VOL. 31 ISSUE NO. 05 An Official Organ of Y.M.A. Republic Veng Branch Dt. 03.02.

2013

Kan ram leh hnam hi a dam loh chuan nang pawh i dam bik lo tihna a ni.

CYMA OB LEH HRUAITU HLUITE THUKHAWM

Republican 3rd February 2013 : Ni 30.01.2013 khan Central YMA committee room ah CYMA office bearer te leh tunhma lam a office bearer lo ni tawh thin te tunlai boruak thlirin an thukhawm. He hunah hian, thil tam tak an sawikhawm zingah YMA hmalakna Ram leh hnam humhalh chungchangah, hruaitu hlui te chuan YMA chu nu leh pa chan chang turin an ngen a, YMA chu tlawmngai pawl, tanpuingaite tanpui tu anih angin tlawm atul chuan tlawm hreh lo turin an chah. Central YMA hmalakna reng reng an thlawp tlat thu te sawiin, Politics tel lova huaisen taka kal zel turin Central YMA chu an chah bawk. Kar hmasa lamah khan Central YMA hian Sinlung Hills Development Council (SHDC) huam chhunga YMA Branch thiah tak te zirchiang tur leh YMA dinthar leh a nih theihnan a hmunah an tlawh chhuak tawh bawk a, he an hmalakna ah hian Vanbawng Students Union chuan lawmawm an tih thu leh YMA dinthar leh anih theihnan a CYMA hmalakna chu a tawp thlenga an thlawp thu an tarlang bawk. Ni 29.01.2013 khan CYMA Committee room ah CEC meeting neih ani a, hetah hian YMA Branch thiah tak te zirchiang tura kal ten report an pe a; YMA branch din thar leh tura theih tawp chhuah nise an ti. HPC(D) hruaitute pawh sawipui tura an lo ngen angin, titi pui dan kawng dap nise an ti bawk. He CEC meeting hian Mara leh Lai thalai hruaitute nen a inkawm rawtna pawh, Lunglei SubHeadquarters Hruaitute nena inberawnin a hun tur ruat nise an ti bawk.

BRANCH YMA
Nimin ni 2.2.2013 (Inrinni) khan Branch Executive leh Section tin OB te kuang siam in hnatlang an nei.

LOCAL COUNCIL NEWS

Mizofed Gas sem anih hma hian Local Council ten tan lakna turin veng chhunga Mizofed gas consumer card number te Mizofed Office-ah pek a ni thin a, Mizofed lam te hian heng consumer number kan pek hmang hian company lamah booking an ti thin a ni. Hemi anih avang hian gas sem nikhuain "I gas card a thi/suspended/transfer a ni e" tiin hriattir kan ni thin a. Hei hi Mizofed showroom, Bawngkawn Sairang Road-ah va zawhfiaha tihfel tur a ni. Hei hi kan tihfel hnuah Pu Lalremtluanga, LC Member hnenah in report leh thin tur a ni. I in report loh chuan i consumer card kha book leh hunah paih anih thin avangin gas lak chungchangah kan tawh phah thin, chhungtin ten hei hi ngai pawimawh turin hriattir in ni e. Tunah hian mahni Gas Card thih leh thih loh Pu Lalremtluanga Local Council member hnenah enfiah theih ani.

HRIATTIRNA
Mizoram Helth Care Scheme hnuaia registration tiduh te tan Republic Sub-Centre ah office hunchhungin a la tih theih reng a. BPL atanga Registration ti turte tan February ni 10.2013 thleng hun hawn a ni. APL a Registration ti turte tan February ni 20.2013 thleng hun hawn a ni a. Hemi hun chhunga ti lo tan hun dang a awm tawh lovang. Registration ti turten hengte hi hriat / ken tur a ni:1. Chhungkaw hotu voter's ID 2. House No. 3. Phone No. 4. Chhungkaw hming leh kum zat Registration tih nan BPL tan thlalak man Rs.30/- ken a, APL tan Bill duh zat a zirin Rs.500/- atanga Rs.1000/- a ni.

