* Hun awl

hmanthat
* Kristian nundan
tha ngaihsan
* Zofate hmasawnna ngaihtuah

Estd. : 24. 10. 1994 Pro. Permit No - 25 of 2004

Vol - XVIII Issue No 289, the 17th January 2015 (Inrinni) Darthlalang Chanchinbu,

Damlo

Chanchin kan lakkhawm laia kan
vengchhung mi CHS awm te:
1. Np Amos Lalruatkima Sec-III
2. ZD Rodingliana Sec-I
3. Np Esther Lallawmsangi
4. Tv K Lalrinsanga
Sec-III
Blood Bank Report
Chanchin kan lakkhawm laia CHS
Blood Bank dinhmun chu:-

te:

Kumpuan : Ram leh Hnam Humhalh

Nang Malsawmna ni ang che....

Thisen Pe
Kan member tunkara CHS a thisen pe
1. Tv Joseph Zoremmawia
IV
2. Tv KL Biakthanpuia Sec-V
3. Tv Lalbiaksiama
Sec-IV

#
Tunkar chhung khan VC Serkawn
hmalaknain Serkawn Indoor Stadium bul,
TUV pengah leh Damdawiin Pengah te
Convex Mirror dah thar a ni a. Lirthei tlan
leh kawng kal te him zawk nana hmalakna
tha leh lawmawm tak a ni a. Lirthei khalhtuten hman tangkai theuh tum ang u.
#
Kum 2014 chhunga Christian
Hospital Lawngtlaia a awm hnuah Dr
Lalramzauva chu Serkawnah rawn kirin
Lawngtlaiah hian Dr Vanlalhmuna Kompa chu a awm ve thung dawn a ni. Tunkar
chhung khan an inthlak fel.
#
Dt 15.1.2015 khan Pu R Lalrimawia
Sec-IV, Pi ZD Rothangi leh Nl R Lalrinsangi te hriatrengna lung phun a ni a, Pu R
Vanlalthiana In Sec-II ah Pathian faka zai
leh chawhlui kilhovin hun hman a ni. Pu
R Lalrimawia hi hun puma Missionary
hna thawktu kum 30 chuang lai lo thawk
a ni a. BCM Missionary nia Tripura-a kal
hmasa ber mi 4 zinga tel a ni. Pu Rimawia
fanu Nl R Lalrinsangi hi infiamna lama
Serkawn chawimawitu a ni a. Eastern
India Athletic Meet Chennai-a neihah intlaksiakah Mizoram aiawhin Gold Medal
lo la tawhin vawi tam tak intlansiaka
Mizoram ai lo awh tawhtu a ni a. 100-400
M race-ah hian Mizoram record siamtu a
niin 200M a a record phei hi chu kum 20
dawn lai khum lohvin a awm a ni.
#
Tunkar chhung khan BHSS jr
Section chuan Gospel meeting an nei a,
thawktute leh zirlai ten an hlawkpui hle
tih kan lo hria

Branch YMA,

Serkawn :

Kartin

Chhuak

Phek 1- na

YMA Thu Hla

1.

Charge Inhlan:

2.

S.YMA Executive Committee Member :

Dt.12.1.2015 (Thawhtanni) zan khan Kum 2014 leh Kum
2015 S.YMA O.B te charge inhlanna old Aged Recreation Hallah neih a ni.

S.YMA O.B Meeting V-1 na Dt.12.1.2015 a neih chuan , Serkawn
Branch YMA Executive Committee Member heng mi te hi a ruat
thar. Executive committee member a ruat te khawtlang tan a ni tih
hria a, pawm theuh turin kan inngen a ni. Ruahman dan chuan,
Executive Committee meeting-hi Dt.26.1.2015 (Thawhtanni) zan
ah neih tum a ni.
Pu Lalchungnunga Rokhum
Tv. Zomuankima Colney
Tv R. Lalthanpuia
Pu J. Lalthanchama
Pu C. Lalmuankima
Pu K. Zodinsanga
Pu Z.D. Zairemthanga
Pu Eric Zomuanpuia
Pu Z.D. Zoramthanga
Pu K. Lalrosiama
Pu T. Lalsangliana
Pu K. Lalawmpuia
Pu K. Lalmuanpuia
Pu R. Lalrinzuala
Tv R. Lalmalsawma
Dr. H.S..Lalchungnunga
Tv Lalbeiseia Pachuau
Pu K. Lalthanmawia
Pu C. Lalrinzuala
Pu R. Lalhmangaihsanga
Pu C. Lalhmachhuana
Pu K. Lalremruata
Pu K. Lalfakzuala
Pu Zoliantluanga
Pu K. Vanlalnghaka
Tv F. Lalrinzuala
Pu Lalnunsanga Pachuau
Pu C. Lalrohlua
Pu C. Rosiamliana
Pu David Lalremruata
Pu F. Lalhmangaihthanga
Pu K. Lalmuankima
Tv H. Lalrindika
Tv K.L. Biakthanpuia
Pu. Z.D. Rualchhawnzova
Nl C. Lalbiakpuii
Nl Carolyn LB.Khiangte
Nl C. Thangzikpuii
Nl C. Lalnunpuii (Sec-II)
Nl C. Vanlalzawni
Nl K. Lalnuntluangi
Nl Lalramngheti Punte
Pu Chhunkunga Ralte
Pu K. Lalnuntluanga
Pu Lalhmingthanga

