Editor: H.

Malsawmtluanga
Ph: 9615425400 / 9436784572

Thingsulthliah Students Union

Jt. Editor: Lalromawia Ph:2370285 Correspondents: K.Khualluna : 9436392830 Lalbiaktluanga : 9612322711 Ramngaizuala : 9862386148

Thingsulthliah Sub - Town Weekly Newspaper

VOL. VI NO. 14 THINGSULTHLIAH

DT. 5 May 2012

(INRINNI)

RUAH LEH THLI TLEHIN IN 9 TICHHIA Tunkar ni 2/5/2012 tlai lama ruahsur leh thli na taka tleh chuan a bik takin Seling Veng hrang hrangah In tihchhiat a nei nual a. Kan hriat theih chinah mihring chenna In 9 lai thli tleh hian a tichhia a, a tlangpui thuin Inchung rangva a thlawh chhuak a, a then rangva pakhat chauh a lak laiin In thenkhat chu rangva pali/panga lai a la a, thing leh rangva thlawkin midang In a delh chhiat a awm bawk. Kan hriat theih chinah heng a hnuaia mite In hi thli tleh khan a tichhia. Azl Road lamah Pi Sanghliri In leh Pu Vanlalkana In, Lunglei Road lamah Pu L.T.Khuma In, Pu H.Lalrammawia In leh Pu C.Thansanga In, Champhai Road lamah Pu K.Hrangchhinga(L) In, Phaibawk-ah Pu Lalruatkima In, Pu Chuangkima In leh Pu Biakkhuma In te an ni.
Heng In chhia te hi Seling VC ten a hmunah kalin a chhiat dan te an en nghal a, BDO-ah tanpuina awm thei ang ang te dilpuiin an thlen nghal a ni. Thli tleh hian mihring chenna In a tihchhiat piah lamah ran In te, ran chaw chhumna In te leh Ekin te pawh tihchhiat a nei nual mai bawk a. Thing tlu a awm nual mai bawk. Thingsulthliah leh Tlangnuam-ah chuan thli tleh hian mihring chenna In tihchhiat a nei lem lo niin VC te hnen atangin kan lo dawng. Hetih laiin thing tlu erawh sawi tur a awm nual.

levelling(hnawh khah) nan hman nise an ti a, Tuirial Balu hmangin Field hi an

timam dawn a, tin, Grass-Cutter lei an tum bawk.

Zing Ni chhuah hun : 4:38 am Tlai Ni tlak hun : 5:45 pm

LUNGNGAIH DAR RI Ni 28/4/2012 dar 5:30 pm khan Pu Phuna(72) C/o Pu P.Zoliana, Seling CP Road chu Cancer natna avangin a boral a. A ruang hi lumenpui niin a tukah Capt. Lalsangzuala, Bialtu C.O.-in a vui. LUNGPHUN Nimin ni 4/5/2012 khan Pi Liandailovi, ni 19/4/2005-a boral ta hriatrengna lung a pasal Pu Chalthianga leh a faten (Tst D/A) an phun. SMC ACCOUNT TRAINING Karleh ni 8/5/2012 hian Thingsulthliah CRC-ah Account Training neih a ni dawn a, hetah hian Sesawng Cluster, Thingsulthliah Cluster leh Tlungvel Cluster huam chhunga Primary leh Middle School-a School Management Committee(SMC) tin atangin Secretary leh Treasurer ten training hi an nei ang. Account lam hawi training pe tur hian Bawngkawn BRC atangin Resource person te an lokal dawn a ni. PRINCIPAL THAR Thingsulthliah Presbyterian English School Principal Lalnuntluanga Ralte chu M.Th. a zir zawm dawn avangin a hna atangin a bang a, a hmunah hian Managing Board te sawmna angin Tv C.Lalruatfela, M.A., B.D. S/o Upa C.Lalthanzuala D/A chu Principal thar atan
lak a ni a, May ni 1, 2012 khan a zawm.

TEK TLA LEH THLIPUI TLEHIN CURRENT TICHHIA Tunkar thawhlehni-a tek tlain Chhingchhip Sub-Station a deng chhia a. Theihtawp chhuah-a an siamthat hnu lawkah ruahsur leh thlipui tlehin zan dar 9:00 velah 33 KV Line, Thingsulthliah leh Chhingchhip inkar chu a tichhe leh a, Current neih ngaihna a awm lo, kan thim vek mai a ni. A tuk nilaini-ah nilengin an siam a, zan dar 9:00 velah an siamtha thei a. Hetih lai vek hian tlai lama thli tlehin Tuirial leh Sesawng inkar 11 KV LT Line a tichhe nual mai bawk a. Hei hi a tuk ningani-ah nilenga an thawh hnuah zan dar 7:00 velah siamthat niin Thingsulthliah Sub-Station hnuaia mite chu a tha fel thei ta chauh a ni.
Tunkar chhung chu P&E Dept. hotute leh staff te an rim tlang hle a, Chhun duty-zan lam awl, Zan duty-chhun lam awl thin pawh sawi lovin staff zawng zawng te an inko khawm vek a, Line chhia a tam avangin an indaih hlei thei lo a ni ber a. Heti chung hian chhun leh zan pawh sawi hman lovin, ramhnuai lamah an thawkrim hle thin a, an fakawm tak zet a ni. Tin, Tlungvel leh Sesawng atangin mitlawmngai ten an hnathawh an lo pui thin a, P&E Dept te an lawm hle tih kan lo dawng.

THINGSULTHLIAH CRCC THAR Pu C.Lalngaihzuala, CRCC chu a pension tak avangin Thingsulthliah Cluster Resource Centre Co-ordinator atan Pu K.Zothanpuia ruat a ni a, tun May ni 1, 2012 khan Charge a la fel. Pu K.Zothanpuia hi Sesawng CRCC a ni a, Thingsulthliah CRC hi a hmui tel hrih dawn a ni. PYKKA SUM Kar hmasa issue-ah khan kan rawn tarlang a, Seling, Maite leh Sihfa ten PYKKA atangin sum Cheng Nuai 1 theuh an dawng kan tih kha 1st instalment atan Cheng Sing 8 lak a ni chauh a, Rs. Sing 2 lak tur an la nei a ni. Seling VC & GSA chuan PYKKA sum hman dan tur an ngaihtuah tawh a, Field khuar lai

MUP HNATLANG Tukin zingkar khan Tst MUP Unit-I & II te chuan Tst Field leh a vel tifaiin an hnatlang a, an hman dan a zirin khawlai tihfai hna thawh nghal an tum bawk. Kar hmasa inrinni khan MUP Unit-I te hian SIRD Complex-ah hnatlangin thing an phun a, hemi ni hian thing 350 vel an phun hman. An thing phun te hi sava tlan duh zawng tur leh a par mawi chi te anih thu kan lo dawng. TLANGNUAM SANITATION

Tlangnuam Sanitation Committee chuan khawchhung alo fai thianghlim zawk nan Sanitation lama inkaihhruaina Dan an siam a, he Dan hi VC-in a pawmpui hnuah hman tan tura tih a ni. Veng mipui ten tha tak lo zawm turin an ngen lawk a ni.