Kristian nundan tha ngaihsan

CHANCHINBU ENKAWLTUTE
Editor
in Chief : Lalnunsanga Fanai (9862120903)
Editor : Chanchinmawia (9615820416)
Jt. Editor : C. Zonunpuia (9862022375)
Cir. Mag. : Lalramzauva Chawngthu (8575462587)
OB i/c : H. Laltharrenga
Vengthlang Branch YMA Chanchinbu Kum : XXIII Vawi : 23 Tahrik Ni : 23 Nikir thla (June) 2014
KAN HNAM ZIA-A BORAL
MEK, UIAWM SI CHU
Phek
3
Phek
4
Phek
2
LAWRKHAWM
Website Hawng
Sub-Hqrs. YMA Champhai
chuan zau zawka khawtlang
rawngbawlna zau zawk a nih
beiseiin website
www.symachamphai.net chu
ni 16.6.2014 (Thawhtanni)
khan Pu PC Zohlira, V-Sec
(SYMA President kalchhuak)
in a hawng. Sub-Hqrs. YMA
Champhai website ah hian an
chetvelna hrang hrangte an
tarlang thin dawn ani.
Ni rei ni ber
Nimin kha Lalmanga nu lawm
rawihni a ni a, kum khat
chhungani rei ni ber ani.
Joint Meeting
Ni 24.6.2014 (Thawhlehni)
zan hian Branch OB leh Sec-
tion OB te YMA Runah Joint
Meeting pawimawh tak neih
tur ani a. Rokhawlhnadang a
awm a nih loh chuan Section
OB te lo inring lawk turin kan
in ngen a ni.
Budget Pe
Kum2014 Section Budget chu
Vanapa Section in Rs. 4000
leh Taitesena Section in Rs.
4002 an pe. Kum 2014
chhung a Section Budget hi Rs.
4000 niin Khuangchera Sec-
tion chiahin an la pe lo a ni.
Bookroom ah man tlawmin
Vengthlang Branch KTP in
naktuk zana Literature Night
puala hun an hman turah,
naktuk hian Synod
Bookroom, Champhai Branch
chuan reduction sale a nei
dawn a. Bookroom-a thil
zawrhte hemi ni hian man
tlawma hralh chhuah a ni ang.
Naktuk chauh hi tun tum re-
duction sale hian a awh dawn
avangin lehkhabu leh thil dang
lei tum kan awm a nih chuan
hman tangkai a tha ang.
TUI IN DAN
YMA DAY PUALIN BRANCH
HNATLANG NEIH A NI
Ni 22 Nikir Thla 2014: Kum 2014 YMA Day pualin
kan Branch chuan 16.6.2014 (Thawhtanni) khan
hnatlang neih a ni a. Zing karah Section hrang
hrang ten mahni Section huamchhung theuh
thianfaiin hnatlang an nei a, member
thawkchhuak pawh an thahnem hle.
Tukthuan eikhamah Branch hnatlang neih leh
niin, Waiting Shed cum Information Centre,
Building sakna tur hmun singsa fel a ni a. Cubic
lungte remfel niin a hmunhma laih rem ngai lai te
laih rem a ni a. Member thenkhat ten thlanmual
tharah thingphun hnatlang neiin thingkung tiak
100 (za) chuang phun a ni.
Member thawkchhuak an thahnem thawkhatin
member hnatlang zawng zawng chungah Branch
in lawmthu a sawi.
YMA Golden Jubilee lung leh MUP Jubilee
lungphun pawh thlanmualah dah phei nghal a ni.
YMA Day pual hian Runmawi chhungkaw hnihah
Rs. 500 ve ve leh District Hospital Champhai ah
mi harsate tana an hman turin Rs. 1000 pek nghal
a ni.
Waiting Shed cum Information Centre, Build-
ing sakna turah hnatlang neih ah hian heng mite
hian motor an rawn thawhchhuak a ang chungah
kan lawm hle.
Pu H. Zadinga (Tripper)
Pu C. Vanlalduhawma (Tripper)
Pu ZD Dengliana (Pick up)
Pu PC Zohlira (JCB)
Tin, Tv. Samuel Zodinsanga s/o H.
