EDITORIAL BOARD

Editor : H.Lalduhawma Ph.8014787066/9089394543 Asst. Ed. : F.Zirliana Ph. 9615333491 Joint Ed. : Lalhrima K. Ph. 9862775433 News Ed.: T.Lalnunzira Ph. 8014776376 H.Vanlalpeka Ph. 9612131644 Pc.Lalruatsanga Ph. 9612348058

BETHEL BRANCH YMA CHANCHINBU PATHIANNI CHHUAK KUM 25-NA ISSUE NO 28 Dt.10.7.2011 PHEK-1 NA

Lawrkhawm (Phek 2-na)

LEI BA (Phek- 3-na)

Tunkar Thuvawn :

KHAWTLANG NUN SIAMTHAT

-Fate Enkawl
Bethel.Vawkhniakzawn Thla Ni 10th(Pathianni) : Khawtlang nun siamthat nana pawimawh leh tak mai pakhat chu kan fate enkawl dan kawngah a ni awm e. Naupang thunun dan kawngah hian mithiam thenkhatin kutthlak hi an sawi mawi hle a, nimahse an zia leh awmdan azirin kutthlak a tul chang pawh a awm. Kan Bible pawh hian a khap lem lo niin a lang a. An nuna chhanchhuahna anih hialin a sawi zawk a ni. Kut kan thlak a nih dawn pawhin a hmain a chhan leh avang hrilh chian a tha a. Thinrim hrikthlak ang zawng chuan kutthlak loh a tha. Pa berin kut a thlak laiin nu berin I ti lutuk mah mah tia an hriata lo tawng hi a tha lo. Chutiangin pa pawhin kutthlak danah fimkhur thiam a tha. Fate kan hrem dawnin ngaihtuahna fim tak neih hram tur a ni. Hremna pawh hi anmahniin diklo nia an hriatah chauh hremna pek a tha. Naupang hi ngaihsak an tul hle a, a thente phei chuan zawhna an nghahin an dil chhut hle thin. An zawhna te hi dawhthei taka chhan sak thin tur a ni. Tin an hriselna lam pawh venpui reng a tul. An tui zawng leh tui loh zawng te pawh dap pui a tha. Khawvela lem ziaktu hmimngthang Leanardo de Vinci khan a naupan laiin an chhuatah meihawlin milem a ziak a, a nuin a hau a, pindan atanga a pa lo chhuak chuan ziak thiam a tih thu leh milem ziaktu ropui tak a nih a rin thu a sawi a, khawvela lem ziak thiam zinga a l;ar br pawl niin Lal Isua leh a zirtirte zanriah kil lai pawh a a ma ziah a ni nghe nghe a ni. Lehkha zir ngawr ngawr hi kan fate kalna tur a ni lem lo. An tuina kawng dap hi thiam hi a hluin a fin thlak em em a ni. Naupangte zawng zawng kalna kawng chu rinna kawng hi thli chiang sa a ni a, he kawngah hian kal kan zirtir em le..?

I hmahruaitu chu Lalpa a ni ang a, i hnenah a awm zel ang a, kal pawh a kalsan tawp ,lo ang che.

VENGCHHUNG
Damlo Pi Lalnuntluangi W/o Pu Sangvunga T.Sec chu Vairam lamah inzai turin a chhuk thla. Dam taka a rawn haw thuai kan beisei. II Yr. BA Result Chhuak II Year BA result chhuak ta ah kan veng atanga Passi kan hriattheih te : Lalramthari D/o C.Chhinghnema, N-Sec., C.Lalhlimpuii D/ o C.Lalpiangthanga T-Sec., V.Lalbiakdika S/o V.Lalpianga N-Sec., Ephraim Lalhmachhuana T-Sec. te an ni. Pass tharte kan lawmpui a, an kal zelna turah duhsakna kan hlan e.

