SIMEIKHU KARTIN CHHUAK THINGSULTHLIAH

Dt. 5 May 2012 (INRINNI) PHEK- 2

editorial : Party Politics leh Khawtlang Central lam kan thlir chuan Congress leh BJP te hi India ram Party lian ve ve, inhal angreng tak an ni a. Election hun lai phei hi chuan an inbei na thei khawp mai. Pakhat Rulling-a a awmin Opposition lama awm zawkin an thil tih dik loh an chang ru reng tih tur khawpin an inmelh reng a, an inveng ru tawn a ni ber. Ram leh Hnam hmasawnna tur kawngah erawh an inthlawp tlat thung a, hei tak hi Indian Democracy chakna thuruk chu a
ni.

dah lal thiam avang te, Roreltu chu Pathian ruat a ni Rorelna dik chu lui angin luang sela, Felna chu luipui kang ngai lo angin luang rawh se tih thuthlung kan vawn avang te a ni tlat. Inthlan lai chuan Party inbeihna a awm thin, mahse, Inthlan a zo a, a tling a te kan lawmpui a, a tling lote pawhin an pawm thiam mai a. Thlan tlin ten Ram leh hnam, khawtlang thatna tur atana an hmalakna te dodal lova kan thlawp thiam a tul a, chumi atang chuan mipui ten kan mamawh Hmasawnna kan tih chu a kal chak thei chauh a ni. Kan sub-town mipuite pawh hian Indian Democracy chakna thuruk hi hre nawn thar zel ila, tichuan, hma kan sawn chak ang.

TST THING MISTIRI ASSOCIATION

President : Pu J.Ralkapenga Vice Pre : Pu PC Lalsangzuala Secretary : Pu PC Lalhmachhuana Asst. Secy : Pu Lalchhanhima(Sena) Treasurer : Pu Lalnunzira Fin. Secy : Pu K.L.Rodanga Jt. Secys : Pu Lalsangvunga, Pu TC Rosiama

Kan thenawm ram zingah a bik takin Pakistan nena kan inkar thu hi hman atangin a tha tak tak thei lo. Vawi 4 lai kan indo tawh a, Remna leh muanna a awm theih nan India chuan theihtawp a chhuah reng chung pawhin thuthlung bawhchhe hmasatu chu Pakistan hi a la ni reng a. Indira Gandhi(Congress) hun lai khan Remna thuthlung kan ziak a, A.B.Vajpayee(BJP) hun lai pawhin Remna thuthlung kan ziak bawk a. Hetiang khawpa Remna hawi zawnga ke kan pen chung pawhin Pakistan chezia hian kan ram hruaitute bei a tidawng a; Pakistan laka kan rilru put hmang chu eng party pawh sawi lovin lungrual takin kan ram tihchhiat tumtu Pakistan laka kan ngaihdan chu
a thuhmun vek mai a ni.

THINGSULTHLIAH ZONE FA LAWMTHU Thingsulthliah Zone FA ten 13th MFA Cup Football Tournament Aizawl Rajiv Gandhi Stadium, Mualpui leh A.R. Lammuala kan zuk khelh venaah lawmthu sawi tur tam tak kan nei a, he chanchibu hmanga kan lawmthu sawina hi min lo pawmsak theuh turin kan ngen a che u. Tanpuina hrang hrang min petute :1. Pu R.Lalzirliana, Home Minister : Rs. 10000/2. Pu Chuahhnuna, BDO, RD Block, Tst : Rs. 10000/3. Village Council, Thingsulthliah : Rs. 2000/4. Village Council, Thingsul-Tlangnuam : Rs. 2000/5. Village Council, Seling : Rs. 2000/6. Village Council, Sesawng : Rs. 2000/7. Village Council, Darlawng : Rs. 2000/8. GSA, Thingsul-Tlangnuam : Rs. 1000/9. GSA, Seling : Rs. 1000/10. GSA, Sesawng : Rs. 1000/11. Zone Ececutive Member thawhkhawm : Rs. 1100/Kan players te hak tur Jersey set khat leh Mawja min leisaktu Pu Raymond Lalbiaknunga, Seling te, Aizawl-a inkhel tura kan kalin kan players leh Official te tan chawei min buatsaih saktu Pu C.Lalnunmawia(Ma-Mawia), Treasurer, ADFA, Bawngkawn leh Pi Bethlehemi(Bti) W/o F.Lalzamvela, Pu Challiankhuma fanu, Armed Veng te, kan players te kar hnih chhung Coaching Camp an neih theihna atan NREGS Building min hmantirtu Sesawng V/C chungah te kan lawm tak meuh meuh a, in zavaia chungah lawmthu kan sawi a ni e. Sd/- R.Zohmangaiha C.Lalrinawma Hony Secretary Sd/President