Lalchhanhimi (N.Sec) chuan Waiting Shed cum
Information Centre, Building kan sak tur chu hun
chep tak karah min design sak a, a chungah Branch
chuan lawmthu a sawi tak meuh meuh a ni.
Waiting Shed cum Information Centre, Build-
ing hi tunkar hun remchangah bankhur laih tan
tum a ni a, sak tum danah chuan a hnuai ber
Awmpuiphei kawng an hi dawrte atana ruahman
niin, a chungchiah Pu Chalbawihate in lam
kawngpui an chu Waiting Shed atang niin a
chungchiah chu Information Centre atan a
ruahman chhin a ni.
Training duh tan
All India Football Federation
(AIFF) in Mizoramah Refree
Development Course a nghah
tur ah Champhai District Foot-
ball Association (CDFA) in Ni
30.6.2014 - 5.7.2014
chhunga an thlen turah Foot-
ball Refree lam tuimi te tan
Training hi neih tur a nia.
Hrechiang duh kan tan Pu K.
Lalbulliana, Hony. Secretary
9862389967 emaw Tv. HS
Lalruatkima, 9862150106 ah
zawhfiah theih reng a ni.
Chhuanawm
Tv. Lalmawipuia Khiangte s/o
Lalvena Khiangte (N-Sec) chu
tun hnai khan Kerela State
atangin Bachelor of Architec-
ture (B.Arch.) a rawn zo fel ta.
Hetiang mi Champhai kan nei
hi kan chhuang takzet a ni.
Hetiang mi chhuanawm veng
chhungin kan nei hi kan
chhuangin kan lawmpui
takzet a ni.
YMA resolution
Sub-Hqrs YMA Champhai in
resolution an siam chuan kan
ram, Mizoram chhungah ngei
Zofate Chawlhbuk, MZP ten
sak an tum chungchanga
dodalna awm hi pawi kan tiin
vanduaithlak kan ti takzet a.
MZP hian an hmalakna
chawlhsan lova hmala
chhunzawm turin kan duh a.
Hemi chungchangah tha thawh
a tul a nih pawhin Sub-Hqrs
YMA Champhai chu ainpeih
reng a ni tih Mizo mipuite kan
hriattir a ni.
V-Sec thu leh hla
YMA Day denchhenin veng
chhung thenfai hnatlang an nei
a. Lirthei thawhtu Pu
Vanlalhmingsanga leh Pu An-
thony Ngurliana te hnenah Sec-
tion hruaitute chuan lawmthu an
sawi a ni.
YMA PALAI : KARTIN CHHUAK CHANCHINBU : VENGTHLANG BRANCH YMA : PHEK 2-NA
BRANCH MOTTO : Sual ngam chein awm suh la, thatnain sual chu ngam zawk rawh. Rom 12:21
YMA Palai SEMTUTE
Vanapa Section : CB Lal biakdika, Saidingliana, Vanlalchhuanga,
Lawmsangzela, C. Vanlalhriata, Lalruatpuia, Lalrindika, Lalhratpuia, ZD
Zorinpuii, ZD Lallawmzuala
Neuva Section : K. Zoramchhani , Vanlalruatzel a, Lalbuatsai ha,
Lalhminghlua, Sumeon Lalherliana, Lalmuanpuia, C. Lalnunpuia
Khuangchera Section : Thomas Malsawma, David Lalhminghlua, Henry
Mawia, Lalhmingsanga, Lalruatsanga, Vanlalpeka, Lalhrilmawia,
Hunawl hman that
BRANCH HRUAITUTE
President : F. Lalrinmuana 9856793450
Vice President : C. Laltanpuia 9615021656
Secretary : H. Laltharrenga 9856782358
Asst.Secretary : C. Lalthanpuia 9862657366
Treasurer : H. Lalthanmawia 9862936734
Fin. Secretary : F. Vanlalliana 9615558817
World Cup boruakin min
chiah hneh a, titi apianga
"chumi chu an champion
dawn" "nizan inkhel chuh!"
tih bawr vel a ni. A hun lai a
ni bawk a, a ngaihnawm viau
zel mai. YMA Day kan hmang
zo a, tlawmngaihna chung-
chang hi i han sawi ve thung
teh ang.
