Motto:

* Hun awl hmanthat * Kristian nundan tha ngaihsan * Zofate hmasawnna ngaihtuah Thuvawn YMA chu tanpui ngaite tanpuitu a ni Serkawn : Kartin Chhuak Phek 1- na

Nang Malsawmna ni ang che

th

Thupui : Ram leh Hnam Humhalh

Estd. : 24. 10. 1994 Pro. Permit No - 25 of 2004 Chanchinbu, Branch YMA,

Vol - XVII Issue No 150 the 14 July 2012 (Inrinni) : Darthlalang

YMA Thu Hla

Damlo
Chanchin kan lakkhawm laiin kan vengchhung mi hengte hi Christian Hospital Serkawnah an awm: 1. Np Lalhruaitluanga 2. Pi Lalhlupuii 3. Nl K lallawmzuali Nurse 4. Pu Zolianmawia Sec-II 5. Pi Lalthanpari Sec-IV 6. Nl Lalhmingsangi Sec-I

1.

SADS Tanpuina :

Kan Branch YMA chuan Lunglei Sub.Hqrs.YMA Lunglei hnuaia Ruihhlo Do Squad SADS tanpuinan Rs. 2000/- a pe a. SADS hian tunah hian ruihhlo do kawngah chak takin hma a mek a. Tanpuina hi mimal emaw pawl emaw hlan duh chuan a hlan theih reng a ni.

2.

Solfa leh Lengkhawm zai intihsiakna :

Missionary Damlo
Chanchin kan lakkhawm laia BCM missionary CHS-a awm: 1. Pu M Hmingthanzauva 2. Lalhmingsangi Nghalimlui BLOOD BANK
Chanchin kan lakkhawm laia CHS Blood Bank Dinhmun:-

August Thla chawlhkar hnuhnung berah hian Sub.Hqrs.YMA Lunglei buatsaihin Saikuti Hall lungleiah Solfa leh Lengkhawm zai intihsiakna neih tur a ni a. Hetah hian kn Branch pawh chhuah ve tum a ni. Member zaipawl tura ruatte tlawmngaichhuah turin kaninsawm lawk a ni. Intihsiakna hla tur chu ; Solfa Hla : 1. Kawrnu By Chhuana 2. Kan tlang ram par vulna By Liandala Lengkhawm Hla : 1. Hun leh Kumte An Ral Zel a By Rev Bawka 2. Pialral Ka Ngai Ka Lal Lenna By Rev Lappua

3.

Relief Fund Khawn :

A 28

B 12

AB 9

O 40

@ Pu F Zasiama Sec-IV chu damlohna vangin inenkawlin Aizawl lamah a cham mek a. An nu Pi K Thankiamlovi leh Nl F Zomuanpuii ten an kalpui a ni. Pi Lalchhingpuii w/o Pu K Lalzamlova Sec-IV chu in checkup turin Shillong lam panin Dt 10th July 2012 khan an chhuak. Dam lohna vanga zinchhuak te dam taka lo haw thuai turin duhsakna kan hlan e. @ Pu F Lalhmangaihthanga Sec-V chu Inrinni hmasa 7th July khan Trinity Hospital Guwahati-a in check-a kal pawh tluang takin a lo haw leh ta. @ Rev.H.Lianngaia chu Baptist World Alliance (BWA) General Council Meeting, Chile khawpui, Santiago, South America-a neihah BCM aiawhin a kal a. USA, Indianapolis-a Chin Baptist Church Inkhawmpui aah thusawina a nei bawk. Washington DC, New York te tlawhin mi pawimawh tak tak a hmu a. Vawiin Serkawna let leh turin beisei a ni. @ Pu Eric Zomuanpuia Renthlei Sec-II Leader chhu Tlabunga MZP rorelna sang Federal Council Meeting-ah Lunglei MZP president a nihna angin a kal a ni.
Ph - 8014773591

