Motto :

1. Isua Krista rinna leh amah anna kawnga thlalaite hruai. 2. Kohhran kut ke ni tura thalaite buatsaih. 3. Kohhran hnathawh tihpuitlin. 4. Krista Chanchin Tha puan darh.

Thupui Innghahna :
Thil tha ti atan Krista Isuaah chuan siama awmin, ama kutchhuak kan ni si a, chu thil tha tih chu kan awmna turin Pathianin a buatsaih lawk a ni. Ephesi 2:10

Volume X V I.No 15 An official organ of Kristian Thalai Pawl: Seling Branch 20 t h April, 2013

MAHNI INTHAH (A ven theih a sin)

(Kar hmasa a chhuak Chhunzawmna)

- Dr. C. Lalhrekima

Lo hriat lawk dan a awm em? Mi thenkhat chuan, mahni inthah tum a hriatlawk theih loh an ti thin. Mahse a dik vek lo. Chik a, en a, ngaihven chuan warning signs hmuh theih a awm fo thin. Heng a hnuaia mite hi lo chik ve teh. A then tal kanven phah hlauh theih takin! Thil thleng engemaw leh dinhmun inthlak laite hian mahni inthahna risk a sang zual duh viau a. Chhungkhat leh thian hnaite thihna emaw natna khirh tak neih te; Nupa inthen, awm hran, innghirngho, chhungkaw buaina te; Hriselna tlakhniam lai leh natna khirh tak neih te; Hna, chenna, pawisa, nihna, mahni hlutna leh zahawmna hlohna dinhmun hrang hrangte; Zu leh drugs hman sualte leh Nun hlim lohna (Depression) neihte hian mahni inthah duhna dinhmunah mi a hruai lut thei a. Mahni inthah duh hial rilru pute chu an rilru puthmangah leh an nunphungah danglamna hmuh tur a awm fo a. Taksa leh rilru na ngawih ngawih an nei thei a. Beidawnna, zahna, inthiam lohna, mahni inhuatna, mi tumahin hmangaih lo nia inhriatna, dawna inhriatna, mi tihnat hlauhna, hlu lo leh tangkai loa inhriatna leh engmah tithei lo (powerless) a inhriatnain an khat a. An nun a hlim lo a, taksa leh rilru a chau a, thin a chhia a, hoteah an thin a rim phut thei. School leh hna lama an performance a tlahniam thei a, mahniin an tal tam a, tun hmaa nuam tih thinte an tuipui tawh lo fo a, sex lama an phurna thlengin a tlahniam thin. Mahni inngaihsakna a tlahniam a, hmel a thur a, an pawr a, mut leh ei leh in dan a buai thei. Mahni inthah tumna lam hawi nunphung hmuh leh hriat theih a awm fo. Inthah tum chhin emaw, mahni intihnat lam hawi thil engpawh a awm thei a. Thih chakna leh mahni inthah mai duhna an sawi chhuak chawk a. Ngaihsamna leh engto nei loh riauna an nunah a lang thar thei a. Thurochhiah siam leh thil neih sem ral pawh an ching fo. Maksak leh hun vak loa mi mangtha leh ngawt mai te, hla taka kal bo tura insawi te an ching thei a. Ngaihsak leh buaipui ka ngai tawh lovang tih te, Tho leh tawh lo tura muthilh vang vang ka van chak em tih te, Ka nun a hlim lo, ka beidawng em mai, ka peih tawh lo, tih te, Mahni intihlum te hi Pathianin a hrem ang em? tih zawhna zawh te, Thil tha lo deuh titurin ka thinlungah thu a rawn thleng tlet tlet mai tih te leh thihna leh a kaihnawih thil tuipui riaute a awm thei. A ven theih Mahni inthah tum thu sawi kan hria emaw, chutiang awm anga lang nungchang kan hmu emaw, min rawn pan chawttu an awm emaw a ni mai thei. Engtia hmalaka engtia lo hmachhawn tur nge ni ta ang le? A ven theih an ti tlat si a. La thutak hle rawh Mi thenkhat chuan, Mahni inthah tumna sawi chhuak pung pungin an ti tak tak ngam ngai lo, an ti thin. Mahni inthat zaa 75 te hian an thih hma engemaw hun lai khan an lo sawi chhuakin a hriat theihna tur thil engemaw an lo lantir daih tawh. Miin inthah mai a duh thu a sawi chuan ngaihsak hle ang che. Mahni inthah tumte chu mi an ni mai alawm tih ngawt chi a ni lo. Mahni inthat zinga zaa 10 chauh hi rilru buai, mi han tih theihte an ni. A tam zawk chu mi pangngai, harsatna leh natna dangin a tlakbuak, nun phung dang pangngai tak an ni zawk. A harsatna chu a nep , han inthah chhan tlak em a ni hleinem, tih hi mahni inthatte inthah chhan han hriata mi tam tak kam chhuak a ni fo. I thlir dan kha mi dang thlir dan a ni vek kher lo tih hria ang che. A harsatna chu i ngaihdana a len leh tet lam a ni lo va, a khirh leh khirh loh lam a ni lo, a tuartu a tihnat leh tihhrehawm dan kha a pawimawh zawk fo.
(Chhuak lehah chhunzawm a ni ang..ed)

