BMA AW
An Official Organ of The Bangalore Mizo Association
Registered Under Societies Act of Karnataka No.BLU-S188-2007-08 Date 7 May 2007
Vol XIV Issue No. 10 Bangalore Mizo Association Pathianni Tin Chhuak Chanchinbu
International Women’s Day
- Dr. Lalrinawmi Ralte
International Women’s Day hi movement hlui tawh tak a ni a,
kum 1908 khan Amerian Socialist nuho ten an lo tan tawh a,
national Women’s Day te an lo lawm a, a hnu kum 2-ah
khawvel dangah an lawm ve tan a. Tunah chuan khawvel
pumpuiin he ni hi lawm emaw, serh emaw a lo ni ta a ni.
Hetih hun lai hian America rama factory worker te zingah minu
an tam ber a, hna an thawk rim em em a, hlawh erawh a chau
si a. Chu mai bakah an thawk rei a, an ram a vawt si a, an
hriselna ten a tuar a, an chhungkua in nasa takin a tawrh phah
a. Hetiang hmun hrehawm taka awm reng chu phunnawi leh a
aia tha beisei tur chuang awma an rin phak loh avangin an
ngawi mai mai a. A bengchhengtu nih tute pawhin an hlau a,
an dinhmun tha lo tak mai han sawichhuah chu an tan chuan
hna hlauhna te a thlen dawn avangin lungawilo hle mah sela
an thawk fan fan a.
Kum tam tak hetianga an thawh hnu chuan an mahni leh mahni
karah an sawichhuak tan ta a (they break their silence). Chutia
an dinhmun pakhatin an sawichhuah chuan midang pawh
chuan an lo tawmpuiin an tuar dan a lo inang a, chuta tang
chuan ‘hetiang hrim chuan kan hriselna hian a tlin dawn lo,
keini mai bakah kan fate pawh lo thawk se kan awmdan ang
tho hi an awmdan tur a ni’ tiin an hnathawhna hrehawm leh rim
lutuk, diknain ro a rel theihlohna hmun ata tal chhuah dan chu
an rel ho ta a.
Factory hrang hranga thawkte hmalak dan a inanglo a, fabric
industry-a thawkte phei chuan an bra te an hal hial a (bra
burning). Hei hiana entir chu American minute a diklo zawnga
mipui (public) hmuha lantir a ni a. Bra hatu chu minute an ni a,
mahse heng bra an siamte hi a thawktute chuan an ha pha
lova, mi hausa, an hnathawh haha nuam lo tawltute pawh an
duhlohna entirna a ni thei bawk a. Chu bakah, minute
dinhmun, ngawi renga hnathawh tur chhawp thawk tawp a, a
bak chu engmah sawive theihna neilo, ngawi reng anga duh
tumna duhlohna te pawh a entir a. Equal pay for equal work hi
an nawr pawimawh tak chu a ni.
Valentine Day denchhena Indian minuten ‘pink chaddis’ an
tichhuak erawh kha chuan awmzia a nei hran ve thung a. Sri
Sena te pawl thiltih dan, Indian culture vawnhim an tum dan leh
minute vantlang hriata an hnualsuat dan duh lohna a ni thung
a, a khaikhin hleihtheih loh a, mahse an hunlai ve ve atan
chuan hmanraw tangkai tak an nih kha kan hrethiam awm e.
Keini ramah ngei pawh ‘equal pay for equal work’ hi kan hmaa
mite thawhrimna avangin kan lo chang thei a, mahse
unorganized sector-ah chuan a la thleng thei lova, chuvangin
nileng lenga constructiona thawkte, an hnathawh dan inang
Date: 8th March 2009
reng, a hun pawh inang rengte hi hlawh inang tura nasa taka
beih mek an ni.
International Women’s Day chuan khawvel a luah ta a, ram
hrang hrangin an lawm dan a inang lo a, India ramah ngei
pawh kan lawm dan a inanglo a. Bangalore hi women NGO te
chakna hmun a ni bawk a, hei kum tak tak chu factory-a
thawktute he mi nia nilenga zalen taka an awm ve theihna turin
ngen te an ni a. Domestic worker rights an salary te pawh hi
Bangalorea women NGO Women’s Voice te thawh hah rah a ni
a, Bangalore atang hian ram pum huap thiltha tam tak a thleng
mek a ni.
Mizoramah pawh Women’s Day hi WISDOM (Women’s
Institute for Social Development of Mizoram) te huaihawtin
nimin (Saturday) khan hman a ni a, chawhma lamah Mizo
minute dinhmun bihchianna hun hman a ni a, chaw hnu lamah
‘Women in Black’ hman ani bawk a. Theih ang tawka kan
hnampui, kan mihringpuite chhanchhuahna kawngah hian tute
pawh tanla vek turin kan insawm a.
Vawiin, International Women’s Day –ah pawh hian kan hnai,
kan kiang leh kan chenpui te dinhmunte ngaihven ila, midang
pakhat chauh tan pawha awmzia ka lo neih theihna turin tan I