Adviser:

Pu T.Vanlalpawla
Pu R. Buatsaiha

Ex-officio:

VCP Serkawn
President & Secretary SerkawnYPC Serkawn
(Note: Hriattirna lehkha la tihchhuah loh a ni a, Committee meeting kohna
sem pahin tih chhuah a ni ang)

3.

S.YMA Raising Day:

Karleh Zirtawpni Dt.23.1.2015 hi Serkawn Branch YMA din
champha Kum 34-na a ni a. Hemi denchhen hian Section tinah
khawlai bawlhhlawh chhar fai hnatlang neih tur a ni a. Memberte
hnatlang thawk theuh turin kan insawm a, Section hruaitu ten
hnatlang thawh dan tur leh thil tul ang te hma la turin kan in ngen
nghal bawk a ni. Tin, chawhma Dar 10:0 a.m atangin Christian
Hospital Serkawn-ah Blood Donation Camp neih bawk turin a ni a.
YMA member thisen pe thei tur te chuan pek theuh kan tum dawn
nia. Section hruaitu ten section huamchhunga thisen pe thei tur
te hui khawm kan tum bawk dawn nia.

SYMA LIBRARY HAWN HUN : THAWHTANNI, NILAINI, INRINNI (3:30 PM - 4:30 PM)

Vol - XVIII Issue No 289, the 17th January 2015 (Inrinni) Darthlalang Chanchinbu,

O/B In Charge:H Lalduhthanga (Secy, SYMA) Ph - 9436157460

YMA Membership....

Harsatna lian tham chu ni lo mahse kum tin maia
YMA huanga harsatna kan tawh ve fo chu member nih leh
nih loh chungchang hi a ni awm e. Chhiat that kan han
tawk a, kan member ni ngei ngei tura kan ngaih, lo ni tlat
lo te, inpe ngeia inhre si lo ziak luh loh tlat te an awm ve fo
thin. A bikin chhiatna lam thilah hian hetiang thil hi tawn
nuam lo tak a ni thin a, sawifel mai a harsat deuh chng te
pawh a awm thei thin.

Member chhiartute kan fimkhur a ngai a, vawikhat
mai ni lo, vawihnih vawithum pawh an bial an fankual a
ngai palh thei a, kan inpe ta sa sa, kumin atana member
chhiartute pawhin fimkhur takin theihtawp kan chhuah
dawn nia.

Mipui lam pawhin tih ve tur kan nei a, YMA-a tel
awm chin,a pawl thil tum leh nihnate hretu, ni duh tur
chuan kumin atan member-ah ka inpe tawh em tih te pawh
ngaihtuah ve thin a tha ang a. Membership kan ngaih
pawimawh leh pawimawh loh hian a pawl kan ngaihdan
pawh a hril thui hle a. YMA member chauhin NREGS hlawh
a lak theih dawn tih chu ni se tun ai hi chuan kan ngaih
pawimawh leh fu a rinawm, mahse YMA chuan chutiang
hamthatna ENGMAH tiam theih che a nei lo, YMA kaltlanga khawtlang tana malsawmna ni ve duhtu i nih erawh
chuan member i nih leh nih loh i ngaihven tur a ni.

