VOL. XXX ISSUE NO. 39 An Official Organ of Y.M.A. Republic Veng Branch Dt. 21.10.

2012

Fa ngah hi Zofa i nih si chuan hnam humhalh na kawng pawimawh tak a ni.

TLEIRAWLTE NI HMAN A NI
The Republican 21st October 2012: Dt.13.10.2012 Inrinni khan Aizawl Urban ICDS Project buatsaihin kan veng hmeichhe tleirawl kum 11-18 inkarte chu YMA hall ah kohkhawm an ni. He Programme hi He programme hi Pu SABLA(Rajiv Gandhi Scheme for J.Lalhmuliana, Chairman CoEmpowerment of Adolescent) ordination committee chuan a chungchang a buatsaih a ni. kaihruai a, Pi Zaihmingthangi'n Hmeichhe tleirawlte hunserh hmangin Pi C.Lalmuanchawikanna tura scheme ropui tak puii Health Worker in health check Ministry of Women and Child up te a neih sak bawk. Mi hrang Development in a duan chu a taka hrangin thusawina hun an hmangin, hman a ni tawh dawn a. Baseline Pu Chhundenga, Circle Officer, Pu Survey te neiin nutrition a then a H.Vanlalruata, Chairman Local zar lo thleng te semchhuah ani tawh Council leh Pu R.Liandawla a. Hmeichhe tleirawl kum 11-18 President Branch YMA ten thu an inkar zawng zawngte a huam tel vek sawi a ni. avangin tihtur a tam hle a .Govt of He programme hi India pawhin a ngaipawimawh hle hmeichhe tleirawlte pual bik a ni a ni. a, hlawk taka hman a ni.

LOCAL COUNCIL HRIATTIRNA

Republic Veng Local Council chuan kan veng chhung a lo thianghlim zawk nan Dt 2.10.2012 atanga thu leh awm hma chuan tuallai a ui chhuak man a nih chuan ui neituin Local Council ah Rs 500/ - in khul tawh tur a ni anga a mantu in Rs 300/- a hlawh ang.

BRANCH NEWS
Central YMA General Conference a kal tur zawng zawng te ni 21.10.2012 chawhnu dar 2:30PM ah YMA Runah inhmuh khawm tur a ni a, he hun a kal lote chu kal thei lo tura ngaih an ni ang.

REPUBLICAN MAN
Section-III atangin Repubilcan man Rs.17,700 dawn a ni. Tin, Repubilcan man hi thehluh a hun tawh avangin la thehlut lo section ten a rang lama thehlut tur leh tan la leh deuh turin kan inngen e.

SECTION YMA NEWS

Section - I : 18/10/12 Executive meeting chuan Member intlawh chhuah Programme a siama, a hun atan 25/10/12 zanah hian tan an tum, nula leh tlangval nu leh pa te in lamah lo awm turin an inngen ani. * Tv Zonunsanga pachuau chuan Section I Y.M.A hnenah 9.Volt battery 5 ape a, a chungah Section hruaitute an lawm hle. * Pi Saikungi'n an vawk thau tak mai Section Y.M.A inhlawh nan min talh tira a chungah kan lawm hle. * Section Y.M.A ten khuang vuakna a te leh a lian an lei thar bawk. * Executive member te football khel tura an inbuatsaih ta mup mup mai. * Section bungrua Thingbuhtlei, Pocket mike te a awmna chin hriat ani lova, in lama lo kawl tha kan awm chuan Property Secy. Pu R.Lalchhuanawma leh Pu Lalthianghlima te hnenah pek luh nise a lawmawm hle ang. Section - III : Ni 13.10.2012 (Inrinni) khan an section huamchhunga street light chhia siamthat hnatlang an nei. Ni 27. 10.2012 (Inrinni) lo awm turah hian sumtuak nan bawng talh an tum a, section huamchhung a chhungtinte tlawmngai a lo leisak turin an ngen. Ni 24.10.2012 (Nilaini) zingkar hian section huamchhung tifai a hnatlang neih tum a ni a, member te lo inring turin an in hriattir a ni. Section - IV : Nimin zingkar khan an section huamchhung tifaiin YMA member te leh YMA chhang member te an hnatlang. Section - V : Pu H.Zoremsiama te chhungkua chuan Tui Bottle 6 (Paruk) khawhar Ina chhawp chi an pe a, an chungah an lawm hle. # Tun kar chho khan Vohbik Run hnuai do that leh thenfai hna thawk in tum thum Zingkar hnatlang leh tumhnih nileng hnatlang an nei a, hnatlang chhuak thin te chungah an lawm hle.
Phek 4-naah chhunzawm a ni..

