2011 BRANCH THUPUI - PATHIAN BEISEI RAWH

Estd. 1989

SAM 42 : 5

Vol. No-XXII. No - 49 Kristian Thalai Pawl : Bawngkawn Branch Weekly 11h Dec 2011(Pathianni)

Nunhlui Kulhpui Hnehna

- Joel Osteen Thutak ni si, thil mak ni si I hre duh em? Vawiina thutlukna kan siam hian kan nun mai ni lovin, kan fate leh kan tute nun thlengin a nghawng phak vek tih i ngaihtuah ngai em? Bible hian chu chu a hriat avangin thlahtu chhui a ngai pawimawh a lo ni. Chin dawklak tha lo te, ngawlveina te, ngaihtuahna thim te, rilru puthmang dik lote leh fel lohna tam tak hi chi kan thlah rualin kan sem chhuak thei a ni. I thlahtute chi tha lo tuh rah seng vanga vawiina buai i lo ni reng thei. I enlet chuan an tih fuh loh rah in chhungkuaa lo lang chhuakte pawh i hmu nual ang. Eng thil nge lo thleng tawh hriat chian hi a tul naa, He retheihna leh natna hi kan chhungkaw thisena luang laklawh tawh a ni, ti zawnga hriat hi a dik lo a ni. Chu ai chuan tho la, engtin emaw ti teh. Kum tam tak in lo kawl tawh a ni maithei. Mahse in ta tur bika siam a ni lo. Anchhia thlang lova malsawmna thlangtu i ni thei a sin. Tunhnaiaresearch-aanhmuhdanchuan,eilehinhunbimumal lo te, ngawl veina te, lungngaihna vanga chi-aina te thlengin engemaw chen kan chi(gene)-ah hian kan inhlanchhawng thei a ni. Reseach beitute chuan a ziarang chu an hmu ngei a, chi-a inthlahchhawn nge seilenna atanga lo neih nge a inkawp tih an la hre fiah chiah thei bik lo a ni thei ngei ang. Mahse a chhan bulpui chu thlarau lam thil a nih ka ring. Bible chuan khawlohna(iniquity) a ti a ni. Thlahtute ze tha kan chhawm ang bawkin an ze chhia leh thisena natna awmte pawh kan inrochung thei ngei ang. Chuti a nih chuan, chhuan hnuhnung zinga tuin emaw a rawn dodal a, a rawn tihtawp si loh chuan thlahtute thatlohna chu a tu leh fateah a hlan chhawng zel dawn tihna a ni.Adama leh Evi an tluk khan, tlukna sual avangin tual an that nghal mai lo. An khawlohna chu an faten an rochunga, tualthattu hmasa ber chuAdama fapa Kaina a ni.Adawttu chu Kaina thlahte zinga mi Lameka a ni. Chu khawlohna chu a kal ta zel a nih kha. Chuvangin, khawlohna inthlahchhawn hi a theih tih kan pawm tur a ni. Nangpawh,inchhungkuaakhawlohnaawmengpawhchhui la, nupa tang then te, retheih te, ngawl vei te, incheksawlh te leh thil tha lo hrang hrangte chu hneh theih loh khawpa chhungkaw vanduaina zia angah i ngai mai em ni? Lo inenfiah teh le. Tim-a te chhungkuaa mipa zawng zawng chu Lungna(Heart attack) avangin kum 50 vel an nihin an thi duh riau mai a. Kum 48 mi Tim-a chuan nuam a ti tawh lo hle a ni. Tim-a, nangma chinah hian he anchhia titawptu hi i ni thei a sin. I kuang an vuina programme ringawt buaipui tawh teh suh. Lungphu chawl thut tur angin inngai reng teh suh. A damdawi lah i hre vek a, ei leh in uluk a ngai a, insawizawi a ngai a, ka thi dawn ti lovin ka dam dawn tiin ngaihtuah zawk teh tiin ka fuih a ni. Thian duhtak, anchhia nge i thlan dawn malsawmna?Achhe lam chu nangma chinah titawp la, a tha lam chu puntir ang che. Ze chhiazawngzawnghiinchhungkuaahaawmturanibiklo.Inthlahtute zinga tu emaw khan ze chhe kawngka a (Phek 2-ah chhunzawmna)
Bawngkawn Branch Kristian Thalai Pawl

