VOL. XXX ISSUE NO. 41 An Official Organ of Y.M.A. Republic Veng Branch Dt. 04.11.

2012

I hnam hmangaih la, i ram a him zel theih nan i tha thawh rawh

VOHBIK RUN SAK ZAWH A NI TA

BRANCH NEWS
* Vohbik Run-a Branch YMA in bike bo an chhar an dah kha a neituten an la tawh a, lawmthu sawi nan Branch YMA Rs.1000/- an pe a. * Gas Consumer Verification Branch YMA in a tih chu zawhfel tawh a ni a. Tin, Mizofed ah thehluh fel a ni tawh bawk. He thilah hian Branch OB te leh member then khat te an hah hle a, an inpeknaah an fakawm hle a ni.

CENTRAL YMA NEWS

* Hivendra leh Ms. Khanna, Plural India, New Delhi te chu lo zinin Central YMA nen thawhhona chungchang an ngaihtuah a, an ni pahnih hi Pu Vanlalruata, Gen. Secretary leh Pu R. Vanlalsawma CEC ten Sailam, Sialsuk leh Samlukhai te an tlawhpui a ni. * Ni 2.11.2012 Madanriting Branch YMA, Shillong Silver Jubilee lawmna hmanpuiin Pu J. Lalsailova, Fin. Secretary chu Shillong-ah a kal. * Ni 2.11.2012 E. Phaileng Branch YMA Golden Jubilee lawmna hmanpuiin Pu R. Lalngheta, Treasurer leh Pu V.L. Chhuanga, CEC te an kal.

The Republican 4th November 2012 : Hun engemaw chen kalta atanga kan branch YMA in kan lo buaipui tawh VOHBIK RUN chu sak zawh a ni ta. khawn a ni bawk. Hei hian Republic He Vohbik Run sak nan sum Veng mipui kan in lungrual zia a hman ral zawng zawng chu Rs. lantir a, hei hi a bul tanna a ngaiin 3,28,939/- a ni a, heng bakah hian nakin zelah pawh vengchhung hnatlang tha tam tak a tel bawk. He hmasawnna tur atana thil pawimawh insakna tur hian Branch YMA tam tak ala awm zel anga veng chuan sum leh pai neih sa a neih chhung mipui ten tun aia tan la leh loh avangin, mi thahnemngaite zual tur hian kan rilru leh thawhlawm thawhkhawm hmanga ngaihtuahna te sengin hmasawn i sak tan a ni a, vengchhungah vehbur tum zel ang u.

SECTION YMA NEWS

Section III : Dt.27.10.2012 khan section sumtuak nan Bawng thau tak an talh leh a tlawmngaia Lucky ticket leh sa lo leisaktute zawng zawng chungah lawmthu an sawi a, tin In hlawhna siamsak leh tu Pu Vanlaldika te chhung chungah lawmthu an sawi bawk.Nimin zingkar khan section huam chhung thenfai hnatlang an nei a, chhungtinte mahni in leh a vel te uluk leh zuala vawngfai turin an in ngenin an in chah nawn leh a ni e. Section IV : Nimin zing khan an section chuan sumtuak nan an section Sr.Adviser Pu Lalzarliana Sailo kawmthlang lung thiarin an hnatlang a, member thawkchhuak an tha hle. Tin, inhlawhna petu an Sr.Adviser Pu Lalzarliana Sailo hnenah lawmthu an sawi a ni. Section V : Branch YMA in an section kutah a dah angin Tv. Lalthanmawia (Mawitea) chu a chena tura buatsaih, Vohbik Runah ni 29.10.12 (Thawhtanni) zan khan an dah a, a bungrua pawh ni 30.11.12 (Thawhlehni) zing khan an thiar fel sak nghal bawk. * Nimin inrinni zingkar khan sumtuak nan Pi Lalbiakmawii vawk an talh a, hnatlang chhuak zawng zawng leh tlawmngaia sa leitute chungah an lawm hle. Section VI : Pu David Lalremruata Asst.Secy. te chhung chuan a pa Pu H.Laldawla hriatreng nan section-ah no dozen 6 an pe a section te an lawm hle. * Pu C.Lalbuatsaiha'n section tan wire tha tak mai a pe bawk a, thil pek pe tute chungah section chuan
Phek 4-naah chhunzawm a ni..