la ang u (how can I be an agent of change to give life to
others).
(Dr.Lalrinawmi Ralte hi United Theological College,
Bangalore a thawk niin, Dept. of Women’s Studies a an
hotu ber ani.Thu bengvarthlak tak min ziahsak avangin kan
lawm e)
BMA 2009 – 2010 HRUAITU TUR TE
President : Pi Lalrinpuii
Vice President : Rev.P.C.Lalduhawma
Secretary : Tv.Madawnga Hauhnar
Asst.Secretary : Pu Paul Lalchhanhima
Treasurer : Nl.Blessy Sailo
Asst.Treasurer : Nl.Thaarie Hnamte
Cultural Secy : Samuel Lalrozama Hmar
Academic Secy : Tv.Alan Lalhriatpuia
Games & Sports Secy: Tv.Joel Murray
General Body Meeting, Parting social & Election Report phek
4-na ah chhiar rawh le.
Tunkar Changvawn: “Ngai teh u, kei kumkhuain,
khawvel tawp thleng pawhin , in hnenah ka awm zel
ang,” a ti a - Matthaia 28:20
 Vol XIV Issue No. 10 Bangalore Mizo Association Pathianni Tin Chhuak Chanchinbu
Editorial
Vawiin chu Women’s Day a nihna angin hei BMA AW ah
pawh chutiang lam hawizawng chu kan han chhuah uar deuh
ani. Chhiartute nen thawh hona a tha hle a, a lawmawm thin
hle mai. A buatsaihtute lam tan lah a lawmawm bawk si. Hei hi
Bangalore Mizote’na kan ken kawh chhh zel atan a duhawm
ani. Nimin lam ah te kan hriat theuh angina hruaitu thar thlanna
neih a ni a, hun tluang takin kan hmang thei kha a lawmawm
takzet, amaherawh chu member te duh angin kan kal tha tawk
lo thin niin a lang, hemi lam ah hian tan nasa lehzualin la kan
ngai ani, kan sawi fo tawh angina, BMA hian hun pawimawh 4
kumkhatah a nei a, heng te hi ngaipawhmawh lehzualin tel
hram I tum thin ang u.
TUALCHHUNG NEWS
§ BMA member kan pun belh e. Nizan khan Pi Tetei
w/o Pu Athang Leivon, SAIACS chuan fapa duhawm
tak Kg 3 a rit Mallya Hospital ah a nei a, naute leh a nu
an tha a. Hospital ah erawh karkhat vel uluk zawka in
enkawl anih nan an la awm rih ang. Kan lawmpui hle.
§ Khawvel hmun hrang hrang leh Mizoram lamah hun
engemaw chen a thang hnu in Dr.H.T.Sangliana pawh
nd
2 March khan dam takin Bangalore a lo kir leh ta.
§ BMA Football Team te chuan March ni 10 hian
Mysore Mizo te nen Friendly Match an khel dawn a,
hming la pe lo ten Tv.R.Lalremruata hnenah a rang
lama in pek tu niin, kal tur zawng zawng te chu
Thawhtanni March ni 9 ah Shanthi Nagar field ah in
hmuhkhawm tur ani e.
§ BMA OB lo ni tawh thin Nl.Z.D.Remlalfaki (Teremi )
pawhhna tul tih pahin leh a awmna thin Grace Home
Girls rawn tlawhin Bangalore ah a rawn zin.
§ Kar hmasaa BMA Zaipawl list bak ah member atan
Mizo zaithiam lar Nl.Mimi Renthlei leh MBBS zirlai
Nl.Mami te an tel thar.
§ BMA Directory lei tur a la awm e.Inkhawm ban ah
Nl.Blessy Sailo hnen tangin lei theih ani.
§ BMA Silver Jubilee Committee chu nizan khan Dr.
Rini Ralte inah neih ani a, rel tur thahnem tak a awm
avangin zan dar 11 ah meeting hi zawh a ni.
§ Silver Jubilee atana donation khawn mekah
remchan lohna avanga la pe lo ten engtik lai pawn pek
theih ala ni. March ni 10 kha last date kan han ti zet a,
hei hi remchan zawkna avangin extend
ani.Thahnemngaia pe theuh turin kan han in ngen
nawn leh ani e. Tlawmngaia pe tawh tu te hnenah
Committtee chuan lawmthu a sawi mawlh mawlh e.
MIZORAM NEWS
§ Indira Gandhi Open University (IGNOU) Regional
Centre, Aizawl chuan a \um thumna atan India
rampuma Regional Centre tha ber pahnih thlanchhuah
zinga pakhat niin, Best Services Award 2009 an
dawng.
§ Life Insurance Corporation of India, Aizawl branch
office Zarkawt ami chu March ni 6 zing dar sarih pelh
Date: 8th March 2009
hret khan misual tu tih hriat lohten rawk tumin an luhchilh
a, chowkidar Utpal Dutta (44) s/o Upendra Chandra Dutta,
Jatkapon, Karimganj chu misualte hian office chhungah
hian an that a, thil ruk erawh an nei lo niin thudawnna
chuan a sawi thung.
§ India rama Lok Sabha member of parliament
thlanna neih turah Mizoram state-a Mizoram Pradesh
Congress Committee (MPCC) candidate tur chu senior
politician CL Ruala a nih thu Times of India-ah chuan