Tlawmngaihna hian
boral lam pan mek niin kan
sawi thin a. Kan khawvel hi
han thlir ila, ral zel pan lo thei
lo dinhmunah a ding em?
Engtinnge kan chhawm nun
zel ang ti hi ngaihtuah ngai
lai tak chu a ni. Kan khawvel
hi a buai tawh a, mitin hian
hun kan nei lo tulh tulh a,
midang tana hun hmang thei
mang lo hi hnathawk zingah
chuan an awm ve ta nuk mai.
Tlawmngaihna kan tih chuan
midang tana inpekna a ni a,
hun nei lo chuan engtinnge
tlawmngaihna chu kalpui a
nih theih t ehlul ang?
Chuvangin tlawmngaihna
huang hi kan zauh a hun ta.
Ngaihhnathiamna neiin kan
theih dan ang anga midang
tanpuina hi tlawmngaihnaah
pawm ila kan nitin nun hian
hma pawh a sawn phahin a
rinawm. Sorkar hnathawkte
tan chuan tlawmngaihna chu
an pisa dawrtu, han en mai
pawha thingtlang mi tih hriat
takte tha taka lo dawnsawn
ringawt pawh hi nise, kan va
han chhawr tangkai dawn em!
A pawimawh berah
chuan tlawmngaihnain a tum
ber chu tanpui ngaite tanpui
a ni. Kan theih ang anga
tanpui ngaite kan tanpui hian,
tlawmngaia mi hriat hlawh lo
mah ila, tlawmngaihna chu
kan la vawng a ni.
Kan hnam zia-a boral mek, uiawm si chu
-Chvarte
YMA Day kan thleng hnai a, hetianga changkanna leh thiamna
maksak pui puiin min tuam lai hian rilru chu han ti Mizo thar leh viau
phawt teh ang! Nia, khawvel a thang zel a, kan nunphung pawh nasa
takin a inthlak hlawk hlawk a. A tam zawk kan thlah a, kan boruak hip a
zira chindan thar kan chawk luh thar te pawh a ngai thin. Chutiang chu
hnam nunphung tichhetu ni chhiah lovin, inthlak danglamna a ni zawk
mah a. Hnam dang nunphung anga nun kan tum phetna zawk hi kan
Mizo nunphung tidanglamtu chu a ni awm e. Hnam dang an hi changkanna
a nih lai tak phei chu ka zuk pawh pha chiah law, a pawi ber chu kan
nunphung ze mawi tak tak a liampui lai hi a ni.
Nia, tlawmngaihna kan tih, midang tana lu chhum ban chhum kan
inhuamnaah hi chuan hnam un leh upa tawhte ziarang kan phawk chhuak
pha hial awm e. Chu aia nep chuang hauh lo, aia upa zah kawnga kan
hnufual chak lutuk hi chu a manganthlak ta. Aia upa zahthiam hnam fing
leh upa apiangin an lo uar a, an ziarangah chuan an in chhunga an inzirtir
uar ber pawh a ni hial awm e. Keiniah erawh a boral mek a, a uiawm zia
lah hi sawiin a siak lo! Hei hi chu thangtharte remhriatnaah chuan a fuh
ber lo deuh a ni. Keini, han ti ve khanglang ila, naupanlai takngial pawh
kha chuan ute an nih chuan an thu ngaihchanna kha kan la nei a, tuna
chhuan thar rawn indin mekte hi chuan an nuna inrawlh hi an haw ta hlur
mai. Upa hmel zahna a awm tawh lova, an laka inngaihtlawm derna pawh
a awm tawh hek lo. An thu awih chu sawi loh, a hnial pawh hi chindanah
kan nei ta der a nih hi. Heng zawng zawng hi engvang nge?