Chhuak hmasa lama kan tarlan tawh Relif Fund chhungtina Rs. 50 /- khawn tura tih chu S.YMA Executive Committee meeting Dt.9.7.2012 zana nei chuan kan sum dinhmun thlirin tundinhmunah sum indaihlohna a san tawh avangin Rs.100/- a kjhawn nise tiin a rel a ni. Tunthla chhungin Relief Committee memberten an rawn khawn dawn a ni. Chhungtinten khawn veleh pe thei turin lo inring lawk turin kan inchah a ni. S.YMA Excutive Committee in a rel tawh angin Kuang khuahna Ready Made Rs. 7000/- in siam thar a ni a. Hei hi Relief Fund atanga pek tur a ni.

4.

Faina Hapta :

S.YMA chuan August ni 20-25 inkar chhung hian Faina hapta a buatsaih dawn a. Kan hriat theuh angin kan veng-hi faina kawngah tanlak kan chho hle a. Hemihi hre rengin S.YMA Ex.committee meeting chuan faina kawnga tan kan lak theih nan Faina haptahi a buatsaih a ni. Chhung tinte pawhin hei hi hriain kan in leh a vel vawng fai theuh turin kan insawm a ni.

5.

Endowment Fund :

Kumin atan a vawihnihna Endowment Fund khawn chu hetiang hi a luh dan a ni. Section-I Rs.1670 Section - II - Rs.2410 Section-III Rs.2450 Section- IV - Rs.2930 Section-V Rs.2930 Total - Rs. 12270 Kan tarlan thin angin Endowment Fund atang hian Member innei lawmpuina, Boral ralna & Pangpar dah tur leina atan hman a ni.

Section-II Lucky Ticket

SYMA Section-II te chuan sumtuakna Lucky Ticket kan zuar chhuak mek a, vengchhung mipuite tlawmngaia min leisak hram hram turin kan ngen a che u. 1st Prize Mobile Handset Consolation Rs 100 (Mi 3 Tan) Drawing Date - 15th August 2012 -Secretary
Kumpuan: Ram Leh Hnam Humhalh Ph - 8974362101

Vol - XVII Issue No 150 the 14th July 2012 (Inrinni) : Darthlalang

Chanchinbu,

Branch YMA,

Serkawn :