Building Budget
Section tina Building Budget khawntu zawng zawng ten Building Committee hnenah theh luh zel ni se, tih kan in hriattir e. Tin, kan inthiarna In kawh hmuh theitu signbord pawh a rang lama siam tir tum a ni e.

CHHAKTIANG LELTE THLANNA

Entertainment Champhai District chuan Champhai Distrit chhunga Zaimi te promote-na atan CHHAKTIANG LELTE thlanna a buatsaih dawn a. Champhai District huamchhunga Zaimi zawng zawng te lo tel vek tura ngen leh sawm in ni e. Tan hun : PRIZE : 26th July (Tuesday) 1st : Bike (Mipa tan) Scooty (Hmeichhe tan) 2nd : Rs. 20, 000.00 3rd : Rs. 10,000.00 Top ten te tan lawmman tha tawk tak siam a ni bawk e. TOP TEN OFFERS : 1) Zonet Mizo Idol Top 50 ah an lut nghal ang. 2) AIR leh DDK ah Artist tura Zaina chance pek anni ang. F ORM LAKCHHUAHNA H MUN TUR TE : 1. Pu Zuata Dawr, Dawrkaikawn, Kahrawt 2. Nancy Fashion Store, Vengthlang 3. LR Store, Dawr Veng (Pi Matluangi dawr) 4. LCN Site Office,Awmpui Veng, Champhai 5. Malsom Bakery, Bethel Champhai 6. LCN Main Office, Zotlang Form hi Rs.10/- kenga lakchhuah tur a ni a, 20th July, 2011 aia tlai lovah mahni form lak chhuahna Counter-ah thehluh leh tur a ni ang.

Hming thar
Forest Office thlang, Vengthar nena kan inrina lamah In thar leh mi cheng an awm tak nual avang leh a hmun hming hi chiangkuang taka lam dan a awmloh avangin vengchhung mipuite tana a awlsam zawkna a nih dawn avangin a hming thar atan kan Asst.Secretary chuan Mualnuam tiin a hming thar atan a phuah a, hei hi chhiat/that tawh nikhua ah a veng hming thar hi tarlan thin a ni tawh ang. Account Hawng Duh Tan State Bank-a account hawng thar duh tan Ration Card, ID Xerox leh Passport size 2 copies nen Pu L a l r u a t s a n g a ( P h . No.9862223799) hnenah Bank-a kal buai ngai kher lovin a hawn theih reng e.

Internet atanga chhiar duh tan www.byma.webs.com ah leh www.champhai.net

I duh zawng ni lovin i mamawh chauh lei thin rawh.

BETHEL BRANCH YMA CHANCHINBU PATHIANNI CHHUAK THLAKHAT-AH ^ 15/B E TH E L. BR A N C H

PHEK-2 NA

BYMA SEMTUTE
1 Sangpuii 3.Mangtea 6.Maruata V-Sec. 2. Lalrinfela V-Sec. N-Sec 4. Lalbiaknunga V-Sec. N-Sec. 7. Tuanga Zion Br.
ES T D. 198 6

5.Amuana-V-Sec. 8. Zuali T-Sec.

YMA MOTTO : 1. Hunawl hman that 2. Kristian nun dan tha ngaihsan 3. Zofate hmasawnna ngaihtuah

