VOL. XXX ISSUE NO. 25 An Official Organ of Y.M.A. Republic Veng Branch Dt. 1.07.

2012

Ka ram tih tur nei sain i lo piang a, chu i ram tan chuan fa duhawm i ni em?

EI RAWNGBAWLNA GAS SEM A NI. LC CARD THAR HMANG TAN

The Republican 1st July 2012 : Hun eng emaw chen ei rawngbawlna gas sem a nih loh hnuah kan Local Council ten an sem chhuak leh tan ta. Fel fai zawk a mipuiten gas kan chan theuh theihnan Local Council in card thar a siam chu hman tan a ni. Kar kalta atang khan Local Council te chuan kan veng chhung gas semna point hrang hrangah a indawt danin gas an sem a. Hetah hian LC in card rawng chi hrang hrang a siam zingah card sen in sem hmasak ber tan a ni a, tin, kan hriat theuh angin card in number a neih vek angin a number indawt danin gas sem chhuah pawh hi kalpui a ni. Eirawngbawlna gas hi veng mipui a hmangtu zawng zawngten kan chan kim theuh theih nan LC lamin hma an la mek zel a. Tuna gas an sem dan hi thil thar, mipuite tana a that zawk leh felfai zawk beisei a tih anih avangin veng mipui lam te pawhin LC lamin gas an sem dan a ruahmanna an lo siam dan hi zawm hram hram turin mipuite min ngen a ni. Kan hriat theuh angin tunlai hian kan ramah gas a harsa hle mai a. Kan sawrkar lama thuneite pawhin tualchhung chanchinbu lamah a harsat nachhan te pawh na lo tarlang tawh thin. Kan Minister zahawm tak Food, Civil Supplies & Consumer Affairs changtu Pu H.Rohluna'n Gauwahati bula a Noon Maligoan refinery bomb chhiat avanga gas a harsatna tawh a nih thu tualchhung chanchinbu a lo sawi tawh a, tin he refinery hi siam that a nih tawh thu leh gas harsatna a ziaawm thuai a rin thu alo sawi tawh bawk a ni. Kan Lok Shaba MP zahawm tak Pu CL.Ruala pawhin chanchinbu mi te hnenah July thala gas harsatna zualpui a ziaawm a beisei thu alo sawi bawk. Eirawngbawlna gas hi nimin thleng khan sem a ni a, LC card rawng pawl hmangin Gas Point hmun then khatah chuan sem chhuah a ni a, mahse gas hian a daih tak vek loh avangin LC Card pawl hmang a gas sem leh hi tun hnaiah chuan hei hi a tawpna a ni rih. Tin, LC lam atanga thu dawn danin gas sem leh hmasak ber turah LC Card pawl a sem tawh kha chhunzawm leh a ni ang.

Branch News
* Ni 3.7.2012 (thawhlehni) zan dar 7:15 ah branch committee YMA Runah neih tur a ni a, kohna sem chhuah a ni a, a hmu lo chuan hei hi kohna a ngaihnghal tur a ni. * YMA Run a hman tur inverter Rs. 20500/- man lei thar a ni a, hei hi information network atan leh run back up atan hman a ni ang. Tarlan tawh angin Rs 10000/- hi Pu Rokunga section-I ami tawh a ni a, Rs. 10500/- hi Branch YMA in a tum a ni thung.

Thlanlai kal dan

Ni 23.6.12 thlanlai kal dan : Section I 2 Section III 3 Section IV 1 Section V 7 Section VI 5 Section VII 8 Section VIII * Nil Branch OB 2 Total 30 Star (*) dahna hi a chhiattawk section te an ni.

MUP & MHIP HRIATTIRNA

Vawiin ni 1.7.12 (Chawlhni) chawhnu inkhawm ban hian kan member Pi Lalthantluangi (L) w/o Pu Venliana ralna neih tur a ni a, memberte kal theuh kan tum dawn nia.

