Professional Documents
Culture Documents
V o l u m e X I.
I s s u e N o . 30.
P h k Khatn a
Khawvel
Kohhran
Thu hmahruai: Pathianin Abrahama kal tlanga tih a tum chu, nangmah avangin hnam tin an la thawveng ang (Genesis 12) tih hi a ni a; hei hi Abrahama thlah atanga Chhandamtu lo kal tur a sawina a ni (Joahana 4). Jehova, Israel mite leh Palestine ram hi Trinity anga a inzawm tlat a,a miten an hawisan chuan, an ram pawhin a tuar thin;Amah Jehova an zui that chuan, anmahni leh an ramin hamthatna an dawng thin. Mosia leh zawlnei zawng zawngte thusawi laimu pawh kha Lal Isua hi Pathian thuthlung tifamkim tura lo kal ani a, a thawhleh hnua a thu sawiah pawh hei bawk hi kan hmu ani(Luka 24) . Lal Isuan Kohhran a rawn din khan (Matth 16:18), Setana-thim lal thuneihna hneha a lal ram din tur leh Pa remruat chu hlen chhuak turin a lo ruat leh ta a ni. Pentikost nia Thlarau Thianghlim a lo thlen khan,Isua hi Lal leh Chhandamtu anihzia khawvelin an hriat theih nan Thlarau hi pek anih thu Peteran a rawn puang a (TTT2). Israel hoten khawvel hnena Chanchin Tha hril an lo hlawhchham tawh kha, a Kohhrante chuan an hlen chhuak dawn ani (Rom 10-11). Pathian thiltihtheihna hun hnuhnunga lo lang tur ropui tak avangin, zawlnei chuan Tuifinriat chu tuiin a tikhat ang hian, khawvel pumpui chu LaLalpa ropuizia hriatnain a la khat dawn ani (Hab 2:14) tiin a lo puang tawh a ni.Tunah hian ram tinah Chanchin Tha chu rahin a pung mek a ni (Kol 1:6). Lalpa chu fakin awm rawh se! Lal Isua thupek ropui Kal ula ram tinah, mi tin hnenah Chanchin Tha hi hril ula, ziritirahte siam rawh u (Matth 28:19,20; Marka 16:15-18:Luka 24:26-27:John 21:21,23:TTT 1:8) a tih hi Pathian chuan a la thlentir dawn tih Johana hmangin a lo sawi lawktawh a ni. Khawvel hnam tin, chitin leh tawngtina mite chu Lal Isua lalna fakin an ding dawn a (Thupuan 7:9). Hei hi kan vision ni ve se a va ropui dawn em! Tirhkohte Thiltih hi- Thlarau thiltih bu a ni Pentikost ni hi Kohhran lo pianchhuah nil eh hun thar Pathianin a hawn tan ni a nihzia chu zirtir tlemte khan Jerusalem khawpui an chawh buai hnehzia kan hmu anih kha. (TTT2-5) Petera a lo ding chhuak a.mi dawizep tak kha, mite mak tih khawpin huaisen leh thiltihtheihnaa thuama awmin Lal Isua hi Lal leh Chhandamtu ani e- tiin a tlangau ta.Kohhran tiak tira ringute nun leh thusawi khan mi a hneh tawp- an danglamzia miten an hmu tlat. In chhungah Chhungkuaah house church angin chhangphel leh fellowship-te neiin Kohhranin bul tannin, society thar Kristian (Krista zuitu) an lo chhuak ta. Thilmak tam tak lo thlengte chuan PathianThu an sawi dikzia a rawn nemnghet zel a, dodalna lo thlengte pawh Chanchin Tha puan darhna hmanrua a lo ni ta zel mai (TTT 5-9). ) Thlarau Thianghlima harhna hi Mission to bul