KOHHRAN PROGRAMME

SS |antu Hruaitu Thuhriltu Thuhriltu

CHAWHMA : Pi Thangthuii (B-9) CHAWHNU : Pi Ngurchhingi : Upa Lalthianghlima

ZAN

: Upa V. Lalsiamthara
KTP TAWNGTAI INKHAWM

Hruaitu : Nl. Rebecca K. Zonunmawii, Lk Tantu : Tv. Lalthakima, Mt Subject : Tawngtaiho & Zaiho Thingpui lumtu : Marka Group
THAWHTAN ZAN

Hruaitu Thar Thlan Inkhawm Kohhran Committee-ten Inkhawm leh inthlan min kaihruai ang.
NILAI ZAN

|antu Thupui Hawngtu |antu Subject Hruaitu Tantu Thusawitu Hruaitu Tantu Subject Quiz Master Spl. Item Hla Hriltu Hruaitu Tantu Subject Thusawi Solo Male Voice

: Tv. Lalrinnunga, (B-18) : Hun hnuhnung leh tunlai thil awmzia : Pu C. Lalthanmawia
INRINNI ZAN

: Pu C.R. Khuma (B-18) : Sharing

KOHHRAN HMEICHHIA

: Pi Lalthanhlupuii : PiZolianmawii : Pi Tlangpari

NAUPANG INKHAWM

: Tv R. Laldingzela : BenjaminChawngthanmawia : Quiz leh hla zir : Tv Zoremmuana : C . Lalhriatpuia : Nl. R.C. Lalhmingmawii : Nl.Lalhmingmawii : R. Lalrinpuii, Sacr. dept. : Thusawi & Hla zir : Pu H. Lianhmingthanga : Lalrinzuala (Inter dept) : M.S. Dawngzela leh a thiante

TLEIRAWL INKHAWM

PAVALAI INKHAWM

Advance Chrismas hman tur a ni. Programme kimchang phek-3 naah tarlan a ni.

Chanchinbu : Thalai Hruaitu Phek 1-na

email id : bawngkawnktp@gmail.com, visit us at : bawngkawnktp.blogspot.com EDITORIAL BOARD

Editor H. Lalsiamthara Jt. Editors Lalrinchhana P.C. Laltanpuia News Editors Samuel Vanlalpeka Zoremmuana Elisianmawia Lalrinchhana Isaac Lallunghnema Manager (Cir.) R. Lalthansangi

9436141595 9862373631 9402521128 9774090066 9862373464 9774583804 9862905864 9612083527 9862743027

Lal pian hun champha a hnai zel a, mi tute pawh mahni hna leh inchhung khurah kan buai tlang a, mitin ten a kan nghah fak Krismas ni lo thleng tur atan hian kan phur tlang in, thawmhnaw incheina te, inchhung chei mawina te leh thil dang mamawh hrang hrang ngaihtuahin hun kan hmang a. Mahni neih tawk ang leh remchan ang ang te in sum kan thehchhuak a, Krismas hmang turin kan inpuah chah mek zel a. Krismas hi Kristian te tan chuan kan hun pawimawh ber kan ti thei hial awm e. Kan hlim tur a ni a, kan lawm anga, theihtawp in kan inpuahchah tur pawh a ni a. Krismas kan lawm na chhan chu a te ber atanga a lian ber thlengin sawi ngai lovin kan hre vek a. Hetia hre reng chung si hian Krismas kan hman tum dan hian Nau piang chibai kan buk tum dan erawh hi chu a thelh mai ang tih a hlauhawm hle a ni. Nau piang chibai kan buk tura hian kan zingah hmun a chan ngei theihna turin tun atang hian inpuahchah ila. He hun kan hman atang hian Kohhran leh KTP ah te thawhhona tha zawk kan neih theih nan te leh, Kohhran inkhawm ah te taimak chhuah tharna hun atan hmang thei ila a duhawm hle a. Chutiang tur atan chuan mahni theuh intuaitharin,i inbuatsaih ila. Bible chhiar leh tawngtai kawngah te, Kohhran Inkhawm ah te tan i la thar sauh sauh ang u. Kum dang zawng zawng aia hlimawm leh nuam in tun Krismas chu Lal Isua nen hman i tum theuh ang u.
KTPTHAWHTANZAN(5/12/11)INKHAWMZAT

Editorial.... .

