Since 18th Nov 2007 An official weekly newspaper for the Hyderabad Mizo Association Vol.11 Issue-20 Dt.

14thAug,11 (p-1)
DIKA ATANGIN KAN INZIR NGAM A NGEM? PC.Lalnghinglova (Pu PC-a) Rajasthan Pu HC.Lalrindika (Fam) kha mi tlawmngai, inngaitlawm tak leh mi pawi sawi hlau tak mi a ni. A chang chuan, dikna a tan ngam loh vang nimiah si lo khan, a tanna chu dik zawk hle mahse, tlawm miah si lova midang hlahkhemtu zawka tan dan a thiam hle. Aia upate a zah thiam a, mi biangbiak a peih a; amah aiin midang a dah pawimawh zawk zel thin. Mahse, kha mi nun tlawm tak, dikna ngaina em em tu, midangte tana malsawmna nih nunpui ngam tu kha a nun a inphah hniam em avang khan hmuhsitin a awm ve zauh zauh tho. He thil hi hreh tak chungin a ruang chungah hian sawi a chakawm tlat thung si. HMA hruaitu kha a ni a. Thian ti ti naa a bulah pawl chak zawk nana mimal taka hruaitu dangte nen an ti ti-na thilah hruuaitu dangte emaw member dangte`n an hriata infuih khawloh theihna tur ang chi kha a sawi chhuak leh tawh ngai lo. Mi tangkai a ni a.Lo ti ta che u, tih aiin ka hriatah chuan,Ka lo ti ang emaw , I ti ang u aw, tih tawngkam a hmang ngun zawk. Kei chuan Zirna In hrang hrangah Mizo awm zat awm vel tak ngial pawh ka hriat loh lai khan; Krismas ruai buatsaih dan tur kan han rel tan rual rual khan, an hming nen lama Hyderabad-a Krismas hmang tur kha a lo sawi vek nghal thei. Midang tirh ai kha chuan amahin a ti mai thin. Thut hmuna rorela kawk kawi lovin, ani kha chu a pen chhuak thin a. A ngaihdan kha huai takin a tan ve thin a, a duh dan ni lova pawlin ro a rel pawhin a phur berah a tang zel tho. Milian leh mite a thliar lo tih a chianna chu; mi thar rawn kal te kha, eng mi nge tih hriatchian hmain an hausak leh retheih thu pawh hre miah lovin a lo dawngsawng vat a, tanpui an ngaih tak hlauhin a mobile number te a hrilh nghal thin. Dika kha kan ngaih thu ngawt hi sawi mai lovin, amaha zirtur awm kha kan zir ve ngam zawk a ngem? A nun atang khan mi inngaitlawmte hi an damlaiin an thatna kan lo hmu kim vek lo tih hi kei chu ka pawm thlap. An lo inngaitlawm em a ni. Kan thih hnuah, kan chhungte leh thiante hian ti tak zetin kan chanchin hi Pu HC.Lalrindika (Fam) ang hian an rawn sawi chhunzawm ve zel a ngem aw? Vairama Zirna hmun khata kan awmho laite hian, Vairam hmun khawhar taka hnathawka kan awm ho lai te hian i infakin i in chawimawi tawn thiam ang u. Chu chu kan indawm kan tawn theuh nana bul tanna a ni thin si a. Keini lo hi in dawmkang tawn tur kan awm chuang lo. LAWRKHAWM **Supreme Court chuan tun hnai khan thu tlukna siamin, Zirlaiten Right To Information Act(RTI) hmanga an answer sheet en a phalsak. **London-a buaina chuak ah police 26 an inhliam tawh a, a pumpuiin mi sawmnga panga man an ni tawh a ni. **Indian badminton player Saina Nehwal pawh World Badminton championship womens quaterfinal ah Chinese player Xin Wang hneh lovin a tla. **Rajiv Gandhi tualthah chungchanga mawhphurtute Murugan, Santhan leh Perarivalan te ngaihdam dil na President in a hnawl sak hnuah thi tur a an chungthu relsak an nih chu dam chhung lung in tan-a tih nep sak tur a Supreme Court an pan tur thu ukil Nalini chuan Inrinni khan a sawi . ** Dt 10 August(nilaini) kahn Supreme Court chuan kum 2000-a Red Fort beitu, Lashkar-e-Taiba firfiak, Mohd Arif, Ashfag tia hriat bawk hnenah thi tura hremna thupek chu a nemnghet. ** Egyprt-a sawrkarna lailawk lo chelh lawktu Military Council chuan October thlaah an ram inthlanpui neih a nih tur thua a puang. KAN CHHUNGKUA **HC Lalrindika Memorial Football tournament JNTU buatsaih chu nimin (13.08.11) khan tluang taka neih a ni a, mipa team ruk leh hmeichhe team hnih an tel thei a ni. **Silver Jubilee T-Shirt pawh a rawng dum a lo thleng tawh a, sem chuah theih a ni tawh e. **HMA Freshers Day 2011 chu St.Georges Church hall ah tlai dar 3:30pm ah hman tur a ni e. **Pi Nutei, kum 88, Nl. Sylvia Pachuau pi , Thakthing Dam Veng chu ni 9.08.11 khan lungna avangin a boral a, khawhar chhungte Pathian awmpuina I dilsak ang u. **JNTU-a zir turte pawh an lo thleng kim ta a, mipa paruk leh hmeichhe pakhat an ni. SPA-a zir turte pawh tun kar lo awm tura rawn thleng tura beisei an ni e.

