* Hun awl

hmanthat
* Kristian nundan
tha ngaihsan
* Zofate hmasawnna ngaihtuah

Kumpuan : Ram leh Hnam Humhalh

Nang Malsawmna ni ang che....

Estd. : 24. 10. 1994 Pro. Permit No - 25 of 2004

Vol - XVIII Issue No 297, the 24th January 2015 (Inrinni) Darthlalang Chanchinbu,

Blood Bank Report

Chanchin kan lakkhawm laia CHS
Blood Bank dinhmun chu:-

Thisen Pe
Kan member tunkara CHS a thisen pe

te:
1. Pu P Lalhmingchhuana IV
2. Nl Mimi L Fanai
Nurse
Missionary Damlo
Pi Darrimawii
Parva

#
BCM Serkawn chuan Dt 18.1.2015
khan Kohhran Upa thlanna an nei a. Pu
R Lalhriatpuia Sec-I leh Dr Lalramzauva
Sec-III te chu Upa atan thlan chhuah an ni.
An rawngbawl zelna turah duhsakna kan
hlan a, Pathianin awmpui zel se kan ti.
#
Pi Lallawmkimi w/o Pu C Vanlalnghaka Sec-III chu Lawngtlai atangin
CHS Serkawna thawk turin sawn a ni a.
leh Nl Saichampuii Sailo d/o Pu Lalnuntluanga Sailo leh Tv R Laltlansanga s/o Pi
H Laltlanthangi Sec-III te chu Lawngtlai
Christian Hospital a hun engngemaw chen
thawk rih turin an kal.
#
Upa LH Liandinga Sec-I chu in
check-up in Vellore-ah a kal mek a, dam
taka lo haw thuai turin kan duhsak.
#
Kan Editor leh Pu P. Lalhmingchhuana Sec-IV te chu Rural Development
Department a, Directorate of Social Audit
Unit hnuaiah Lunglei District-a MNREGA
Social Auditor atan ruat an ni.
#
CHS Medical Superintendent
Upa Dr B Laldinliana leh Upa Dr LH Lalrammawia Senior Medical Officer te chu
meeting pawimawh neiin Vellore-ah an
zin mek a ni
#
Np Lawmsangzuali (Zualtei) d/o
Pu C Lalbiakliana Sec-I chuan Dt 22.1.2015
khan accident a tawh avangin Aizawl lamah tlanphei pui a ni a. Dam tha taka lo
haw leh thuai turin duhsakna kan hlan a
ni

Serkawn :

Kartin

Chhuak

Phek 1- na

YMA Thu Hla

Damlo

Chanchin kan lakkhawm laia kan
vengchhung mi CHS awm te:
1. Pi PC Lalnunkimi
Sec-V
2. Pu ZD Rodingliana
Sec-I
3. Pu T Lalthanchama
Sec-V
4. Tv K Lalrinsanga
Sec-III

Branch YMA,

Meeting Kohna

A hnuaia hun leh hmun tarlanah hian kum 2015-a SYMA
Executive Committee meeting hmasa ber chu neih tur a ni a.
Thu ngaihtuah tur pawimawh tak tak a awm avangin member
te ngai pawimawh theuh turin kan inngenin kan inhriattir a ni.

A Hun : Dt 26.1.2015 (Thawhtan) Zan Dar 6:45

A Hmun : Old Age Recreation Hall

Kohna lehkha hmu lo palh kan awm a nih pawhin hei hi
kohna a ni tih kan hre dawn nia
1. S.YMA Raising Day:

Nimin, Zirtawpni, Dt.23.1.2015 kha Serkawn Branch YMA din
champha Kum 34-na a ni a. Hemi denchhen hian Section tinah zingkarah khawlai bawlhhlawh chhar fai hnatlang neiin chhun lamah
Christian Hospital-ah a mamawh apiang te hman turin thisen pek a
ni a. Chanchin kan lakkhawm lai hian thisen unit engzatnge kan pek
kan hre hman lova ni.