Matthaia Group 32 Marka Goup 32 Luka Group 21 Johana Group 34 Branch Committee 25 Total - 144 Thilpek - Rs.1348/KTP member tunkara kohhran inkhawma inkhawm kim zat: Mt-8, Mk-4, Lk-3, Jh-1. Kohhran Inkhawmah tan i la sauh sauh ang u. 1. 2. 3. 4. 5. Bawngkawn Branch

(sermon chhunzawmna) lo hawn palh mai a ni thei. Tichuan, a dan tur emaw in ti ta zel a lo ni maithei asin. In zinga tu ber emaw hi ze chhe intanna an nih theih chuan, ze chhe tawp tanna chu nang i ni thei tho tihna a nih chu. Stephen-a leh Susan-i te nupa chuan pawl khat zir tan tur fapa Bradley-a annei a. School-a kal chu a phur hle a, thian thar pawh a va neih belh teuh mai a. Mahse thla hnih emaw hnuah tum khat chu, a nuten school-a an thlah chu rawn lam leh tawh lo tura ngai ang hian, Bradley-a chu mualpho khawpin a tap zui ta vak mai a. Zirtirtute mangang chuan a nu leh pa an phone ta hial a.Anu leh paten an han hnem ngial pawhin Bradley-a nuar chu a reh thei chuang lo.Chuta tang chuan, Bradley-a nuar thlem turin a nu leh pate hnathawk lai chu tlan chuk chuk a ngai ta fo mai. Stephen-a leh Susan-i te chuan chhungkaw muanawm leh nuam tak an din a, naupang nun tibuai tur engmah an chhungkuaah hmuh tur a awm lo. Mahse, an fapa Bradley-a chu a buai tual tual a, inah pawh, a nu bulah lo chuan a awm duh ta lo. A nu kalna apiangah a zui ta mai a ni. Stephen-a te nupa chuan a chhan an hre thei mai lo. Ni khat chu Stephen-a chuan a pa a bia a. Rin ka nei. Pawl khat zirlai ka nih laiin ka pa a thi thut mai a. Ka tuar em em a, schoola ka nuin min hruai laite hian nasa takin ka zam a. Ka tah nasat avangin min hawpui leh fo a ni. Chu hlauhna chu ka tupaah chuan a awm ta a ni ang e, a ti ta daih mai a. Bradley-a hlauhna chu ama zia a ni lo, apa-ah pawh a awm lo, a pu nunhluia mi a lo lang chhuak a ni. Chu chuan inthlahchhawntheihanihziaatichianghle.Chutiangthilchudamdawi leh science thiamna hmanga finfiah theih pawh a ni lo. Doctor rawna finfiah theih pawh a ni chiah lo. Stephen-a te nupa chuan tawngtaiin an hmachhawn ta a ni. An chhungkuaa hlauhna kulhpui inkhuar chu tireh turin Pathian hnenah an dil a, vawiinah chuan Bradley-a chu chutiang hlauhna lak atanga chhuah zalena awmin tlangval fel tak a lo ni ta. Chu chu kan chhungkaw dan a nia tiin pawm ngawt mai sela khuareiah chuan a rapthlak ngawt ang. In chhungkuaa khawlohna kulhpui hnehtu i ni thei tih inhria la. Bible chuan, A chhan awm lovin anchhia i dawng lovang (Thuf.26:2) tiin sawi a ni. Khawlohna inthlahchhawnna hi a pawnga puiin kan dawng ngawt lo, thlahtute zinga thenkhat tawng buak kan rochung mai a ni. Thisenah kan rochung thei a, seilenna kawngah kan seilenpui thei bawk. Naupang feltak zu ngawl vei a lo nih ngawt chhante, Tan ina tantir leh hremna hrang hrang in a tih reh theih loh khawpa tlangvalin sual a luhchilh tlat chhante hi a awm vek a ni. Khawtlang nunphung chu puh tur tam tak awm thei mah se, khawiah emaw hian, chhungkaw member zinga tu berin emaw hmelma tan kawng a lo hawnsak tawh ani duh khawp mai. Beih letna atana pawimawh hmasa ber chu, eng chiah nge i hmachhawn tih hriat hi a ni. Thup lovin chik tak leh huai takin enfiah ngam la, chhuatphah hnuaiah phiat lutin A bo mai ang, ti suh. A bo lo vang. Thatchhia leh inthunun theilo mi inih chuan chhuanlamah siam suh. Fel lohna i neih chu hmu chhuak ngam la, inchinfel tum ngam rawh. In sualte thupha chawi tawn ula, intawngtaisak rawh u, tichuan tihdamin in awm dawn nia (Jakoba.5:16) tiin Bible chuan a sawi a. Sual thupha chawi tur chuan sualna hi pawm a ngai a ni. Fel lo tihtawp hi tisa thil nilovin thlarau lam indona a ni tih hre reng ang che. Hrenga khungtu che kulhpui chu a hnukah vuanin i hneh tur a ni. Zirchiang la, hmuchiang la, hmachhawn la, hneh turin bei rawh. He thil hi i tih phawt chuan, i tih rualin Pathian tanpuina i hmu nghal ang. Hringnun hi Pathian min pek a ni, a hlu thei ang berin ka nunpui dawn tiin nangmah leh i thlah lo awm zel tur te tan Pathian rinchhan tlat chungin hnehna nei ang che.
Chanchinbu : Thalai Hruaitu Phek 2-na