Vanneihthlak takin kan hruaituten mahni inlum
atanga inpek theihin member an rawn chhiar ang a, hmaih
palh leh a intawng remchang lovah te kan tang palh a nih
pawhin mahnia tihfel dan kawng zawng ila, a YMA khawp
ang. Tin, kan chhungte hmundanga awm mekte member
an nih leh nih lohte pawh uluk takin i ngaihven ang u.
Chhiat that tawk thei vek kan ni a, buai taka sawi kual leh
buaipui hrep ngai lo turin leh he pawl thianghlim, Zofa
zawng zawng min huapzotu pawl awmchhun hi kan ngai
pawimawh a nih chuan member kan nih leh nih loh kan
hre tur a ni.

Keima mimal ngaihdan han rawlh ve ta hram ila,
YMA-ah hian upa leh kum tam deuh tawhte an tel hian an
timawi ka ti a, inthlahrung lovin tel zel se upat hnu sam
var vu hnu thlenga telna tlaka min ngaitu an tam hian kan
branch tan chawimawina niin ka hria, a takin tha thawh
thei tawh vak lo mahse min tihausatu leh min thlamuantute
an niin ka hre thin. Kan chhungte kum upa deuh tawh
YMA-a la tel hram hram duh an awm a nih phawt chuan
inthlahrunpui lovin i tel tir hram hram zawk ang u....

Serkawn :

Kartin

Chhuak

Phek 2- na

YMA Chhang Pual

Editorial Board

Editor
- Lalbeiseia Pachuau - 8014773591
Jt Editors
- John Laldingngheta - 8974420334

H. Lalbiaktluanga - 8414047995
Manager
- Ng Lalmuanawma - 9612063939
Asst Manager - Chanchinmawia
- 9612539593
Circulation Staff:R. Lalthanpuia
N.K. Zama
ZD Lalremruata
Lalchhanhima Ralte
Malsawmkima Sailo
Members
C. Lalremruata Remlalnghaka Renthlei R. Rohmingliana
P. Lalhmingchhuana
P. Laldinmawia
Lalthanmawia Chhangte
K. Lalruatkima

Branch YMA,

Journalist Te Tawngkam Thenkhat

Journalist han tih hian chanchinbu mi,

chanchinthar thehdarh lam hna thawktu ti ila, a sual
awm love. Keini helaia SYMA Darthlalang enkawltute
ang vel hi chu Journalist tih ngam pawh kan ni lova.
Eizawna atana hmanga, hun puma thawktu, ziak,
thlalak, video etc eng media hmanrua pawh hmanga
chanchinthar mite hnena thehdarhtu tiin Websdter
Dictionary chuan Journalist hi a hrilhfiah a. Journalism
kan tih chuan chanchinthar lakkhawm leh thehdarhna
lam hna tiin a sawifiah theih mai awm e. Journalist
te pawimawhna te, tangkaina te chu sawi hman rih
lo mah ila, journalist te tawngkam bungraw lar zual,
journalism tawngkam hman uar bik deuh te tarlang
ila. Ad/ Ads: Advertisement tih kaihtawi
mai a ni a, afvertisement hi chanchinbu nunna hnar
ti ila, a sual awm love.

Desk: Editor office/ editor hnathawhna
hmun hi desk tiin an sawi mai thin.

Yellow Journalism: Chhiartu mipui hip tur
leh chanchinbu hralh theihna chauh ngaihtuah a, a
nihna tak aia a ngaihnawm leh mi chhiar duh tur
chauh thlira chanchinthar report hi Yellow Journalism an ti a, hnampui ho hian an ngaisang lo

Editorialise: Editorial-ah chuan editor-in
a ngaihdan leh hmuhdan te a ziak thin a. News
report-a news chiah chiah piahlama observation
zeh tel nual hi editorialise an ti. Darthlalanga kan
Tualchhung news tam ber hi kan editorialise thin

Margin of Error: Chanchinbu chhuak reng
rengin a chanchinbu leh zawng nena en mila tihsual
an ngah dan sawina a ni a. Thumal 1000 a thumal
1 tisual ziah thin chanchinbu ai chuan thumal 100 a
thumal 1 tisual te margin of error chu a sang zawk
a ni. The New York Times chanchinbu te hi chuan
thumal Sing 5 velah 1 te an tihsual a, an margin of
error a hniam tha khawp mai. Darthlalang issue khat
hi thumal 4500-5000 a ni tlangpui a, kan margin of
error chu a sang viau maithei, Pu Zohminga Sec-IV
te hmingpum pawh kan chhu dik hleithei lo thin chu
a nih hi....