ziak a ni.
§ All India Football Federation hnuaia India team-a
khel tura koh zingah Mizo hming a lang ngun ve ta hle.
Hei, India under 17 team tur an thlang leh dawn a,
AIFF chuan Mizo player 10 ngawt mai an ko a, player
70 koh zingah Mizoram chu state mala thawh hnem
ber a ni.Player kohte hi nikum lama National Under 16
Football Championship-a champion team a mi kha an
ni deuh vek a, hemi hma kuma kal tawh player pathum
koh tel an ni bawk. State dang atang pawhin player hi
an ko nual a, mi 70 vel an thlan chhuah atang hian
India team tur an thlang chhuak leh dawn a, Mizo an
awm ngei a beiseiawm.
§ I&PR leh Aizawl Art Gallery chuan March 12 – 18
chhung khian Vanapa Hall-ah Chapchar Kut Art Fest
an buatsaih dawn a; he hunah hian drawing, painting,
glass painting, collage, clay modeling, art history te
mithiam bikte kaihhruainain zirho a ni ang.I&PR
Director Pu LR Sailo chuan, khawvel ram dang angina
Mizoramah pawh Fire Arts hlamchhiah theih a ni lo tih
sawiin,a tihhmasawn turin lungrual taka kal a ngai tih a
sawi a; Art Fest neih tur chu Fire Arts lama mel lung
pawimawh phunna a nih ngei tur thu a sawi bawk.
(Courtesy Vanglaini)
LAWRKHAWM
ü Khawvel tawp kan tih ang hi a thleng tep a ni mai lo
maw. March 2nd zinglam dar 12:40 am (India ah chuan
chawhma!) America lam mi te tui tak a an mut lai
chuan…kilometer 60,000 lek a hla in asteroid chuan
south western Pacific chung zawn ah min lo pel fua a
nih chu. A hmutu ber scientist lah chuan, hetiang ni
reilo te ah chuan tih vak theih a awm tawh lo, a la ti
deuh deuh. Meter 35 emaw vel lek a lian mah nise,
1908 ah khan hetiang tiat vel tho hian Siberia ram,
Mizoram tiat vel chu a lo nuai pherh vek tawh a ni.
www.smh.com www.cnn.com. (Source :misual.com)
ü Zimbabwe Prime Minister Morgan Tsvangirai nupui
chu car accident avangin a thi a, ani pawhin hliam na
vak lo a tuar niin a party hruaitute chuan an
sawi.Susan Tsvangirai hi a pasal nen an ram khawpui
Harare chhim lama an tlan laiin an chuanna car
chesual avangin a thi a ni.Karleh a kum 57 tling tur
Morgan Tsvangirai chu a ngaihtuah awm lo niin thuthar
lakhawmtute chuan an sawi a, a thupuangtu James
Maridadi chuan bungraw phur truck nen an insu niin a
sawi.Tsvangirai leh a nupui Susan te hi 1978 khan an
innei a, fa paruk an nei tawh a ni. Susan hi Mugabe-a
nena an inbeih laia Tsvangirai chakna hnar ber tia sawi
thin a ni. (Courtesy Evening Post)
 Vol XIV Issue No. 10 Bangalore Mizo Association Pathianni Tin Chhuak Chanchinbu
ü Hyderabad khawpuia Mizoram atanga thalai rual
hnathawk tura an thawn thlakte chuan harsatna nasa
tak an tawk niin Hyderabad Mizo Zirlai te hnen atanga
thu dawn a ni, anmahni thawnthlatu nia tarlan Juliet-i
erawh Evening Post hian a bepawp thei lo thung.
"Hman deuh khan Mizo thalai thenkhat chu pawisa
engemaw zat deposit tir an nih hnuah security guard
turin lak an ni. Hyderabad hmunah an rawn thawn a,
an beisei ang an hmu lova, chenna mumal an nei lova,
an hotute nen intih thiam loh nasa tak an neih hnuah a
then phei chu na takin an sawisa a, a then phei chu
phuar betin inchhungah an kalhkhum nghe nghe a.
Hyderabad Mizo Association ten theihtawp an chhuah
hnuah an chhanchhuak thei hram a ni. Aizawl
chanchinbu thenkhatah press release hial siamin
fimkhur a tul zia an tarlang a. Mizo tlawmngai ten an
awmna tur an ngaihtuah pui a, an chhungte pawisa
nghakin haw an tum mek a ni. Hetiang hi kan tawng
ngun ta hle. Awareness mumal zawk hi kan nei har ta
hle. Engmah hriat chianna nei hmasa lova, phai lama
hna zawn kawngah inzirtirna ka mamawh ta hle mai a.
Unskilled labour tan phei chuan, Mizorama chhuahsan
hi a him ber em aw?" (Courtesy Evening Post)
ü India sumdawng hausa Vijay Mallya chuan
Mahatma Gandhi thil New york-a lilamte chu dollar
maktaduai 1.8-in a lei.Gandhi tarmit, chapal, Zenat
pocket watch, chaw eina thleng leh bowl te chu
Ningani khan Antiquorum Auctioneers-in New York-ah
an lilam a; India sorkarin lilam a nih lohna tura a