JAC HRIATTIRNA
Tun hnai chhoah kan veng chhung a chhiat tawk an awm in mitthi in leh a velah zurui leh bengchheng siam an awm leh ta zauh zauh a, heng ho lakah hian JAC chuan khauh taka hmalak a tum a ni. Hetianga rui leh bengchheng siam thin te hi fimkhur tur leh ti tawh lo turin a hriattir bawk.

YMA Information Complaint na

YMA Information hi a chhiat thatah m ipuite hian kan mawh phurhna a ni tih kan hriain a lo chhiat pawh in phone No. tarlanah hian i hriattir thin ang u. 9612310138 Tin, he number tarlan hi Information mike leh a hmanrua chhia report na chauh a ni a, thildang complain na a ni lo.

The REPUBLICAN WEEKLY

Editors Jt. Editors : H. Lalhriatpuia R. Lalthanzawna : Robert Zosangliana RD.Lalrammawia Lalzarzova : H.Lalremruata Lalhmingmawia Andrew Lalrohlua Lalliantluanga Lalthanmawia Zomuanpuia Sailo : Ngurthanmawia : Lalhmangaihsanga Sailo Biakzosanga Kananmawia

Y.M.A. REPUBLIC VENG BRANCH

9862536632 9436159221 9862379583 9612698049 9856310432 9862449817 8974963471 9612318217 8575707353 9612325489 9862732404 9436375023 9862170549 9615820570 9862754953

Dt. 21.10.2012

E DITORIAL B OARD

HRISELNA

Ka Pi Sumkungi
- Dr. K. Lalnghinglova Khatia ka nute hnena, Lehkha a zir duh chuan kan hnenah lo awm rawh se a tih takah chuan Zawlkhawpui lam panin ka inak chhuak ve ta hnak hnak kha a ni a. Ka tan chuan khawpui nun chu a danglamin Ka pite in pawh chu ropui ka ti hle mai. Khawsak phung a danglamin kan tawng thluk thlengin a inang lo nual a, zah ruk chem chem chan pawh ka ngah khawp mai. Ka pi chu mi tawng duh tak, a rilrua awm apiang sawi chhuak phawng mai thin hi a ni a. A hmel lam aiin a rih zawng sawi ila kan mithla thiam zawk ka ring. 8085kg in kar vel awm tur hi a ni a, nu lian, thau, dul kiar a ni. Ka pu erawh pate lam, tawng tlem leh dam diai mai te hi a ni reuh va. Ka pu hi sawrkar hna sang tak thawk a ni a. Zing karahte hian amah hmu duh an rawn kal fova, Ka pi chuan kei tak emaw inti hian a lo chhang ve zung zung a, Chungte chu a theih lovang, sawrkar an inthlak tawh a.. te hi a han ti thla ve ngawt zel a. Zing thawh fuh leh fuh loh tum a nei a, a thawh fuh loh tuma, kan awmpui Burma nula a han hau zet kha zawng khawpui a ri dur dur a ni ber e. Mawipui chuang hauh si lo hian thawmhnaw hi a duh ve em em a. Man to pui pui rawn lek chhuakin, Hei chu ka thiannu Hong Kong kalin a rawn hawn a nia, Insatallment-in ka la ringawt, nalh ka ti lutuk a a han ti a. A ha chhin a, inhmeh lo mahse, a inhmehthu fak der a han ngai te te a. A ni, fiamthute a han thawh ve a, nuihzatthlak si loh nuih luih ngai tlat site kha, tunhnu ka ngaihtuah let leh hian ka nuih hi a za zawk thin. Peih lo chung chung pawn Korean film enpui a ngai a, chutah en mai duh tawk lovin a tukah review neih pui a ngai leh thinte kha a van hahthlak thin tak em! Thenawmten an fate Bangalore-ah an dah, an fate pahnih Delhi-ah a han dah ve nghal zat a. In lengte awm laiin a ring thei ang berin Puja chawlh in rawn hmang dawn em?, Delhi chu a lum em? tiin a fate a han be ngei a. Pawisa singtel thawn a ngaih thu leh an zirna atan chuan eng zat pawh an inhuam thu-in a han tlip mawi mam zat a. A thiannuten Car thar an lei a, chu chu hre ranin Car thar lei a duh ve leh tlat a. Ka pu chuan, phaia an fate awm nen, a hlawh atang ringawt chuan a harsat thu a sawi a, Ka pi Sumkungi erawhin Office lam atanga thai bo dan tur a awm mai lawm ni? tiin thiam takin Ka pu a han kar a, ka pu chuan a aw leh nge nge thin a ni ang, Car thar chu kawtah a inhung chapo leh ar a. Inrinni tuk bazar mawlh mai hi nuam a ti thin. Antam, Maian, Bawkbawn, Lengser, Tumbu, Chingit,
phek-4-naah chhunzawm a ni....