Branch YMA Serkawn hi kum 1981 January Ni 23 zanah Arthington Hall-ah nula/tlangval, nu leh pa mi 87 kalkhawm te chuan YMA
Serkawna din ve tha an ti a, hruaitute thlang nghalin an thlan chhuah
kan hruaitu hmasa ber te chu heng te hi an ni:

President
: Pu R Saichhunga

Vice President
: Pu C Lalmuana

Secretary
: Pu K Zathuama

Assistant Secretary : Tv C Zorema

Treasurer
: Tv R Lalrosanga

Finance Secretary
: Nl Saisangpuii Sailo te an ni
2. SYMA Ngenna:

Kum 2015-ah hian Branch YMA Serkawn hian a theih ang tawk
tawka khawtlang thatna leh hmasawnna leh thlamuanna atan te thawh
zel a tum a, YMA Kumpuan Ram leh Hnam humhalhna kawngah pawh
a tul ang zelin hma kan la dawn a ni. SYMA hian Kohhran, tlawmngai
pawl dang te leh mi tin te nena thawhhona tha kan mamawh leh dawn
a, kum dang ang bawka min tawngtaipui a, thurawn te min pe leh
turin mi zawng zawng kan sawm a. YMA hmalakna ti thuanawptu
ni lova tichaktu leh tanpuitu kan ni theuh dawn nia, tichuan, SYMA
hi zau leh zualin mite tan leh Serkawn khawtlang tan malsawmna a
ni thei dawn a ni.

MHIP Hriattirna

A hnuaia hun leh hmun ruatah hian MHIP Serkawn Branch

kum 2015 atana hruaitu tur thlanna neih tur a ni a, member zawng
zawng te ngai pawimawh a tel theuh turin kan inhriattirin kan inngen
a ni.

A Hun : 26.1.2015 (Thawhtanni) Dar 11:00 AM

A Hmun : Old Age Recreation Hall
sd/- LALRAMZAUVI CHAWNGTHU
Secretary
MHIP Serkawn Branch

BLO Hriattirna: EPIC LAM THEIH

Electoral Roll-a lut thar te, transfer te leh Correction siam ten
mahni awmna BLO hnenah EPIC lam theih a ni a. A rang lama lam
turin kan inngenin kan inhriattir a ni.
SYMA LIBRARY HAWN HUN : THAWHTANNI, NILAINI, INRINNI (3:30 PM - 4:30 PM)

Vol - XVIII Issue No 297, the 24th January 2015 (Inrinni) Darthlalang Chanchinbu,

Hmuh awla a awm lai hian, Lalpa chu zawng ula,

A hnaih lai hianin Amah chu ko ru;

Kan khawtlang nuna kan ngaihmawh leh tha lo te
halrala a awm a, khawtlang nun tha, fel leh mawi kan neih
theih nan Lalpa hnenah i kir ang u..... Chu chu kan Serkawn
khawtlang damna leh himna, kan hlim tlanna tur awmchhun a ni......

Sualnaa khat Ninevi khawpui kha thlir ila, zawlnei
zingah pawh a nawi deuh ber Jona hmangin Lalpan an sualna a hriat tir a, an lal ber hovin simin saiip puan an sin a,
Lalpa an au a nih kha.... Lalpan an authawm A lo ngaithla
a, an sual A ngaidam ta a nih kha.... Kan ram sualna kan
hria, media kaltlangin kan hmu.... Kan khawtlang a him
tawh bik lohzia kan hria.

ZAWLNEI hmangin kan ram sualna min hriattir
ve kher lo mahse, kan mitin kan hmu a, chanchintharah an
puang a, Social Media-ah a darh chuai chuai a, haider rual
a ni lo. Hetih lai hian sima Lalpa au lo hian in dem tawn
nan leh politics-a inchirh theh nan te kan la hmang mai
mai ang maw? Inngaitlawma Lalpa lam kan hawi thuai
loh chuan a hremna meipui hi a hla vak tawhin a rinawm
loh.... Keimahni nun theuh inenfiahin kan zain Lalpa i pan
ang u tiin kan insawm a ni....

Ka hming pu ka mite chuan inngaitlwma an

tawngtai a, min zawn a, an awm dan sualte an
hawisan chuan, vn atangin ka lo ngaithla ang
a, an sualte ka ngaidam ang a, an ram chu ka
tidam leh ang

Serkawn :

Kartin

Chhuak

Phek 2- na

YMA Chhang Pual

Lalpa Chu Zawng Ula....

Kan ram sualna leh Pathian hawisanna nasat tawhzia
kan hria a. Pawngsual, inthahna leh sualna mak danglam
tak tak kan hre zut zut a. Kan khawtlangah, kan Serkawnah
ngei pawh hian chanchin tha lo leh sualna hrang hrang hi
a punlun ta hle mai. A la nasa zel dawn niin a lang bawk si
a, manganthlak tak a ni

Heng kan ram leh khawtlanga thil duhawm lo tak
tak thleng thinte hi kan vei theuh niin a lang. Engtinnge
kan tih ang? YMA in an veng seng lo, Kohhran thahnemngaihnain sawt loh chin a nei thin. VC te thuneihna piahlam
a ni a, an khap ngawt thei bik lo.... Heti chung hian tam
tak chuan thil bo awm se Khawnge YMA? An duty tha lo
emni? kan ti Kan VC te nep vang kan ti a, Kohhranin
a tih tur a ti lo te kan ti thin. A dik vek mai, khawtlang
hruaitute, Kohhrante hian tih tur chu an nei ngei mai.