Section I : YMA leh YMA chhang membership fee an khawn mek a. Nimin zingkar khan vengchhung tihfai hnatlang an nei a, member an thawk chhuak tha hle. Section III : YMA member leh YMA chhang member zawnna chu anzo thawkhat tawh a,Branch YMA in Bethlehem veng kangmei tuarte tanpuina thawhlawm khawn tura antih chu an khawn zo tawh bawk, hetah hian Rs.13,825 an khawn khawm thei a,thawhtu te zawng zawng chungah Branch YMA hmingin Section chuan lawmthu an sawi ani,Kan vengah pawh Bethlehem veng ang a chhiatna thleng thei anih ve avangin Section YMA chuan khauh taka hmalak

atuma,kawngsir a zu in leh thutkhawm an remti lo a, hetiang tilui an awm chuan an chungah nataka action lak ani ang. Section IV : Local Council-in a hriattir angin an section huamchhungah kawngkamah, lirthei dah / riah khap tlat a ni a, hemi kawngah hian LC lamin section YMA te hmalakpui turin a ngen tawh a, section huamchhung mipuiten hei hi zawm turin an in ngen a ni. * Kum 2013 a YMA member tur, zawn chu zawh fel a ni tep tawh a, member zawng tura ruat ten kan zawhfel tawh chuan section secretary hnenah thehlut thuai turin an inngen a ni.
Phek 3-naah chhunzawm a ni..

The REPUBLICAN WEEKLY

Y.M.A. REPUBLIC VENG BRANCH

Dt. 03.02.2013

E DITORIAL B OARD
Editors Jt. Editors : H. Lalhriatpuia R. Lalthanzawna : David Lalhmangaihsanga RD.Lalrammawia Lalzarzova News Editors
9774512681 9612318217 8974435015 9856347837 9774378498 9862732404 9612325489

9862536632 9436159221 9862170549 9612698049 9856310432

NU THURUK
Kum 20 vel leka upa nula chhelo fahran mai, nun hlim bawk si, kawm nuam bawk si Kelly te ang tan chuan thian siam chu thil awlsam tak a ni. College zawh nan kum khat bak a ngai tawh lova, a hna duh berin a lo hmuah bawk avangin a hringnun kawng chu a tluang viau a tih theih awm e. Mahse hun a liam zel a, tunah chuan kawng bumboh a hmachhawn a ngai ta a; a bialpa in hmun hla taka hna a hmuh avangin a then a, a hna hmuh chu zawm a, Kelly kalsan chu a thlang ta a. A bialpa in a hriat loh chu a bialnu a kalsan satliah lova, a fanu a kalsan tel tih hi a ni. Kelly chuan a bialpa kal hma karkhat a la awm chuan a rai a ni tih inrinhlelhna a nei a, mahse an inthen tawh tho avangin a hrilh buai duh lova. A bialpa chu a hunlai chuan hmangaih ve viau mahse a tello pawha a hlim theih a in beisei avangin a hrilh lo te pawh a ni mahna. A inrinhlelhna chu a dik ngei a ni tih a hriat hnu chuan doctor tam tak a rawn a, nau tihthlak chu a thlang ta a. A thuthlukna ah chuan a lungngawi mai bakah a tisual lovin a inhre nghe nghe. Kelly chuan pasal neiin chhungkaw hlim tak a din leh ta a. Tuman a thuruk an hre lova, chu chu a duhdan leh a tha a tih dan ber pawh a ni reng a ni. A chang chuan a thiltih han ngaihtuah chhuah chang te chu nei bawk mahse a nun tam zawk chu a hlim viau thung. Mahse zirtawpni tlai thil thleng chuan danglamna a rawn siam ta a ni. Kelly chuan a fate pahnih lam turin a car chuan school a pan a, muang changin a car chu khalh mahse kawng peng atanga truck chak taka rawn tlan chuan a car chu a rawn su a. Seatbelt chu vuah eng ang mahse a sut nat em avangin dam chhuahna chi a ni lo. Mahse Kelly chanchin hi he chhiattawhnaah hian a tawp mailo thung. Kan hriat tur chu, kum 7 kal ta khan Kelly hian a chhungte leh a thiante bulah inkhawmnaa piantharna a chan thu leh Isua chu a vawi khatna atana a neih tak tak tawh thu te sawiin, a thih hnuah pawh vanram a chan ngei tur thu a lo sawi tawh a. Mahse, tunah chuan thihna chuan Kelly chu a tawng ta ngei a, vanramah chuan Pathian chu a hmachhawn ta bawk a. Rorelna ni mitinin an hmachhawn tur chu a hmachhawn ta a. A vawikhatnan Kelly chuan Pa Pathian leh a dinglama Isua Krista lo thu chu a hmu ta a. A hmuh hmaih miahlo bawk chu Isua malchunga a fanu thu chu a ni. Kelly thuruk chu a thiante leh chhungten hre lo mahse thuruk tak tak erawh thuhruk a ni lo tih a chiang ta. A fanu chuan zawhna rawn zawtin,"Ka nu engngatinge min thah mai le? Engvanginnge Pathian ang hian min pawm a, min
chhunzawmna page - 4