.. . . .
FAINFAINA LAM HAWI Tunlai chu kan vengchhung hmun tin mai han hawi kualin kawitin leh thler tin maiah Bawlhhlawh hmuh tur a tam leh ta hle mai a. Kan sik leh sa inthlak danglam vang pawh a ni awm e. Kan hun tawn mekah FUR hun kan thleng miau a, a awm hle tho e. Amaherawhchu heng kan vela bawlhhlawh/hnawmhnawk te hi a tihfai kawngah kan pawimawh tlang a ni tih hriain en liam mai lova mahni theih ang tawk tawk a kan thenfai thin a pawimawh hle mai. Faina hi mitin te tana pawimawh tak leh kan Bible pawh ina Pathian kan an teuhna ber a ni a lo tih hi keini Kristian te hian a zawmtu kan nih a pawimawh hle a ni. Veng changkang tehna pawimawh tak mai pakhat Faina hi he kan vengchhunga chengte hian kan ngaih pawimawh a kan veng kan tihfai a kan tih thianghlim chuan vengdangte tan entawn tlak kan ni dawn a ni tih hre thar leh ila a tha hle awm e. Chuvangin mitin ten mahni In leh a vel mai bakah kan khawlai faina kawngah chak takin hma i la ang u. Faina hian kawng hrang hrangin kan hriselna kawngah pawh min pui em em a, kan nunna suattu tam ber Malaria avanga Thihna lo thleng thin pawh hi kan invawn fai chuan kan pumpelh thei a lo ni reng mai.Chubakah, eng hna pawh thawkin nitin kawla ni chhuak chhiarin thawk thin mah ila kan incheina hian min phuar tel tlat a. Thawmhnaw failo leh thianghlium lo tak inbel chunga hna kan thawk anih chuan kan rilru ngaihtuah na pawh a changkang lovin kan che pawh a phuailuai tlangpui awm e.He kan veng hi a lo nawm zawk nan leh veng dang te pawhin a min entawnna leh min chung enna atana pawimawh tak mai pakhat chu Faina hi ani tih hriaa theihtawp chhuaha mitin ten Faina lam kan ngaih pawimawh a tul hle a ni. Chuvangin tun hun atang hian vengchhung mitin ten Faina lam kawngah tan la tharin i ngai pawimawh tlang ang u hmiang.

LAWRKHAWM

Serial No. 571-na atangin Gassi an rawn sem leh hmasak ber chuan maw Serial No. 571-na atanga lak leh tur a ni ang. A la thei turte ining ang. Chanchinbu Central YMA Chanchinbu man la pe lo zawng zawng ten kum chanve a nih tak avangin pe thei tura lo inrin tur a ni.

Tunlai Bethel
Tl emin khua a kang deuh niin a lang a. Nimahse
tlai lamah tlem azawng van malsawm ruah kan dawng leh thin. Nimin lamah mitin hna Job Card chungchangah meeting neih a ni a, thil dang zawng aiin kan ngai pawimawh tlang niin a lang. Hmasawnna a taka hmuh tur a awm zel a, phak bak ramte pawh kan chuangkai ta niin a lang. Thenkhat chuan thil reng reng kan chhuk en deuh emaw chu aw a tih theih ve bawk. Lungchhiatna lam aiin lawmna lamin hun kan hmang tam deuh zawk niin a lang bawk. Thla thar tir a la ni bawk a, sum lengvk pawh a la tam thawhkhat viau niin a lang. Chhangphut Field lamah Mizo hlawkna tur ni em em lovin Mela neih mek a ni a, engemawzah pawh kan tleh phei ve bawk. Sum pawh tlem azawng chu kan thehthang ve bawk. Nimin Inrinni a ni a, Bazar tuk niin chawhhmeh pawh Inrinni tuk dang ang bawkin m takin bag ak puar pawpa kal dur dur hmuh tur kan tam. A thu hrimah chawhmeh chi hrang hrang a tam vanglai a ni a, duhthala lei tur leh thlan tur a tam hle bawk. Engpawh ni se vawiin bak nidang a awm dawn loh avangin mawi taka hun hman tum ang.

Lehkha Kawngbo
Lalthanpuii (Student), C.Lalmuansanga ATM Card Near Presbyterian Church Bethel veng ve ve tih lehkha chu kan veng Dak In Pu Lalhlira te in Vanapa Section ah lam theih a ni e.

