Thian chuan englai pawhin a hmangaih reng a, mangan ni atana unauva piang a ni.

~Thufingte 17:17

Since 18th Nov 2007 An official weekly newspaper for the Hyderabad Mizo Association Vol.12 Issue-19 Dt. 7thAug,11 (p-1)

CHHINCHHIAHNA -Pu Lalhruaitluanga

October 2009 Inrinni tlai a ni a, a ni(date) erawh ka hre ta lo tlat! Kan hnathawhna a thawk ve hi a accident a, kan veng nilo pawnlam hmun danga accident a ni a. Zan dar 10 vel a ni tawh bawk a, chutihrual chuan amah hi tunge tih leh eng mi nge a nih tih hriat theihna tur identity card ah leh kawl a nei lo bawk nen, tumah ka ui ka ar titu an awm lo emaw tih hnuah 108 Ambulance hian a rawn la a. Tunge tih hre hek lo, a phurhkual hnuah sawrkar Hospital-ah an hruai a. A ipte an han enchiang leha, a ipteah chuan sim card hi alo awm hlauh a, Mobile phone-ah vuahin an han en a, number pakhat hi an dial chhina, a hnathawhpui keimahni a mi hian alo pick up-in a address-te alo hrilh a. Military Hospital-ah dah lutin a hnu 30 minutes velah chuan he khawvel-a a ngaih em em leh a thlakhlelh em em a nupui fanaute leh he khawvela amah lainattu te chu a mangtha alo ngai tat lat mai le!

LAWRKHAWM *India U-16 te chuan Maldives U-16 chu SAFF U-16 tournament Dashrath Stadium, Kathamandu (Nepal) a khelh ah Maldives 5-0 in an hneh a Semi final an lut ta. Mizo naupang 2 Daniel Lallawmpuia (1) leh Vanlalduatsanga (2) ten India tan goal an khung. *AC Milan in Inter Milan chu 6th Aug (Sat) khan 2-1 a hnehin Italian Super Cup an chawi. *ManU leh Man City te chu Community Shield inchuhin Wembley Stadium-ah vawiin 7:00pm hian an inkhel dawn a. Internet-a en duh te tan fromsportcom.com ah en theih beisei a ni. KAN CHHUNGKUA * Pu Lawmzuala, (Army Ordinance Centre) nupui pawh damlohna avanga Military Hospital-a a awm hnuin nimin lam khan a chhuak leh tawh a. HMA in dam zel theihnan duhsakna kan hlan e. *Pi Rosangmawii pawh tluang takin 4th August khan a kal thlak a ni a. ICU-ah la awmin biak theih in a awm tawh e. Tlawmngaia thisen mamawh ang petu te chungah HMA in lawmthu kan sawi e. *Tv.Samuel Malsawmkima, EFLU pawhin M.Phil dessertation tluang tak a zoin Ph.D ti thei turin a tling nghal bawk a, kan lawmpuiin kan chhuang hle. *Tv Kanan Ramthianghlima (Loyola College) pawh B.Sc Biotech a zawh hnuin Mizoram University a Zoology zir zawm turin Hyderabad a chhuahsan a, HMA in tluang taka a kal kan duhsak e. *Tv.Jerome-a pawhin Friday zan khan a college lo kal tawhna SPA lama a naute zanriah tui tak a kilpui. Ani hi Mizoram lam panin 10th Aug hian a haw tawh dawn a ni.

Amah chhinchhiahna leh hriatna tur Identity Card- te chu lo kawl/ak chu nise a hun takah enkawl niin a thi bikin ka ring lo tlat! Kan thih hun hi ruat anih leh nihloh chu Siamtun a hria anga. Keini erawh zawngin rinthu bak sawi theih kan nei tlat lo. Thawmhnaw leh lirtheite pawh a enkawltu a zir a tha reia, tha rei lo mai an ni a. Chutiang bawk chuan kan nunna hlu tak pawh hi a enkawltu a zir a tlo a, tlo lo mai ni tlatin ka hre ve thin. Chutihrualin, kan hmel leh chezia-ah foreigner emaw min lo ti tawk an awm bawk nen; mi mangangte tanpui ringawt pawh tun ang laiah chuan kan tanpuina lamah police case neih lah thil awlsam tak lo ni bawk si a, engpawh tawk ila kan then leh rualten kan chanchin a pawi tak tak hmaa an lo hriat theih nan chhinchhiahna engemaw tal chu kan nei ngei tur a ni. Vanduaina hi tute chungah pawh hian thleng thei anih avangin kan uichuang thih mai ang tih hi thil hlauhawm deuh mai a ni. Chuvangin, a tute pawh hian a pawi hmaa kan inven theih nan leh hnamdang miten min zuam lutuk loh nan kan incheina te, kan khawsa zia te hi uluk ila. A theih hram chuan kan mi leh sate biak theihna tur kan mobile leh pocket diary-ah te tal hian kawl thei hram ila, nghakhlel leh beisei taka min lo thlirtu kan nu leh pa, u leh nau, then leh rualte hi beidawngin I siam lo hram ang u. Kan zonun zemawi pu chung rengin a chhing lutuk leh pan lutuk lo deuhte hian inchei ila. Kan incheina vang hian tawhsual kan tawk palh hlauh ang e. Harsatna te hi lo tawk ve ta ila miten kan nihna an hriat theih nan eng chhinchhiahna nge I neih ve le?