Reuben Lalthanchhunga Andrew Lalrohlua Lalnunthanga Andrew Lalrindika F.Vanlalhriata Zomuanpuia Sailo Lalthanmawia

Lalruatfeli - 9612326171 F.Lalbiakzuali - 9862142550 Lalruatpuii - 9862344936 Jolie Lalruatsangi - 9089734017 Abigail Remlalfakawmi - 9862365557 Lalngaihsaki Fanai - 9089682276

Manager Biakzosanga Kananmawia

Biakengmawia 9862860225 Cir. Managers - 9615820570 H.Lalremruata - 9862449817 - 9862754953 Lalbiakthuama - 9089603091

YMA RUN hmang turte tan Br. YMA I/c Secy., Property - 9862369320 / 9436362024

K an hriat theuh angin ni.29.1.2013 (Thawlehni) zan zanlaia kan veng thenawm B e thl ehe m v eng a c hh iat na thl eng kh an ngaihtuahna a tithui duh khawp mai, misual tute thil tih em aw vanga paw isaw ilo in a antawrh hnem zia kha ngaituah nasat poh leh thinrimna a ti zual. Kristian ram inti si ina kan thil tawn te hi arapthlak teh e, hetianga mi lirthei suasam leh hal mai pawh duhtawk lova mi chenna In leh zel an han hal duh hi man chhuaha nataka hremna pek ngei an phu a ni. Chhiat tawk chhungte leh Bethlehem veng khawtlang te an tawrhpui awm tak zet a, chutih rualin kan Branch hruaitu ten tanpuina pawisa fai In tina khawn tura ngaihtuahna an seng vat te hi fak an phu hle mai. YMA chu "Tanpui ngaite tanpuitu a ni" tih kan motto anih kha, midangte tanpui theia kan la awm hi Pathian rawngbawlna hlu tak ani, kan Bible pawhin heng mite ber chunga ti hi ka chunga ti inni atih kha. Bethlehema venga thil thleng ang kha kan veng chhungah ngei pawh hian thleng thei anih avangin kan lo inven lawk pawh angai hle m ai,hetiang paw ikhawih chingte hian kan vengah pawi ankhawih loh nan YMA / JAC leh khaw tlang m ipui ten tangruala theihtaw p chhuah a kan inven apawimawh tak zet a ni.

* Kan Local Council member te an fakawm hle ;mai gas leh soil quarter kawi siamthat chungchangah pawh mahse han tang leh deuh teh se. Hmawngkai atanga Biak In panna kawng inkar hi pawisa awmsa vek an tihna a va rei ta em ve le. Hmalak tharna atan ava tha ve. - Zep Zuap-a * Republic Veng Branch aiawha hmeichhe basketball a chhuak turte kha in van fakawm em! Kan veng in hma a sawn phah ngei ang. In kal zelna turah duhsakna kan hlan a che u. - Zep Zuap-a

The REPUBLICAN WEEKLY

Y.M.A. REPUBLIC VENG BRANCH

Dt. 03.02.2013

ZIN/HAW
Pu H.Vanlalruata, Local Council Chairman, chu hna pawimawh ah Silchar zinin, nimin Ni.2.1.2013 khan tluang takin a rawn haw.

DAMLO
Pu Dengvunga, Sec-IV ami chu damlohna avanga damdawiina a awm hnuin In lama inenkawl chhunzawm turin a rawn chhuak.

AWM THAR
* Pu K.Vanlalruata te chhungkua chu Hnahthial atangin kan vengah an rawn pem a, Section-III Pi C.Siamhnuni w/o R.Zathianga (L) te in an rawn luah. * Pu F.T.Lalbiaktluanga te chhungkua chu Chanmari Veng atanga rawn pem in, an in sak thar Pu H.Lalnunmawia te inbul Section-I-ah an awm. Section News Chhunzawmna ... Section V : Ni 31.01.13 (Ningani) khan Bethlehem Veng kangmei tuarte tanpui na an khawn a, Rs 6,570 lai hmuin Branch ah an thehlut nghal a, tanpuina petu zawng zawng chungah an lawm hle. Chhung tin te kangmei chhuak thei hrang hrang lak a fimkhur turin an in ngen nawn leh nghal bawk. Section VI : Kumin chhung atan YMA leh YMA Chhang member inzawm chu an zo fel a. Tin Bethlehem Veng a inkang tuarte tanpuina khawn chu an zo tawh bawk. Section VII : An section chuan YMA chhang an din tawh a, commanders atan Lalnunhlua leh Lucy Lalchhanhimi te an ruat. Kum 2013 YMA chhang hruaitute chu Leader : Eddie Lalramhluna Asst. Leader : Zosangzuala Secretary : Fonda Lalnunpuii Asst. Secy : Rondy Lalremsiami Treasurer : Samuel Lalramdintluanga Fin Secy : Hannah Lalnunfeli Heng bakah hian committee member 25 an ruat thar bawk.