a lo ni a, chu Thlarauva harhna chu tawngtaina hmunah a lo thleng thin ang khan, LALPA hmaa inleihbuaa tawngtaiin tan I la thar leh ang! Pathian Thlarau chuan harhna ropui tak hmangin, hmun tinah Lal Isua chanchin hriltute hmangin, piantharna leh lawmna a thlentir ta zel a, Samari ram mite leh Rom mite pawhin Chanchin Tha an lo ngaihven ta. Heta kan zir tur pahnih pawimawh tak tak chu- Judai ram atanga Samari leh a chhehvela mite hnenah Chanchin Tha a lo thleng ang khan, kan thenawmte leh hnam dangte pawh hi Chhandama awmah Lalpan a duh vek a ni tih kan hriat a va pawimawh em! Petera pawhin he cross-cultural mission hi a lo hmu thiam ve ta .(TTT10). Mahni hnam rilru thihsan hi a har khawp mai, missionary rilru pu tur erawh chuan, tihmakmawh ani tlat.Hnam dang kan tih hi Pathian rilruah chuan, an dang lova, bul khat vek, inzawm vek kan ni (TTT17). Zoram Kohhrante hian a hnai vai tribal to tribal mission lama inhmang zo lovin, a tam leh tul ber- a vai hnam pui hote zawkte hi cross-cultural Mission hmangin an zingah I thawk ve tawh ang u. Barnaba leh Paulate an rawn chhuak a, Antiokei Kohhranah zirtir leh rawngbawla an inhman laiin, Thlarau chuan missionary atan a kap chhuak ta a.(TTT 13). Kohhran din chhan ber chu Missionary tirh chhuah ani a, Mission tum bul ber (goal) chu kohhran phun leh tihdarh zel a ni tih hi heta tang hian khawvelin an lo zir ta bawk a ni. Kohhran an phun a, chung Kohhran an phunte chuan Kohhran dang an hring leh ta zel a ; Kohhran tiak tharin Kohhran dang a hrin zel hian, Kohhran a lo pung chak thin a lo ni! Survey pakhatah chuan, Kohhran tam ber hian an sum lak luh 80-90% hi anmahni huangah an vawm ral leh thin tih a ni. Amaherawhchu,Jerusalem atangin Judai leh Samari ram leh ram tinah Gospel a darh theihna chu, kohhrante khan luan chhuahzel hi an thlang tlat a lo ni. Hei hi an punna leh thanna thuruk a lo ni. Kan Kohhran committee hian kan Amen thei ve ang em le? Asia, Europe leh Africa ramah Chanchin Tha a darh zel a (TTT8-16), keini Kohhran hian khawi ram leh tute hnam nge kan thlen ve tawh le? Kohhran hmasate hnen atang hian zir tur kan va ngah em! An darhna apiangah Chanchin Tha an hril zel a- tih ngawt pawh hi, Zofate hian hetiang tak hian Lal Isua Chanchin Tha hi han buaipui ve teh reng ila aw- Lalpa chakna, thiltih theihna leh malsawmnate hi kan va tawng baw hnem dawn em! Lalpa remruat hi a va mak em! (phek li naah chhunzawm a ni)
PUMPUI
Chanchin |ha
-a hrilh
V o l u m e X I.
Website
I s s u e N o . 30.
Phk Hnihna
http://www.mizobaptist.org
Asia Pacific Baptist Federation (APBF) Congress, nakum September thlaa neih turah BCM chuan Zaipawl intirh nise a ti a; Worship & dawnglianakms@yahoo.com Music Committee chuan Lawngtlai Area Zaipawlte kal turin a ruat.