Published and Edited for and on behalf of Hyderabad Mizo Association by SPA Mizo

An official weekly newspaper for the Hyderabad Mizo Association Vol.11 Issue-20 Dt. 14stAugust, 11 (p-2)
EDITORIAL BOARD Editor : Lalmalsawmkima Sailo Jt.Editor: Francis L Khiangte News Editors :Lalhruaitluanga Ralte
David L Renthlei

LAWMTHU SAWINA Nimin Dt.13Aug.2011(Sat) khan HC LALRINDIKA MEMORIAL FOOTBALL TOURNAMENT chu tluang taka zawhfel a lo ni ta a. Hemi atana thahnem ngai taka hma min lakpuitute, lawmman tur min tumsaktu zawng zawngte chungah lawmthu kan sawi a. A bik takin HCU lama kan unaute mual hman tur min lo biakfelsak vek a, an chungah kan lawm tak zet a ni. Team lo tel zawng zawngte leh hun hlu tak senga min lo tawiawmtu zawng zawngte chungah lawmthu kan sawi e.

(Email : puarak@gmail.com) Phone no : 7702898419 9032831996

EDITORIAL
Hc.Lalrindika Memorial football tournament hlimawm takin kan hmang leh a, a hmuna telten tel ve lote kan help hle a ni. Mahse, a tan hun turah thleng kim kan awm mumal loh avangin buatsaihtute pawn duh angin hma an la tha thei lo va, chumiina a hrin chu tlai taka ban a ni. Hyderabad-ah Mizote inhmuhkhawmna hunte buatsaihin kan intihlim thin a, a hun taka kan thlen thin loh avangin hun pangngai aia tlaiah kan bang fo mai a, hei hi Hyderabad Mizoten than hnan lo va insiam that kan mamawh hle a ni. Freshers Day kan hman leh torah pawh hian HMA hruaitute chuan 3:30 pm-a tan hman ngei ngei an duh a, a hlawhtlinna tak tak tur chu keimahni memberte kutah a innghat lian hle a ni tih hriain tlai dar 3:30 rik hmain thlen hman I tum theuh ang u.

JNTU zirlaite DIKA MEMORIAL TOURNAMENT Nimin Dt 13.Aug.11(Sat) khan HCU Football Ground-ah JNTU zirlaite chuan kumtin a an lo tih thin angin kan member lo ni tawh thin HC Lalrindika hriat rengna Football tournament chu khelh a ni. Hetah hian mipa lamah team paruk telin, hmeichhe lamah team hnih an tel thei. Tun kumah hian kum dang aiin ngaihhlut a hlawh zual hle a, Hyderabad paho leh tlangval senior ho pawhin an thiamnate a duai lo a ni tih an rawn fiaha, semi finalah vanduaithlak takin an chak ta lo a ni. Anni hian kan nula hnahkhat lam pang leh nuho tan rawn an hlawh hle nghe nghe a ni. A hnuaiah hian result kimchang zawkin tarlang ila: HMEICHHIA: Champion: Zonu Team (HCU) Runners up: JNTU MIPA: Champion: JNTU Runners up: ZOPA (HCU) Best Player: Tv. James (HCU) Top Scorer: Tv. Joel-a (HCU) Mipa leh hmeichhe team champion-te hi trophy leh pawisafai hlan an ni a, runners upte pawh hian pawisafai an dawng. Mipa lamah Semi final list-te chuan pawsafai an dawng bawk a, Best Player leh Top Scorer-te pawh pawisafai leh trophy hlan an ni. Hun hlimawm tak hman a ni

EPL Barclay Premiere League chu dt. 13Aug(Sat) zan khan an lo tan leh ta. A tan zan hian match ruk awmin a pumpuiah goal 11 a lut nghala, yellow card mi 34-in hmuin red card hmu 2 an awm. Nizan inkhel result te: Liverpool 1:1 Sunderland Blackburn 1:2 Wolverhampton QPR 0:4 Bolton Wigan 1:1 Norwich Fulham 0:0 Aston Villa Newcastle 0:0 Arsenal Zanin-a inkhel turte: Stoke vs Chelsea (6pm) W.B.A vs Man U (8:30pm)

Sairawkherh
"helai hmunah hicuan zahna tur omlo em mai, SAP RAM anih hi"apuii(IMA, HCU) tunlai hian st.pious hosteller mizo ho chuan home-sick holidays an nei mek puipuii (EFLU) Naute u, senior-te chet khalh loh tur Hlimpuia (JNTU)
V

PICTURE OF THE WEEK

Dika Memorial tiin ka hming hi ka thlak mai dawn a mawni te ka tia. Sasangi (EFLU) ka lo la in fit hle mai. Pu samuela

Published and Edited for and on behalf of Hyderabad Mizo Association by SPA Mizo