lalaki. Yung iba naman, ayaw lang makealam."
Alam kong maimpluwensya ang Cruz Twins, pero kahit kailan di ko inisip na sila ang
dahilan sa pag lubog ng social-life ko.

"Ganun ba? Pero... di naman ako naniniwala. Brent Cruz? May gusto sakin?
Okay, sige, kung maniwala man ako diyan. Ano naman ngayon?"
Napatingin ulit ako kay Brent at kay Lia na tawa ng tawa na naglalakad kasama ang
mga barkada ni Brent.
"Marami naman yung ibang gusto."