Since 18th Nov 2007 An official weekly newspaper for the Hyderabad Mizo Association Vol.11 Issue-30 Dt.

27thNovember,11 (p-1) ZAWLBUK KHA AVA LO ROPUI EM

- Lalhnuna Sailo, Thakthing

Mizo Chanchin chhuina-in min hrilh chian em em chu hnam dangte tihduhdah leh hnawhdarh kan lo ni fo tawh thin kha a ni. Mahse Zahmuaka leh a thlahte, hruaitu Mosia atana hmangin Zawlbuk chu kan thuthlung bawm atan min rawn pe ta a. Tichuan, Mizote hi Pathianin Zawlbuk-in hnamah min siam tih hi phat rual a ni lo. Tichuan Mizo hnamah chuan Zawlbuk hi Kohhran hlimthla anga ngaih ve theihna a tam hle. Chanchin thain hrilhna hmun, Mizo hnam inpumkhatna duangtu tangkai tak, Kut ni vangthlaah khua leh tui tha an nih theihnan naupang thununna chungchangahte khawtlang lungrual thei hnam nih an lo zir tawh thin a. Rukru leh zurui laka khawtlang veng him turin duty insiam pawh tul ti lo hnam, zalen leh ralmuang an lo ni thin. Pastor Challiana chuan "Tlawmngaihna, taimakna te hi a lo chhuahna hmun ber chu Zawlbuk a ni, a tih loh theih loh" tiin a ziak a. Chu chu Mizo tan chuan awih mai chi a ni. Hun a kal zel a, Mizo nun tha inzirtirna (zawlbuk theology), chuai mai tur hlauhna a tam hle a, chu chu hre chungin Missionary thenkhatten Zawlbuk sikul chu vawnhim zel tha an ti a. A harsatzia tur pawh hre chungin Rev. E. Evan (Pu Niara) hovin ni 15.6.1935-ah Young Lushai Association (YLA) an lo din ta zawk a. Kum 1946-a Mizo mipuite tlawmngaihna thil pekte khawn khawma Chanchin |ha Dak zawn tantute pawh kha Y.L.A. lo zuk ni tlat a! Tichuan, YLA chu Kohhran kutke liau liau ni tura buatasih chiah a nih loh avangin kum 1955 khan Mizo Kohhran hmar chan leh chhim chan te chuan kohhran kutke bik tur Kristian |halai Pawl leh |halai Kristian Pawl an lo din ta a. Kohhran taksa piahlam, rilru leh thlarau thanlenna lam zirtirna thlengin a chhawmchho ta a. Tichuan Zawlbuk chu inkawm khawmna, hmasang chanchin te, mi huaisen tlawmngai chanchin te, mi taima, thiang leh thiang lo leh puithuna tinreng chanchinte sawihona a lo ni thin a. Chung ang inzirtirna te cu sikul leh college ten an keng ta a, Mizote tan zirna sikul min din saktu chu Kohhran chu a lo ni ta zel a. Zawbuk chu hlauhawm leh ral laka inven dan tur relna, hmelma bei tura intel ruhna thlarau chuan a luah khat tih theih a ni. Lei konhran hi "Do nei reng kohhran' tia sawi ve fo a ni a. Zawlbuk ral hratna thlarau, Mizo Kohhran chamchilh rengtu chu kohhran ral beihna atan a tangkai zui ta zel a ni. Kristiana min siamtu, Pathian chuan Zawlbuk atangin Mizoah min siam a. Zawlbukin Mizo khawtlang a siam a. Kohhrna chuan Mizote chu Van khua leh tuia min siamin hnamkhat kan nihna min hmuhchian tir deuh deuh a. khawtina in laili leh ropui, rethei ber leh hausa ber ber pawh chhiat ni that nia an innghahna Zawlbuk chu Biak-inah a lo chang zo ta a. A chang chuan YMA leh Kohhrna thalai Pawl-te hian bul (a hnunglamah chhunzawmna )
Tichuan, Zawlbuk chu thangthar chhuan tam takte tan Hnam Ro vawng himtu a lo ni angin Kohhran pawh chu hnam ro vawn himna 'Buk Thar' Zawlbuk tak a lo

KAN CHHUNGKUA ** Pu Zohmingthanga-te nupa pawh thawhlehni dt.22 Nov khan Mizoram lam min pansan ta a; December ni 7ah Hyderabad lo let leh an tum. ** Ni 19Nov (inrinni) khan HYDEA Freshers Meet cum Cultural Exhibition chu Birla Science Auditorium-ah neih a ni a, heath hian HMA pawh rawn sawm vea Nl Mary Magdalene Lalhmingkimi (St. Pious) pawhin zaina hun a hmang a ni. ** Vawiin tlaiah hian Hyderabad-a chhungkua-a awmte chuan Advent Christmas hmang paha zanriah kilhona Pu Vannuntluanga Pachuaute inah an nei dawn. ** Kan memberpui Tv Lalruatfela (Sainik) pawhin kar hmasa lam khan computer tha tak a lei tih thu kan dawng, kan lawmpui hle a ni. ** EFLU-a kan member zirlai awmte pawhin tunkar chhoah khan exam tluang takin an zo thei niin thu kan dawng. ** Tv T Lalremchhunga, zobawk kan HMA member ni bawk chuan ni 1December (nilaithawhtan) khian Mahmingi, Lawngtlai khua chu tiam tlat e a tihpui dawn. Kan lawmpuiin duhsakna kan hlan e. ** PuLalhruaitluanga, Vice president HMA-te chhungkua chu krismas hmang turin naktuk hian Hyderabad chhuahsanin Mizoram lam an pan dawn. Tluang taka zinkawng an zawh kan duhsak e.