Sign Board tar YMA Office a tar YMA OFFICE tih Sign Board pawh ziah that a nih hnnuah tar leh a ni ta rup mai.
MHIP Day Hmang Tunkar Nilaini ni 6 khan Mizo Hmeichhe Insuihkhawm Pawl (MHIP) din champha vawi 37-na chu Mizoram pumah hman a ni a, hemi pual hian Bethel Branch MHIP pawhin vengchhung thianfaiin hnatlang an nei. Bethel Branch atanga an indan hnua MHIP Day an hman hmasak ber ni turin Zion Veng MHIP chuan BM P/S ah Awmni khamin function leh intihhlimna hun an hmang a, tlai lamah Vawksa Sawhchiar an ei nghal.

Kar hmasa Wordsearch chhanan

ZAWM NGEI TUR

B ETHEL VENGA
RAWN AWM THAR RENG RENG TEN MAHNI AWMNA HMASA ATANGIN CENTRAL YMA PEM LEHKHA SIAM, A PETUTE PHONE NO. CHUANG NGEI RAWN NEIH ZEL TUR A NI A, VC PEM LEHKHA PAWH NEIH ZEL TUR . L E H K H A Z I R E M AW , H U N REIVAKLO AWM TUR TAN T ESTIMONIAL NEIH BAWK TUR A NI.PEM LEHKHA ZAWNG ZAWNG PAWH AN DINHMUN A ZIRIN PAWM VEK A NI LO. IN LUAH TUR NEI RENG RENG TEN PEM L EHKHA NEILO LEH INDIA KHUA LEH TUI NILO CHU LUAH TIR LOH TUR A NI A, HUAN LO RAM HRALH TUR PAWHIN INDIA KHUA LEH TUI DIK TAK, VOTERS ID CARD NEI HNENAH CHAUH HRALH TUR A NI . M IPUI TEN, ZAWM NGEI I TUM ANG U.

Vannei ber : John Paula, N-Sec..(Rs.50/- rawn lam la.Vannei bik e.) Lut a thahnem leh pek hle.

Boxing, Hockey, Intlansiak, Karate, Basketball, Badminton, Cricket, Tennis, Rugby

Tunlai chu kan tulna mual mualah kan tul leh ve hlawm hle. Zirtawp zan chu Sinhlu leh Sunhlu tihah kan inhnial nasa khawp mai. A eng nge dik zawk min han hrilh teh u. Tlema tlemah kan in hmu Sakhi lo tep.. Thu a lut zel a, a lawmawm e, a aia tamin han thawh chur chur zel rawh u. Kan nghak reng che u.

KEIMAHNI

SD/ SECRETARY, BETHEL BR.

I thisen avangin midang nunna i chhanhim thei.

BETHEL BRANCH YMA CHANCHINBU PATHIANNI CHHUAK THLAKHAT- AH ^ 15/B

R A N C H

3
PHEK-3 NA 1986
Zoherliana H.Lalduhawma Pc.Lalruatsanga Mungngaihsanga C.Lalramthari T.Vanlalhruaia

I N

U M

1.2.1983
: : : : : Lalhrima K C.Malsawmthara Josehp Laltangkaia K.Lalengthanga Rebecca Lalhriatpuii Ngurthansangi

CHANCHINBU CHHUAH TAN KUM

H.Vanlalpeka Lalhriatpuia Lalnunzira R.Lalmuanawma F.Zirliana Kenneth Lalthanzaua

S EC TIO N H RU AITU TE

Leader Asst. Leader Secretary Asst.Secy. Treasurer Fin.Secy.:

