Synfocity = 367

mail us at : synfo@bsnl.in; synfo@yahoo.com - Phone - 2314648

Synod Information & Publicity Department, Synod Office (Third Floor), Mission Veng, Aizawl

17th November, 2011

Will Graham Crusade Organising Committee February 17-19, 2012 chhunga Vaivakawn Joint YMA Ground-a neih tur Celebration of Peace with Will Graham Crusade Organising Committee chu a vawi 7-na atan November 12 khan Synod Office-a Committee Room No.1-ah an thu khawm leh a. Sub-Committee hrang hrangte hmalakna thlir hovin sum senso tur budget Synod Executive Committee (SEC)-a thlen tur an ngaihtuah nghal bawk. Meeting hi Organising Committee Chairman Rev. Zosangliana Colney-in a kaihruai, Secretary Rev. Lalchungnungan report a pe a, budget thlirho hnuah Sub Committee atanga rawtna leh thu thlente ngaihtuah a ni. Will Graham Crusade atana senso tur ruahman hi a vaiin Rs. 23,80,000/- a ni a, Billy Grahman Evangelistic Association (BGEA) atanga sum hmuh tur beisei zat chu Rs. 4,00,000/- a ni. Organising Committee chuan heng sum mamawhte hi SEC-ah thlen ni se, a ti a. He bakah hian Mizoram chhunga Kohhran hrang hrangah Pathianni zan vawi khat inkhawm thawhlawm chu hemi pual atan hian lakkhawm ni se, SEC remtihna dil ni se, a ti bawk. Pandal Sub Committee atanga rawtna, February 10, 11, 13 & 14-ah pandal sak hnatlang neih ni se, tih chu Kohhran leh Bial thawk chhuak turte ruahmanna siam a, inhriattir leh ni se, tia rel a ni bawk. Organising Committee hnuaia Tawngtai Sub Committee hmalaknain Mizoram chhunga Presbyterian Kohhran zawng zawng hnenah hemi puala tawngtaina hun lo hmang theuh tura ngenna thawn darh tawh a ni a. Hei hi Pastor Bial tinten anmahni remchan dan anga huaihawtin kalpui mek a ni. Will Graham Crusade puala tawngtaina hi Aizawl khawpui chhunga Bial hrang hrangten a inchhawkin an nei kal mek a. November ni 4 (Fri) zan khan Mission Veng Bialin Mission Veng Biak Inah an hmang a, November ni 5 (Sat) zanah Luangmual Bialin Luangmual Biak Inah, November ni 18 zanah Dawrpui Vengthar Bialin Dinthar Biak Inah, November ni 20 (Sun) 1:30 pm-ah Chawnpui Bial-ah chuan Bial chhung biak in dang zawng zawng kharin Lanan Biak Inah Rev. Zosangliana Colney, Organising Chairman speaker-a hmangin, zaithiamte nen programme changtlung tak hman tum a ni. Synod Finance Committee vawi 98-na November 15 atang khan Synod Office-a J.M. Lloyd Hall-ah Synod Finance Committee vawi 98-na chu a thu tan a, vawiin (Nov. 17) thleng a awh ang. Secretary Report thenkhat te : 1. Synod Financial Rules 2011 chu peih fel a ni a, Kohhran mal, Bial leh Presbytery zawng zawngte bakah Synod hnuaia Department zawng zawngte hnenah hmang theuh tura hriattirna pek a ni. 2. Synod Finance Committee rawtna, SEC-in a pawm angin April 2011 atangin Living Allowance chu 15%-a tihpun a ni. 3. Kum 2008 Synod General 42-na thu bawhzuia SEC-in a rel angin Synod Office leh a hnuaia Department leh Field zawng zawngte account 2010-2011 chu Account lam thiam bikte audit-tir vek an ni a. Audit Reports leh Statement of Account chu Synod aiawhin SEC 234:4 chuan a pawm. 4. Finance Managing Committee-in a rel angin ICICI Bank, Aizawl Branch-ah Account hawn a ni. Synod Budget Rs.72,20,91,900/- atangin kumin April - October thla chhunga hmuh tawh chu Rs.46,27,12,917/- a ni a. Opening Balance nen avaia hmuh tawh chu Rs.88,11,82,001/- a ni. Nikum 2010 April - October thla chhunga hmuh zat aia kumin 2011 April atanga October thla chhunga hmuh zat tam zawkna chu Rs.12,73,70,705/- a ni a. Nikum aia kumina thla tina hmuh tam zawkna chu Rs.1,81,95,815/- a ni. Synod Finance Committee vawi 98-na hian Department hrang hrangte thil lei dilna te, budget kum kal meka Additional Budget dilna te an thlirho dawn a, kum 2012-2013 Budget ruahmanna an thlirho bawk ang. Counselling Training hawng Family Guidance & Counselling Centre (FG&CC) -in Pastor-te puala Intensive Residential Pastoral Care & Counselling Training vawi 21-na, Synod Conference Centre, Mission Venga an buatsaih chu nizan (Nov. 16) khan Synod Moderator Rev. C. Lalsanglianan a hawng a, training hian November 30 (Nilaini) thleng a awh ang. Training hawnna inkhawm hi Rev. Lalzuithanga, Executive Secretary i/c FG&CC-in a kaihruai a, Rev. Zothansanga, FG&CC Director-in inlawmna thu sawiin FG&CC hmalakna report a pe a, Nl. Zoramchhanin Pathian fakna hla a sa bawk. Training hawngtu Synod Moderator chuan, harsatna tawkte tanpui thei tura Pastoral Care & Counselling Training buatsaih a ni chu lawmawm a tih thu sawiin, rawngbawltute chu hmangaihna nena rawngbawl a, engkimah Lal Isua entawna counselling hna thawk zel turin a fuih a ni. Tun tum training-ah hian Pastor 15 koh an ni a, an vaiin an tel kim thei a ni. Resource person atan Rev. Zothansanga, Revd. H. Lalchhanhima, Rev. Lalrinmawia, Rev. J. Vanlalhnuna leh Dr. Ruth Lalmuanpuii te an hmang ang. FG&CC hian kum 1991 atang khan Pastor-te pualin Counselling Training hi a buatsaih thin a, Pastor 344 hnenah Training Certificate a lo hlan tawh a ni. Kum 2002 atang khan Lay Leader-te pualin Counselling Training hi a buatsaih thin bawk a, Lay Leader-te puala Counselling Training tum 15 a buatsaih tawhah Lay Leaders 277 hnenah Training pek an ni tawh bawk. FG&CC hian kumin January - 15 November chhungin pantu (client) 1000 an nei tawh a, Main Centre-ah 716 leh Branch Centre, Chanmari-ah 284 an ni. Kawng hrang hranga harsatna neite tan pan theih reng an ni. MSSU w MSSU Committee-in a rel angin heng a hnuaia lehkhabute hi kum 2012 Pathianni Chawhnu Naupang leh Tleirawl Inkhawm a hman turin a buatsaih a, Synod Bookroom-ah lei theih a ni. i) Pathianni Naupang Inkhawm Hruaina Bu : By Upa K. Zoremsanga ii) Pathianni Tleirawl Inkhawm Hruaina Bu : By Pu Lalthanchhunga iii) Solfa Zirna Bu : Senior - Junior Department thla thum chhung zir tura Solfa zirna bu w Vocational Bible School 2011 - 2012 : Kum dang ang bawkin VBS hi Naupang School chawlh hun remchangah hman tura ruahmanna siam a ni a, Zirlaibu hi MSSU Office-ah a thlawna lam theih a ni. Missionary Retreat for Central India Region Synod Mission Board chuan November 24 - 27 chhung hian Missionary Retreat for Central India Region, Mission Vengthlang Kohhranah an buatsaih dawn a, thupuiah Ka thlarau zawkin le (Zakaria 4:6) tih an hmang ang. Rev. Lalchhuanmawia, Synod Mission Board Secretary chu Speaker a ni ang a, Rev. Lalbiakvulmawia i/c Mission Vengthang Pastorate hovin Character Study neih thin a ni ang a, Mosia an zir ang. Kohhran Hmeichhia November 18 - 20 chhung hian Zaite Kohhranah Kristian Chhungkaw Campaign & Leadership Training neih a ni dawn a, training neihpui tur hian Central Kohhran Hmeichhe Committee Members - Pi Lalchawimawii, Pi Vanlaltluangi leh Pi Lalrindiki te an kal ang. Contd,..