Kristian Thalai Pawl

Thalai Hruaitu Chanchinbu Kar tin chhuak: Lak man Thla khatah Rs 10/-

K O H H RAN N E W S
Pathianni zan khan mi 835 kan inkhawm a, thilpek Rs.6850/- a ni. Kohhran hoten inkhawmah thahnem i ngai sauh sauh ang u. Bialtu Pastor, Rev. P.C. Pachhunga, Synod Secretary(Sr.)chutunlaihianSynodInkhawmpuihmanmek ah puipate zinga mi niin, a buai hle a, a rawngbawlna a hlen theih nan i tawngtai pui ang u. SynodInkhawmpuihmanginRev.Rualthankhuma, Rev. P.C. Lalmuanawma leh Pro. Pastor Lalramchhuanglura te pawh an lo haw. Thawlehni nileng khan Kohhran Committee neih a ni a, thu pawimawh tak tak an rel. Kan Kohhran atanga Missionary a kal Nl.H.S Lalmuanpuii pawh tunlai hian tihtur pawimawh tiin helamaharawnchuangchhuak. Pathianni zan Inkhawmah khan Bible Society of India chuan Certificate 33 an sem a, lawmawm hle. Nimin khan Sacrament Department zirlaiten Exam an nei a, zirlai thahnem takin an exam thei a ni. Rev. Remlalfaka chu karleh hian Durtlang Kohhran Sacrament Camping-ah Speaker a ni ang a. Hemi hnu hian TanhrilKohhran TleirawlCamping-ahSpeakera ni leh bawk ang. KanKohhranchuanKuminKrismasruaiatanVawk7 Qntls, Bawng-3 Qntls lehAr 50 kgs te a ruahman. Thawhlehni zan khan kum 2012YMABawngkawn Branch hruaitute thlan an ni a; Chung te chu Pu K. Lalrinawma, Pu Chanchinmawia, Pu P.C. Liankunga, Tv. H. Lalawmpuia leh Tv. David Lalnunkima te an ni. Heng Kan Kohhran member te hian Khawtlang a an rawngbawlna tha taka an hlen theih nan tawngtaina ah i hria ang u.