LEIBA
- Venpuia Pa Leiba nei lo zawng vanram kai tur ni ta sela, he India ram zauvah hian vanram kai tura bar pawh hi kan awm meuh pawh ka ring ngut love. A nei nung leh a hausa deuh ten an ba hnem deuh a, a rethei deuh te pawh hian mahni phak tawk te te hian leiba chu kan nei deuh fur mai zawng a nih hi maw. Leiba nei miah lova kan inhriat lai pawhin a chhut peih deuh te chuan kan Zoram mipui a te ber atanga a lian ber thleng hian mimal tin te kan lei bat zat chu a sing tel teh meuh mai niin an lo chhutchhuak vei rawl nen kan ropui lo tlang zawng a nih hi maw. He kan leibat hi chu Mizoram sawrkarin Central sawrkara a bat a ni hlauh mai pawh a, Central sawrkar hian mim thing sek lem lova ka vannei phian e. Central sawrkar khuan kan Zoram leibat hi min rawn thing turin Kolkota kawtthler pakhata mipui awm zawng te chauh pawh khu rawn tir chho ta thut mai sela, kan invawhlum nasa ngawtin ka ring. Leiba neih chu changkanna: Pu berin , Leiba nei lo an changkang ngai lo, leiba neih chu changkanna, a ti e, an tih pawh hi tak tak a nih ngat chuan kan zawm tha phianin ka hria. A thu sawi kan zawm tha leh lutuk a, mi thenkhat te phei hi chu kan buai nasa mah mah ta zawk a nih hi maw le. He thu hi tu sawi pawh lo nisela thil dik tak mai a ni tlat. Mi taima tan chuan leiba neih hi changkanna leh hmasawnna kailawn pawimawh tak mai a va ni chiang em.! Mi taima chuan ruahmanna fel tak nei sa thlapin pawisa a rulh zawh tawk tur a puk a, a leibat rulh leh dan tur thlengin a hisap sa thlap bawk. A peipung ta a. A taimakna avangin a pung ta thur thur mai a. Tichuan, a chheh vela khawsa ve tawng thei tak tak ten a taimakna leh a thawrimna lam ngaihtuahpui miah lovin, He pa hian sawrkar huat zawng engemaw a ti a niang, a eiru a niang, an chhungkaw khawsak dan han en hian a theih loh, tih ang reng vel thu ropui lo deuh deuh mai hi kan insawi huai siak chiam chiam a. Mite hnathawh taimak dan va hriatpui tha duh mang si lo hian mi dang te khawsak dana lo buai tawk vel hi kan awm nual a ni. Hetiang rilru kan put fo chuan kan chheh vela mihausate hian kan bula awm nuam an ti lo mai ang. An sumpai neih sa pawh kan bulhnaiah hmangral duh lovin hmun hla deuhva hmanral duhna rilru an nei mai ang. I fimkhur ang u. Mi thatchhe tan erawh leiba neih hi hmingchhiatna mai a ni. Loan puk ngat phei hi chu a sawia sawi rik chi pawh a ni lo. Mi thatchhia nia i hriat chu a tlem emaw, a tam emaw i sum puk tir hlek suh ang che. An rinawm loh mai bakah leiba ngaihsak loh hi an nunah a bet tel tlat a, ba thin an har tih hria ang che. A tawpah leiba thinga inhauh hrep te a ngaih phah hial thin. Nangmah aia tawng thei a nih phei chuan, a ti zak chem chem zawk mah mai thei che a ni. Mi thatchhe tan chuan leibat hi changkanna ni lovin tlakranna ni a, a bat huai huai te hi an ni duh phian mai leh nghal a. Fimkhur hle ang che. I leiba ngaihsak rawh: Mi thenkhat chuan leiba an neihin an chaw ei leh mut a tui thei lova, an lei batin an rilru a kam tlat vang a ni. Hei hi chu mi pangngai zia dik tak a ni. Thenkhat ve thung erawh chu chaw ei leh muttui loh chu sawi loh leiba neih hi an ngeih zawk emaw ni tih mai turin an thau mum ang tulh tulh a. Mihring zia hi a lo inang lo thei dawn khawp mai. Leiba kan neih hian min puk tirtu leh min bat tirtute hian engtiklai pawhin min hre kar reng a nia. A hrechiangtu