SECTION YMA NEWS

Section I : Dt 23.6.2012 Inrinni nileng khan Property House sak hnatlang an nei tan a, Property House hi sak chhoh char char anih avangin member te hnatlang theuh turin kan in sawm a, midang te tih atan dah mai lovin mahni thawh chuah theuh i tum ang u. Section III : Ni 6.7.12 (Zirtawpni) leh ni 7.7.12 (Inrinni) hian thuthleng siam hnatlang neih tum a ni. YMA Day-a YMA chhangten Khuallam a pakhatna lawmman an lak chu remchang hmasa berah lawm tum a ni. Section V : Pu Vanlalchhuanga'n chhiatni thatni a kawng siara tar chi STAND 'Advance Warning triangle' tha tak a pe a, a chungah section YMA member te an lawm hle. Section VIII : An section project 'Property House tih changtlung' chu an tih hlawhtling chho zel a. Thuthleng 20 an neih hnuah Thingpui no dozen 20 leh tray 5 an nei thar leh a. Hei bakah hian property dang pawh neih belh zel an la tum bawk.

YMA Information Complaint na YMA Information hi a chhiat thatah m ipuite hian kan mawh phurhna a ni tih kan hria in a lo chhiat pawh in phone No. tarlanah hian i hriattir thin ang u. 9612310138 Tin, he number tarlan hi Information mike leh a hmanrua chhia report na chauh a ni a, thildang complain na a ni lo.

The REPUBLICAN WEEKLY

Editors Jt. Editors : H. Lalhriatpuia R. Lalthanzawna : Robert Zosangliana RD.Lalrammawia Lalzarzova : H.Lalremruata Lalhmingmawia Andrew Lalrohlua Lalliantluanga Lalthanmawia Zomuanpuia Sailo : Ngurthanmawia : Lalhmangaihsanga Sailo Biakzosanga Kananmawia

Y.M.A. REPUBLIC VENG BRANCH

9862536632 9436159221 9862379583 9612698049 9856310432 9862449817 8974963471 9612318217 8575707353 9612325489 9862732404 9436375023 9862170549 9615820570 9862754953

Dt. 1.07.2012

E DITORIAL B OARD

Local Council vs Gas

- Sangsangi Pa Hre reng chung a tihsual hi a pawi a, tin hre lemlo chunga hriat tum talh pawh a tha lem lo fo. Hriat tam hi finna anih rualin a tak rama luhchilh lem lo va hriat tum talh pawh a tha lem lo. Kei mi mawl hriatna lamah pawh rual pawl lo tak hian gas chungchang hi ka lo veive em em ringawt a. Keima thu thuin ka lo chhui zui ve nasa mai thin a, kan Local Council member te thleng thlengin ka ngaihtuah kai a, heti tak mai a Gas a mipui kan tam ta mai hi Local Council vang em ni te ka han ti a, news ah nise rampum mai a kan harsatziate ka ngaihtuah in L.C. memberte mawhpuh chiah ka ngam mang bawk si lova. Rilru buai tak a ka hun ka hman lai in, vanneih vang nge ka hre bik law! Local Council memberte ti ti ho naah ka lut hlawl mai a, ka phak ang tawkin zawhna te pawh kan zawt a, hei hi a ni ka hriatchhuah tak chu, veng mipuite tana an hun hman nasat ziate, gas lo thlen hun a, mipui ten kan chan kim theih nan a, chaw mumal pawh ei lo a, an thawhrim zia te (member pakhat phei chu atam chhawl hial) Mizofed office dawr tura an tha leh zung an sen nasat zia te, tlaivar dawn dawn a veng mipui hming leh phone no., H/no. computer-a an lo siam laite, thenkhat anlo muthlu lawp lawp laite kan hmuh chuan gas buaipui tur ringawt a kan thlan an ni em aw? tih hi ka rilruah alo lut nghal a, chutih rualin bur khat theuha sem rual nise anti chunga bur hnih tal lak tum a mipui kan han khawsa tlat mai te, mipui in report tur ti a mipui in kan ngai pawimawh si lo te avanga, gas kan chan tlem tak dante Mizofed atanga a mihring chengte en mil a Gas min rawn pek dante ka han hre ta a, E!!! khai alo ni maw? kei ve mai hian ka lo hre lo hle mai tiin zak chem chem chungin ka thu ngawi hle hle ta mai a. Tin heti hi a ni a, zak chung chungin zawhna mawlte NGO leh pawl dang consumer union te hi in pun tawh em? Ka han ti dak dak a an zing a pakhat in muangchanga gas hi midang in sem se kan ti khawp mai a, Gas ringawt mai kan buaipui anih chuan vengchhung hmasawnna in a tuar a hlauhthawn thute leh Gas harsatna avanga mipui tawngkam dengkhawng takin a den chang a sawifiah a chak zia thute a han sawi chuan ka rilru te te in, a ni dawn tak maw, ka lo ti neuh neuh a, theih nise a tam thei ang ber a mipui pek an chakzia te Local Council rules-ah Gas sem tur annih loh thu te, tumah buaipui tur an awm loh avanga buaipui tur an awm loh avanga buaipui ta an nih te ka hre chhuak ta uar uar mai a, street light pakhat a thim avanga LC-te kan lo mawhpuh mai thin te kha aw! Mipui hian kan tih tur kan ti ve em tihte ka ngaituah ta a, Electric Department Office kan vengah a awm a, mimal leh pawl angte pawn (kan bill a sang a kan complaint chul thin ang hian) kan lo ti ve thei a ni tihte ngaihtuah reng chungin, chaw in ei tawh em kan ti a, zing chaw atan thingpui chauh an la in thu tlailam darli-ah min han hrilh a, ka ngaisang hle mai. Heti khawp hian an lo buai anih hi mawle, keini lah chuan kan sawi chhe bawrh bawrh mai bawk si a, ti chungin (chhunzawmna phek 4)