hmalakna hrang hrangte chu a hlawhcham a ni.
Gandhi thil lilam hi mi 40-in an chhang a, chhangtu
zingah hian America-a cheng India mi pawh an tel nual
a ni."Lei a, India sorkar hnenah pek hi ka chak tlat a
ni," tiin Mallya chuan France atanga tihchhuah India
TV channel pakhat a hrilh a. He thil hian India zalenna
atana Gandhi hnathawhte chu mipui a hriat chhuah tir
leh a beisei niin a sawi.Mallya chuan Gandhi thil lilamte
chhang turin tuma’n an be lo niin a sawi a. Hetih lai
hian tourism and culture minister Ambika Soni chuan
sorkar hmalakna avangin India hian Gandhi-a’n a dam
laia a thil mi hnena a lo pekte chu a chang leh thei niin
New Delhi-ah a sawi thung."India mi pakhat inpekna
avangin kan nei thei a ni. Mallya leh a aiawh nen hian
kan inbe reng a ni," Soni chuan a ti.Gandhi thilte hi
India lak a nih nan hian hun eng emaw chen a la ngai
dawn a, US justice deartment chuan a lilamtute chu a
neitu thar, US leh India sorkarte indawr nan chawlhkar
hnih chhung lo ngaichang turin a ti ni.Mallya hian India
sorkar hnenah Gandhi thilte hi pek a duh tih a sawi a,
mahse, Mahatma Gandhi chuan a thil neih zawng
zawng rochungtu atan 1929 khan thurochhiah siamin
NavjivanTrust a lo ruat tawh a ni. (Courtesy Evening
Post)
ü Kum li an vei meuh chuan, hmeichhe dinhmun
chhiatna rama sawi India chuan ‘Indian Idol’ atan
hmeichhia a thlang ve ta nawlh mai. Kar hmasa
sunday zan khan Sony Entertain-ment in a buatsaih he
music reality show-ah hian Tripura tlangmi hi pakhatna
atan puan a ni.India hmarchhak mipui ten an tan rawn
Sourabhee hian Indian Idol tum li naah hian Bengali
Date: 8th March 2009
hmeichhia Torsha Sarkar leh sipai Kapil Thapa te chu a
finalist pui a, hnehna chanpuiin Sony TV nen contract India
pawisa cheng maktaduai hu leh car te a dawng. He
dinhmun thleng tur hian mipui atanga vote hmuh chu a
pawimawh ber a ni. Kum 22 mi Sourabhee hmeichhe te
lam pang pian nalh thlirh thlerh, ngainatawm tak a nih
bakah a hmelthatna leh stage-a a chet zeina chuan he
dinhmun hi a thlen niin ngaih a ni a, hei hi show tantirh
atanga point a hmuhna leh lawm a hlawhna-a ngaih pawh
a ni. Amaherawhchu, he Tripuri hian music lamah training
engmah a la lo.
Indian Idol Sourabhee
Dr. Buki
Tv. Puia: Dr. Buk, kuhva ei hi kan thatpui nge kan
chhiatpui? Thiante sawi dan chuan kuhva hi
Khasi ei kan hriat a ni a, kum tam tak an ei hnua
ei ve chauh kan ni an ti a, engnge i ngaihdan?
Dr. Buki: Ni e, kuhva ei hi Khasi ho hnen atanga zir ve
chauh ni mah ila, kan khum tawh hle an tih chu!
Mizote hmasawnna lam tak a ni awm asin. Khasi
el rau rau-ah sikul neih that leh lehkhathiamah
khum zawk ila a duhawm zawk ang.
Tv. Puia: Anih leh Dr. Buk, kuhva hi kan taksa hian
thatpuina tlem tal a nei em?
Dr. Buki: Kan taksakin a hlawkpui leh thatpui lam ai
chuan kan pumpuiin a lo dawnsawn dan hi a pawimawh zawk a.
Kan pumpui chuan heti hian a lo sawi thin a, “Khi pui, pan hnah
hringah chinai var, al tek tukin an tat a, kuhva - a changin a hring,
a changin a ro an han tel hlawma, an ha pawhin a thial zawh peih
loh hi min han pe khawm a, ka va han thial peih lo tak em. Ka
peih chen chen ka thial a, panhnah tlem ka lo thial ang a, a bak
chu ka thial peih lo, thlang lamah ka hnawl thla vek dawn, duh leh
ril chuan huphurh takin lo dawngsawng ve leh mai rawh se. Ril
chu ka khawngaih mang e, heng kuhva chip tha lo hian a hrut
hrawih hrawih ang a, na a ti leh ngawt ang, ka khawngaih ngawt
mai. Ka hi alawm ka huat tak chu, a koham hem huam lutuk a,
pumpui leh rilte rawn lo hian a rawn thunlut zung zung a, taksa
peng dang pawh hian an lawm vak lo! (He thu awmze nei tak hi
chhiartute hnen atanga dawn ani. Kan tangkai pui ngei a rinawm.
Ziaktu chungah kan lawm e.)
Quote of the Week
Kind words can be short and easy to speak, but their echoes
are truly endless. – Mother Teresa
 Vol XIV Issue No. 10 Bangalore Mizo Association Pathianni Tin Chhuak Chanchinbu Date: 8th March 2009