News Editors

Manager Cir. Managers

YMA RUN hmang turte tan Br. YMA I/c Secy., Property - 9862369320 / 9436362024

Kumin chho ah kan veng hian hmasawnna kawng hrang hrangah a nei a tih theih awm e, Gas lak dan tur mumal leh tha tak mai te, bawlhhlawh paihdan mumal zawkte pawh kan nei cho zel a, a lawmawm hle mai. Sanitation Committee te paw'n vengchhung a lo thianghlim a, a lo fai leh zual theih nan section hrang hrangte inelna tur an siam bawk. Section thenkhatte phei chuan an section huam chhung a street light eng thei lote Local Council kut a dah mai lovin an lo siam tha thin bawk a ni. Heng kan han tarlan tlem te atang a lang thei chiang tak chu, veng m ipui mim ir leh khawtlang hruaitute hian hmasawn kan duh a ni tih hi a ni. Kan khawtlang hruaituten hmasawnna turin ruahmanna hrang hrang an siam thin a, heng an remruatna hi lo sawisel mai lo a, thatak a zawm hi mipui mimir hian kan lo tih ve tur pawimawh tak a ni. Thil thenkhatah phei chuan sum leh pai khawn ngaih changte pawh a awm thin a, hengah te pawh hian kan khawtlang hmasawnna tur ani tih leh khawtlang inrelbawlna tur a ni tih hria a, lo pek mai thin hi chhungtinte tih tur a ni tih i hre thar leh theuh ang u.

* Bawlhhlawh paih motor kar khata vawi khat dar khawn rik kha chuan bawlhhlawh dahthat / khawl kawngah buaina tiau chhum pante a zing hman chiai chiai thin a, rilru leh mitthla hian ramhlui zia luikawr remchang a zawh zut zut thin zawng anih kha...tunah edrawh chuan kar khatahvawi hnih tlan tir ruahmanna tha tak an han siam thei ta hi kan LC hruaitute chungah beng pel pelin bawp kan khai e....Gas pawh hi tun aia zing deuh zawk hian an la thlen tir ngei ang tih ka ring tlat a ni. - Lampard-a Nuteii Sec-VII * Holy Heart School bula Mual veng chung peng kawnglai taka kal bul a bike in hung ziah hi chu mipui zah lohna a nilo maw..... - Ninga

The REPUBLICAN WEEKLY

Y.M.A. REPUBLIC VENG BRANCH

Dt. 21.10.2012

SUNNA
Pi Lalbiakdiki, kum- 48 d/o Saplianthanga (L) Sec-I chu ni 14.10.2012 (Pathianni) tlai lam khan an mahni chenna inah a borala, a ruang hi tlaivarpui niin a tuk ni 15.10.2012 ah Republic Veng thlanmualah vui liam a ni. Republican Editorial Board ten khawhar chhungte kan tuarpui hle a ni.

GRASSROOTS COURSE FOR COACHING EDUCATORS

CHHUANAWM
# Tv.Lalchhandama s/o Lalbiaktluanga, SectionI (Hmar Veng) chu Assam Regiment ah tlingin tunah hian Regiment Headquarter Shillong ah training an nei mek.

DAMLO
# Pi Engmawii Section V ami chu Presbyterian Hospital Durtlangah enkawl mek a ni. # Pi Zosangi VII pawh Presbyterian Hospital Durtlangah enkawl mek a ni.