News Editors

Manager Cir. Managers

YMA RUN hmang turte tan Br. YMA I/c Secy., Property - 9862369320 / 9436362024

Kum chanve kan hmang zo leh ta.... 2012 kum chanve chu kan lo hmang zo ve leh ta reng mai a, kan hun hman liam tawh te hi koh kir leh theih ni ta se chu siam that duh lai kan nei hlawm ngei ang. Republican chanchinbu pawh bahlah awm lovin a la kal ve hram hram a, duh ai sam Republic mipuite hmaa chhawpchhuah hi duh teh mah ila, kan theihna hian a tlin mang si lo. Eng pawh nise, kan hunawl leh zanrei pawisa lova, kan lo buaipui thin Republican hi mipuite hlut leh hman tangkai nise ti tu ber chu, Editorial Board hi kan ni tho tho. Republic Veng mipuiten chawlhni zing a kan keu ber a ni a. Mitin mil leh beng ti vartu ni thei se kan duh hle a, kan theih tawp pawh kan chhuah ve a, chuti chung chung a kan tlin tawk loh naah chuan thupha kan chawi e. A chhung thu zawng zawng hi Editorial Board te kam liam a ni vek thei lova, ni vek pawh nise eng ruai a ni lovang. Chuvangin mipuite thu theh khawm leh thurawn te ang a kal kan ni a, kan chanchinbu that leh that lovah veng mipuiten mawh kan phur tel tho a nih chu. Englai pawhin veng mipuite thurawn leh thu hla hi kan beisei in kan ngaichang reng a, article pawh hi ziak mi te chuan rawn ziak zel teh u. Kan zavai tana chanchinbu a ni a, Republic Veng a lo mawi a, a lo changtlun zel theih nan chhiar tu zawng zawngten tan ila thar leh deuh teh ang u.