CHHIATTAWK LAWMTHU SAWINA

Hun engemaw chen kal ta atang khan chhiat tawh chungchanga lawmthu sawina hi kan chhuah ngai tawh lova, a chhan chu lawmthu sawina hi tih ngei ngei tura ngaihna chhiat tawk chhungtin te rilruah alo awm tak vang leh chhiartu lam atang pawhin ngei ngei tur anga ngaih anih tak vang a ni. Tin, khawhar chhung ten YMA zan thum chhung a lawmthu an sawi thin hi a tha tawk leh tling tawk a ngaih a ni a. Hei hian ruangchhuak leh khawtlang huap a tha leh zung thawhna thil a lawmthu sawina erawh a huam tel lo. Chutihrual chuan chhuah ngei ngei tura tih a ni lo tih kan in hriattir nghal bawk e.

The REPUBLICAN WEEKLY

Editors Jt. Editors : H. Lalhriatpuia R. Lalthanzawna : Robert Zosangliana RD.Lalrammawia Lalzarzova : H.Lalremruata Lalhmingmawia Andrew Lalrohlua Lalliantluanga Lalthanmawia Zomuanpuia Sailo : Ngurthanmawia : Lalhmangaihsanga Sailo Biakzosanga Kananmawia

Y.M.A. REPUBLIC VENG BRANCH

9862536632 9436159221 9862379583 9612698049 9856310432 9862449817 8974963471 9612318217 8575707353 9612325489 9862732404 9436375023 9862170549 9615820570 9862754953

Dt. 04.11.2012

E DITORIAL B OARD

RAM HUMHALH - Om Om-a Pa

Mihringte hi a fala awm tur ni lovin, awm ho tura Pathian siam kan ni.Tu mah mahni chauhvin kan awm thei lo, midang te nena in mamawh tawn vek kan nih a vangin Pathian hian awmho tur kan nihna hre rengin hnam hrang hrang leh ram hrang hrang minlo siam sak vek a lo ni. Mihringte hian kan taksa leh nunna atan thil pawimawh tak tak pathum mamawh kan nei a;chungte chu ei tur ,silhfen leh chenna in te an ni. Heng kan mamawh hrang hrang te kan neih theih nan Pathian chuan Mizo te tan Mizoram min pe a, chumi enkawl leh venhim chu kan mawh liau liau a ni. Pathian chuan Adama kha Eden huanah a pawngpaw dah ngawt lo va, huan enkawl tur leh veng turin a dah a ni. Hei hian Adama chu mawhphurhna lian tak, huan chu rah chhuah theiha siam tur leh hmelma rawn tichhe theitu laka veng him tlat turin a duh a ni tih a hriat theih a ni. Khawvel history kan thlir chuan thil langsar ber pakhat chu ram inchuh leh ram lak tuma indona thu hi a ni awm e. Chutiang bawk chuan tunlai khawvel hri vei lian tak chu mahni intihbingna hi a ni. He ram ngei pawh hi Pathianin Zofate tana a pek a ni a,he ram luah tur hian Kawl ram hla tak atangin a hruai chhuak a. Zoram an luah tan tirh lai pawhin ram ruak mai ni lovin, a lo luah hmasatute nen nasa taka indo in an um chhuak zawk a ni. Kan pi leh puten he ram an luah dan leh an humhalh zel dan kha a awlsam lo va, lu chhum ban chhum huamin he ram tan hian tan anlo khawh tawh thin a ni.Tun thleng hian hei lo hi Mizoten kan ram tih tur kan nei lo. Chuvang chuan mihring kan pung zel ang a, kan tawtin ram hi a hlu telh telh dawn a. He ram zimte humhalh tur leh veng him tur hian nang leh kei hi kan pawimawh ber a ni. Khawvelah hian ram rethei leh hnam hnufual te chu chimralin an awm zel si a, kan ram retheihna leh kan hnufualna te hmang hian kan chheh vel a cheng te hian min chimral ang tih hi kan ring phal lo a ni thei e. Kan insiamthat loh chuan ring miah lo hian chimralin kan awm ngei dawn si a. Chu ram chhungah chuan kan cheng ve anih chuan kawngkhat tala kan tangkaina lan chhuah tir ve a hun ta. British sawrkar khan Zofate hi min lo hmangaih khawp mai. Dan pawimawh tak mai, Bengal Eastern Frontier Regulation,1873 hmangin Inner Line min lo siamsak a. He dan hmang hian tun thlengin hnam dangte tan Mizoramah sumdawnna leh ram neih khuahkhirh tlat a ni. Hei bakah India Constitution-a Sixth Schedule hnuaia min dah avangin in hmun lo ram leh sumdawnnaah mahni thuneihna nei thei dinhmunah kan ding bawk a ni. State kan lo nih hnu pawhin Article 371G Special Provision hnuaiah ram neih leh hralh chungchangah thuneihna bik tak min pe leh bawk a. Hetiang tak hian sawrkar chuan kan ram himna turin ruahmanna tha siam mahse, a chhunga cheng Zofate hian a hman dan leh enkawl danah kan fimkhur loh chuan kan ram hi a him dawn lo va, chuvang chuan kan ram humhalh hna hi tute kutah emaw dah mai lova, mahni theuh hi mawhphurtu kan ni tih hriat chian a tul hle a ni. Kan ram leh a mi chengte chu hnam dangin duh duha min palzut loh nan dai min theusak mah se, a luahtu keimahni hian cheibawlin kan enkawl tha em? Tih hi zawhna pawimawh tak a ni. Mizo hming hawhin hnam dangten in hmun lo ram an nei nual a. Chung hming hawhte chu ram dan kalh a nih bakah Pathian duh loh zawng a ni. Hnam dang thenkhat chu Mizo hming invuah chawpin Mizo saphun angin an awm a, chu pawh chu ram dan kalh a ni. India ramah hian Tribal leh Non Tribal kan awm a, Non Tribal chu engti kawng mahin Tribalah a inlet ngawt thei lo. Khawvel changkanna in min hual vel a, midangte tluk loh bik hlauh a vangin sum leh pai awlsam taka lak luh kan duh thin. Hnam dang thenkhat sumdawn puiin kan hming te kan hawhtir a, ram leh hnam tan a luahawm a ni tih pawh