Email: Chief Editor Rev.R. Lalchamliana Executive Editor Rev.C. Lalbiakzama Editor K.M.S.Dawngliana 9436371385 Circulation Manager H. Lianchhngi 9436370532 Address: Baptist Today BCM Office Srkwn, Lunglei P.O.Zotlng- 796691 Mizoram A man Thla khatah ` 5/Kum khatah ` 60/-
Thusawi Ropuite @ Vanah ropuina zawng turin ka kal dawn lo va, Pathian chawimawi turin ka kal mai dawn a ni. |hutthleng ropui leh s^ng ka beisei lo va, Pathian fak chauh ka beisei a. Ka van chu amah faka, chawimawi a, a ropui nana inp>k hi a ni. - David Brainerd
@ Headquarters Office-a kan Superintendent, Upa LH. Liandinga chu Engmah thih chhan i duh a kal function \hat loh avangin Vellore lam refered a ni a; naktuk hian loh chuan dam chhan i nei Lunglei chhuahsanin kal an tum. lo tihna a ni. Evangelist Team Pastor-te Rawngbawlna - Chuck Colson Kan hriat theih chinah kan Evangelist team ten hengahte hian rawngbawlna an nei mek: Chanchin |ha Chhuangtu team @ Rawngbawltu hian finna ni (Speaker: Upa K. Lalenga) Lawngtlai Bazar vengah. Krista Kraws lovin a inp>kna hian mi Chhuangtute (Speaker: Evan Tc. Lalchhandama) Siachangkawn Kohhranah. Joshua Evangelical team (Speaker: Upa hnenah thu a sawi \hin. - FW. Robertson V.L.Nithanga) Tlabung Immanuel Kohhranah. Ebenezer Ministry (Speaker: Pi Vanlalmawii) Bualpui V Kohhranah. Evangelical Edited by K.M.S.Dawngliana Revivalistic Ministry (Speaker: David H. Lallawmkima) naktuk and Published by a\angin Thingkah khuaah Kohhran pawl hrang hrang huapin Communications Department, BCM; Printed at BPP, rawngbawlna an \an ang. Mizoram Evangelical Ministry (Speaker: Srkwn,Lunglei. 8800/c Evan. Upa R.L. Thianghlima) te Bualpui (H) Kohhranah. Rev.C. Lalhungliana Hnahthial Bazar Kohhranah.
V o l u m e X I.
I s s u e N o . 30.
P h k Thumna
Mission News
Pu Tlantea te Nupa chanchin thar
Nepala kan missionary, Er.H. Laltlankima chu a kal thlak ngai khawpin a lo awm reng mai a; tunah hian CMC vellore-ah kal thlak tura inbuatsaihin a awm mek a. Hetih lai hian Nepal (Kathmandu-a) a kalsan tak a nupui, Pi C. Laldinpuii chu August 6 khan stroke avangin nikhaw hre lovin a awm thut a. Doctor ten an hmuh danin a lung d^wt (valve) a pawp a, emergency-in Thawh\anni zing khan Kathmandu-ah zai nghal a ni a. He chanchin kan chhiar meuh hi chuan a ni hi chu a zia-awm deuh tawh tura beisei a ni. An tan i \awng\ai zel teh ang u.
ADVERTISEMENT
Nursing School, Christian Hospital Serkawna thawk turin Librarian (Substantive post) pakhat a ruak a. B.Lib.Sc. chinin dil theih a ni a. Dil duh chuan plain paper-a ziakin Kohhran lehkha leh Certificate thil telin a hnuaia hming ziak hnenah hian August thla chhungin dil theih a ni e. Hlawh chu BCM Pay Rules ang a ni ang. Sd/Dr. LALRAMZAUVA Secretary, (4-2) Medical & Health Department Committee Christian Hospital Serkawn
(Phek khatna chhunzawmna) Kohhran Mission hna: Tirhkohte thiltih bua kan hmuh chian em em chu, Kohhran din chhan hi mission hnathawh a ni a, chu mission hnathawh tum chu Kohhran phun darh zel tih hi ani. Mizoramah hian Kohhran tih hian, Pawl hmel hi a lo lang vat thin a, Politik chuan min ti then thin tih ang main, Kohhran hian min tithen ta pheng phung em ni aw tihte pawh a ngaihtuah theih ta rum rum mai. Pawl ram tana thawk ni lovin, Pathian ram zau nan thawk tur kan ni tih hi kan chian ava pawimawh lehzual ta em! Bible chuan Pathian chauh chibai buk turin min ti a, thenkhat chuan, kan Kohhran hi kan bia a ni ber tawh zawk awm e. Kohhran aiin Pathian ram a lian zawk