* Huang zalen ah hian fakna lam thu a tlem mang e tih hi a dik ngawt mai. Nia, kan community hall floor khat man to thin lutuk te, LC inthlan dawn a Venghlui peng tih zauh dan en rup rup a, inthlan zawh a reh leh ta vung vung te, step phah sen zawh loh laklawh thin lutuk te, mi motor dahna tur ni awm tak a kawngpui zauh te, street light eng thei awm tlem ta lutuk te, mitthi lumenna a hmel hmuh tur awm si lo te ngaihtuah neuh neuh hi chuan fak ngawt hi a har ve bawk a tin ni. - Empy Gerrad

The REPUBLICAN WEEKLY

Y.M.A. REPUBLIC VENG BRANCH

Dt. 1.07.2012

DAM LO
Tv.Derik Lalramchuana, Sec-VII chu dam loh na avangin damdawiinah enkawl mek a ni.

HRISELNA NUTRITION
Kan taksa mamawh chaw chi hrang hrang zingah Protein bakah chuan Vitamins leh Minerals an tihte hi kan mamawh leh a. Heng tel lo hi chuan taksa a hrisel thei lo a ni. Vitamins hi chi hrang tam tak a awm a, Vitamin A, B complex C leh D-te hi a tul zual an ni a, Vitamin E leh K a awm bawk a. Hengte hi an tangkaina hrang tam tak a awm a, sawi sen a ni lo. A tlangpui chuan kan taksa bung hrang hrangin an hnathawh turte tha taka thawk thei turin an tanpui a ni. Minerals-te pawh hi chi hrang hrang a awm a, a pawimawh zualte chu- Iron, Calcium, Magnesium, Phosphorus, Sodium Chloride, Potassium leh Iodinete an ni. Hengte pawh hian pawimawhna hrang hrang an nei a, thisen insiam nan te, ruhrel insiam nan te, thluak insiam nan te, taksa khawl hnathawh hrang hrang \anpuinaahte an pawimawh a ni. Heng Vitamins leh Mineral-te hi anhnah hring leh thlai rah chi hrang hrangah te, thei chi hrang hrangah te, sathin, artui leh bawnghnute atangtein kan hmu thei a ni. Mizo zingah kan ei relbawl vel dan tlangpuiah hian Vitamins leh Minerals tam tak kan tichhiain kan tiriral thin a. Hmin lutuka chhum te, tui tam tak neia siam a, a tui paih leh mai mai te, sodium nena baiahte hian Vitamins leh Minerals tam tak kan tichhe thin a ni. Anhnah leh thlai rah lam pang chu ei tam pawl tak kan ni a, kan siam vel danah fimkhur ila kan that phah zawk ang. Tin, thei lampang hi Vitamin C leh Mineralte tamna a ni a, ei uar a tul hle a ni. Theithurte hi ei dan kan thiam lo hle a, thur deuhin hmarcha thak nente ei kan ching a, pumpui nate a tichhuak duh hle a ni. Thur lampang hi chu tui pawlh dalin a tuite in ching ila, chutianga ser tui tharlam in tam chu vun atan te, taksa dang atan pawh a tha em em a ni. Thei lampang ei tam thei tur chuan a chin lamte uar sauh sauh a, a hlutnate tibo lova ei dan thiamte a pawimawh hle a ni. Chaw tha a ni tih hriain thei hi i ei uar tawlh tawlh ang u. A dang lehah chuan thau lam Fat an tih hi kan chaw mamawh pakhat a ni a. A tlangpuiin kan mamawh ang tawk chu kan ei tlangpui niin a lang. Ei tam lutuk erawh chu thauna a nih avangin hrisel lohna a thlen thei thung. Thau hian lumna leh thahrui min pe a, taksaa chakna inkhawl khawmna a ni bawk a. Tin, Vitamins thenkhat kan eite chhawrbawk turin a pawimawh bawk a ni. Chutiang chuan kan ei rel danah te, sum leh pai kan hmannaahte kan duhzawng leh tui tihzawng ringawt aiin kan taksa mamawh chite hi ngaihtuahin ngai pawimawh hmasa ila. Kan taksa leh hmelte hi pawn lama chei mawi tum mai hi a sawt vak lo hle, chhung lamah ei leh in lamah kan duat a pawimawh em em a ni. Chutih rual chuan hrisel nana tha lo- zuk leh hmuam te, zu inte tih ching lo bawk ila, kan hriselin kan hmelte pawh a lo mawi zawk ang a, kan changkang sawt sawt mai dawn a ni.