Group sumAudit na chu Ni 17, Dec (Inrinni zan) Inkhawm ban ah neih tur a ni ang a, hemi hma hian Thalai Hruaitu chanchinbu semtuten mahni group ziaktute hnenah a man thehluh vek tur a ni. Tunlai hian Mizoram University-a PG zirlaiten Semester Examination an nei mek a, member ten tha taka an tih theih nan tawngtainaah i hria ang u. Marka Group ten an kumina an budget tlakin Branch Treasurer hnenah Pathianni kalta KTPTawngtai inkhawmah khan an hlan a ni. Kumin Krismas lawmna peng pakhat Biak In leh a chhehvel cheimawi rawngbawl hna thawk turin Kohhran Committee chuan KTP kutah a dah a, tunlai hian he chanvo neitu ten hma an la mek a ni. SYNOD INKHAWMPUI CHANCHIN TLANGPUI Mizorama Kohhran lian ber Presbyterian Kohhran Synod inkhawmpui vawi 88-na chu Dec 6-11, 2011 chhungin Khatla Pastor Bial-in Khatla Kohhran Biak Inah a thleng a. Palai1848 an kal a ni. Pastor Saikhuma Darlawng, Karbook Pastor chu Dec 1,2011 khan Khatla thlengin Palai thleng hmasa ber a ni. Synod Moderator Rev. C. Lalsanglianan Moderator a ruat thar Rev. Thangzauva, Mission Veng hnenah moderator charge a hlan a. Thlengtu Bial leh Kohhran inpuahchahna a tha hle a. Budget Rs. 14,00,000 hi Bial chhunga Kohhran 5 ah pek dan tur intuk a ni a, rang takin pek tlak nghal vek a ni. Kumin Inkhawmpui hian Synod Pastoral hnuai a thawk turin Pro. Pastor atan mi 17 lak thar an ni a. Hemi rual hian Pastor atana nemngheh tur mi 16 an awm a, Kum 2012 hian Pastor Pension tur mi 4 an awm bawk. Pastor sun tur mi 2 an awm a. Dec 11, 2011, PathiannichawhnuLalpa zanriahsacramenthunah sunnaneih tur a ni. Rev. S. Lalhluma leh Rev. Thangdela te an ni. Kum 2012 Synod Inkhawmpui chu hetiang hian ruahmanna siam a ni:A Hmun : Chanmari Kohhran A Hun : Ni 26, Nov - Ni 9, Dec 2012 Moderator : Rev. Lalramliana Pachuau Secretaries : Upa B.P. Biakkhuma (Sr) Rev. H. Lalrinmawia (Jr) Statistician : Upa Ngurthanmawia
PAVALAI PAWL ADVANCE CHRISTMAS PROGRAMME

B RAN C H K . T . P N E W S
Zirtawpni ( December 9) khan Bial Kristian Thalai Pawl Advance Christmas 2011 kan Branch in kan thleng a. Bial memberr ten kan ngaihluin inkhawm kan thahnem hle a. Hun hlimawm leh hlawkthlak tak kan hmang ho thei a. He inkhawma thilpek lakkhawm hi Rethei Puala lakkhawm a ni. Kum 2012 KTP hruaitute thlanna chu karleh thawhtan zan (ni 12) Inkhawmah neih tur a ni a; Post by post-in inthlanna neih tur a ni. Nomination siam niin Nominee atan Branch Committee member te an ni ang. Member ten he inkhawm hi ngai pawimawh ila, Pathian rawn chungin kan tihtur tha takin ti ang u. Kan member, Thalai Hruaitu Joint Editor ni bawk Tv.P.C Laltanpuia chuan MPSC hnuaia MPS hnalak turah a inziak tling a, kan lawmpui em em a. Personal Interview ah tha taka a tih theih nan member ten i tawngtaipui ang u. Krismas a hnai leh ta hle mai. KTP member ten Kohhran Programme ngai pawimawh zual zel ila, mi dangte tan malsawmna nih tum theuh ang u. Bawngkawn Bial Zaipawl chuan ningani khanAIR MusicAward, Lunglei ah Best ChoirAward an dawng a. Alawmawm takzet a ni. Red Ribbon Drama Competition neih zawh takah kan member - Tv. Lalrawngbawla leh Nl. Lalrinngheti te telna Mizoram Drama Organisation (MIDO) chu pakhatna an ni a. Tin, Tv. Lalrawngbawla hi BestActor ah thlan a ni. Kan member te kan chhuangin kan lawmpui takzet a ni.
Bawngkawn Branch