Inzirtirna kan tlachham niin a lang. In chhung khura aia upa zah
tura infuihna hi kan nei ngai em? Aia upa te bula awm dan tur hi naupang
zawkte kan hrilh ngai em? Zirlaibu-ah nise "aia upa te zahthiamin" tih hla
chauh hi helam hawia inzirtirna chu a ni mai awm e. Aia upa zahthiamna
hian thuawihna, hawihhawmna leh phungthlukna a kengtel a, hnam anga
upate kan chawimawina tha ber a ni bawk. Thlanmualah kal la, thlan lung
en teh, kum 30-50 inkar thlanlung i hmu hnem ber ang, kan khawvel chhe
tawh takah hian upat hi a har tawh, a hlu asin!
Mahni inngaihsanna khawvelah kan lut ta hi aia upa zahna tidaltu
chu niin a lang. Hman deuh khan "Tunge sawisel ka nun chu ka nun a ni"
tih bawr vel boruak khan min nuai hrep tawh a, khata tang khan ngai kan
awh hleithei ta lo a nih hi. Keimahni chiah kan indah lian tan ta a, chu
chuan midang ngaihnepna a hring chhuak a, aia upate pawh an bang
chuang lo. Hei hi chu nunhona atan hian a pawi khawp mai. Chumai
bakah chuan mihring kan buai tial tial a, chenhona lamah hun kan nei lo
tial tial a, hei vang hian upa zahna hi chu a bo hret hret lo thei lo, mahse
hnam zia anga kan tuh a, a nawlpuia upa zah tura inzirtirna leh inenkawlna
kan neih phawt chuan, tuna a boral mekna hi chu la dang theiin a rinawm.
Tute nge pawimawh? Kan vai hian kan pawimawh, a bikin naupang ten
entawna an neih, nu leh pa, thalaite hi kan pawimawh zual.
YMA PALAI : KARTIN CHHUAK CHANCHINBU : VENGTHLANG BRANCH YMA : PHEK 3-NA
Zofate hmasawnna ngaihtuah
VANAPA SECTION
Leader :Pu R. Lalnunpuia
Asst Leader :Tv. C. Lalremruata
Secretary :Pu PC Lalngaihtuahkima
Asst Secy :Pu V. Laldinthara
Treasurer :Tv Christopher
Chawngthanmawia
Fin.Secretary:Tv. Lalramzauva Chawngthu
YMA Thuvawn : YMA chu tanpui ngaite tanpuitu a ni
YMA Palai SEMTUTE
Taitesena Section : J onathan Lalnuntluanga, J oseph Malsawmtluanga,
Lalhriatrenga, Lalramdina, Lalbiaksanga, Lalrohlua, Lalremsanga, F. Lalrinawma,
Lalnunnemi, Lalnunzira, Vanlalduhawma, Benjamin Lalrintluanga
YMA ADVISER
Pu RC Zahlira ; Pu C. Vanlalnema ; Pu F. Lalfamkima ; Pu PC Zohlira
@ Bill Gates-a company hmsa ber
chu Traff--Data a ni a, he com-
pany hian khawl, lirthei veivak zat
chhiartu a siam chhuak thin a. A
hnuah ropui takin Microsoft a din
ta a ni.
@ Sakhi hian buhpawl an ei thei
miah lo.
@ Sakawr hi an ha zat atangin a
nu nge a pa an nih tih a hriat theih
a, a pa hian ha 40 an nei a, a nu
hian ha 36 an nei bawk.
@ Khawvela dictionary rintlak ber
pawl Webster Dictionary, kum
1996 chhuakah khan thumal tihdik
loh 315 zet a awm.
@ Ben Hur film-ah khan sakawr
tawlailir intlansiaknaah khan car
sen a rawn lang zeuh.
@ Leonardo da Vinci khan a kut
khata thuziakin, a kut lehlamin
milem a la ziak thei.
@ Khawmual kaikuang hi zu tlem
tulh la, a a vek ang, amah leh amah
a inzuk hlum thei hial bawk.
@ Kum 1386 khan France-ah vawk
pakhat chu naupang thattu-a
puhin khaihlum a ni.