ZIN HAW
Pu Paul Lalremruata, sec-VII chu dam lohna avanga hun rei tak phai lama in entir a kal a rawn haw leh ta.

RBC News
Nimin ni 30.6.12 khan basketball court ah one day tournment an nei a, he chanchin buatsaih lai hian inkhel result kan hre hman ta lo.

MHIP NEWS
Ni 6.07.12 (Zirtawpni) hian MHIP Day lawmna Republic Veng field-ah hlimawm taka neih tum a ni a. Zing dar 10-ah lawmna hun tan tur a ni a, chawhnu lamah infiamna hun neih tum a ni bawk. Memberte'n infiamna thawmhnaw neih angte ken chhuah pui tur a ni. Member-te kal theuh turin an inhriattir bawk e.

Subroto ah Kan Veng Players

Lalruatfela s/o Lalramthanga (Sec-III) leh Lalmalsawmtluanga s/o Lalrinchhana (Sec-VIII) te chu Subroto U-17 Probables Squad mi 25 awmnaah an la tel a. July thla tawp lam hian practice an tan ang. Subroto bakah hian Sports and Youth Services Football Club (SYS F.C.) probables 40 zingah an tel bawkah July ni 4 hian Rajiv Gandhi Stadium, Mualpuiah practice an tan ang. SYS F.C.-ah hian players 30 lak tur a ni. Mizoram Premier League lo awm turah pawh kan veng playerte pawh an awl dawn bik lova. James Lalhmingsanga (Sec-III) chu F.C. Kulikawn-ah a khel dawn a, K. Lalawmpuia (Sec-III) pawh season hmasa lama I-League 2nd Division khel pha Luangmual F.C.ah a khel bawk ang.

PIC OF THE WEEK

Pic : Anganwadi Center No.VI Sec-III, kawipui Workers te inpekna leh thawhrimna avang leh nutrition an dawn that avangin naupang hoin nuam an ti thei hle.

The REPUBLICAN WEEKLY

YMA MOTTO: * Hun awl hman that * Zofate hmasawnna ngaihtuah * Kristian nundan tha ngaihsan

Y.M.A. REPUBLIC VENG BRANCH

Dt. 1.07.2012

OPEN SCHOOL
Arvy Open School, republic Veng Primary School-I ah (Class X & XII) seat a tam tawh loh avangin admission hi ni 15.7.2012 thleng chauh kan hawng dawn a, lut duh tan a ranglam a tih a ngai tawh e. Admission fee (a) Class X : Rs. 1200/(b) Class XII : Rs. 1300/Monthly fee : Rs 300/Tin, Admission ti hmasa apiang hnenah zirlaibu a thlawnin kan pe nghal zel e. Ralsavunga K.Lalremsanga (MA,B.Ed) Ph : 9436156373 Ph : 9436360898

YMA NIHNA : YMA chu Politics rawngkai lo tlawmngai pawl a ni.

PI LALTHANTLUANGI KAN THEN TA

Republic Veng Branch YMA dintu zing ami leh hruaitu hmasa ber Pi Lalthantluangi chu ni 22.6.12 khan kan then ta. Pi Lalthantluangi hi kum 1958 a Republic Veng Branch YMA alo din khan a dintu te zingah telin, Branch Assistant Secretary hmasa ber anih bakah hmeichhe OB hmasa ber a ni. Republic Veng lo kaihruaitu hmasa kan chan ta hi Republic Veng Branch YMA chuan kan ui in channa nasa takah kan ngai. Kum 2008 a Republic Veng Branch YMA Golden Jubilee khan hruaitu hlui chawimawina thu ziak pawh hlan a ni. Republic Veng Branch YMA tun hun alo thlen theih nana thehnemngai taka lo kaihruaitu ani hi kan chhuang em em a ni. Hetia, hun lo taka min lo kalsan ta hi Republican Editorial Board chuan kan ui tak zet a, a pasal fanau te Pathianin awmpui se tih hi kan tawnngtaina a ni.