Pic : Section VI YMA te chuan Soil Quarter kawi zauhna tur laivung paih hnatlangin an in hlawh.

RBC IN SERPANTS-B AN HNEHLO Ni 1.02.13 (Zirtawpni) tlai khan Republic Basketball Club chuan Chawnpui Basketball Cout-ah Serpants-B nen an in tum a, vanduai thlak takin 62-58 in an hneh zo ta lo a ni. RBC hi Third Division Screening a SerpantsB an hnehloh avang hian Season tharah Second Division-ah an awm thei dawn ta lo a ni. MPL -AH GOAL 96 A LUT TAWH Mizoram Premier League Season 1 chu Round 10 thleng khelh a ni tawh a, goal 96 a lut tawhin match tina goal 2.4 lut ang zel a ni. Heng goal 96-ah hian own goal pakhat chiah a awm a, own goal tiam lovin goal 95 a lut tawh a, chung goal 95 te chu player 54 thun a ni. Republic Veng tlangval F. Lalrinpuia (Mizoram Police FC) chuan goal 6 a khung tawh a, ani bakah Lalbiakhlua (Mizoram Police FC), R. Laldanmawia (Dinthar FC) leh Lalnunmawia (Dinthar FC) ten goal 6 thun tawh bawk. C. Lalnunmawia'n (Mizoram Police FC) goal 5 thun tawhin, Denghmingthanga (Luangmual FC) leh B. Zoramthara (FC Kulikawn) ten goal 3 ve ve an thun tawh bawk. SANTOSH TROPHY : MIZORAM TEAM-AH VALPUIA India rama State hrang hrangte senior level a inelna sang 67th National Football Championship for Santosh Trophy khel tur, Mizoram player 20 thlan zingah kan veng tlangval F. Lalrinpuia (Valpuia) chu thlan tel a ni. MPL team atang Mizoram Police FC-in player 7 thawhin Dinthar FC-in player 7 an thawh thung a. Chanmari FC in player 4 thawhin FC Kulikawn leh Reitlang FC-in player 1 ve ve an thawh bawk. Aizawl FC, Luangmual FC leh FC RS Annexe te'n player pakhatmah an thawh lo thung. Santosh Trophy vawi 67-na hi Kerela leh Uttar Pradesh-ah February ni 1, 2013 atanga khelh tan tura ruahman a ni a, he tournament ah hian State hrang hrang leh Union Territory te bakah Railways leh Services te tiamin, team 34 an tel ang. Mizoram hi Qualifying Round 1, Group C-ah Maharastra leh Uttar Pradesh te nen an awm ho a, an Group atang hian pahnih an tlang ang. Mizoram Fixtures at Lucknow/Varanasi (UP) 12/2/2013 Mizoram vs. Maharashtra Group C 14/2/2013 Uttar Pradesh vs. Mizoram Group C TV SCHEDULE (Ni 03.02.2013 - Chawlhni Zan) Barclays Premier League 2012/13 07:00 PM : West Brom v Tottenham (ESPN) 09:00 PM : Man City v Liverpool (ESPN) Liga BBVA 2012/13 09:30 PM : Sevilla v Rayo Vallecano (Starsports) 11:30 PM : Valencia v Barcelona (Starsports)

The REPUBLICAN WEEKLY

YMA MOTTO: * Hun awl hman that * Zofate hmasawnna ngaihtuah * Kristian nundan tha ngaihsan

Y.M.A. REPUBLIC VENG BRANCH

Dt. 03.02.2013

HRISELNA HUANG
PURUN VAR THATNA
Purun var hi lung(heart) hriselna atan a tangkai em em a ni. Kan ei leh inah te hian kan taksa tana hlauhawm khawp tho kan ei chuan lung natna a thlen theih mai bakah kan thisen pawh a tisang thei a. Hetiang laka min veng tur leh kan taksa a thau tam lutuk tur ti hniam tur hian purun var hi a tangkai em em a ni. Nitin 600-900 mg purun var ei hian heng thisen leh lung a thau tam lutuk tur hi a ti tlemin a veng thei a ni an ti. Purun var hi zunthlum(diabetes) tan a tha hle bawk a hriat a ni. Zunthlum natna lo awm chhan ber chu thisen a taksa mamawh tawk aia tam thlum a awm vang a ni ber a, inthlahchhawn atang te pawhin a awm thei bawk a ni. Mithiam ten an hmuhchhuah dan chuan purun varah hian thil pakhat S-allyl cysteine a awm a, hei hi zunthlum veite tan a tangkai em em a, S-allyl cysteine hian kan ei leh in a thlum awm te kha a lo ti tlem in natna dang a thlen theih lakah a lo veng thei a ni. Hei vang hian zunthlum natna veite chuan purun var tam tawk an ei khan an thisen a thlum tam lutuk tur kha a lo ti kiam thei a ni, an ti. Purun var hian natna chi hrang hrang lak atangin kan taksa a venghim thei bawk. Kan taksaa natna do theihna a tihchak avangin hritlang leh awmna te, tha na damdawiah te pawh an hmangin a veng thei a, cancer natnate pawh a veng thei ni a hriat a ni.