Published and Edited for and on behalf of Hyderabad Mizo Association by SPA Mizo

An official weekly newspaper for the Hyderabad Mizo Association Vol.11 Issue-19 Dt. 7th Aug, 11 (p-2)
EDITORIAL BOARD Editor : Lalmalsawmkima Sailo Jt.Editor: Francis L Khiangte News Editors :Lalhruaitluanga Ralte
David L Renthlei

H.M.A Fresher's Day 2011 PROGRAMME A hun: 15th August 2011, 3:30pm A hmun: St. Georges Church Hall, Abids, Hyderabad 1st SESSION:Hruaitu: Tv. K. Lalromawia (Cultural Secy, HMA) Zai ho: Ro min relsak ang che. Hunserh: Nl. P.C. Lalchhanhimi (HMCF NPS Leader) Solo: 1) Tv. Lalnundika Hnamte (UoH) 2) Nl. Z.D Lalawmpuii HMA O.B Introduction: Tv. Benjamin Lalnunsanga Colney (Jt. Secy, HMA) Presidential Speech: Pu Samuel Lalnghatliana Ralte (Vice President, HMA) ------REFRESHMENT------2nd SESSION:Masters of Ceremony: Tv. Francis L. Khiangte & Nl. C. Lalrinsangi Zai ho: Hla copy a mi Freshers Introduction: Masters of Ceremony Freshers Aiawh a Thusawi: Tv.Vanlalvenpuia (UoH) Solo: Nl. C. Lalramdinpuii (UoH) Group Singing: 1) Loyala Academy College zirlaite 2) St. Pious College zirlaite Special Items: 1) JNTU Kukatpally 2) City Area Ms. & Mr. Freshers Thlanna: Nl. Anna Lalruatfeli & Nl. Rohmingliani Chawngthu (St. Francis College) Vote of Thanks: Pu Lalhruaitluanga (Exe. Com. Member, HMA) Banna: Pu Lalduhawma (Secretary, HMCF) ------ RUAI ------INCHARGE Ruat belh te: Photography: a) Tv. Lalhruaitluanga (UoH) b) Tv David L. Renthlei (SPA) Ms.& Mr. Fresher Contest Judges: a) Dr. Christina Zothanpari Chawngthu IAS b) Pi Rebecca Lalbeiseiawmi c) Pi Rebecca Lalnunmawii d) Pi Lalramchuani e) Pi Lisa Lalmuanawmi Security: a)Pu Lalchungnunga (leader) b)Tv Lalrozama(UoH) c)Tv Lalrinsanga Hnamte(UoH)
(phek dinglamah chhunzawmna)

(Email : puarak@gmail.com) Phone no : 7702898419 9032831996

EDITORIAL
pangpar mawi tak te an chuai a, hringnun kal siam in her chho zelah harsatna thlipui lo tlehin tanpui kan ngaih hunte a lo thleng thin. Chutiang bawkin, hlimni leh lawmni te pawh he hringnun hian a her chhuahpui a; kan lungngaihna leh manganna te, kan lawmna leh kan hlimna te min tawmpui a, ruamkhat min zawhpuitu thian dik tak nei mi chuan khawvel hausaknain alei phak loh rohlu tak a nei a ni . Editorial board in Friendship Day Chibai in zain a buk a che u.

ZORAM CHANCHIN. **Dt.6.8.2011(Sat) zing khan Thingdawl ram Dawnglui kawn kawngpui atanga kawi 3 vel feh kawng jeep road kawng sir mai ah ruang chhar a ni. Amah hi Siaminthanga (kum 20 bawr) Manipur lam mi, thingzai thiara inhlawha Thingdawla awm mek a ni. A damlo ram atanga haw chu in a thlen hmaa thi ta maiah an ngai. Hliam engmah a taksa ah hmuhtur a awm lo. **Mizoram State Chief Information Commissioner thar atan Laldingliana, IFS chu August ni 8 khian Raj Bhavan, Darbur Hall-ah Larsapin rinawmna thu tiamtirin a lalut dawn. ** Kolasib S.P Pu Madhu Varma IPS chuan dt.4/8/11 a Sub Hqrs YMA Anti drugs Squad ten Rengtekawn a zu an mansak Vairengte Police ASI chu dt.5.8.2011 khan a Suspend na Order tih chhuah nghal a ni, a ti.

Sairawkherh
Tunlai chu lunglen tuar har ka va ti em! Ka Romeo lah chu Aizawlah a awm daih mai si a.Nunui (EFLU) Single reng hi ka va ning ta ve. Zartea (SPA)

i Junior mipa chhai thlu thei turin kan inla fit teng..Nl. Lydia (HCU) n i Captain ka nih hi, ka thu ngai ru.Chris JNTU z n a PICTURE OF THE WEEK i z n a i n
V V

( phek veilam a mi chhunzawmna .)

Food Coupon: a)Nl.K Lalhmingliani (Fin. Sec,HMA) b)Nl Laldinpuii (Treasurer, HMA) NOTE: 1) Tv T Lalremchhunga chu ruai incharge atan ruat belh a ni. 2) Hla sak ho tur lo buaipui turin Tv KC Lalmuanpuia ruat thar a ni. 3)Programme sheet vel lo buaipui turin Tv Benjamin Lalnunsanga Colney(Jt. Sec, HMA) chu ruat a ni.

Published and Edited for and on behalf of Hyderabad Mizo Association by SPA Mizo