A Hun : Ni 15.12.2011, Ningani zan, Dar 6:30 A Hmun : Pu H.Thanga In Hruaitu : Upa Lalhuapzauva, Chairman Tantu : Pu K.Laltlanzova Tawngtai rual Solo : Pu Lalrikhuma Sailo Veizawng sawi: Pu Malsawmtluanga Sawifiahtu : Pu C.Lalthanmawia Solo : Pu R.Sangzuala Recitation : Pu Jerusalemthara Award sem : Pu M.S.Thuamluaia
ZOMI AGENCIES BAWNGKAWN, SAIRANG ROAD AIZAWL

Dealers In : TATA Spare Parts, TATA 1613 TC, 1612, 1210 SE, 709, 407, LPK, SUMO, 207DI, PICK UP Part tlawm takin kan zuar e. Castrol India Ltd., Pensol Pentex, Waxpol Oil 2T, Wholesale & Retail-in kan pe thei reng bawk e. (21-15) Prop : H. THANGA Ph :2340856, 2340466, Kristian Thalai Pawl Chanchinbu : Thalai Hruaitu Phek 3-na

Thalai Hruaitu Chanchinbu Kar tin chhuak: Lak man Thla khatah Rs 10/w Da nt i ise

VANTIRHKOH

KTP BAWNGKAWN BRANCH 2011 RAWNGBAWLNAREPORT Ahmasain, Bawngkawn Branch hi Nov.5th 1967 Sunday School banah Durtlang Bial Pro-Pastor Challianngura ho a din a ni a. Bawngkawn Branch atang hianKTPBranchpaliapiangtawha.Tin,BawngkawnPastor Bial hi Chaltlang Pastor Bial atangin 1998 khan a indang a, kum 12 kan pumhlum chiah a ni. Kuminah Pathian khawngaihnakandawngnasahlea,Reportkimchangtarlang thei lo mahila heng hi kan Branch KTP dinhmun a ni e. Member zat : 960 Member thi zat :5 Biak In hawnga innei zat : 10 Hmundanga innei zat : 11 Branch Committee member zat : 35 Ex-Officio :3 Thawhtan zan inkhawm thin zat : 13.05 % Kristian Thalai lak zat : 254 Missionary chawm zat :6 Missionary-a chhuak zat : 10 Committee thut tawh zat : 12 Group awm zat : 4, Matthaia, Marka, Luka, Johana. Sum tuak dan tlangpui : 1. Faith Promise. 2. Sangha zawrh. 3. Gopel Summer Show. 4. Request Programme. Tul dangte : 1. Kumina kan Branch Thupui atan Pathian beisei rawh (Sam.42:5) hman a ni a. Hei hi in tinah tar tura sem a ni. 2.Kuminah hian Kohhran Committee duhsakna in KTP Room kan nei thei a; Branch Committee a lawm hle a ni. Ni 8th January atang khan hnatlang nei tanin hun reilote chhungin peihfell a ni a. KTP te chuan kan tangkaipui hle a ni. 3. 21-23 January,2011 khan kan Branch chuan Bawngkawn Pastor Bial Conference hneh takin kan thleng a; Bial chhung member ten hlawkthlak leh khamlo takin kan hmang a ni 4. KTP Day vawi 57-na pualin Branch hnatlangin khawlai thenfai leh Biak In leh a vel tihfai hnatlang neih a ni a, Member 100 vel kan thawk chhuak. 5. Ni 12th March,2011 khan kan OB pali te hruaina in House ah inthenin kumtir Sport member te tana hlawkthlak leh awmze nei tak kan nei bawk. 6. Ni 29th,2011 atanga ni 2nd July,2011 thleng awh Camping,Agape Centre Durtlang ah kan han nei a. Hemi tum hian Branch Committee, Group Committee leh SubCommittee te tan a ni a, Speaker ah Rev.Vanlalbela a ni. Hemi Camping hmalakna kal zelah Brigade ah Bethel na 2nd, August khan va neih a ni a. Tin, Branch Committee chuan Kohhranah Kohhran pumhuap Camping neih rawtna thlen hlawhtlingin Camping chhawng hnih buatsaih a ni tawh bawk. 7. Ni 25,July2011 khan Khatla Kohhran Biak Inah Khatla Branch te nen Joint Service hlimawm tak leh hlawkpuiawm tak kan hmang ho. 8. Rising Day vawi 44-na chu November ni 5-14 chhungin ropui tak leh hlimawmtakin kah hmang bawk. 9. Kohhran Zaipawlin hla kan zir tawh zat-44, hla kan rem tawh zat-15. Heng report tha tak tak kan neih theih nana min kaihruaitu Pathian chungah ropuina leh chawimawina awm mawlh sela. Tin,kan tihve theihna a pianga phunnawilo leh thahnemngaitaka thawkchhuak thin member te inpekna a lawmawm hle a ni.