Kartin

Chhuak

Phek 2- na

B-A-W-L (Bullying)
Mizoten ze tha lo leh pawi deuh mai kan neih chu In Bawl hi a ni. A awmzia hi chu sawifiah tam ngai lovin kan hre theuh vin a rinawm. Sap hovin Bully / Bullying an tih nen hian huang khatah a dah theih a. Bullying tih hian school naupang intiduhdah te leh puitling pawh tharum hmang leh tawngkam hmang te, mite awmnemna lai leh chak lohna (an ngaihtuahna tlemna emaw an mawlna lai te, pianphunga an chak lohnate etc...) denchhena society leh nuhonaa nuamti ve lo tura siam emaw, nuihza siam nana inhman thlengin a huam a ni. Inbawl kan tih mai, in fakdera thil tih loh loh intih tir te te a, insawi mualpho zui vak te pawh hi Bullying chuan a huam vek a. Sorkar dan pawhin a phal loh thil leh tunlaia kan sawi lar em em HUMAN RIGHTS lam thlirna atang pawhin thil dik lo hul hual a ni a, ngaihtuah chian a ngai ta khawp mai. A huhova awmnaah hian chin a awl zual em em a. A hlimawmin a nuihzatthlak duh riau bawk. Tuin emaw midang thiam tak maia a han fak der a, a han ON hluai mai hi chuan nuih loh a har thin khawp mai. A taka hmuh chu sawi loh mi inbawl dan an sawichhawn ringawt pawh hi nuihzatthlak duh tak a ni. Amaherawhchu hetiang zawng khera intihhlim leh nuihza siam hi A tunlai em? A Kristian em tih te thlenga kan chhut ngun erawh a ngai a ni. Pakhatnaah chuan mi bawl thiam riau nih hi A Changkang Lova, intihtheihna chi a ni lo. A nihna takah chuan bawl theih loh kan awm lo. Mi bawl thiam ber te pawh hi eng kawng emaw chuan an bawl theih ve viau tho thin. A hmanrua azira bawl kual theih vek kan ni.... Keini aia mifing pui pui pawh hi a bawl zawnga tih chuan an bawl ve theih vek ang. Vawikhat min bum chuan i thiam loh a ni, min bum nawn chuan ka thiam loh tih hi hnampui ho ngaihdan nghet a ni a. Mi puitling taka i hriat kha vawikhat bawl chu i thei ang, mah se, han ti chhin la, vawikhatmah a ring leh tawh ngai lovang che. Khaw tina pa bawl theih tak nia kan hriat te hi rilru lama rualbanlo an ni kher lova, thinlung thianghlim leh mi rilru tha, tupawh ring bur mai chi pawh an ni duh khawp mai. An rilru thianghlimna leh an rinawmna ngaihlutu Pathian hian an rilru thianghlimna leh thatna nuihza siam nana lo hman a, anmahni lan mawi lohtir nana lo hman hi a lawm a rinawm loh.... Mi bawl ching leh thiam tak te zingah erawh chuan, rin vek loh chi an tam ve khawp ang. Rualban pangngai karah mah inbawl hi thil tha lo tak a nih chuan VOHBIK kan tih, rilru lama midangte tluk lohna neite bawl phei hi chu thil pawi tak niin a lang. Heng mite kan bawl a, kan nuih ham ham hian anmahni hmangaihtu an chhungkhatte tan a nuihzatthlak loh duh hle a, anmahni Siamtu Pathian pawh a nuih a za ve hauh lovang. Rilru lama vohbikte hi kan bula an awm a, an zia an chhuah tlat chuan an ze mil tawka dawr loh theih an nih lohna chin a awm thin. Patling puiin an fate an ze mil tawka an dawr a, motor lem an khalh hruah hruah thei ang deuh hian mi pangngai inkawmdan piahlam hiala kawm an tul chang pawh a awm, mahse, hetiang hi kan tawng a nih pawhin hmundanga put darh a, anmahni sawi mualpho zui

I 'ZO' MIN TI MAW...!???

Thil thing tak emaw tu emaw thing tak sawi nan 'ZO' tih tawngkam hi i hmang lo ngam ang u. Kan ram hi MIZOram a ni a, kan hnam chu MIZO a ni a, kan tawng chu MIZO tawng a ni. 'ZO' tel lo khian engmah an ni lo a, ZO tel lo chuan engmah kan ni lo, ZO tel lovin engmah ka ni lova, engmah i ni lo. Hetianga kan hman hian Mizoram hi thing kan ti a, Mizo nih hi thing kan ti a, Mizo Tawng hi thing kan ti ani mai em ? Hei lo hi tawngkam dang hman tur kan hre lo em ni ? Kei chu Mizoram hi thing ka ti phal lo, hei lo hi ram dang ka nei si lo! Mizo nih hi thing ka ti phal lova, ka damchhungin Mizo ka nih dawn avangin! Mizo Tawng hi thing ka ti phal lova, ka pianpui Tawng a nih miau avangin! 'ZO' hi ka nihna a ni a, hmusit takin ka deu phal love! Ka damchhungin ka 'ZET O = ZO' reng dawn...!!!!