BMA GENERAL BODY MEETING, PARTING He Programme hlawhtlinna tura hma la zawng zawng
SOCIAL & ELECTION TLUANG TAKA NEIH ANI. te – Sound Incharge, R.O leh Polling Officers, Ushers,
Refreshment, Camera, Hall decoration, programme nei zawng
Kum tina neih thin angin nimin Inrinni tlai lam dar 3 khan
zawng te, hruaitu te leh member te chungah BMA chuan
Goodwill Girl’s High School ah BMA General Body Meeting , lawmthu a sawi e.
Parting social & Election chu neih fel ani ta. General Body
meeting hi BMA Vice President Pu Josiah Ralte in hneh takin a
a kaihruai ani.Report kimchang Treasurer leh Secretary hnen
atangin kan ngaithla. Bangalore chhuahsan tawh tur te aiawhin
Dr.AIT lam chhuanvawr leh tlang lu zo veh vawh tak
H.Lalnunfela (B-a) an thu tha leh ngaihnawm tak a sawi a, a
awm chhung in Bangalore Mizo te zingah thian tha tak tak te
siam in, BMA chu a theihnghilh ngailoh tur thu a sawi. Tin,
Nl.VL-I, Koramangala hnen atangin haw tur zawng zawng te
tana fuihna thu sawi kan ngaithla a, “Lalpa tih hi finna bul ani”
tih thupui ah hmangin haw tur chauh lo tan pawh ngaihthlak a
man hla hle ani.Inthlanna hi Pr.R.L.Rinawma, I.R.S in hneh
takin a kaihruai a, President atan hian Pi Lalrinpuii w/o
Rev.Dr.K.Sapthanga chu thlan niin, hei hi BMA history a
President ah a vawikhatna atan hmeichhia kan thlanna ani. He
function neih chhung hian Mizoram zaithian chhuanvawr
Nl.Mimi Renthlei in mawi takin vawihnih min zai sak a, tin,
hnam dang zingah pawh duailo, lawman hrang hrang lo dawng
tawh Tv.Andy pawhin hla mawi takin min sak sak bawk a, kan
programme ti nuam tu te an ni. BMMP lam an rawn che tha leh R.O – Pu Rinawma’n BMA Hruaitu thar te tawngtaisakna a
hle a, Concert ropui leh hlimawm tak an rawn nei a, nu ho han nei.
inchei tak tak leh zei taka an han che vel chu kan tlangval ho
te’n an lo ‘star’ hle. Concert en man hi zai chhung hian mipui
(From left – PU Rinawma, Sammy, Thaarie, Pu Paul, Pi
hnen ah khawn a ni a, sum engemaw zat a lut a, Concert sum
hmuh hi BMA Silver jubilee Fund atan pek ani.Ei tur lam pawh Rinpuii, Madawnga, Blessy, Jeol, Alan )
a tui leh hle, Nu Vli special “Sangpiau” kan hawp leh a, kan tlai
tlang leh hle ani. Nl Blessy leh Nl.Thaarie te’n Award hrang
hreng member te hnen ah an sem a, programme a ti hlimawm
hle mai.Member 150 vel he hun ah hian kan kalkhawm ani.