chu nangmah ngei kha i ni e. I pawisa batu chu i theihnghilh ngai lo ang chiah kha a ni mai. I leibat i theihnghilh fo a, i leibatu i hriat theih viau hi chuan phakarrity a ni tawh. Nangmah kha mi phakar tak i ni tih inpawm mai rawh. Min an ngei viau ang che. Tin, i leibatna te kha i pek/rulh lawk theih loh chuan hel hel lovin i harsatna dik takin hrilh mai rawh. Dawt sawi kher pawh a ngai lem lo. Chuti lova i hel i hel chuan cheng za i batna te i helna lamah cheng zahnih i batna te nen in intawk nawk nawk mai ang. Harsatna i neih dan te felfai taka i sawi phawt chuan an hrethiam em em ang che. An hrethiam duh ngang lo che a nih pawhin thiam i chang thei deuh ang. I vanduai a,mi strict deuh lei i ba fuh palh a ni ve mai. Leiba ngaihsak loh hi min an hre thei viau zel a nia, an inhrilh chhawng a mi rinawm lo nih hlawh a awl bik. Nu ber mai dawr tina leiba neih zut mai te pawh hi fanute tan pasal hnawn theihna a ni tih te pawh hi hriat a tha. I fanuin ba a lo neih ve zut phei chuan a chhun fuh hle che tihna a ni mai. Ka la vak zau tawk lo nge ni, hetiang nula hi min mo atan an it ngawih ngawih tak pawh ka la hre ngai love. Chutiang deuh bawkin tlangval siniar,sek tul si ba ngah deuh te hi tumahin makpa cont.....next column atan an it hluah hluah ngai lo. Football Registration ti kan la tlem khawp mai, hmanhmawh a tha ta e. tunthla ni 15 thleng chiah hun a awm e. A rang lamin i ti thuai thuai ang u. Vengchhung mite hmun danga tih loh i tum a ang u. Leiba i rul tha ang u: Mitin mai hi leiba nei lovin a khawsak tak tak theih loh. Khawvela ram changkang ber U.S.A meuh pawh khu leiba ngah ber ram an ni teh mauh mai a. Mahse, an ni leibat dan chu a rulh lehna tur resources a nei tha a, an buai ve vak lo. Resources kan neih that phawt chuan loan puk leh mimal pawisa puk hrim hrim hi a awlsam a. Duh aia tam mah puk leh bat a awl mah zawk a ni. Heta resources (leiba rulhna tura a tobul) ka tih hi in leh lo, lirthei leh material lam ringawt ka tihna a ni mai lova; ruahmanna tha, rinawmna leh dikna hi a pawimawh ber zawka chu a ni. In leh lo nei tha leiba rulhna lama rinawmna leh dikna tlachham ta riau hi mi tam tak kan awm tawh a. Kan state-in Central lama kan leibat kan rulh that loh avanga kan Minister rual Delhi tlanga an nghal thei der lo mai te pawh hi eng dang vang a ni lo, leiba kan rulh that loh vang vek a ni. Hemi thuah kher kher hi chuan eng political party mah hi indem tur bik kan awm chuang love. Bank atanga loan puk chhuah a harsat tulh tulhna chhan pawh hi a puk hmasa ten an rulh that loh vang vek a ni. A tuartu chu Zoram mipuite bawk kan ni. A pawi hle mai. Leiba kan nei a nih chuan vawi leh khata kan rul zo mai thei lo a nih pawhin mahni harsatnate sawi chung zelin a tahtawl(instalment) te tein rulh hram tum thin ila, mahni tan a thawven thlak mai bakah mi dangte tan harsatna a kiam phah ngei ang. Rulh nei miah lova a sawia sawi fel tum fo reng mai pawh hi mi ten min hmu nikhua lo tho tho a ni tih te pawh hi hriat tel a tha. Upain Leiba leh saihlum a nget thei lo an tih thin kha maw. Mi tin te hian leiba rulh that hi kan tihmakmawh a ni. A Pathian thu a,mi te laka kan rinawmna kan lantirna rem chang tak a nih mai bakah, he rinawmna hi kan ram leh hnam dinchhuahna tur atana thil pawimawh tak pakhat a ni tel bawk... KungFu tih lam a ni lo..