News Editors

Manager Cir. Managers

YMA RUN hmang turte tan Br. YMA I/c Secy., Property - 9862369320 / 9436362024

Thlanmual hi........ Kan thlanmual hi a tawt ta hle mai a, kawng kar cheh a nih avangin kal tlang pawh kan tam hle a, bawlhhlawh paih niawm tak hmuh tur a awm leh zauh thin, bawlhhlawh paihnan i hmang lo hram ang u. Tin, thlan kan siamin midang thlan kan ti bawlhhlawh palh thei a, hei pawh hi i tifai leh thin ang u. Fur ruahtui tlak zawh hlim ani a, thlan hnim fe fe hmuh tur a tam leh ta hle bawk, kan duh tak te thlan hi tihfai i taima tlang teh ang u khai, kan nihna hi a lang deuh roh a nia. Mizo tlangval leh pa tlawmngai thenkhat in hmanhmawh takin thlan an lai thin a, a bul hnaia thlan dinglai dangte pawh leivungin chhilh chang a nei thin. Hei hi thlan vur tute tan tihfai hmanloh chang a tam hle bawk. Hemi tifai tur chu thlan siamtute kan ni tih i hre thar leh ang u. Thlanmualah hi ruihtheih thil tih nan an hmang ti a sawi a awm leh zauh thin bawk, thlanlai peih lo, tifai peih bawk lo, tihfai hun leh thlan siam hun pawh nilem lo, Pathianni a thlanmual a awm kan la ching a nih chuan sim a tha hle. Tin, thlanmual hi vantlang ta a ni a, a tihbawrhban hi vantlang zah lohna lian tak a ni tih kan hriat a tha hle a ni. * Mahni in leh a vel tihfai hi YMA tir tur a ni emaw ti kan tam ta hle mai. Kan chhungkaw mawhphurhna a ni tih i hre thar leh ang u. - Zepzuappa * Dt. 1st November 2012 tuk daily news paper front page a MES in ziak tlingte hmingah kan vengpaa rem tihna leh phalna la hmasa miah loa ka lo ngaihsan ruk, YMA hruaina kawnga thangchhuah ngat tawh, Pu H.Lallianmawia of sec-vii hming kan hmu kha amah ka lawmpuina leh veng hming a tih thatna avanga ka lawmna hi a in chen awm e. - Lamparda nutei

phek-4-naah chhunzawm a ni....