Hruaitu thlan thar te chu heng mi te hi an ni -

President : Pi Lalrinpuii

Vice President : Rev.P.C.Lalduhawma

Secretary : Tv.Madawnga Hauhnar

Asst.Secretary : Pu Paul Lalchhanhima

Treasurer : Nl.Blessy Sailo

Asst.Treasurer : Nl.Thaarie Hnamte

Cultural Secy : Samuel Lalrozama Hmar

Academic Secy : Tv.Alan Lalhriatpuia
Games & Sports Secy: Tv.Joel Murray
Kar hmasa Sunday inkhawm – Maryjones Hostel te thiam
takin an zai.Tv Samuel Varte leh a thiante.
(Source: www.msabangalore.org)
Vawiin Biakin lam Programme chu BMCF General Body Meeting ani.
 Vol XIV Issue No. 10 Bangalore Mizo Association Pathianni Tin Chhuak Chanchinbu Date: 8th March 2009

BMA SILVER JUBILEE SEMINAR (Karhmasa a. Tin, online-(eg zawlbuk, blog, web-site etc) ah te hnuhma
thahnem tawk a nei nual bawk a. Tin, Academic lamah chuan,
lama kan chhuah chhunzawmna…)
tunah hian a paper 3 chhuah turin an pawm sak tawh a, a
Kar hmasa BMA Aw a lo tiam lawk tawh angin tun tum chu kan
chhuah dawn mek a ni. Tin, Mizoram University-ah
Seminar thupui vaitu turte hi hmelhriat tir tawh ila. Tarlan tawh
international seminar-ah paper a present tawh bawk a, hei
angin, kan thupui ngaihtuahho tur hi Zofate zingah tumahin an
pawh hi published tur buaipui mek a ni. Bangalore-a a lokal
la phawrh loh leh sih hawn loh a ni a. Tunlai kan hun hman
hma hian international seminar telna tur a nei bawk a ni.
mek leh thalaite zinga bengvarna kawnga inelna sang tak nen
hian a inhmeh em em bawk si a. A sawngbawltu turte pawh
Silver Jubilee lawmna lunch tui tak kan ei zawhah Seminar hlu
kan hotuten uluk takin an thlang a ni reng a.
leh danglam tak chu chhim turin kan inkau tan dawn nia. WE
ARE DOING WHAT IS NEEDED TO DO…
Kan Seminar te min hawn sak a a thupui min han thlir kual pui
turin BMA Founder Secretary, Pu Lalrochuanga Pachuau kan
BMA Silver Jubilee Committee 2009
hmang dawn a ni. Ani hian Pune atanga B.Com a zawh hnuin
Bangalore University hnuaiah BMA a zova. MBA a zir lai hian
BMA dintu zingah a tel a ni. Aizawl Zarkawt-a khawsa a ni a,
tam takin kan hriat theih dan turah chuan LPS Vision Hriattirna
tanchhuaktu leh neitute zinga mi a ni a. Kum tam tak
Hrangbana College-ah zirtirtu hna thawk (thawk mek) a ni. § BMA Silver Jubilee Committee chuan remchan
Khawtlangah mi inhmang nasa tak a ni a. President, Cricket zawkna avangin Tv.Amos Lalremtluanga chu
Association of Mizoram (from 1999 till date) ani a, Zarkawt Treasurer atan a ruat thar. Tin, Pu Ramdinsanga
YMA Secretary a nih tawh bakah CYMA Central Committee Saiawi pawh Fund Raising Committee Convener atan
Sports Chairman a ni tawh a, tunah hian CYMA committee ruat thar ani bawk.Hei hi a hmaa ruat te an hna lam
sang ber a member a ni bawk. Tin, Zarkawt Presbyterian thila an buai deuh avanga insiamrem ani.
Kohhranah Ramthar Committee Chairman a ni mek bawk.
§ Karleh Sunday inkhawm ban ah Mizo Students
Kan Resource Person tur te hi an hraw khawp bawk a. Pu Association Bangalore chuan Election Biakin Vestry ah
Zohmingliana Hualngo hi, our very own Bangalore mi a ni a. an nei dawn. Member te kal vek turin hriattir kan ni.
Management PG XLRI, Jamshedpur chhuak a ni. Tunah hian
Head, Human Resources, Airbus India and EADS India a ni. § BMA Silver Jubilee Documentary siam ani dawn a,
Hemi hma hian GE Medical System-ah HR Head a ni tawh a, heta tan hian Thlalak ( still / video ) hmanlai ami leh tun
tin, Schneider Electric leh Volvo India ah te hna pawimawh a lo hnai deuh te a tam thei ang ber mamawh ani a, nei
chelh tawh a ni. remchang leh hmun danga awm tawh hetiang nei kan
hriat chuan BMA hruaitute hnen ah i hriattir ang u.
Tin, Tv. Malsawmdawngliana Lailung hi Hyderabad atanga
kan import tur a ni a. Serkawn, Lunglei, Hyderabad University MIZO VAWK LIAN ( Vawksa ngaina zawng zawng te tan)
Dept of History-a Research Scholar a ni. Tin, a hna chelh mek
chu Assistant Professor in History, St. Francis College for
Women, (An Autonomous College of Osmania
University) a ni. Seminar pawimawh leh changkang tam takah
paper present-in a kal fe tawh a, international chinah tum 4
National level Seminar tum 3 a tel tawh bawk a ni.