YMA NIHNA : YMA chu Politics rawngkai lo tlawmngai pawl a ni.

Article chhunzawmna...... hmangaih ve theih loh?" tiin a lo zawt ta khauh mai a. Kelly-i'n engtinnge chu zawhna hriam tak chu a chhan tih ka hre lova, ka ngaihtuahnaa lo awm zawk chu naute pa in a thih hunah rorelna a hmachhawn tur hi a ni. A la hmuh ngai miahlo leh a awm tih pawh a hriatloh a fanu a hmuh hun tur chu a ni ka ngaihtuah ni. A thil tihsual theihngilh tawh chu rorelnaah chuan pholan a ni anga, chumi huna naute pa hmel tur ka ngaihtuah hian, ngaihtuahna a kal thui khawp mai.

LAWMTHU SAWINA
Kan nu Satinpari Kum 58 W/o R.Lalthuama Khawzawl Zaingen veng Dt.28.1.2013 a min boral san chungchang ah vengchhung nu leh pa leh YMA nula leh tlangval te min buaipui na zawng zawng ah khan kan lawm tak zeta, kan chhiat tawhna avanga Thenawm khawveng min lainata in tha leh zung leh sum leh pai in sen zawng zawng te kan rul seng lo che u a,Pathianin a let tam zawkin Malsawm che u sela tih hi kan tawngtaina ani, tin aruang phurh na tur Khawzawl Welfare te min buaipuina zawng zawngah khan lawmthu kan sawi tak meuh meuh bawk ani,tin, Republic Branch YMA in kuang mawi tak min siamsak bawka,kan mualpho na tur zawng zawng ah min hliahkhuh inmin thlah liam te kha kan lawm tak meuh meuh ani In khawngaihna dawngtu, R.Lalpianglawma te chhung Section - VI

ANGANWADI CENTRE NO.1 COORDINATION COMMITTEE 2013 HRUAITU TURTE

Chairman :- Pu J.Lalchhuanmawia Vice Chairman :- Pu Lalchhuanawma Secretery:- Pu Lalfakzuala Asst. Secy :- TV R.Lalremruata Treasurer :- Pu R.Vanlalrema Finance Secy :- Pu K.Vanlalhruaia

LUNGPHUN SAWMNA
Kan hmangaih mi pali kal ta te :1. F.Lalbiaktluanga, Kum - 75 2. Rohnuni Sailo, Kum - 82 3. F.Lalawmpuia, Kum - 44 4. F.Lalhriatpuii, Thla - 4 Hriatrengna lungphun kan tum a, vengchhungah sawmna kan siam loh avangin hei hi sawmna a min ngaihsak turin kan ngen che u. A hun A hmun Zai ho Hunserh : : : : Ni 7.2.2013 (Ningani) Pu F.Lalbiaktluanga (L) In Republic Venglai, Sec-III Dar 11:00 AM Dar 1:30 PM F.Lalthuama te unau Republic Venglai

MM MOBILE PHONE
Phone seconhand tlawm te tein lei tur kan nei reng e. Repairing kan ti thei nghal bawk e. Phone hmanlai hralh tur nei tan kan hralh sak thei reng bawk e. Veng chhung mi duhsak an ni ang. M.M. Mobile Phone Khatla Hnamte Press Building 1st Floor (3-1) Phone : 9856880025 / 8575779562

REPUBLICAN INTERNET-AH
Internet awm tawhnaah phawt chhuah 'Republican' hi a chhiar theih a. A chhiar duh chuan www.facebook.com/republicvengchanchinbu hi tlawh mai tur a ni. Kan chhungte / thiante veng hmun hran / ram hran a awm te hnenah he blog hi in hrilh hria ila, vengchhung chanchin an lo hre thei thin dawn a ni.

Published by Republic Veng Branch YMA, Printed at Zo-Awm Press, Khatla, Copy750