Vol - XVII Issue No 145 the 9TH June 2012 (Inrinni) : Darthlalang

Chanchinbu,

Branch YMA,

Serkawn :

Kartin

Chhuak

Phek 3- na

A Hmangaihnaa Ka Chawlhin
(My Father Knoweth) Khb No 45, SSS No 568 -R Thangzuala
He hla hi KHB No.45- naah hian a chuang a, a chuan dan hi a mawl tel tawl hle mai a, lo zirchiang ve hlawm teh ang che u. S.S.S bu-ah /a sapzaiah chuan chang 1 hi tlar 4 zela ni a, tlar hnih hi tlar khatah an dah khawm zel a ni. Mizotawng chang khatna tlar hmasa pahnih han en hian Mizotawng lettu hian a thiam awm hlein ka ngai a:Precious thought - my Father knoweth! In HIs love I rest;...tih hla thute hi, A hmangaihna a ka chawlhin, Ka Pan min hre tawh;....tih a ni a,a tha/dik hmel viauin in hre ve em? Tlar 3&4 -na te hi chu saptawng hla chu a ni a:- Whateer my Father doeth! Must be always best -Pathianin a tih apiang chu a tha ber/dik ber zel a ni,tihna lam a niawm tak hi he Mizotawnga dahtu hi chuan - Keimahni tihthat avanga malsawmna dawng angin a sawi a ni. Saptawng best tih hi blesttiin a chhiar palh pawh a ni mai thei. Ka sawi lan tawh ang khan , he hla hi a phuahtu hming an ziak thinna ah hian L.W. a inziak a; thu hming lamtawi (initial) nge ni ang,ka hre thei lo.Mizo hming a nih a rinawm loh theihna chu , W hi a mal din tlat a ,Sap hming emaw Khasi emaw ni ta sela, hriat theih dan nei kan awm em le? Mizo tawnga lettu hming pawh a inziak lova, a chiang lo deuh ziak dan -Siamtu tih leh siamtu hming pawh an dah si lova ,a mawl ve tet tawt hle a ni. Saptawng a hla thu leh thlk awmna erawh an ziak lang a,Sacred Songs and Solos, No.568na ami a Saptawng hlathu hi kan ziak chhuak anga,lo en mai ve dawn teh ang che u.

Nuih Ringawt Suh.....

Rel (train) ah hian pa upa lam deuh leh a fapa tlangval lian tha tak, kum 25 mi vel tur hi an chuang a. A fapa chuan uluk takin rel tukverh atang chuan pawnlam chu a thlir a, vawilehkhatah - Ka pa, en teh, thing te hi hnung zawngin an kal zur zur a nia... a rawn ti ta chul mai a. An chuanpuite chu an nui dar dar a, tlangvala chuan ngun zetin pawnlam chu a thlir chhunzawm dauh dauh thung a. Nakinah chuan Ka pa, chhum hian min zui dul dul a nia, khi, en ve teh... a rawn ti leh ta a. A pa lah chuan hlim hmel tak hian I hmu maw? Ngun deuh khan en rawh... a ti duh chauh a. An chuanpuite chuan tlangval lianpui, hmel leh tlawntlai pawh tha tak, chutiang thu ngawt sawi ta mai chu an nuih nasa mai a. Tlangvala pa lah chuan hlim hmel taka a fapa chu enin a nuih suk duh chauh mai a. Nakinah chuan an chuanpui zinga pa upa lam deuh, mi changkang tih hriat tak hian tlangvala pa chu a va bia a. I fapa awmdan hi a pangngai lo tlat. Rilru doctor hnena hruai vat a tha lo maw? a va ti ta a. Kan tlangvala pa chuan, A tha khawp mai, mahse, ka fapa hi piantirh atanga mitdel a ni a, vawiinah hian mi tlawmngaiten mit an pe a, khua a hmu ve chiah a, kan hlim ve teh mai asin... a lo ti daih mai a. Chanchin an han inzawh chian chuan chu tlangval chu chulai biala an hriatlar em em, mitdel chunga Doctorate Degree la thei, mite hriat lar leh ngaihsan hlawh em em mai hi a lo ni reng mai a. Rilru buai vang ni lovin, a dinhmun kha a danglam em avangin a bula mite khan an hrethiam lo mai zawk a lo ni.... A ZIRTIR: Midangte hi an dinhmuna i din ve phawt emaw, an dinhmun i hriat chian tawk viau phawt loh chuan an awmdan emaw, an thiltih leh an nunah emaw ngaihdan siam ngawt suh.... Engatinge inkhawm ve thin tura i duh em em i thianpa kha a rawn inkhawm loh fo? A harsatna i hriatpui hmasak loh chuan thatchhia / dawngdah ti ngawt suh, i tisual palh thei.... I thian chuan a ngaihsak lo riau chein i hria a nih pawhin, tawngpawng dem ngawt suh, ngaihsak i chakawm bik lem lo thei.... Mahni thlirna tang chauh ni lova mi thlirna atanga kan thlir thiam hi a tul fo thin.... Nangmah zah ngei tura i ngaihin a zah tlat loh che chuan zah loh i phu a ni daih thei asin... I zirtirtun a haw riau chea i hriat chuan zirtirtu dem mai lovin, nangmahah khan ngeiawmna riau a awm leh awm loh enfiah rawh. I zirlaiten an hrethiam thei lo che a nih chuan An Mawl ti mai lova, i zirtir dan kha i en let ngai ang. Engatinge i duh ang chanvo pek i nih loh fo? Hruaitute dinhmunah han indah chhin la, chanvo lian leh mawhphurhna pawimawhah rin ngam i ni angem? He thuziak tlawm tak pawh hi pai daih theih lohna riau i lo nei palh a nih chuan a ziaktute dem mai lovin inngaihtuah chiang la, a ziaktute pawh kan lo inenfiah ang e.... I lo inngaihbel a, thil tul lo tak nia i lo ngai a nih pawhin thlirna dang atangin han thlir la, a tul ve riauna a awm a ni thei ve tlat asin....

MY FATHER KNOWETH
LW Key Bb SSS 586 JH Burke, 19th Cent.

Bible Thu hmeh- Your Father Knowth what things ye have need of (Matt 6:8 b)
1. Precious thought - my Father knowth in His love I rest; For whateer my Father doeth must be always best; Well I know the heart that plan - neth naught but good for me; Joy and sorrow interwoven, Love in all I se. 2. Precious thought - my Father knowth! Careth for His Child: Bids me nestle closer to Him; when the storms beat wild Though my earthly hopes are sattered,and the teardrops fall, Yet He is Himself my solace,yea,my all in all 3. To trust Him then more fully! Just to simply move, In the conscious calm enjoyment of the Fathers Love; Knowing that lifes chequered pathway leadeth to His rest; Satisfied the way He taketh must be always best.

Thing Hungna Siam

Pu Lalromuana Renthlei Section-II chuan Serkawn Bus Turning Point, Centenary Road penna bula a thingkung hi a him zawkna atan ama sum sengin lungrem hualin uluk takin a plaster-a a lawmawmin a entawn tlak kan ti hle.

A kawngte chu nun khaw nawmna kawng a ni a, a kawng zawng zawng chu thlamuanna a ni.... A vuan apiangte tan Nunna Thing a ni a, a kawl reng apiangte chu an hamtha e...

Thuvawn: YMA chu tanpui ngaite tanpuitu a ni