The REPUBLICAN WEEKLY

Y.M.A. REPUBLIC VENG BRANCH

Dt. 04.11.2012

LAWMPUINA
Pu H.Lallianmawia, Section-VIII ami, kan Editor hlui chu tunkar kalta a, MPSC result chhuakah tlingin AE/SDO hna Power and Electricity Department hnuaiah a hmu a. Republican Editorial Board ten kan lawmpui hle. Pu H.Lallianmawia hi kan Branch YMA-ah hun rei tak secretary lo ni tawh thin a ni a, Republican Editorial Board ah hian Editor ni rei ber leh YMA ah pawh hruaitu hlun chawimawina pawh lo dawng tawh a ni. Tunah hian Branch Executive Committee member niin, Library Sub-Committee Secretary nilai mek a ni a. Kan hruaitu hlun tak hetiang dinhmun thleng thei kan nei hi kan chhuang hle a ni.

MPL A HATTRICK SIAM HMASA BER F. LALRINPUIA (VALPUIA)

MUP & MHIP HRIATTIRNA

Vawiin chhun inkhawm banah MUP leh MHIP ten Pi Rammawii, Sec-I ral tur a ni a, member te kim taka kal turin an in ngen e.

Pic: Republic Veng Tlangval F. Lalrinpuia (Valpuia) (Section VI)

DAM LO
* C.Malsawmzuali D/o C.Zirliana, Section-V chu accident avangin Aizawl Civil Hospital ah enkawl mek a ni. * Pi Sangkhumi Section-V pawh Synod hospital Durtlangah enkawl mek a ni.

LAWRENCE MINISTRIES UAIN (WINE) THAR CAMPING

Ni 5-10 November hian Lawrence Ministries bul tumin Bung Bangla-ah Uain thar camping neih a ni dawn a. A duh apiang tan luh theih a ni. Mutbu, Bible leh Buhfai no-8 ken tur a ni. Speaker ah Lawrence Rothangpuia a ni ang. Contact : Patea : 8974121157 Barry : 9612845911

PIC OF THE WEEK

Pic : Republican Editorial Board 2012 Republican hi kartin zirtawp zan apianga chhut thin a ni a, a member te hi tlawmngai a thawk turin Branch YMA chuan kumtin a ruat thin a ni

Mizoram Premier League Round 2 khelh zawh takah MRP FC in Reitlang FC 5-1 in an hneh a, FC Kulikawn in 2-1 in Luagmual FC an hneh a, Dinthar FC leh Aizawl FC te an in draw bawk. Nimin inrinni khan FC RS Annexe leh Chanmari FC an inkhel a. Result kan hre hman lo. Mizoram Police FC 5-1 Reitlang FC MPL Round 2-ah hian kan veng players awmna team pahnih te an inkhel a. MRP lamah hian F. Lalrinpuia (Valpuia) khelin, Reitlang FC-ah hian Vannunmawia Vanchhawng (Vannuna) leh Lalnunsiama (Lalnuna) te an khel thung. He inkhel hmuhnawm takah hian Republic Veng players te an kheltha hle a. Reitlang goal awm chhun hi Lalnuna freekick atanga chhuak a ni a, Nuntea pawh goal-ah a hlauhawm thei hle. A chetha ber erawh Valpuia a ni thung a, ani hian goal thum thunin MRP tan hian a kheltha hle. Valpuia hi Man of the Match a thlan niin Rs 1000 a dawng a, hattrick a siam avangin match ball a dawng bawk a ni. MPL Round 3 a inkhel turte: Ni 7.11.12 (Nilaini) : Kulikawn Vs Aizawl FC Ni 8.11.12 (Ningani) : Dinthar Vs RS Annexe Ni 9.11.12 (Zirtawpni) : Reitlang Vs Chanmari Ni 10.11.12 (Inrinni) : MRP Vs Luangmual Mizoram Premier League inkhel en man hi Rs 30 a ni a, hei bakah hian Club Gate Pass a la awm leh a. Hei hi club te sum hmuhna tura duan a ni a, MFA atangin Club in Rs 5 in an lei a, a duh ang zat zatin an hralh chhuak thei a ni. Heng ticket pahnih bakah hian Season Ticket siam a ni a, hei erawh Rs 1000 man a ni thung a. He ticket hmang hi chuan Official Pavillion-ah a thut theih bakah refreshment a awm nghal bawk a ni. MPL hi Zonet Zawlbuk-ah tlai dar 1:30 atangin Live a tihchhuah thin a ni. MPL Official Website ZoFooty-ah inkhel hi preview leh review thin a ni a. He website-ah hian club profile bakah player profile a en theih bawk. Predictions siam thin niin pakhatna hnenah Club Official bakah 50 Minutes Magazine pek thin a ni.