Tv. H. Vanlalhruaia ve thung hi Nagaland a piang ni mahse,

Lunglei Serkawn hi a khua atan a chhal a ni a. Ani pawh hi
Hyderabad atanga kan ‘import’ a ni.

Thiamna lamah chuan Hyderabad History Department-a

Research Scholar a ni a.

Mi thil chhiar zau chuan a hming hi an chul nel tawh khawp
mai. Mizoram chanchinbu-ah/phek, magazine, tualchhung
chanchinbu hrang hrang-ah hian article 100 vel a nei ve tawh
A thlalak neitu nu hian he vawk hi Kawnpui
Chhimveng a mi 1986 a mi vel kha ni in a sawi. A len
zawng hi Mizopa teh dan chuan ‘Sum 100′ ni awm in a
sawi. (misual.com)
 Vol XIV Issue No. 10 Bangalore Mizo Association Pathianni Tin Chhuak Chanchinbu
MIPA LEH INLA PÂ TE AIAWHIN
(Women’s Day Special)
-Samuel Lalrozâma Hmâr (Sammy)
He khawvêlah hian thil rêng rêng hi opposite
(kawppui/khing lehlam) nei theuh kan lo ni, khawvel siam
tirh atang tawh khan alâwm. Atirin Pathianin lei leh vân a
siam a, chhûn leh zân a lo awm, a nu leh pa tuâk zêlin
ransa te a han duâng bawk a. A tâwp berah mipa kawppui
atân, hmeichhia a tul tlat tih hre rengin, nalh thei ang berin
A han design ta a nih kha...
Hmeichhe tello hi chuân khawêl hi thir tlang leh
lungpui sak tak mai, a chung pawha in sak theih loh ang hi
zu ni mai dâwn a; rose pâr mawi tak ang maiin hmeichhia
te hian nunze mawi leh nalh tak mai an nei tlat mai â!! Zîng
tukthuân chaw ei siam peih loh chânga min siâmsaktu chu
kan nu hi a ni tlat mai, an ti thin, kawppui nei ten.
Ngai teh, mipa te mak tih phâk bâk chakna kawltu
an ni!! Fa harsa leh hrehawm taka paiin an hring a, mahse
hmangaihna, hlimna leh lâwmna te an vawng thiang tlat si.
 khai â!! Dik ni a an hriatah chawl lo in an bei a,an hnial
tâng tâng a, diklo nia an hriat lah an dâl kalh tlat thin; mipa
te'n kan hnial hneh reng reng hlei nêm."Aih" tih hi
chhannaah an hmang ve ngailo, thil tha zawk awma an
hriat chuan. Kawrtha tak hâk tûr nei lo in awm pawi an ti lo,
an fa te'n a thar neih phah nân an hman dâwn phawt
chuân. Thiante kaisânna leh fate hlawhtlinna avângin an
biangah mittui luan châng a tam, hmelhriatte famchan
chânga thinlung puak keh hmasa ber niin zêm khat zenpui
te boral chânga lungngai tawp thei lo an ni bawk; mahse
tha nei tawh lo a i hriat tawh hnuah pawh chakna an la nei
fan a; thlamuanna âw te, hmangaihnaa in kuah te leh
thinlung chhungril tak taka chhuâk ngainatna vânga in
fawh te hian thinlung nâ a tidam thei a ni tih an hai lo.
Ngawi teh, hmeichhia te hi awm lo ta se a pa hlang
mai hian engtin nge maw nî tin alu leh dal leh buhfai
chhumpawlhin chaw kan ei peih ang le!! SMS ho deuh
deuh tunge min rawn thawn anga, e-mail thui deuh deuh,
awmzei nei lêm lo, min ti hlimtu ni ve sî, tunge rawn type
peih ta ang?!! Tunge fiamthu ho deuh deuh kan thawh
changtea nui uâr uâr a let tawp tawp peih ang le!! An