Article leh thildang chhuah duh neite chuan puarak@gmail.com-ah hian thawn theih reng a ni e.

Published and Edited for and on behalf of Hyderabad Mizo Association by SPA Mizo

An official weekly newspaper for the Hyderabad Mizo Association Vol.11 Issue-30 Dt. 27th November, 11 (p-2)
EDITORIAL BOARD Editor : Lalmalsawmkima Sailo Jt.Editor: Francis L Khiangte News Editors :Lalhruaitluanga Ralte David L Renthlei (Email : puarak@gmail.com) Phone no : 7702898419 9032831996

HRIATTIRNA: ** HMA chhiatni thatni-a kan insawngbawlna tura pawisa member tinin Rs 100 leh Puarak enkawlna tura Rs 20/- theuh thawh tur kan tih kha tam takin an pek tawh lain member thenkhat la pe lo kana wma, tlawmngaia mahni bial hruaitute hnenah pe theuh tura hriattir leh ngen kan ni e. LAWRKHAWM: ** Nimin zing khan Lunglei-a intihbuainaah Vanlalpawlliana chuan Rotlinga nghawngah a sat a, Rotlinga hi damdawi inah awm mekin a dinhmun a thalo hle a, a sattu hi Police kuta hlan nghal a ni. ** Ni 23Nov(nilaini) zan dar 10 vel khan Lunglei Tribune manager chu a Gypsy chuang lai tlangval paliin pawt chhuakin an sawisa a, a hnar an seh thlaksak bawk. Civil Hospital-ah kalpui nghal niin a hnar tla hi thuisak nghal ni mahse a hnar tla lam hi alo thih hman deuh tawh avangin ni 25 khan Aizawl lam panpui a ni. A pawi khawihtu ber hi hemi zan la la hian mana jail-a dah nghal a ni. ** India Football striker tha pahnih Jeje Lalpekhlua leh Sunil chhetri-te chuan zirtawpni khan tluang takin Glascow an thleng. Anni hi Scottish champion Rangers-a trial nei tura kal an ni, nimin khan first team ho training-na an zawm a, thawhlehni lo awm tura Humberg an hmachhawn hunah an khel ve dawn nia hriat a ni. ** Nizan dar 8:30 vel khan South Khawlek khua atanga 1Km velah thingzai phur 407 a chesuala, driver leh hmeichhe pakhat(Mathangi inti?) chauh chuangin motor hi feet 70 vel a lum a ni. Hmeichhia zawk hian hliam na tak a tuar a ni. Chanchin kan ziah lai hian chanchin kimchang hriat ala ni rih lo. ** Pakistan chuan US leh NATO an thawhpuina chu ennawn leh a tumthu nimin khan a sawi, hei hi a chhan chu tangrual pawl hoin Pakistan army check point a beih vang a ni. Hei vang hian mi 24 aia tlem lo an thih phah a ni. ** Morroco inthlannaah Islamist Justice and Development Party chuan hnehna an chang. BBC thu puangtu Richard Hamilton chuan thil inthlak thleng ropui tak a awm a beisei thu a sawi. ** NASA chuan an khawl siam ropui ber(rocket) The Atlas 5 chu Mars zirchiang turin Florida atangin an ram sana dar 10:02 (15:02GMT) khan a kap chhuak. He rocket a hminglema Curiousity an tih mai hian thla riat leh a chanve (nakum August)hnua a tum ram thleng tur a beisei a ni.
(.phek hma ami chhunzawmna)

EDITORIAL
Tunlai hian zirlai tam zawkte chuan exam neiin a then chu exam la nei mai turte kan ni hlawma, Hyderabad-ah hian a tam zawk chu zirlai kan ni ang. He hmuna kana wm chhan hi kan hriat nawn fo a tha hle, lehkha zir tura awm kan nih hi theihnghilh mai lovin theih pa tawp kan chhuah a pawimawh hle a ni.vawiin-a ka thil tih hian ka damchhung a daih dawn a ni tih hria a, nakina kan inchhirna tur tih loh hram hram tum ila, kan nu leh pate min beisei ang ngei a kan hnathawh lawman kan lak theihnan rim takin I thawk theuh ang u..

Kal chhuak tate pual

HMA leh HMCF member zawng V zawngte in zavaia thinlungah Isua alo pian nawn theihnan lehtinlung tak leh hlim taka tun kum krismas in hman theihnan krismas chibai kan buk che uin duhsakna kan hlan a che uMuana & Zd-a (ex-Nizam) JNTU lam naute lo haw ve thei lo turte duhsakna ka hlan che u a, thlasik vawt nuam tak ka lo hman kep vek ang che u Thomas (ex-JNTU) PICTURE OF THE WEEK.

thuhmun an nih an theihnghilh chang a awm thin. Kohhran erawh chuan khawvel eng leh Krista Chanchin tha eng hmu ve phak turin min chher chho ta a. Zawlbukin khawtlang huapa inzawm k hawm hna a lo thawh thin chu Kohhran chuan Zoram pum huapin a chhunzawm a. Pathianin Zawlbukah Mizote a dinin a chher a, Kohhran hmangin Mizo hnam hi pumkhatah min siam ta a ni. Tichuan, Zawlbuk chu thangthar chhuan tam takte tan Hnam Ro vawng himtu a lo ni angin Kohhran pawh chu hnam ro vawn himna 'Buk Thar' Zawlbuk tak a lo ni ta zel a nih hi! Zawlbuk kha a va lo ropui em!

(He Article tha tak mai hi dt. 15th Septembert 2011-a Vanglaini chanchinbu atanga lakchhawn a ni- Editor)

Published and Edited for and on behalf of Hyderabad Mizo Association by SPA Mizo