YMA Meichher eng hnuaiah chanhai riangvaite hlim rawh se.

4
BETHEL BRANCH YMA CHANCHINBU PATHIANNI CHHUAK THLAKHAT-AH ^ 15/- PHEK-4 NA BRANCH HRUAITUTE Ph.9612753844 YMA changrel BRANCH 1. H.Lalmawia SENIOR 2. C.Lalthantluanga Ph.9612341540 President : Lalsanglura Zote a sual ngai lo. ADVISER 3. K.Zakhuma Ph.9612343443 Ph. 9615713128 / 9615299575
Vice Pre. : K. Lalbiakhlira Ph. 9615673359 C. Zokhuma Ph.9612859102 / 8014424904 F. Lalhriatpuia Ph. 9862614280 Vanlalhriata Ph.8014534148 Thangkunga Hualngo Ph. 9856556745

Kei zawng kan Hall mawlh mai khu kan vei leh teh ang, Meetting nan tlak silo, Badminton khelh nan tlak silo,eng atan nge kan hman tak ang aw ka ti a ni. Amun rem si, parking tha bawksi, NGO leh Kohhran te pawn an hmang duh silo, a chhan ngaihtuah a hun hle in kahria ani. Veng hmangaihtu te chet a hun hle in ka hria. ...Bethela.

Sumdawng thenkhat, a bikin thirchhia leh dawr bungrua te zan rei tak takah thawm bengchheng taka load leh unload thin kan awm a, thenkhat phei chuan thawm dimna chang kan hre lo a, tawng ri nen, thawm nen, hahthlak thin khawp mai. Nausen leh lungphu thalo tan chuan thalo khawp mai. ..Vetawpmaia

Secretary : Asst.Secy. : Treasurer : Fin.Secy :

BYMA SHOTGUN

C HAWNGKHUM D AN T LANGHUAT

LOH

Lawmthu Sawina
Dt.6.7.2011 nilai khan MHIP day vawi 37 na chu kan lo hmang zo leh ta a, Bethel Branch MHIP member zawng zawng te MHIP day chibai kan buk a che u. MHIP day hi zoram pum ah hman ani a, keini Bethel Branch pawh in ruai nen ropui taka hman leh lawm kan duh em em a, chutih rual erawh chuan nakum 2012 Sub-Headquater conference hi kan thlen dawn avang in sum mamawhna a sang em em a khawlai tifai leh kawngsir hnimte sam in hnatlang neih a ni ta zawk a, member kan phur tlang in mi 30 lai mai kan thawk chhuak a, lawmawm kan ti hle ani. Tin Pi Lalengliani w/o Pc Lalhmingliana hnatlang thingpui thlumna chini min pe a. Pu Vanlaldika Varte,Pu Ramhnehzauva, Pi Lalhmachhuani Varte ten thingpui tui tak min lum bawk a, an chung ah kan lawm tak meuh a ni. Tlailamah Arsawhchiar tui tak ei ho in MHIP day chu kan hmang zo ta ani. hnatlang zawng zawng chungah leh thilpek min pe tu te thingpui min lum sak tute chungah Bethel Branch MHIP hming in lawmthu kan sawi tak meuh meuh ani. MHIP vul zel rawh se. Rozami Lalbiakkungi President Secretary Bethel Branch MHIP : Champhai

(Thutak hla taka khukpui loh tur, BYMA Shotgun a ni tlat mai lei le.)

Khati ang khan min hmangaih ve se!