@ Khawmualpui hrang hrang hian
Rome khua kan nei vek mawle.
@ Keimahni duhthua thaw lova awm
hian a intihhlum theih miah loh.
@ Thinker ropui Jeremy Bentham-
a ruhro hi University of London-a
inhmuhkhawmna pawimawh zawng
zawngah chuan a awm vek.
@ Kan nakruk hi kum khatah vawi
maktaduai 5 bawr vel a che. Kan
thawk apiangin che ve miau hek.
@ Kum 2080 a chuan khawvel
mihring hi tluklehdingawn 15 vel
awm tawh tura chhut a ni.
@ Mipa aiin hmeichhia hi an khap
nasa zawk.
@ Rul chuk ai chuan khawi zuk
avanga thi an la tam zawk.
@ Queen Elizabeth I kha fainaa
entawn tur niin a insawi thin a. A
insawi dan takah phei chuan thla
thum danah vawi khat tal a inbual
thin, a mamawh vang ni kher lovin.
Hei hi kum 1100 bawr vel a ni, En-
gland pawh an lo bal ve viau a ni
awm e.
I hria em ?
TUI IN DAN
Khawvel hmun 2/3 hi tui ani a chutiang bawkin mihring taksa 2/3 hi tui a han ni
tlat mai hi Pathianin he Khawvela cheng tura min lo buatsaih dan mak tak chu ani phawt
ang le.Tui tel lova nung thei kan ni lo,taksa khawl hnathawh nan a pawimawh em em
a,tin I taksa a bawlhlawh tleng chhuak tur khan tui bawk I mamawh asin.
Nitin tui engzat nge ka mamawh? Mihring Puitling pangngai hian ni khatah tui engzat
nge kan mamawh chiah ni a le? Hei hi kan awmna hmun lumleh lumloh azirin te sik leh
sa azir te leh kan hnathawh azirin a danglam theuhva. A tlangpui thuah chuan nitin no 8
atnaga no 9 vel tal Temperate climate ah mamawh anga chhut ani a Kan ramah chuan no
10 atanga 12 vel pawh a ni thei e. A chhut dan tlangpui chu heti hian han tarlang ila: Ni
khatah Puitling pangngai hian zun litre 1.5(6.3 Cups) ang vel kan zung a,litre 1 vel dang
leh chu thawk zawng te ,thlanah te leh Daikal naah te kan hlauh ve leh a.Chuti chuan ni
khatah tui(Tuiril)litre 2 vel i in chuan ei leh in pangngai nen (kan Chaw ei hian kan tui
mamawh 20% vel min buatsaih sak ani) ni khata I tui hloh kha I dahkhat leh dawn
ani.Exercise i lak emaw, hna hahthlak i thawhin emaw, khawlum lutukah emaw, Nau pai
lai emaw chuan hei ai hian mamawh a sang zawk bawk thin tin hmun sanga chengte hian
tui an mawmawh tam bawk tih hriat tur a ni.
Tui Lum nge Vawt? Zingkarah tuilum litre 2 ka in ziah tiin mi tam takin an sawi fo
thin a, hetah hian alumkher khaathaah an ngai bawk a. Tuilumemaw tui lumlo emaw
a lem chuang lo, nangmahin in nuam i tih kha in la chu chu a pawimawh ber chu a ni
mai.Tui vawt deuh in hian kan takain a tihlum nan calorie tam tam a mawmawh a, intih
cher nan athati tean awma, chu pawh dawt bawk, eng ang atui vawt pawh in lalitre
100 vel i inin calorie 1 vel chu a mawmawh mahna le tih chauh a ni. Thenkhat lahin tuilum
in hian i taksa a thau kha a tui ang a, a insemrual ang te an ti a, chu pawh dawt bawk I
taksaathau ti tui khawpasai in ngamaleleah ani mai! uilumchial kan in thin anih phei
chuan simhlauh tur tun atangareiloteah BP sang i nei thuai mai ang tih ahlauhawm.
Vawikhatah engzata tam nge in tur?
