Mori a Ka pranon (My last Farewell) Maranao language

i doktor Hose Risal Rambayong modas ako, ko ingd a phe-lombayan, a bmbaran o alongan, Sorga a mandadas a montia migagadong ko kalodan sa sbangan; indawag khu-a sanang, a sa lolui-o dar ka(kn) a ginawa ko a rasai, ka ompn-ow Lbi sa ropa a taw a-daradat taman ko ka-kawasa, na tarima ka ka-kasi a imbgai aka trang a pagalad o marandang. igira sa thmo-an a L-kpan so mawarao, na miada so balamban o kambotawan sa klong ka ndata-datar sa borod so ndolonan a bantangan; ma-rs-rs malanat, malnggawh, masopiit a irigi sa thmoan, na tanan dn paninindeg, ko ingd a phe-rogongan. aya ka- khalab akn, na andai ka bi nntai o pamorawag sa langit, a phga-ngan o liwanag a sokang o malibotng, na oba phndho-margn a-karanti o alongan so ka riga o dara ko; na phazio-notn ka a paka ragirai nian ka an nka mi pmanis a di-i nian ka-zhanao ko snang a phmbokakas. tagenpn ko-rka ko obar-obar ako pn, a miondas sa singanin, ko kia plombai aken; a paka-tin-dg o masa a somigai so bitoon sa sndigan o alongan, na mitayas so limokn a alang o pandang- ngka, na pharas so robo-ska sa mada so imalangka. thi-haya o mata ko a onga o poso akn, kormat so kadalong a kabasa o niawa a phladlad sa baya' kormat so ka- dalong na asar a mabangon ka, na tomo a malab ako ka-angka kania-wai, ka so irigi sa bansa na torog a iphanganting a da-a ikhapos ian. o sii ko koba ko na ka-tolongan ka on, a misangi ko otan-on a obarobar a lombai, na paki sam-brn nka ko sagad o napas ka; ka oba rakn sampain ko sold o kobor akn so kanayo o bawngka a go so tadman ka. phaparo-paro angka a so kalano o olan na mapagadimat akn, so ranti o alongan na maka zhalanao rka, so sag zhng o angin na phki tarbang iyan so taginpn ko rka; sa o pha-pongai so Mra ko linsam o kobor aken,

na da-a roar ko Salam a paki-onen nkawn. phazionotn ka a misayat o alongan so oran sa kababaan, ka anian mizholaya sa lalan sa kaotho-an so taginpn inambar; sa naino maka Lndag so iphmbinokor ian so miaba-as a-kandod. ka giyoto na pang-ni sa kapaka slang akn sa randangan gaganatan, na phnduyogn ka-on so kapaka dkha akn ko Thohan o isa-isa. phpagara-pn nka so mona miari-wada a dan-daya na dasorot, go siran a mipantang ko masakit a ringasa a lawan o maley-phdz; rakhz o manga ina a bia li-lit a book, a go so paka z-zndit, pd-on so manga balo sampai ko manga ilo a bilanggo o karasai, na taman ko ginawa ngka sa ka maradika aka. amai ka kabongkosan sa kaliboteng so kobor, na matawantawan ro-o so minilindong sa bayah, na di ngka dn phlengaia so kia bolosan ian, sa o ana khang kazngko a pkha banding na giyoto rintangi ko, na sngke a di-kharndan a iphagilano rka; amai ka kalipatan so ka kokoboran rakn, ka apai so toos ian na mia da sa ginawa; na paki rampatn ka a mandado o pmbasok, ka-an maka shalanao o ombi o roiyan akn, a sabap a itangiran o pamomolan a tembak. da dn a andam akn sa kitapi ko ginibon, ka miaka sanao ako sa romba a ladan ka; sii ko langit ka, rakes o palao ngka, gaan balintad ka, na madayah go matanog a ka phphako gama on, o sindao a go so lalis a tomadng o tindg ko. pilipinas da abai a ingd a paka rimbr a simo kt o lada-ng ko, na pamamaki ng angka ko mori sa pagirowin: sii sa tangan n ka na ron akn kha ganati so langon o garing akn. ka mbaling ako ko ingd a da-on so ka-oripn a go so kapangata (ngt ka-layon on so iman, ka da-a a phamarinta-on a rowar ko di Kharimbang. phpha-godas akodn, ko langon o-kalolotan a tn ta-ngi o ginawa, go so manga bolayok a tanan masasan-sara sa ingd a phtunganayan: na panginsokor kano a kia iposan akn so ka riringasa akn, ago pd a pagodas an, so mia rapo a garing a khatamanan sa ranon: sa rombay tanan iyo na modas ako rkano: ka so kalab na ka dkha.

initugalin sa basa m'ranaw i DR. AHMAD DOMOCAO ALONTO sr. go so manga bolayoka iyan a manga ULAMA sa ranaw,lagid I SHIEK NASRUDDEN BASMAN, SHEIK ISMAEL YAHYA ago si SHIEK ALI TAMPOGAO go so langon a salinggogopa iran a mianamar mitogalin sa basa meranaw engkai a MORI A KA PERANON ka an di kalipati so basa a mranaw o manga phaka tondog a manga mori a tao sa ranaw.. Note: any mistake or error for the words must be refers to the original Maranao version. This is just a rewrite in Mranao with accent by Kh.D. Mangonda II

( langon siran paka sorga-an o Allah ko panagontaman iran a kama piyaan o bangsa mranaw a manga Muslim )....go so langon a salinggogopa iran a mianamar mitogalin sa basa meranaw engkai a MORI A KA PERANON ka an di kalipati so basa a meranaw o manga phaka tondog a manga mori a tao sa ranaw.. ( langon siran paka sorga-an o Allah ko panagontaman iran a kama piyaan o bangsa mranaw a manga Muslim )....