mamawh zâwng, tha sêng lêm lo a, han tihhlawhtlinsak
chânga min fak luâm peih tu tak awm ang maw!! ÂW!! fa
hrin mai bak hi nunna thar min lo va han hrin chhuah teh
lul em.Vawiin hi Women's day a nihna angin kan
hmeichhe hriat zawng zawng te hnenah, an hlutzia
Sunday school Naupangte
hrechhuak tharin, lâwmthu hrilh dan kawng i zawng theuh
teh ang u. "Ka û, ka lawm e" han ti ve teh.
Editor: Thaarie Hnamte – (Mb) 9886145877
Jt.Editor:Isaac Chawngthu (Mb) 9986137633
Cir.Managers: Nl.Vanlalchhuani
Email:bmanews@gmail.com / www.bangaloremizo.info
I lo bengvar lehzual nan sms JOIN BloreMizo type la, 567678 ah thawn
rawh le. I lo fin deuh deuh nan BMA AW chhiar thin bawk ang che. Thla 3 lak
man Rs.50/-
Date: 8th March 2009
(Hriselna Huang)
Pumpui emaw ril lawng (ulcer) hi kawchhunga thi chhuak,
internal bleeding thlentu bul ber a ni fo thin ti ila kan tisual
tam lovang. Natna thleng tam ve pawl tak chu a ni. Ziaktu
pakhat chuan, ‘Eat To Beat’ tih phek 346naah chuan ti hian
a ziak a.Kawng thumin ulcer laka fihlim dan, (ulcer free life)
a neih theih a ti:- 1. Zana tha taka muthilh theiha, kan
pumin hahchawlhna hun tha a neih hi a pawimawh em em
a ni a ti. A chhan chu kan taksa hian siamthatu, protein chi
khat, (repairmen) TFF2 an tih hi a nei a. Muthilh hlan hian
kaw chhung siam that hna hi an lo thawk thin a ni. Zing dar
khat (1 am) atanga dar nga (5 am) thleng hian TFF2 hi a
thawh ngawrh zual lai a ni a, chuvangin he mi hun chhung
hian tui taka muthilh a pawimawh zual a ni a ti.
2. Nitina kawng kal emaw exercise thin mite, 11,000 vel
zinga an enchhinnaa an hmuhchhuah chu ulcer neih leh
risk kha a chanve in an hniam bik tih an hmu a ni. Hei hi
kum 20 chhunga an enchhinna a ni. A chhan nia an sawi
chu exercise hian an natna vengtu (immune system) a
tichakin an puma acid level a tihniam a ni a ti.
3. Thlai leh thei tam tawk tak kan ei reng hi a pawimawh a.
Thlai leh theiah hian fibre an tam a, hei hian ek khal leh ek
thattheihlohna a veng a ni. Tichuan, kan chaweite chu kan
kawchhungah a cham rei lova, hei hian kawchhung a ti
hrisel a ni. Hetiang kawng hian ulcer lakah thei leh thlai
hian min veng thei a ni. Amaherawh chu ulcer vei lai te i
nih chuan, thei lam hi ei tam vak loh a tha an ti bawk.
Heng kan sawi takte baka pawimawh ber chu nun dan
thlak hi a ni. Zu in, mei zuk te ching thin i niha i sim chuan
loh chuan heng kan han sawi takte hi i tangkai pui vak
chuang lovang. ( Source : Health Ministry, First Mizo SDA
Church of America)
BMA zaipawl hlazir lai
Bannerghatta Zoo ah Grace Home Boys
BMCF INKHAWM PROGRAMME DATE: 15.03.09
Hruaitu : Pi R.Lalnunkimi
Tantu : Tv.Alan Lalhriatpuia
Thuhriltu : Rev.A.Vanlaldinpuia
Thawhlawm hlantu : Tawngtai rual
Spl.Number : UVCE Zirlaite