Kan sawi zawh chiah kha han sawi nawn leh ila thenkhat chuan zingkarah litre 2
an in a nilengin an in tawh lo. He thil hi thil pawi tak a ni, zingkara i tui litre 2 vel in kha
darkar hnih vel chhungin i zun leh thlan velah a ral vek dawn tih hria ang che. Kan tum
ber tur chu darkar 1 vel dana zun var tha (engdal) zung thei reng turin i tui in kha no hnih
khat lek lekin a khat mawi tawkin in thin ang che. Zun a chhuah apiang hian zunin pan
hmain tui no 1 emaw 2 vel emaw in ziah ila chumi hnuah zung chauh ila a tha ber. Vawi
khata in teuha nilenga rin reng tum khan awmzia a nei lo tih hria ila.Tui i in tam tawk em
tih hriatna awlsam ber chu i zunpah khan i zun kha en la a eng tak kuk anih chuan tui i in
tamtawk lo tih hriat tur ani.
VENGTHLANG SPORTING CLUB PLAYER TE TANA HRIATTUR
All India Football Federation (AIFF) in Centralized Registration systema hman
tawh dawn avangin CDFA hnuaia Zone leh Club a in register turte chuan hengte hi lo
inrin lawk tur a ni.
1. Registration fee cheng 100 per head (hei hi AIFF lam atanga tuk a ni.)
2. Player Name :
3. Father Name :
4. Date of birth (as per birth certificate) :
5. Present address :
6. Permanent Address :
7. ID mark :
8. Contact Number :
9. E-mail :
YMA PALAI : KARTIN CHHUAK CHANCHINBU : VENGTHLANG BRANCH YMA : PHEK 4-NA
Published, Edited and Printed by Chanchinmawia for and on behalf of Vengthlang Branch YMA
NEUVA SECTION
Leader:Pu K. Lalfakzuala
Asst Leader:Pu Lalfamkima Varte
Secretary:Tv C Zorammuana
Asst Secretary:Pu Biakremtluanga
Treasurer:Pu Lalthlamuana
Fin.Secretary:Nl. Lalparmawii Colney
TAITESENA SECTION
Leader:Pu T. Daniela
Asst Leader:Pu H. Lalrammuana
Secretary:Tv Lalhmachhuana Fanai
Asst Secretary:Tv Vanlalrinawma
Treasurer:Nl H Ramengmawii
Fin.Secretary:Tv. Zaikunga Ralte
KHUANGCHERA SECTION
Leader:Pu C Vanlalpeka
Asst Leader:Tv Lalawmpuia Sailo
Secretary:Pu LH Lawmkunga
Asst Secretary:Tv. Zothanmawia
Treasurer:Pu Lalthangmawia
Fin.Secretary:Pu Zohmingthanga
YMA Kumpuan : Ram Leh Hnam Humhalh Branch Kumpuan : Fai Kum
Lawrkhawm
Hmangchang
(tangkai takin lo hman tum
hram teh)
Khawi Zuk
1) Khuaiin hmun khat lekah a
zuk che chuan, petrol or
spirit hnawih mawlh mawlh la,
ana a chhawk rang ber. Hmun
tam takah a zuk che chuan
nachhawkna ei thuai la, (artui
hip hi nachhawk nan atha hle
tih hriat tur). Nachhawknain
hna a thawh veleh Avil ei
nghal ang che, chu chuan
khuai turin hna a thawk zel
tur kha a veng ani.
2) Khuaiin i mitah a zunkhum
che chuan Burma Balm bur
bial sen tereuhte hi tlem i
mitah tatlut la, a dam nghal
siai siai mai ang.
3) Khuai lak dawnah
bawkbawn chawhmeh atan
hmang la, ei uar la, khuai zuk
avanga i vung luk kha a vung lo
ang a, ana pawh a ziaawm thin.
4)Khuaiin a zuk avanga
damdawiinah dah ngai khawpa
na leh thih hlauhawm khawpa
mi a awm chuan, a rang thei
ang berin Ar talh la,
chansawmin chhum la, a
chhuanna tui chu intir thuai
ang che. Glass no3 atanga no 5
thleng pawhin intir mai tur ani.