Pic: (L-R) Vannunmawia Vanchhawng, Lalzarzova & Zothansanga

EX-SERVICESMEN
Kum 2013 atan ration card siam thar alo hun leh ta a, a siam tur chuan a hnuaia ziak ang hian October thla ral hma ngeiin secretary Ex-Servicesmen League hnenah pek theuh tur a ni e. Ex-Servicesmen tan :1) Discharge Certificate Xerox Copy 1 2) Thlalak Passport size copy 3 3) Card man tur Rs.10/Hmeithai tan :1) Pasalte Discharge Certificate Xerox Copy 1 2) Identity Card copy 1 3) Thlalak Passport size copy 3 4) Card man tur Rs.10/Section News chhunzawmna....

Section - VII : Section fai ber nih tumna kalpui zelin ni 20.10.2012 (Inrinni) zing kar khan section huamchhung tifaiin hnatlang an nei.

PIC OF THE WEEK

Pic : YMA Library thar tur YMA Library chu tunah hian sak mek a ni e, a awmna hmun hi Field chhak Teachers Training College bulah a ni a, Raja Ram Mohan Roy Library Foundation fund atanga sak a ni.

India rama FIFA Grassroots Course hmasa ber chu October 15-19 chhungin Aizawlah neih a ni a, October 19 khan a kharna hun leh 'Football Festival' hman a ni. He Grassroots Course tel tura mi 28 thlan chhuah zingah Republic Veng atangin Vannunmawia Vanchhawng, Zothansanga leh Lalzarzova te an tel a. Ani pathum hian tluang takin he course hi an zo a ni. AIFF leh MFA tang kawpin November atangin Aizawlah 'FIFA Grassroot Football School' an hawng chhunzawm dawn a, naupang kum 6-12 inkarte inzirna tur a ni ang. Zing karah emaw tlai lamah emaw naupang zirna tibuai si loa football zirna tur a ni ang a, FIFA kaihhruaina anga neih tur a ni a, India rama a hmasa ber a ni ang. MIZORAM PREMIER LEAGUE TAN A NI DAWN TA Mizoram Premier League chu tunkar lo awm tur ni 24.10.12 (Nilaini)-ah tan a ni dawn a. A tan ni ah hian Chanmari FC leh Luangmual FC te an inkhel ang. A tan ni ah hian AIFF Technical Director Rob Baan a rawn tel dawn a, hei bakah hian inkhel tan hmain Concert a awm bawk dawn a ni. Naktuk ni 22.10.12 (Thawhtanni) hian MPL Kick Off Chanmari Hall-ah neih a ni dawn a. He hunah hian Baichung Bhutia chu khuallian a ni ang. MPL Kick Off hi TV Programme tura duan niin Live Telecast a pek chhuah tur a ni a. A hmunah erawh sawm bik chauh an tel thei thung dawn a ni. MPL Round 1 a inkhel turte chu: Ni 24.10.12 (Nilaini) : Chanmari Vs Luangmual Ni 25.10.12 (Ningani) : Reitlang FC Vs Aizawl FC Ni 26.10.12(Zirtawpni) : Kulikawn Vs Dinthar Ni 26.10.12(Zirtawpni) : MRP FC Vs FC RS Annexe Inrinniah Lammual a awl dawn loh avangin Kulikawn leh Dinthar inkhel chu Zirtawpni dar 12:15ah sawn a ni a. A bak zawng hi chu tlai dar 2:30 a khelh a ni ang. Gate Pass hi Rs 30 man niin Club Gate Pass man erawh club thuneihna a ni thung anga, Club in MFA atanga Rs 5 a leiin an duh zat zat in an hralh thei dawn a ni.

The REPUBLICAN WEEKLY

YMA MOTTO: * Hun awl hman that * Zofate hmasawnna ngaihtuah * Kristian nundan tha ngaihsan

Y.M.A. REPUBLIC VENG BRANCH

Dt. 21.10.2012

RBC CHAK NGHAL

Republic Basketball Club (RBC) chuan Marova Memorial Tournament a an game hmasa berah Serpents 'B' chu walk over a hnehin second round an lut. Ni 22.10.12 (Thawhtanni) dar 1 hian Big Chief nen Hawla Indoor Stadium, Republic Vengthlang-ah second round an khel ang. Marova Memorial Tournament hi TBL Club buatsaih a ni a, he tournament hi knockout tournament niin team 34 an tel a. RBC team players te hi Republic V e n g

YMA NIHNA : YMA chu Politics rawngkai lo tlawmngai pawl a ni.