I nupuiin a hmangaih ang chea i hmangaih let ve hunah chuan mawi takin i sam a tuak tawh ang

Beauty Salon-ah chuan ka va lut a, sam siamtutunu chuan, Ka pi, thutna ruak chu a awm sa e, mahse hei Pi Smith-i hian Doctor hmuh a ngai a, a sam hi kan ti zo lek lek tawh a, a sam ro veleh khuih mam chauh a ngai tawh ang. I duh chuan minlo nghak ta che, min lo ti a. A sam siam chu an ti zo tep tawh a, a pasal chu salon kawtah chuan a rawn ding a, a nupui sam siam man chu a rawn pek felsak a. A kawr chu a lo ken sak a, dawr hmaah chuan an zawh hun chu ding chungin a lo nghak ta a. Chu nu kal dan atang chuan a tak saah harsatna lian tak a nei tih rin dik kher a ngai lo. A pasal chu a tihbuai hmel hle. A siam zo ta a, a pasal lo nghaktu dinna bul a va thlen chuan Zanin chu party-naa kal a rem ka ti lo, tiin a pasal chuan a lo hrilh a. Chu nu hmel chu a ngui nghal a, a lungawi lo tih hriat takin, :Engvangin nge? tiin a pasal chu a zawt a. A pasal chuan, Khati anga i nalh chuan mi dangin min ruk bosak daih ang tih ka hlau alawm! tiin a lo chhang a. ........Mary L.Ten Haken (Courtesy : Chicken Soup for the Romantic Soul)

Nimin chu Inrinni a ni a, a tam zawkte chawlh hmangin kan phi buai ber. Midang hna aiin mahni hna lamah kan tuan zel a, hun hlimawm tak hmang pawh kan awm ta. Mahse nimin awm ta lo ze khang thil zawng zawng kha a thleng vek ang em le. Hun hi a va hlu tak em...!

He2. Pa Tawna ka ni e. Vernor thiam tak. ... Pa Tawna, V-Sec. U Hrimte-a te Bathroom atanga phone a biak ngai chi te hi an awm ve a nia.... ....PC Ruatsanga, News. Ed. Kan Editor-in thu lawmawm deuh mai a rawn hawn si a, ka pa palai te hi kan tir mai dawn em ni. ....Tv Zira, News Ed. Sinhlu tih mah ula, Sunhlu ka ti tho tho, val hi Chiseh.... ....Pu Peka, News Ed. Scooty chuan pui tur ka duh a nia, min lo sawi darh sak teh un.. ..Nl.Heleni, Zion Branch. Orbit ei a ngai tlat thin hian ka in fit tur min dang leh tlat thin. ...Pu T.P-a, T-Sec. Hman atanga ka hoh ngai khan ka la ho reng tho nia mawle. .....Pu Muanawma, V-Sec. Aw kar a hla duhlai mi u, tunlai chu lenna a vang ta khawp mai aa.... ....Tv.H.T Tluangte-a, V-Sec. Ka Auto khalh ve chu aaaa, Nula 3 in min hmanga ka in lak luck ve teh reng nen, ke in ka kal tir ringawt, nice lo ngei mai. ...T.v Rema of Gin V-Sec. U te zarah kei pawh, Ka lung a leng ve ringawt chu...awmzia hi ka nei thlawt lo, ka ho ral ve a nih ber hi. .....Tv.Sangpuia, V-Sec. Awi ha... Min lo vawrh lar teh u, a tam zawk hian min theinghilh zo dawn. Rawn haw ka chak lutuk. ....Nl.Sangtei (Singapore), N-Sec. Tunlai chu In chung pa zai a practice nasa lutuk a, ka lung leng pawh ahnem zo vek. ....Pu Tawtawnga, N-Sec. E khai, hmehbel tur awm ting pawh nei lo mahila a rukte chuan tan ka la ve tan tawh a nia aw. ....Tv.Kenneth-a, V-Sec. Helaite chu kan luah mai teng. ....Pu Hlira

YMA chu tanpui ngaite tanpuitu a ni.