DAWR THAR
TATA TISCON (Internet tha chi), Brick, Cement, Balu kan zuar e. Biak In, office leh mahni In sa tur tan duhthusam a ni. Buk tling lo a awm ve lo. Tuikual 'A' tuichhunchhuah thlangah kan awm e. Mamawh i neih chuan min rawn pan ve teh. KT MAWIA ENTERPRISE TUIKUAL, SAIRANG ROAD TUICHHUNCHHUAH THLANG (3-1) Ph : 9436153365

TEAKWONDO ZIR DUH TAN

Thalai leh naupangte tana rilru leh taksa insawizawina tha, zuk leh hmuam ruihtheih thil laka fihlim thei Game Discipline tha,Catch Them Young policy a hlawhtling ber,Pathian thu hrilna hmanrua atana hmun tam taka an lo hman thin TEAKWONDO zir duh tan Admission a tih theih a ni e. Class kal hun : Zing Dar 6:00-7:00(Mon-Sat) A Hmun:Hawla Indoor Stadium Republic Vengthlang Teakwondo Club Ph.- 9612705323/6436196487 (3-3)

Article chhunzawmna.. ka chhuahsan ta zal zal ringawt a. A tawp berah chuan, kan vote thin anni emaw nilo emaw theihtawp zawng an lo chhuahin an lo hah hle a ni tih ka hre ta. Ka pui thei a nih loh chuan ka sawisel tawh lovang ti chungin in lam ka pan ta a, kan duh tak a kan thlan Local Council member-te hi i tawiawm tlat ang u, sawisel mai lovin i fin chhuah ang u, Ruling leh Opposition (party party) ti lova an thu khawm, infiam bawrh bawrh mai te, in ngai em em a an in kuah bawrh bawrh ka han hmuh khan ava ropui em! Republic Veng ROPUI ZEL RAWH SE tih hi ka ngaihdan a ni ta ber mai, Local Council te hian an khawih loh tur an khawih anih si chuan GAS hi tunge semin vengchhungah chaw lut ta ang le? He chanchinbu-ah ngei hian ka chhiar ve tawh a, Aticle ngaihnawm tak leh bengvarthlak deuh mai, Gas chung changah hian, mahse Local Council ngaihtuah ngai lova kan ngaihtuah thei a nih si loh chuan lawm taka kan puih mai hi a va tha em. Chutihrual erawh chuan 'thurawn' i pe ngam ang u. Kan harsatna leh lungawi lohnate, mi zing a sawi mai lovin an hnenah i thlen ngam thin ang u. Eng pawh nise thil hre hnem a piang an fing ber lo a, a hre tlem a piang an 'mawl' kher lo tih hi ka pawm dan a ni e. A tawp ber a tan Local Council hian gas thlen that leh that lohah mawh a phur lo. A thuneihna a ni lo tih hi veng mipuiten i hre nawn leh ang u.

LEIMIN chungchanga hriattur pawimawhte:

1. In leh lo I din dawnin a him leh himloh finfiah hmasa rawh. 2. In hmun chu a him lo a, sakna tur dang I nei bawk silo a nih chuan, tih him theih dan a awm a, chumi atan chuan mithiamte rawn a tha ber fo. 3. Tuichhe paih fimkhur la, tuiluan kawr Drainage mumal takin siam ang che. 4. Hun lo la kal tura I him zawk nan, I in saka tui dawn siam ngei rawh. 5. Kan tan pawikher tur ni lo manhse, themawmte tana hlauhawm thei turin in leh lo din na tur lei lai vak suh. 6. A theih hram chuan, tuikhur hnaih lutuk leh tuihna awmna hmun atanga hnai lutuk loah in sa thin ang che.

Published by Republic Veng Branch YMA, Printed at Zo-Awm Press, Khatla, Copy750