Maestro: Spanish Football-ah chuan team
khata an midfielder tha chungchuang deuh hi Midfield Maestro an ti thin.... Journalist rual zingah
chuan chanchinthar khawnkhawmtute hotu ber hi
Maestro an ti thung.

Network Correspondence: Camera-a thlalak (still leh video) hmanga chanchinbu chawmtute
hi Network Correspondence an ti a. NC te hian
chanchinbu-a chanchinthar leh report ziak lam chu
an ti meuh lo. Pu F Puia te hi DT ah chuan kan NC
langsar zual te an ni thin....

Press Box: Puipunna (inkhelhna, concert etc)
a chanchinbu mite awmna tur an siam hi a ni

Re-Writer: Chanchinbu lian national leh international huap ho hi khawvel hmun hrang hranga
news reporter ten news an han pe khawm a. Tawngkam mawi leh chhiar nuam zawk, puitling zawka lo
ziak thatu an nei thin a, chu chu Re-Writer an tih
chu a ni. Kan member pakhat hian The Hindustan
Times-ah rei vak lo chu Internet kaltlangin re writer
hna hi a thawhsak ve tawh.

E Mail: Darthlalang@gmail.com/ WWW.Facebook.com/Darthlalang

Vol - XVIII Issue No 289, the 17th January 2015 (Inrinni) Darthlalang Chanchinbu,

Serkawn :

Kartin

Chhuak

Phek 3- na

I Velah Thimah Mi An Thi....

A Kamki

-R Vanlalthiana Sec-II

80s chhovah khan ka pu Jeep pakhat zuiin Tuichawng leh Chawngte lamah buhfai load kan thiar thin
a, handyman hna thawkin vawi tam tak motor atanga
zuangthlain JAM ka kam thin. Kha motor ke kamna kha
motor siamtute (Mahindra & Mahindra) kha chuan motor
part-ah an chhiar hauh lo a ni phawt ang - motor thar varah
pawh a rawn tel ngai lo em mai. Mahse, keini tan erawh
kha chuan a pawimawh lutuk a, a kamki kha awm ta lo
se vawi tam kan chesual dawn niin ka hria. Chutah chiah
chuan Pathian Thuin In satute lung duh loh kha, a kila
lung tangkai ber a lo ni ta a tih hi a dikzia ka hre chhuak
fo thin..

Mihringa kan lo pian hian chhungkuaah kan awm
a, chu chhungkua chu veng engngemaw berah an cheng a,
chu veng chu khawi khua emawa veng pakhat a ni. Mizote
phei chu heng bakah hian min kualkhungtu dang tam tak
a la awm a, a langsar zual deuhte chu Kohhran, YMA leh
school te hi an ni. Chumi awmzia chu chhungkaw member
kan ni a, veng/thler member kan ni a, khaw member kan ni
a, YMA, Kohhran leh (a then te chu) school member pawh
kan ni tihna a nih chu.

Lung remtuten lung an rem lai in hmu tawh em?
Lung tha leh lian, mawi leh mam chauh rem lovin lung te
leh rualrem lo tak tak hmangin an kamki thin tih kan hmu
ang. Chutiang chiah chuan chhungkuaa nep ber pawh ni
ila, kan tel lo chuan chhungkua a kim lo. YMA, khawtlang,
Kohhranah te pawh hian a sepsel ber pawh ni mah ila, kan
tel lo chuan an kim bik lo a nia. Chuvangin a kalh tikimtu
kan ni tih hriain Kohhran, khawtlang, YMA thiltihah i kamki
zel teh ang u.

Tin, motor jam khan Motor part-ah ka tel ve law
law ange tiin motor keah khan bet ta tlat mai se a buaithlak
awm mange. Mistiri ten lung an chhut kehte pawh chuan
inzawmkhawmin lungpuiah insiam ta vek se hna a sawt
mawh awm mange.

Hei, kum a lo thar leh ta a, member kan nihna pawl,
khua, Kohhran etc ah te hruaitu thar kan lo thlang chhuak
leh ta a, mi zawng zawng hruaituah kan tang lo leh ta phawt
mai. Hruaitu thlan tharte bakah hian mi engngemaw zat
chu anmahni tha chhang dawltu turin an la awm leh ang.
Chutah pawh chuan mi tam zawk chu kan la tel chuang
lovang. Mahse, member erawh chu kan la ni reng tih chu
sawi buai ngai lovin chiang ila.