Tin, damlo chu arsa
chhumna tui tulh leh intir
theih tawh loh khawpa naa a
lo awm hman tawh a, a awmah
a hnawh a, thawk a harsat
tawh a, a aw pawh a chhuah
theih tawh loh chuan, a taksa
pumin arsa tui chuan zut mawl
mawlh la, alo harh deuh hunah
a kaah khak luhtir zel la, a in
theih hunah tulh tawh mai tur
ani e. Artui leh arsa ah hian
Zo-ar chu a thlanawm zawka,
a awmloh chuan i hmuh awlsam
apiang hmang mai ang che.
5) Thianho zu duh deuh pawh
khuai an lak tumin an in zuk
tir hmasa a, a zuk chian leh
chian loh an thiante an entir
zel an ti.
YMA PALAI LUH DAN
Section Hruaitute hming Thla Cheng
V. Laldinthara (Vanapa Section) Jan - May 1350
K. Lalfakzuala (Neuva Section) Jan - Dec 1540
Lalparmawii Colney (Neuva Section) Jan - Dec 1920
Taitesena Section (Bial 6) Jan - May 4930
R. Lalnunpuia (Vanapa Section) Jan - April 1550
Total 11290
Hetiang hi kan dinhmun a nih avangin Section hruaituten tan i la sauh sauh ang u.
KAN NEI RENG
Thutthleng sei siam sa Rs.
3,300/- Cushion Rs. 900/-
in lei tur kan nei reng e.
Lalhualhimi w/o Laltanpuia
Lalhlupuii w/o John Zorammawia
c/o BC Lalthlamuana (L), Kahrawt
9612217127/8794528550
Tho vuakna
Nipui lai hi chuan in tin hian tho kan khawi hnem thei viau. Kan ramah hi
chuan tho kan ngaihtheih vang ni hauh lovin tho vuakna hi chu kan leklam lutuk lo.
Mahse kan a hmelhmang hre lo erawh kan tam lovang.
Tho vuakna hi kum 1900 khan US sumdawng pakhat,
Robert.R.Montogomery-a hmuh chhuah a ni a, a thil hmuh chhuah hi US Patent
No.640,790 ah ziahluh a ni. A hmu chhuaktu hian tho a nin tluk zeta zing hi midang
tam tak an awm tih a hria a, chanchinbu han tel ruh a, tho veh chu a sawt lo tih a hre
bawk a. Leklam awlsam si, chhe har bawk si siam chhuah a duh a, a vuakna lai tak
chu thirzaiin a siam a, a chelhna atan plastic a hmang bawk a, tho vuakna hi a rawn
duang chhuak ta a ni.
Kum 1901 khan a thil hmuh chhuah thar hi fakna lamah tihchhuah a ni ta. A
faknaah hian chanchinbu nena khaikhina tho vuakna that bikzia lam hawi hlir tihlan a ni.
Ku 1903 khan Montogomery hian a thil hmuh chhuah hi L.Bennett hnenah an hralh a,
Bennett hian siam danglamin, tunlaia tho vuakna kan hmuh ang chi, a vuakna lai plastic-
ah hian a rawn chhuah ta a, a hming erawh tho vehna tih hi a la pu ta reng a ni.
Sapho khuan he tho vuakna hi 'fly swatter' an ti a, swat hi police tha fir bik,
sawina a ni a, tho thahna tha mi tihna tluk a ni awm e. Tunah chuan tho thahna hi
tennis vuakna ang tak, fly zapper an tih te, insect killer kan tih te thlengin kan nei
tawh a, mahse he tho vehna hi heng zawng zawng rawn hring chhuaktu a ni.
Australia ho khuan tho vehah hian inelna chikhat an nei a. Tho pathum
chhuahin, tho vehna hmanga tihlum rang ber chu pakhatna an ni mai thin a, mahse
tho chu a fu lai a ni tur a ni lova, a thlawk lai a ni tur a ni. Thiante nena inel nan a
nuam viau ang, ti ve chhin teh ang u!