(Hei hi Facebook lama Darthlalang Group-a kan member Tv Reuben Murray Sec-IV rawn dah a ni a, chhuah min phalsak avangin kan lawm hle)
nana hman kher a tul lo. Engineer zirna, doctor zirna leh India rama zirna sang ber ber leh University Hostel angah te hian, lehkhathiam awmkhawm e ti lo hian ze danglam fu fu leh bawl phawn theih deuh te hi pahnih khat an awm ve deuh zel a. Kum tinin heng hmunah te hian inbawlna leh infiamna nuihzatthlak ngial ngial, sawina apianga nuih loh theih loh hi a thleng ve ziah a ni. Mahse, hetiang hmuna awmte hi mithiam rual an ni a, heng thilte hi a hunlaiin nuihpui bawk bawk thin mahse a hmun dangah an pu darh ngai lova, damchhung thurukah an invawn sak thin. Chutianga chuan inthup sak tawn ta lo se, tuna mi zahawm tak taka kan ngaih, hnasang fe fe thawk tam tak hian mi pangngai ena kan en theih tawh mang lohna tham tur Chanchin Chukchu deuh deuh hi an nei ve fur ang.... Mite chet chhiatna, mi hmuhsit an hlawh zui theihna ang chi te (kan bawlna te) sawi lar chak tlat nih hi mithiam lo hna a ni. Inbawl leh inchhawnchhaih vel te hi a boruaka han awm hi chuan a hlimawm a, a nuihzatthlak a, Sim pawh a har khawp mai. Mahse, mite chhiatna leh zahna tur ang chi te, mimal leh chhungkaw mualphona leh mi zinga an inthlahrun vekna khawpa inbawl leh inchhaih te hi chu i ching lovang u. A changkang lova, a Kristian lo chauh ni lovin ringlo mite pawhin an tih duh loh thil a ni. Mizoten midang kan dawr thiamlohna pakhat chu - KAN HLAUH LOH CHU KAN HMUSIT deuh ringawt zel hi a ni. Hlauh zawng hlau hlur, a ruka rel ser ser erawh hreh miah lo, an awm laia TIK pawh ti ngam lo, kan hlauh loh zawng te erawh chu hmusit a, bawl phawn tum tlat thin hnam kan ni. He mize tha lo hian keimahni leh keimahnikan indawr danah leh hnamdang kan dawr danah thlengin nghawng tha lo a nei a ni. Bible chuan Miin i chunga an tiha i duh tur ang bawkin mi chungah pawh ti ve rawh... a ti a ni. Heng ka unau, mi te ber chunga in tih hi ka chunga ti in ni Isuan a tih kha hre reng ila.....

E Mail: Darthlalang@gmail.com/ WWW.Facebook.com/Darthlalang

Vol - XVII Issue No 150 the 14th July 2012 (Inrinni) : Darthlalang

Chanchinbu,

Branch YMA,

Serkawn :