a, Pathian ram hi keimahni pawl ram ni lova kan zawn hmasak a va pawimawh tak em! A dik tak chuan, Missionary-te an lo chhuah a, Kohhran an rawn din khan, Synod emaw Baptist Kohhran emaw an sawi ngai lo. Mizoten Kohhran kan hriat dan ber chu Mission tih a ni mai. Tunah chuan, Synod Baptist Salvation Pentecostaletc. te kan ti chamchi ta mai. A va danglam ta em! Mission Kohhran i ni leh zawk tawh ang u- tih hi tuna kan agenda pawimawh tak chu a ni. Pawl ni lovin Mission hi uar \heuh ila Chanchin |ha hril uar -Mission Kohhran- kan ni mai dawn a ni. A va ropui dawn em! Paula pawl, Apolova pawltitu Korinth Kohhran- pawl rilru ngah lutuk tisa mi Kohhran ang kha nih i tum lo hram ang. Vanramah kan inkhawmho vek dawn a, chu van khua leh tui chu kan nih angin i thawk tlang dial dial ang u-tih hi rawtna kan siam duh chu ani e! Rawngbawlna kawnga kan zir turte: An sawi fo chu, Thawhho theih lohna hi Pathian ram zauna daltu lian ber a ni an ti thin. India Hmar Chhak chu sawi loh, State pakhat mai pawh hi pawl pakhat ngawt chuan kan luan chhuak dawn lo hrim hrim. Mission fields tam takah, Mizo Kohhran hrang hrangte kan insul ta nuk nuk mai a, a ram miten an zawh fo chu- Tunge kan rin ber tak ang le? tih hi a ni. Isua zuitu vekte kan thawhho theih lohna hian, a ram mite kan tithen a, tul lovah sum kan paih a, inelna thianghlim lo avangin buai kan ngah phah thin. Sum, mihring leh tha kan thawh tam ngaihtuahin, a rah kan seng lam hi a tam lo tlang khawp mai a, strategy leh method kan hman hi a that tawk loh vang ani thei. Entir nan- education or sikul method-hi Mission hna kan thawh meka kan method hman uar ber leh sum kan bel hnem berna a ni. Mission Budget-ah hian, 70-90% hi sikulah kan bel ral tlangpui. Indirect method kan hman rim ber hi kan thlah hma chuan, rah kan seng tam dawn lo reng reng a ni.Tun laia Network tam tak lo chhuakte hian, Direct Church Planting hna an thawk a, House Church Method an hmang a, pawl te tak te te pawh hian a sing telin thlarau bo an man a, baptisma a sing telin an chantir a, Kohhran sang tam tak an phun mek a ni. Mission kan bei danah hian rah tam zawk seng turin ko kan thlak a hun tawhin a lang. Buh chi tehkhin thuah khan, lei chi li kan hmu a, buh chi kan tuh kha a tlakna leilung azirin rah kan hmu dawn tih kan zir a ni. strategy( Hma lak dan) tha nei leh leh nei lote hian, ral an beinaah kori a tu thin angin, Mission hnathawhnaah pawh remruat dan a fuh a ngai. Tun laiin work camp kan vaw lar a, mission fields-ah biak in te kan sa tlut ltut a, a thatna pawh a awm ngei ang. Tripura Mizo Kohhrante hian Tuikuk zingah Kohhran an phun nual a,Tuikuk ho an vein an hmangaih tak zet a, biak in engemaw zat pawh an sak sak a ni. Rei vak lovah, Mizo hovin biak in an sakte chu a chim chhe thuai a, anmahni sak erawh chu an tuaihnum chho ta zel thung a ni. Hei hi an hruaitu senior pakhat sawi a ni. Enge kan zir tur le? Sum leh tha thawh tam hian Pathian ram a din lem lo tih hi a ni. Pathian ram dinna kawngah hian, Thlarauvin thil thar a rawn hriattir zel thin a, tun laiah pawh Pathian Thlarauvin a hman, rawngbawlna chi hrang hrang a lo chhuak reng mai. Pathian hmanraw tha ber chu ama hman theih tura inpe leh Thlarauvin a hruaite anni fo.Tirhkohte bua Thlarau hmanraw thar leh kawng thar Lalpan arawn buarsaih thin ang hian, Thlarau hriak thihna thar leh malsawmna nena Lal ram din anih theih nan, Lalpan min tithar zel rawh se! - Rev.P.C.Muanthanga, Shillong
V o l u m e X I.
I s s u e N o . 30.
P h k Lina