Khawvela Democracy ram lian leh ropui ber te zing ami tia chhal ngam India hi kan nep lo. Kan thenawm ram Bangladesh, Myanmar, Pakistan-ah te hian Mipui sorkar(Democracy) a ding tak tak thei lova, Sipai chakna hmangin Democracy chu rahbehin a awm a, Sri Lanka pawh khu LTTE Helpawl an ngam hlei thei lova, India puihna an mamawh reng bawk nen, Nepal leh Bhutan phei hi chu India dawmkan leh enkawlna hnuaia seilian ve mai an ni a, China chu kan hria a, Communist lalna ram a lo ni bawk nen. India erawhchu, vawikhat mah Sipai chakna hmanga rahbeh kan ni lova, Mipui tena kan aiawh tura kan thlan te rorelna ram chak tak a la ni reng mai hi a chhunga cheng mipuite inlungrualna avang leh ram leh hnam, khawtlang thatna leh hmasawnna tur a nih phawt chuan Party politics sawi lova, mipui tena kan thlan tlin te kan

LAWMTHU SAWINA Dt. 24/4/2012(Thawhlehni) a kan u THANMAWII (73) thihna chungchangah Chhungkhat laina, thenrual tha te leh Khawtlang mipui min lainattute zawng zawng chungah lawmthu kan sawi a. Tawngtaina min hlansaktute leh sum leh pai, tha leh tui senga min tanpuitute zawng zawng chungah lawmthu kan sawi tak meuh meuh a ni. Tin, Bungrua a tul ang ang min lak khawmsaktu Tlangval te leh

Auto Rickshaw neitute chungah kan lawm tak zet a. Kan buai ve ngai hauh lova engkim a tul ang anga min buaipuitute chungah kan lawm em em a ni. Pathianin Malsawmna tam taken vur theuh che u rawh se tih hi kan duh dan a ni e. In khawngaihna dawngtu, Ralkhuma te chhungkua, Tst. Hospital Area SUB-TOWN TUILAK Thingsulthliah : Kar kalta inrinni atang khan Tuilak kawng hi a chhia a, he thu kan buatsaih lai thleng hian a chhe lai siam hna thawh mek a ni. Thlipui tleh vangin thing tluin pipe a delh chhe nual mai a, Lenchim ram lamah a chhe lai siam tur a lo awm thar zel bawk nen, nimin khan a tharin an thawk chhuak leh a, karleh lam hi chuan Tuilak kawng hi a that hman beisei a ni. Tlangnuam : Tualbung ram Tuikhau atanga Tuilak bakah Pu Sangzuala Tui an tih mai(Hei hi VC hmasa ten Pu Sangzuala ram/sih an lei kha a ni a) chu tui lakbelh nan pipe an fit zo tawh a, mahse, tui a la haw thei lova; PHED hnathawktute endik turin tunkar tawp khan VC te nen an thawk chhuak leh a, Tui hi tih haw theih anih chuan Tui hnar pahnih atangin Tlangnuam hian tuilak an nei dawn a ni. Tin, Tuikhau tui an lakna pipe te(40 mm) chu pipe lian(50 mm)-a thlak a ni a, mi 7 ten kar hnih riak-a an thawh hnuah pipe 48 lai an thlak zo hman bawk. Seling : Tunkar tir lam khan Tuilak kawng hi a chhia a, ruahsur leh thli tleh vanga thingkung tluin pipe tihchhiat a nei nual a, tunkar ningani khan a chhe lai hi an siam zo hman niin thu kan lo dawng. VC & NGO INKAWM Tunkar Thawhlehni zan khan Thingsulthliah V/C te leh YMA, MHIP, MUP hruaitu(OB) te NREGS Building-ah an inkawm hova. Thurel tur tam tak zingah Pem thar chungchang sawi hovin, Thingsulthliah khawchhunga lo pem thar ten V/C leh YMA pem lehkha an neih loh chuan khua leh tuiah pawm loh nise an ti a. Hei hi In luah tur nei te pawhin an in luahtu tu (Pem thar) te hnenah lo hriattir zel se an duh thu kan dawng. V/C leh NGO hruaitute hian khawtlang tana thil pawimawh tam tak hmachhawp neiin, hun remchangah nilenga inkawm hona buatsaih leh nise an ti bawk.