Kartin

Chhuak

Phek 3- na

Chatuan Khawpui
Word & Tune - C Ropianga
-R Thangzuala Sec-II Thla hmasa lam khan Upa C.Ropianga hla phuah, Chawl love fak che ka duh tih kha ka rawn zik a; khami tum khanhla 20 vel a phuah a, recording an ti mek zel,tih kha ka ziak tel lo palh emaw,chhut hmaih palhemawm, a nih ka ring.tunlai hian Gospel Demand Channel-ah a thar pathum a lo chhuak leh a, a satuten an sa thiam tawk a, a mawi hlawm khawp mai.Chungte chu:1. Nunna bu-ah (Recorded by Judith Lalremruati) tih leh 2. Jeremia a au asin tih (Recorded by Larry, Mafaki & Baby) tih leh tuna kan sawi tur, Chatuan Khawpui, tihte hi an ni a.Mizovin hla hming kan sawi dan pangai hian an chang 1-na tlar hmasaber Thu (words)pahnihte hi (Chatuan Khawpui) a Hla Thupuui a hmang nghal a ni. A thunawnah hian -Khawpui mawitih leh Zion Pathian Khawpui tih hmangin a sawi a;tin chang 2-naah hian Salem Khawpui Pathian Chenna tiin a ko leh a; tin chang 3-naah hian , Zion mithianghlimte chenna tih leh Khaw thianghlim tihte a hmang bawk a ni. Matthaia 11:28-30 -a Nangni thawkrim leh phurrit phur zawng zawngte u, ka hnenah lo kal ula, keiman ka chawlhtir ang che u, ka nghawngkawl bat ula ka hnenah zir rawh u; thuhnuairawlh leh rilrua inngaitlawm tak ka nih hi;tichuan in thlarau tan chawlhna in hmu ang . Ka nghawngkawl chu a nuam a, ka phur pawh a zang a ni, a tihte leh Johanna bung 14:2-4 -a , Ka Pa inah awmna tamtak a awm a, a awm loh chuan ka hrilh tawh tur che u ani; in tan hmun siamin ka kal dawn hi.Tin, in tan hmun ka han siam chuan k lo kir leh ang a, ka hnenah ka la ang che u; ka awmnaah nangni pawh in kal theih nan, Lal Isuan a zirtirte hnenah a sawite kha Upa C.Ropianga hian hre rengin he hla hi a phuah a ni mai ang - tin ring ila, engemaw chen chu a dik ang. CHATUAN KHAWPUI C.ROPIANGA 1. Chatuan khawpui Pathian chenna ngei chu, Lalpan ka tan a kawngkhar a hawng a. Ka zinna ram leiah tihtur ka zawh hnuin, Chu khawpui mawi pan chuan ka kir tawh ang. Khawpui mawiah chuan, An fak ning lo khawvel chhandamtu; Angelte leh tlante zawng zawng tual lenna, Zion, Pathian khawpui ka ngai a ni 2. Luipui kamah thuin Zion fate Jerusalem ngaiia an tap ang khan; Ka ngai mange Salem khawpui Pathian chenna, Chu khawpui mawi pan chuan ka kal zel ang. 3. Zion khawpui mithianghlimte lenna, Lalpan kan tan a buatsaih chu a ni; Ram nuam taka chatuana chawl ve tawh turin Kraws puin khaw thianghlim ka pan zel * Changthumna nawn * Thunawn

YMA Chhang Pual

Tun tum chu GK pawh ni chiah chuang lo, lawrkhawm maksak ve deuh deuh aw.... @ Camel ai hian Giraffe hi chaw leh tui tel lovin a awm rei thei zawk a. Amaherawhchu Giraffe hi a ke hi tlalera kal nan chuan camel a tluk loh avangin thlaler zin nan an hmang ve ngai lo thung a ni. @ Kangaroo hi hnung zawngin pen khat pawh a pen thiam miah lo, hlimsang chi chu a ni lo ve nasa khawp mai. Kangaroo hi feet 30 a thui te an zuang thei a ni @ USA-a nikhata pizza an ei zawng zawng hi a khawmin, inzawm patin dah ta se, tin (acre) 75 hmun zel an ei zo ang a ni. @ US President hlui, Bill Clinton-a khan US President a nih chhung khan e-mail vawihnih chiah amahin a thawnchhuak an ti, a online nasa em em bik lo a ni maithei... @ Thosi hian rawng dang zawng zawng aiin rawng pawl (blue) hi a hmu awlsam bik an ti @ Mihring nikhata kan mutthilh dan tlangpui atanga chhut hian kum 75 vela upa te hi an mutthlih tawh zawng zawng belhkhawm hian kum 23 vel a ni tlangpui. @ Nui tur hian tihhrawl 14 chet tir a ngai a, thinrim tum vuau tur hian tihrawl 43 a chet a ngai, hlim hi a hahdam zawk a ni. @ Number 1 - 100 hi a thu in ziak la (i.e. one, two, three, four, five....) 100 (hundred) thleng ziak nan hian hawrawp A hi vawikhatmah i hmang lovang. @ Titanic Lawng kha a man 7 Million Pound a ni a. A chetsualna denchhena film siam, Tinatic Film khan Pound Maktaduai 280 vel a hlawhchhuak thung a ni. @ Arpa hi thla zap lo hi chuan an khuang thei mai a, an nghawng an tih fan theih miah loh hi chuan an khuang thei miah lo.... Nang pawh i kiu kha i liak thei miah lovang... Han try teh @ Ha nawhna hlo COLGATE hi Spanish tawngin Inawkhlum rawh tihna a ni mauh mai a. Colgate Company hian a tir lamah chuan Spainah leh Spanish hmanna ram hrang hrangah harsatna an tawk nasa ve hle a ni. @ Ui chi hrang hrang zingah German Shepherd hian mihring a seh zing ber nia hriat a ni. Ui var, a duma spot thluah thluah thin Dalmatian thlah dik tak hi an pian tirhah an spot miah lova, an naupan zual a reh hnuah hian an rawn spot chho thin
@ Ngaihsak loh, diriam, endawng leh nuihzat nih hi chawnghei leh riahna tur neih loh ai chuan a hrehawm fe zawk a ni - Mother Teressa @ Pa thih san, rethei taka inzir chhuak ka ni a, ka nu nena kan retheihna leh tlakchhamna zawng zawng aia ka theihnghilh theih loh chu kan dinhmun chhiat laia min hmusittute kha an ni. - Dr HTC Lalrinchhana @ Hmeithai emaw fahrah emaw in tirethei tur a ni lo. -Exodus 22:22