Chutichuan, kan tehkhin thute kha thlunzawmin
kan nunah lalut ta ila: Ram leh hnam, khawtlang, Kohhran,
pawl te hian hruaitu tha kan mamawh a, kan tawng uangpui
chang suh se, Serkawnah hi chuan chutiang atana mi tling
chu kan nei zel lehnghal a, kan vannei ngawt mai. Amaherawhchu tlakchham deuh reuh kan nei a, chu chu a kamki
kan tih kha a ni. Vawi engngemaw zat phei chu a kamki-na
kan neih loh aleiah a pum tha zawk kan vaw phel/ keh fo
hian a lang.

Hruaitute tha chhang dawltu, an hnung zuitu, a
kamki tu kan mamawh hle a ni. An rorelna tihlawhtling
tura theih tawp kan chhuah lehzual a tul viau a ni. Sawisel
theih loh an ni lova, kan that tlanna turah chuan hotute
pawh i sawisel ngam ang u (Amaherawhchu helam ti thei
deuh deuh hi chu kan tamin a lang) kan sawisel vanga tih
tauh zui a, kan chhiat dawn hial pawha pawisa lo awm
taka awm erawh hi chu sim a, bansan chi ngawih ngawih
a ni - kan tel vena ngei a ni si a.

Tin, hruaitua tan laia fel, taima, inpe zo tak, midangin an hruai ve laia hruai theiha awm thiam thak lo
pawh awm ve theih a ni a, chu pawh chu chin ve loh a tha
ang. Kan nih thin laia midang kan beisei ang kha ni thiam
ila, a lawmawm khawp ang.

Aw
le, kankan
sawi
tum tak chue....
kan hrethiam thovin
Column
lehlamah
chhunzawm

Branch YMA,

Eng chu a fiah zawh poh leh engin hlimthla dum a

siam chu a dum zual a, a thim zual thin....

Tunlai khawvel changkanna engin Zoram

hmun kilkhawr ber pawh rawn chhunin computer,
Smart phone, internet etc kan buaipui nasa ve ta hle.
Heng thil te hian kan tan tangkaina nasa tak pawh a
neih laiin kan khawtlang leh Kohhran tan malsawmna
nge anchhia an nih tih hi inhnialna tham a la ni reng
a. ni

Facebook, Whatsapp, computer games, Smart phone
etc kan buaipui lutukna hian kan nunah nghawng tha
lo a nei thei a. Langsar lutuk si lovin hetiang uar tak
te hi kan chezia leh hawiher, kan awmdanah hian
danglamna mak tak kan bul vela mite tana hriat theih
tak si chu hetiang thil te uar uchuak (adict) tlat ho
hian midang ngaihsakna kan tlachham thin tih hi a
ni.

Mi kan be ve a nih pawhin pawnlang takin,
thian kan kawm a nih pawhin rilru pe tak tak lovin kan
kawm duh hle a. Kan zirna leh Pathian kan pawlna
nunah leh inkhawm lai la la a kan rilru puthmangah
te pawh nghawng tha lo a nei thei tih theihnghilh loh
a tha.

Japan rama zirbingna an neihah chuan Japan
mite zinga mahni nunna la an tamna chhan chu an
(Japanese ho) buai lutuk avang hian an nuna harsatna
leh mangan ruknate sawipui (share) tur thian tha leh
laina an hmu ngai lova. Mahni thian tha ber berte
pawh kawm hman lovin mi tin an buai a ni (an thawh
rimna hi chu a ngaihsanawm) Hei vang hian Japan ramah chuan khawpui lian, factory buai leh industry
lian taka khawl ri mup mup leh thawktu sing chuang
insulpel zut zut karah mal ngawih ngawihin a awm
theih tlat

Keini pawh hi kan la TKP reng a, kan la YMA
reng. Kan la hnatlang a, kan la inkhawmpui a, Krismas/ Missionary Day thingpui kan la lum ho reng lai
hian kan nun chhungril tak chu a inhlatin a in hawisan
niai nuai mai ang tih a hlauhawm tan ve mek a ni....