www.mizoramsynod.org

Synod Information & Publicity Department, Synod Office (Third Floor), Mission Veng, Aizawl

Social Front w November 19 & 20 hian Teikhang Kohhranah Intodelh Seminar & Campaign neih a ni dawn a, hemi neihpui tur hian Pu J. Malsawma, Office Assistant, Social Front; Dr. Saithantluanga, Campaigner leh Pu B. Lalrindika, Campaigner te an kal ang. w November 20 (Pathianni) chawhma hian Saron Veng Kohhranah Mobile Phone chungchang inzirtirna neih a ni dawn a, Dr. Robert S. Halliday, Social Front Coordinator-in Puitling lamah hun a hmanpui ang a, Tleirawl Inkhawmah Pu C. Lalhmachhuana, Social Front Campaigner-in hun a hmanpui ang. ATC-in College Day hmang dawn Naktuk (Nov. 18) hian Aizawl Theological chuan College Day an hmang dawn a, Rev. C. Lalsangliana, Synod Moderator-in programme a kaihruai ang. College Day Speaker atan Rev. Dr. H. Vanlalauva, Dean, Deptartment of Research/SATHRI, Senate of Sermapore College an hmang ang. Programme kimchang a hnuaiah tarlan a ni. Synod Choir Mizoram Synod Choir ten November 18 (Zirtawpni) hian ATC Day-ah zaia rawngbawlna an nei ang a, November 21 (Thawhtani) zan hian Dawrpui Vengthar Branch KTP inkhawmah hun an hmang leh ang a, November 23 (Nilaini) zan hian Laipuitlang Branch Silver Jubilee-ah hun an hmang leh ang. Susamachar Prasaran Programme November 20 (Pathianni) tlaiah Hindi Programme (Susamachar Prasaran) LPS & Zonet Cable atangin hetiang hian tih chhuah a ni ang : Group/Choir/Solo : Kulikawn Masihi Sangati Zaipawl - Prabhu Mere, Group/Choir/Solo : Chhinga Veng Kohhran Masihi Sangati Zaipawl - Syon Desh, Sermon : Rev Laltharzuala - Sansar se Prem na karo, Group/Choir/Solo : Masihi Sangati - College Veng, Group/Choir/Solo : Masihi Sangati - Tuidam Kohhran, Stuti Geet : Daye Na Baye Na Murna AIZAWL THEOLOGICAL COLLEGE AIZAWL : MIZORAM