Zakaria 7:10
Hmeithai te emaw, fahrah te, mikhual te, Mi retheite emaw hnehchhiah hek suh u. Tumah rengin in thinlungah In unaute tana tha lo tr chu suangtuah suh u.....

Thuvawn: YMA chu tanpui ngaite tanpuitu a ni

Vol - XVII Issue No 150 the 14th July 2012 (Inrinni) : Darthlalang Chanchinbu,

Branch YMA,

Serkawn :

Kartin

Chhuak

Phek 4- na

GIFFARINE....
Chhingpuii Dawr, Christian Hospital Annex Building-I ah Giffarine Company siam cosmetic chi hrang hrang, naupang atanga puilting hman chi chikimin a awm a. A duh tan ngaihven theih a ni. Giffarine hi company lar leh tha tak, henglaia an product kan la hmuh ngai loh a ni. Tin, pangpar leh cosmetic chi dang pawh chi hrang hrang kan kawl bawk e.

Tualchhung (Chhunzawmna)
# BCM Ramzotlang chuan Zanin atang hian crusade neiin kar leh lamah FOD hruaitu leh Kohhran hruaitute tan intuaitharna camping an nei dawn. Speaker atan Pro Pastor VL Nithanga hman a ni ang. # Serkawn Unit TKP te chuan an anniversary lawmna an tan chho mek a, tlailamah infiamna hrang hrang Group inelna neiin Hlim Zan leh programme hrang hrang an la hma chhawp a ni. Memberten programme te ngeihvena a theih anga tam tel theuh turin STKP hruaitute chuan member zwng zawng an sawm a ni. # Serkawnphei Pu Marina Furniture Workshop bulah hian Two Wheller Workshop hawn thar a ni.

-Chhingpuii 9863447878 / 9612553603

INHMUN LEI DUH TAN

Serkawn Indoor Studium bul, Lunglei Thenzawl kawngpui anah inhmun tha tak lei duh tan a hnuaia phone number-ah hian zawhfiah theih a ni e. -9436966197