The REPUBLICAN WEEKLY

YMA MOTTO: * Hun awl hman that * Zofate hmasawnna ngaihtuah * Kristian nundan tha ngaihsan

Y.M.A. REPUBLIC VENG BRANCH

Dt. 04.11.2012

TBL-A'N CHAMPION
Marova Memorial Open Tournament khelh zawh takah Republic Veng players pathum Nelson-a, Malsawma leh Rinnunga te khelhna TBL chuan finalah Vikings hnehin an Champion a. Champion team hian Rs 50000 bakah medal leh Trophy an dawng. TBL player H. Laldinsanga (Mapuia) chu Most Valuable Player a thlan a ni. Final-ah hian Nelson-a chuan rebounds a la hnemin a kheltha leh hle a, Malsawma pawn paint chhungah a chungnung zia a lantir leh bawk. Partner Shootout-ah Morning Crew player pahnih Lalrina leh Darliansanga (Dara) te chu pakhatna an ni bawk.

YMA NIHNA : YMA chu Politics rawngkai lo tlawmngai pawl a ni.

Article chhunzawmna....
kan ngaihtuah pha thin lo hi a pawi hle mai. Heng sumdawng te hian kan kuta pawisa lut tur tam tak chu an kut zalah kan chhun luh saka, kan sim a hun ta hle in a lang, hnam dang theih ang chu kan thei a ni tih hi lanchhuahtir a hun ta. Tunlai kan harsatna lian tak pakhat chu hnam dang nupui pasala neih hi a ni. Zorama cheng hnam dang te hian sumdawnna leh thil dang tih an duh avangin Mizo nupui nei an tam ta hle mai. Zorama awmpui tur chuan hnam dang neih loh hi a him ber mai. Mizo dik tak nilo piang zel hian ram leh hnam a eichhia a. Kan hmangaih angin he ram hi an hmangaih lo ang tih hi rin tlat tur a ni. Retheihna leh harsatna a vangin mi tam takin an in hmun lo ramte an hralh thin a. Mahni Mizopuite hnena ram hralh chu thu dang ni se, hnam dang leh ram dang mite Company/Society eng eng emaw hnena mahni thu a lo hralh ve ngawt erawh chu ram dan kalh tlat a nih avangin tih loh tawp tur a ni. Kan Mizopuite hnenah ngei hralh thin hi a him ber. Mifing leh changkang chuan thil hlawk zawk tihna tur a nih ngawt loh chuan ram an hralh mai mai ngai lo; Ram hlutzia leh hmangaih nachang a hriat avangin zuah belh dan kawng dapin,lei belh tur a zawng zawk thin. Hnam fing a piangin ram hlutzia an hria a, a hlutna an hriatna apiangah a man pawh a to. Chuvangin, Esauva mize pu hnam kan la nih tih hre rengin, humhalh kan mamawh tih kan hriat hma hauhvin, British sorkar chuan dan fel tak siamin, hnam fing zawk ten duh duh a min pal zut loh nan leh min chimral loh nan kan rama hnam dang luh an lo khuahkhirh bakah hmun leh hma lei thleng an lo khap sak bawk a. British ho tin hnuin India sorkar in chung an dai theu te bakah Danpui Sixth Schedule leh dan dang then khat min ruahmansak a. Chutianga dai khuah tak minlo theu sak avang chuan tun dinhmun hi kan lo thleng chho ve ta chuah a ni. Chuti ni suh se,kan rama sumdawnna hmun tha leh hlu zawng zawng hi vai sumdawng mi tlemte kutah a lut vek tawh ang. Kan ram hi pawn lama runtu lakah a him in kan hria em? Mizoram hi a tlangpui thu chuan kan humhalh that