Printed at Loisbet offset printer Chanmary, Aizawl Copies - 200

Editor: Joint Editors: News Editor: Cir.Manager:

PC.Lalhmunsiama Robert Lalthanliana H.Lalrinmawia K.Lalthanmawia R.Lalramdinsanga

Ph: 8974638231 Ph: 9862344041 Ph: 8014680333 Ph: 9862382680 Ph: 9862622836

KOHHRAN HUNRUATNA April thla inkhawmna hruaitu: Upa C.Lalhmangaiha Dt. 20.4.2013 Inrinni Zan Tantu: Nl C.Rohlupuii Short Sermon: Pu F.Lalrinchhuanga Dt. 21.4.2013 Pathianni SS. Tantu: Nl RTC.Lalduhawmi Chhun thusawitu: Pu Lalchhanhima Zan thusawitu: Pu Pukhuma KOHHRAN HMEICHHIA Dt.21.4.2013 Pathianni Chawhma inkhawmban Tawngtai inkhawm Hruaitu: Pi Hmingthanmawii Tantu: Pi Darkimi Dt. 23.4.2013 Thawhlehni zan Inkhawm Chairman: Pi Khualthangpuii Tantu: Pi Romawii Thilpek latute: 1) Pi Lalthamawii 2) Pi Laltanpuii Thusawitu: Pi Biakveli

Editorial:

Pathian Ram thawhlawm (Synod) Report-ah kan Kohhran chu Dan Zawhkim hisapa thawh tam dan indawtah 235 na kan ni a, DZK 1057 kan awma, kan thawh zat chu Rs. 26,96,586/- niin Rs. 2551 per DZK a ni. Thawh tam hrim hrim (per DZK nilo) ah 93 na kan ni bawk. Kohhran awm zat hi 1048 a ni a, Category pahnihah hian kan bialah kan titha ber ve ve. Kan bial pawn kan tichhe lova, per dzk ah 75 na, thawh tam lamah 34 na kan ni. Thilpek lamah kan Kohhran hi kan thang nasa hle a alawmawm takzet a ni. Tun hma deuh atangin kan Bial chhungah phei chuan hma hruaitu kan la ni deuh fo mai a, chhunzawm zel turin Kohhran miten tan ila zel ang u.
KTP THAWHTAN ZAN INKHAWM DAN Group hming Inkhawm Zat Upa Suaka 17 Upa Vankhuma 22 Upa Daradailova 17 Total- 56 (15.31%) Branch Committee inkhom zat 17 (out of 30) THU TAWI Sorkar atanga Biak In hmun pass alo chhuah

K.T.P
April thla Thawhtan zan Inkhawmna hruaitu Pu F.Lalrinchhuanga Asst.Secy. Dt. 21.4.2013 Pathianni Bial Inkhawmpui avangin prog. a awmlo Dt. 22.4.2013 Thawhtan zan Tantu: Tv Hrangchhuana Thilpek Latu: Nl Lalfakawmi Sermon: Tv RD.Lalruatfela
MASIHI SANGATI

hma chuan Biak In 2-na turah hmalak a ni rih dawn lo. Kohhran Committee chuan ruihhlo zuarte hnena rawngbawlna nikum lama alo neih tawh chu a chhunzawm leh dawn. Dt.13-19.5.13 chhung hian Crusade neih tum a ni a, Synod Revival committee kaltlangin rawngbawltu rawih tum a ni. Dt.18.5.13 hian Kohhran pum huap Bethel neih tura ruahmanna siam a ni. Kohhran School Cl-VIII room tur siam belh tuma hmalak mek a ni. Tirhkoh chawmna April thla, lakkhawm zat chu Rs. 15,023/- a ni.

Dt. 20.4.2013 Inrinni Zan Hruaitu: DB. Chheteri Short Sermon: Dual Lama Dt. 21.4.2013 Pathianni SS. Tantu: PB.Thapa Chhun thusawitu: Pu Rana Zan Thusawitu: Nl. Mena Subha

Bial Inkawmpui Motor kaldan tur

Bial inkhawmpui chhungin hetiang hian bus a service dawn:Inrinni Tlaiah zaipawl tur te leh inkhawm tur te a hruai anga, Inkhawm banah leh lengkhawm banah haw lam a hruai leh ang. Pathianni Chawhma inkhawm tur a hruai ang a, Zan lengkhawm banah haw lam a hruai leh ang. Motor pakhatah inkhawm tur te an lenglo anih chuan tihdan kawng la ngaihtuah leh dawn a ni.

NPSS CHAWHNU INKHAWM Hruaitu: Pi Rambuatsaihi Tantu: C.Malsawmtluangi Items: Hla leh a phuahtu Sawitu: Pi Lalhlenzovi YFC CHAWHNU INKHAWM Hruaitu: Nl. Laltlanzovi Tantu: Ramengzauva Items: # Qiuz (Sport) -Tv. F.Lalthangzela

Published & Edited by PC.Lalhmunsiama on behalf of Kristian Thalai Pawl : Seling Branch