Darthlalang ti ti
@ Serkawn mipuite kan ve fel em.... Kawng chung atanga kawngpuia tui khawh thlak tir to to thin ho, fur chhung zawnga kan kawng kal min tibuaitute nen hian dam chuan kum tawpah hlim takin ruai te kan la theh ho leh dial dial ang chu.... @ Tunlai chu excer la an tam thei suau suau khawp mai.... Zingah basketball court velah inkhel leh insawizawi an awm sup sup a, U Ramena SecV hi chuan mi excer lakna sirah All India Radio a lo ngaithla vang vang zel.... @ K. Fakzuala Sec-IV hian a milen hnu hian min be tha duh tawh lo tih Darthlalang ho khan lo hre rawh u... - Pu Pawltea SYMA Treasurer @ Pu Pawltea han tihlar chhunzawm ta lawk ila, MHIP Day a lo thlen meuh chuan kan branch YMA Treasurer hian MHIP-ah min luh san dawn emaw kan ti hman alawm mawle... Buai vut vut khawp mai, adviser nih a tlin nge nge e.... @ Lisa-i Sec-II hian tuibur chungchangah kah a hlau hle... STKP Radio-a aw an thunna tel ve lo langsar zual te - Rinpuii Sec-I, Zuali Sec-I, Heleni Sec-II te an ni. Voice Test an paltlang zo lo.... @ Pu Tlinpuia Sec-IV hi i dam that lai a nih kan bei sei, tunlai i reh riau a, Darthlalang lamah kan rawn tilar mai che a nih hi... Pi Lalkhaw-i a dam em...???? Pu Mamawia Miller Sec-III te fapa duhawm tak an nei thar a, kan lawmpui e @ Section-III lam chuan radio-a hla thun tur an record fel ta bawk a. An leader Pu Muanzova pawh a in la Buangliankung hle, Section-III ah tho hian Buanglianngura an nei sa tawh bawk an ti. @ He thlalak hi Darthlalang kan chhut laiin Facebook-ah a lo lang ve chhen a, kan post chhuak ve tawp.... A duh tan a hnuai space-ah hian WANTED tih a ziah theih....

SAMUEL STORE SERKAWN

Samuel Store, Serkawn, Christian Hospital Annex Building No-III ah Dining Table Cover, rizai, blanket, nihliap chi hrang hrang te a thleng thar leh tawh a, Lunglei MIZOFED Rate-in kan pe thei reng a ni. Min han dawr ve teh.

-Beki 9856950807

Pass Thar
Nl Lalmuanawmi Khiangte d/o Pu K Hrangbuanga Sec-V chuan MA (English) I Divisionah a pass a. Tv K Lalbiaknunga Sec-II s/o Pu K Hrangchhunga chuan BA tha takin a pass bawk. Nl Lalrinzuali Ralte c/o Pi R Lalthanmawii chuan NEHU tangin Bachelor of Social Work a pass a. Nl R Lalhmingliani d/o Pu Chhunkunga Ralte chuan NEHU atang vek hian BSW a pass bawk. Kan member pass tharte kan lawmpui em em a, in kal lehzelna turah duhsakna kan hlan a che u. Tunhnaia pass thar la tihchhuah loh kan neih chuan min hriatthiamna kan ngen a. Pass thar la chhuah loh kan hria a nih chuan min han hriattir zel ula, kan lawm hle ang.

Darthlalang Editorial Board

Ngenna
Darthlalang man khawn a lo hun leh ta, kan agent ten an rawn khawn leh dawn a, mipuiten thahnemngai taka lo pe leh turin kan inngenin kan inhriattir a. Tin, Pawisa Chhia hman theih loh lo pe lo hram turin kan ngen takmeuh che u a ni.
- Manager

I compund-a i paih duh loh vangtlang ramah leh midangte compound-ah paih suh

Lawmthu
- TBC Vanlalsanga Sec-II Kan Kohhran hruaituten kan Kohhrana mi harsa zualte hnem a buhfai bag 1 an sem chu min pek ve avangin Lalpa leh a Kohhrante hnenah lawmthu ka sawi mawlh mawlh a ni

Serkawn i Vawngfai Ang u

Published and Edited by Lalbeiseia Pachuau for and on behalf of Branch YMA, Serkawn : Printed at Dengro Print Lunglei, 520 Copies