viau lain khawthlang lampang,hmun tam takah Bangladesh atang te, Tripura leh Assam atangtein hnam dang an lo lut a, chung mite chuan tlaikhawhnuah awmhmun nghet an khuar a. Chung hmun thenkhatte chu sawrkar pawhin khaw nghetah a puan sak ni te pawhin a hriat a. Zoram mi dik tak ni lote lak luh zel hi kan ram tan a pawi a, tul lo taka harsatna min thlentu mai a ni. Chubakah Khawchhak lam a tangin dan lova lo lut rute tam tak an awm bawk. Heng mite hian buaina leh harsatna min thlen ta fo mai leh nghal ngaihtuah chian a ngai ta khawp mai. Hetianga kan rama ram dang mite anlo luh tam zel chuan Zofate hi chim ralin kan la awm thei mai dawn a ni. Zirna in emaw sawrkar hna leh Private a hna thawkin Zoramah hnam dang tam tak an awm a. Chung mite chu kan mamawh a vanga hna thawktute an ni a, hnam dang ten kan ramah hna an thawh a vangin in hmun lo ram an neih ve chhan tur engmah a awm lo. Chuvangin hmun kilkhawr berah pawh I fimkhur ang u. Ram humhalh hna hi mi tin mawhphurhna a ni a, sawrkar leh Kohhran mawhphurhna a ni bawk a; tlawmngai pawl tan phei chuan hmalakna tur tam tak a awm a ni. Kan ram a him loh chuan kan nun pawh a him lo thei a tih hi kan hriat reng a tha khawp mai.Tun hnai mai thil thleng a tang pawh hian sawi tam ngai lovin kan hreawm e. Kan rama inthah/ inrawk leh insuam a lo tam tak viauna chhan pawh hi hnam dangte nen kan inchiahpiah nasat vang a ni thei khawp ang. He ram zimte hum him tur hian mitin hi kan pawimawh vek a ni tih hi I hre thar leh ang u.

Pic: Republic Veng Tlangval Dara leh a partner Lalrina

Section news chhunzawmna.... lawmthu a sawi tak meuh meuh a ni. * Section huamchhungah name plate leh house no. nei lo te siam that mek a ni a, heng hi khulh ngai tur a ni a, a neilo te lo khul thei tura lo inring turin kan in hriattir e. Section-VII : Inrinni zingah section huamchhung tifaiin YMA chhang leh YMA member thawkchhuak an tha hle. * Section huamchhungah faina chungchang leh thu tha inzirtirna chungchang lam hawi ziaka tar tum a ni a, thu ziak thawh duh nei chuan section leader hnenah thehluh tur a ni e. * An section huamchhungah faina chungchang a ngenna lehkha sem leh an tum a, chhungtin te mahni in leh a vel vawngfai turin an inngen thar leh a ni.

Advertisement.
Tv, EVD, Washing Machine, Inverter, Stabilizer, Induction Cooker etc., repairing, a hmunah koh theih kan ni e. Contact No. : 9856285059 Rinawma (R.Aw-a) 9206319672 College Veng (1-1) Hmawngkai bul

GAMING ZONE / CYBER CAFE

Computer Games a intihhlimna mai bakah a tul a hman theih turin internet, Cyber Cafe kan veng chhung ngeiah a awm ve ta. Tin, Idea 3G Netsetter dongle Rs.1700 + FRC 499 free 5GB 1month, lei tur kan kawl bawk e. Ph : 9612495368 Pi Mabiaki Pu Ramngaihawma building (3-1) Venghlun (Section-IV)

Published by Republic Veng Branch YMA, Printed at Zo-Awm Press, Khatla, Copy750