Ke lawng leh bawlhhlawh tak chungin hmeichhe naupang pakhat hi kawngsirah a thu a, kawng a mi lo kal ve chu a lo thlir a. Tawng a tum ngai lo a, engmah a sawi ngailo. Mi tam takin an kal pel a tumah in a chinchang zawtin an dinchilh reng reng lo a. A tukah chuan Park-ah chuan chu hmeichhe naupang te chu a la thu nge thu lo tih mitmei pahin ka va kal leh a. Nimin lama a awmna ngaihah chiah khan a lo la awm reng a, a mitmeng atang chuan a lungngaih hmel hle mai a.Aawmna lamah chuan ka va pan a, ka va kal hnaih chuan a piangsual tih ka hre thei a. Chuvang chu a ni ang tumahin an tanpui ngailoh.Abul hnai ka va kal chuan chu naupang te chuan ka en reng avang chuan hnuailam a melh daih a.Ahnung lam awmdan chu chiang takin ka va hmu thei a, a hnunglam chu hmelhmang mawilo zet mai hian a lo awm hi a lo ni a.Amah chu biak a tanpui ka duh ani tih lantir nan ka va nuih a. A bulah chuan ka va thu a, nui pah hian Chibai ka va ti a. Chu naupang te chu a phu zawk mai a, mak tih hmel tak hian min en ta reng mai a. Ka nui a, zah hmel deuh hian min rawn nuih let ve a. Zan tlai thlengin, chu park a leng ho te pawh an haw rem vek thleng chuan kan inkawm a. Chu hmeichhe naupang hnenah chuan a lungngaih chhan chu ka zawt a. Chutah keimah min en pahin lungngai tih hriat tak hian, A chhan chu ka danglam bik em a ni tiin min chhang a. Rang takin, Ni e ka ti a ka nuih a. Chu naupang chu a hma aiin a lungngaih hmel zual sauh a, Ka hria a lawm a ti a. Mami, Vantirhkoh min hriatchhuah tir a ni ka ti a. A ding hluai a, Tak tak maw?a rawn ti a. Aw ni e, venghimtu vantirhkoh duhawm tak, mipui kal vel thlir tura trih ang mai i ni tiin ka chhang a. A dik tih entir na a lu a bu nghat a, a nui a tichuan a thla a tiparh a, a mitmeng mawi tak maia min en pah chuan, Vantirhkoh ka ni e, ka tawng tlem a, thil ka thlir thin. Nangmah nilo midang i ngaihtuah khan helai hmuna ka hna chu ka hle tawh e a ti a. Chuvelehkadinghluaia,Loladingteh,engatinge mi tumah nangmah tanpui tur che a i bula an lo kal loh a tiin ka zawt a. Min en a, a nui a, Nangmah chauh hi min hmu thei i ni alawm, chu chu I thinlungin i ring a ni a ti a, a kal bo ta a. Chuta tang chuan ka nun chu a pumin a danglam ta a. Chuvang chuan nang pawh englai pawha enthla rengtu che vantirhkoh an awm tih hria ang che. Thailai Hruaitu Chanchinbu Semtute Hriattirna Ni 17, Dec, 2011 ral hma ngeiinThalai Hruaitu Chanchinbu semtu ten a man khawn a, Group Treasurer te hnenah Group sum Audit huna harsatna an neih loh nan thehluh hman vek tur a ni.

Published and Edited by Thalai Hruaitu Editorial Board on behalf of Bawngkawn Branch K.T.P., Printed at Technosys, Chaltlang, Copies - 650