COLLEGE DAY

CELEBRATION PROGRAMME Friday, November 18, 2011 Public Reception: 12:00 noon - 1:00 p.m. at A.T.C. Canteen Square Formal Function: 1:00p.m. - 3:00 p.m. Venue: Centenary Building Quadrangle Chairman: Rev. C. Lalsangliana, SynodModerator 1. 2. 3. 4. 5. Opening Devotion Congregational Hymn Welcome & Report Anthem Presentation of Prizes : : : : : : : Chairman KHB No. 585 : Aw Nang, Kan Lal, Kan Pathian Rev. Prof. Vanlalchhuanawma, Principal Synod Choir Rev. Zosangliana Colney, Executive Secretary (to be assisted by Rev. Dr. Vanlalnghaka Ralte, Registrar) Synod Choir Rev. Dr. H. Vanlalauva, Dean, Dept. of Research/ SATHRI, Senate of Sermapore College Impact of the Christian Faith on the Socio-Political Context ofMizoram College Choir Rev. Dr. C. Lalhlira, VicePrincipal KHB No. 434: Aw Lalpa, Chungnung ber, kan fak hle a che Rev. P.C. Pachhunga, Synod Secretary (Sr.)

6. Anthem 7. College Day Speaker

8. Title of College Day Address : 9. Special Song 10.Vote of Thanks 11.Congregational Hymn 12.Benediction : : : :

NOTE : Bus kal dan tur hetiang hian ruahman a ni. Kal lam(Synod Bookroom atangin) 8:45 a.m. (via Ramhlun Road) 10:30 a.m. (via Ramhlun Road) 11:00 a.m. (via Chaltlang Road) Kawng laka lo chuang turte tan Bus dinna remchang awm deuh laiah lo phar dinmai theih a ni. Haw lam : Function zawhah ATC atangin Kulikawn thleng a kal leh ang.

CELEBRATION OF PEACE WITH WILL GRAHAM, MIZORAM

PRAYER SUB-COMMITTEE

BILLY GRAHAM EVANGELISTIC ASSOCIATION

CRUSADE ATAN A TAWNGTAI THUPUI TE

Heta tawngtai thupui rawn ziah chhuah te bak hi Crusade puala tawngtai thupui tur thawh belh duh tan inthlahrung lo a thawhbelh theih a ni e. Ruah hnuhnung hunah hian Lalpa chu ruah dil rawh u. Lalpa, kawl ti phe tu ngei chu; Tin, anin lova hlobet tinreng te tan Ruahpui vanawm a sur tir ang. Zak. 10:1 1. Crusade puala Sub-Committee hrang hrang 12 te hmalakna leh Pathian biak inkhawma chanvo neitu hrang hrangten Thlarau Thianghlim hruaina a an mawhphurhna tha taka an hlen chhuah theih nan 2. Billy Graham Evangelistic Association (BGEA) team-te Pathian Thlarau thuam thar an nih a, kan ram mamawh tak Pathian thu puan chhuah anih theih nan 3. Crusade boruak ti chhe thei thil thalo pawn lam leh chhunglam atanga a awm loh nan 4. Pathian hnathawh nasa taka lo thleng tur leh kan rama khawlohna hrang hrang - mimal nun, khawtlang nun leh Sorkar lama fel lohna awmte a lo reh a, sual sim piantharna chang a, kan nun siam thar a lo nih theih nan 5. Thalai pual leh Hmeichhe pual inkhawm neih turah mi tam tak an kal khawm a, Pathian hnathawh ropui taka lo thlen theih nan 6. Kan rama Kohhran pawl hrang hrangte inkarah inpumkhatna leh thawhhona tha leh zual a lo awm theih nan
Mail us at : synfo@bsnl.in mzsynfo@gmail.com Synod Information & Publicity Phone - 2314648

Synfo