Kan bul maia awm thian thate, kan chhungkhatte pawh ngaihsak hleithei lo, thil tul pawh
ti hleithei lo kan nih chuan kan inenfiah a ngai ang.
Chhungte ruala chaw pawh ei hleithei lo khawpa
online Social Networking etc i buaipui chuan i kalsual
fu tawh tihna a ni maithei. Kan chenna chhungkua, a
taka kan thian te, a taka kan telna pawl leh Kohhran
etc te hi kan taksa nena in si renga awm, kan Social
Network pawimawh hmasa ber a ni... Hei aia Fb emaw
i buaipui tawh chuan i nihna i hloh nasa hle tih hria
ang che....

(He thu hi 2012 vela kan tihchhuah tawh a ni a,

tunlai kan nunphungah hian mamawhna a la awm
tho nia kan hriat avangin kan han tarlang nawn leh
a ni - Ed)

Column lehlamami chhunzawmna....

ka ring a, A kila lung pawimawh, a kamki atana tha,

hnungzuitu fel, tawiawmtu taima... hi Serkawn hian a
mamawh a ni. Kei pawh ka thatna lai ber nia ka inhriat
chu ka theih chin chinah hotute tawiawm hi a ni.

Khawngaihin ka thu ziak hi ngai haw lovin
ngai kawi lo hram ila, Serkawn khua leh Kohhran
nuam kan neih theih nana min puituah i hmang zawk
ang u
Ka lawm e....

Thuvawn: YMA chu tanpui ngaite tanpuitu a ni

Vol - XVIII Issue No 289, the 17th January 2015 (Inrinni) Darthlalang Chanchinbu,

Section Leh Committee Peng te Hriat Tur

SYMA Section hrang hrang hruaitu, O/B te leh

Committee Peng member te, kum 2015-a Section Hruaitu
thlan leh Committee Peng te ruat thar a nih hma chuan
kum 2014 a kan mawhphurhna ang kha la chelh a, a tul
anga lo kalpui zel rih turin kan inngenin kan inhriattir a.
Section inthlan thar hun leh Committee peng te ruatna hi
a hranin kan la inhriattir leh dawn nia.

Consumers Association: Serkawn Branch

HRIATTIRNA

Mandate for Non-Aadhar bases LPG subsidy

Transfer Form-a hming thlak ngai la tifel lo te chu Consumer Association-in a buaipui theih dawn tawh loh
avangin mahniin connection neihna agent hnenah mahni
kalin inbuaipui tawh tur a ni tih kan han inhriattir e
sd/- P LALNUNTLUANGA
Secretary
Consumers Assn Serkawn Branch

Jacket Bo

Jacket bo chhar a ni a, a tibo chuan Pu T Lalsangliana Dawrah ngaihven theih ani.

Young Peoples Club Serkawn

Hriattirna

A hnuaia hun leh hmun tarlanah hian kum 2015

chhunga Young Peoples Club (YPC) Serkawn hruaitu tur
thlanna neih a ni dawn a, member te kim taka kal turin
kan inhriattir a ni.

A Hun
: Dt 24.1.2015 (Inrinni) 2:00 PM

A Hmun
: YPC Committee Room

Nomination List leh thil; tul dang te chu Darthlalang issue lehah kan inhriattir dawn nia.
sd/- R LALRUATPUIA
Secretary

Shoe Repairing Association Lunglei

Shoe Repairing Association Lunglei chuan
dan leh rate a siam thar a, kan rate leh dan siam hi
mipui ten zawma hmang theuh turin kan insawmin
kan inngen a ni.

1. Pheikhawk siam tur dahtuin a hming leh
address a ziak tur a ni.

2. Pheikhawk siam sa thla 1 aia rei a awmin a
bo palh pawhin a siamtuin mawh a phur lovang

3. Pheikhawk siam tir hmanhmawh duh tan
a man pek lawk tur a ni.

4. Pheikhawk siam tur chu fai leh ro tha taka
dah tur a ni

5. Pheikhawk siam sa pawisa pe lova lakchhuah phal a ni lo

6. Pheikhawk siam sa hi a neitu ten a rang
lama in khul loh a, thla 1 aia rei in dah dawn a nih
chuan a siamtu hnenah sawi vat tur a ni.