Article chhunzawmna....
Behlawi, Bahkhawr chenin..a! sawi sen leh ei sen pawh a ni lo, a hmaa chhuak apiang kha a lei hmiah hmiah mai a. A bawr thei ang berin kan han inkhai a, khatianga a thiante leh mite hmuha inkhai bawr vel kha a nuam tih zawng a ni a, a Game plan ve reng a ni. Kan Vawksa lei a thau chhah zia leh a zunthlum vei ka ngaih tuah hian, heti vang a lo nih dawn hi Tawngtai dam thei a lo ngaihsan em em ka ti ta a. Mak deuh mai chu sawma pakhat pek leh buhfai tham a ngaipawimawh ve leh tlat hi a ni. Kohhran hmeichhe feh chhuahna leh remchangah Pathian thu, Sawma pakhat pek chungchang hi a dawn thar a ni ziah bawk. Kohhrana sum an chhun hnemziate chu a ti ti tui ber a ni a, mahse a thinlung erawh sawma pakhat hi Pathian hnenah a pe ngut ang em aw? ka ti thin. Chutihlaiin, Kohhrana hlimna a awmin Haleluia Amen ring ring leh chawlhni tuka hnu ulh teuhva a tawngtai thei leh maite kha a fakawm letling hian ka hre thin! Mahse, a sim theih loh thenawmte rel leh an fate sualna sawi chu nuam a tiin, ka bulah leh kan awmpui burma nula bul thleng mai hian thenawmte zu rel peih a! Ruahmanna hi a ngah thei thin khawp mai a. In chung zawlah vawk vulh ang a ti a, kan han vulh ta cheng a. A chaw a hautak, a hlawk lo a ti a. Chutah Broiler vulh ang a ti a,a hnuah layer-in kan thlak leh a, a engamah chu tih puitlin tak tak awmchuang si lo. Chutah, a thianten Anthurium a hlawk thu leh Australia, UAE, etc. thlenga an thawnchhuah thu alo hre ve leh a. Anthurium-ah bul kan tan tha ve leh a. Karei! Australia-a thawnchhuah chu sawi loh kan kawta Anthur ka phun ai pawhin Anthurium kha kan chhawr tangkai lo zawk. Krismas a lo hnai a, thingtlang atangin ka pu chhungte Bazar turin an rawn zin ve a. Ka pi chuan a fate thawmhnaw hak hlui a khawm a, satha ipah a khung khawm a, inti fel fa hran hian a hawn tir teuhva. Ama chhungte erawh Tv, Frigde,etc. thlengin a lei sak a, kan hriat bakah pawh engtin tak tanpui thin ang maw..? Ka pute chhung erawh chuan thawmhnaw hlui bak an chang si lo. Ni e, Ka pi Sumkungi zet zawng, kha leh chen kan chen ho chhung khan a zia tur awm ang reng reng hi ka hre thei lo. In chhungah a ang bawrh bawrh emaw tihlaiin thenawmte inah a lo va nui thler leh ang duai duaia. Vawiina a ruahmanna hi naktukah a duh lo leh a, Nu danglam tak zawng a ni ngei e, amah ang hi kan khawpui nute zingah hian awm ve tak ang maw?

SA THIANGHLIM
Vawksa rep,Shilong bawngsa rep,Ar puahsa leh Sangha tuihnai tak engtiklai pawhin in lamah leitur kan kawl reng e,Vengchhung mipui ten min han dawr ve teh u. Contact :VL.Ruata 8974807134 (3-3) Kela Road

SOFA SOFA SOFA

Sub-Centre hnuai ,Sec VIII ah Sofa Design chi hrang hrang kan siam thei in,a order theih reng e.Chu mai bakah THINGZAI lei tur a bulah kan zuar bawk e. Contact : 9862536430 Lalhruaia (3-3) 8974798707 Republic Hmar Veng

Published by Republic Veng Branch YMA, Printed at Zo-Awm Press, Khatla, Copy750