7. Pheikhawk siam sa a siamtu hnenah thla
1 aia rei a awmin a neituin a khul lo a nih chuan a
siamtuin a hralh a nih pawhin engmah a sawisel
thei lovang
- TBC Vanlalsanga (Lala)

Serkawn i vawngfai ang u

Branch YMA,

Serkawn :

Kartin

Chhuak

Phek 4- na

Leiman Pek A Hun

Kum 2014-15 chhiah (Leiman) pek a lo hun

leh ta a. February 2015 ral hmain Revenue Office Lungleiah office hun chhungin pek fel vek tur a ni. Hun
tiam ral hmaa pe lote chuan chhiah hi 20% pungin an
chawi dawn a ni. Tin, sorkarin leiman rate hi a tihsan
avangin kumdanga kan pek thin aia sang deuh pe tura
inringlawk turin min hriattir a ni.
sd/- H THANCHIANGA
Secretary, VC Serkawn
Darthlalang ti ti
#
Phekthumnaa article ngaihnawm leh zirtir
nei tha rawn thawhtu Pu Thiana Sec-II chungah kan
lawm em em a. Buai tak kara thu tha tak min ziaksak
thei hi a lawmawm a, a chhuanawm a ni. Chhiar la,
a kila lung tangkai nih zir rawh le....
#
Tv LH Lalrinchhana tih reng reng tlai deuh
deuha len ching lo kan hre lo, Tv Valtea (LH Lalrinchhana) Sec-I hi Thawhlehni zan khan Dar 9:50 ah
a leng tur kal chhuak kan hmu a, Tv Chhantea (LH
Lalrinchhana) Sec-III hi Nilaini zan khan Dar 10:11
ah a kal chhuak ve chiah bawk....
#
Kan manager Pu Muanawma Sec-V hian a
nupui Pi Bi-i aiin an vawk a care zawk an ti....
#
U Mawite, nulat thlah nana lm ka ni lo, Pathian
faka lm alawm ka nih -Mazawngi Sec-II
#
Thianpa Zika Sec-V leh Pu Romuana Sec-II
te khan sakawlh hlau lovin Nunnem Lal Isua hi lo
hlau tawh zawk rawh se - Pu Hmingthana Sec-III
Eheee.... Tv Lawma Sec-III leh Tv Sanga Sec-I ten
Pu Hmingthana te in chung, a thlawna rawng an
hnawih puina chhan hi engemaw tak a awm kan lo
ring ve leh hmiah mai.....
#
Tv Hriata Sec-II hian mahni dawr nghak ngai
mang si lovin Krismas lai khan Durtlangah dawr a
nghak thin a. Inkhawmnaa khum tur lukhum var te
pawh a lei niin kan lo hria....
#
Tv Thanpuia Sec-I, Tv Ruatliana Sec-I, Valtea
Sec-I etc te hian Urlawk zan khan kan Adviser Pu
Kunga Sec-I te Krismas tuk chawhmeh tur arsa kan
an lo risk sak a, Krismas tukah Pu Kungan artui lei
tur a zawng thuak thuak mai....
#
Rul chuk hlum zawh loh Tv Ramsiama Sec-V hi
Tuipui D nulaten an ngai tawh hle tih kan lo hria.
#
Missionary Day ruaitheh ni chuan chaw chhum leader Pu Duhtea Sec-III leh Pu K Muana Sec-II
te chet dan a dang riau mai.... Pa tir ho chuan mut
kan duh thin an ti a, a hma zanah an bungbel hman
turte lo inhmakhua pahin Tv ZDBTA bulah an insawi thei vak a.... Kum danga zing dar 4:00 hmaa tui
chhuang so a, thiante kaitho thei thin khan, an thei
tawh lo, i hrethiam ang u....
#
Keini mi blau ve tak tak te hian, 11th
Januray zana Serkawn Biak Ina Upa J Lawma Sec-I
sermon kha Sermon Nung niin kan hria.... Ngaithlatu
DEB member 4 ten a sawi tupa chibai kan duh tlat.
Darthlalang Editor te pawh lo ni tawh thin Pu Lawma, DT kaltlangin kan chibai che.... Kohhran Upate
zinga DEB te hau tuar zing pawl ni mah la, nangmah
kaltlanga hman zana Pathian thuchah puanchhuah
kha chu ropui kan ti takzet, i rawngbawl zelna atan
duhsakna kan hlan a che.....
#
Pu Bible-a Sec-IV hian BMP hruaitu a lo nih
tak hnu hian a hming a thlak a, Pu BT Ruala tih tawh
tur a ni.... BMP hruaitu nih tawh chuan mahni fapate
bawl chin tawh loh tur tih hi DEB te advice....

Published and Edited by Lalbeiseia Pachuau for and on behalf of Branch YMA, Serkawn : Printed at BPP Serkawn, 550 Copies