Mahse, bawhchhiatna leh sual vanga kan natnaah
te hian kan hruaitute kan en a, YMA, TKP etc kan en a, an
theih phak bak bak thlenga a kan beisei lai hian A TIDAM
THEITU PATHIAN zawk hi kan ngai lo hlein a lang. Khawtlang leh Kohhran te pawhin tih theih chin chu nei mah
ila, a damna tak tak chu Lalpa a ni. YMA President leh VCP
te mawhah dah suh. Kohhran hruaitute pawh mihring ve
mai an ni a, theih loh chin an nei.

Khawtlanga sualna leh thil duhawm lo tak tak a
lo thlen chang hian a damna tak tak ngaihtuah lova, DT-a
a tisualtu tarlan a nih leh nih loh lo vei zawk tlat pawl te,
hmannia tisualtu an vuak angin tun ami hi an vaw ve em tih
vel mai maia lo buai ve hrep te kan awm thin. Hetiang thil
mai mai kan la buaipui a, kan khawtlanga harsatna thleng
thinte hi hruaitute sawiselna remchanga kan hman chhung
hi chuan dam i beisei lovang u. Kan khawtlang sualna leh
natnate hi a dam theih nan tidam theitu Lalpa kan zawn a
ngai tawh zawk a ni....

Branch YMA,

The Righteous Cowboy

Thupuiah hian saptawng kan hmang a, Zo

Tawng chuan Dikna Ngaisangtu Cowboy tiin
kan sawi thei ang. He thu hi US President George W
Bush-an President a nih laia Texas State khawpui,
Austin-a school pakhat a tlawhnaa school naupangte
hnena a sawi a ni a. A tak tak nge phuahchawp kan
hre lo, a zirtir erawh a tha hle.... A sawi dan angin
sawi chhawng ila.

Hmanlai hian Texas-ah hian cowboy sual
tak Simpson-a a awm a. Tual a thah hnem vang leh
bank rawk thubuaite a neih avangin manin Houston
jail-ah khung a ni a. Karkhat pawh a tan hmain jailer
vawhlumin a tlanchhuak a, jailer silai chu laksakin
amah umtu Sherif leh a deputy pahnihte chu a kaphlum bawk a. Thuneituten nasa taka an zawn hnu
pawhin an hmu zo ta lova, Simpson-a chukhaihlum
tura a chung thu rel a ni a, Simpson-a (thiin emaw
damin emaw) man theitu chu Pound 50,000/- pek tur
a ni.

Hetih lai hian Simpson-a chuan Houston
chhimlam hla taka Victoria khaw daifema Pu Thompson-a ranch-ah hming thar Brandon invuahin fel
leh taima takin hna a thawk a, amah zawngtu Texas
Ranger leh Sherif te tan pawh hriat ngaihna awm lo
khawpin a inthup bo a. Pu Thompson-a hnathawktute hotu, Foreman ni chhovin Thompson-a fanu
Jacqueline-i chu nupuiah a nei a, kum 5 a lo ral ta
der mai....

Simpson-a leh a thiante bawng hralh tura
Houston-a an kal laiin thil danglam tak a thleng ta
tlat mai. Simpson tih hming pu ve tho, Wanted Simpson-a (hmel) ang em em mai chu Houston-ah chuan
man a ni a, Sherif ten an lock-up nghal hmiah a. Mi
tang chu Wanted Simpson-a ngei kha nia hriat a nih
avangin, Governor hnenah Wanted Simpson-a man
a nih thu an thawn nghal a, khaihlum a ni dawn ta.

Simpson-a dik takin he thu a hriat hian a
rilruah thil dang a lut thei ta tlat lo. Chupa chu ama
aiah chuan khaihlum ni ta se amah chu a zalen tawh
dawn.... Mahse, a ni theiin a hre si lo Ka sualna
vangin hepa hi a thi ngawt thei lo tiin chupa an
khaihlum dawn ni chuan khawvar hmain Simpson-a
chu Houston Sherif hnenah kalin amah zawk chu
Wanted Simpson-a zawk a ni tih a va inpuang ta a.

Sherif chuan Texas Governor hnenah thil awmdan chu a va hriattir leh a, huaisen taka Simpson-a
inpuanna hian Governor thinlung a khawih nasa ta
mai a. Governor chuan ni thum lo nghak rih turin a
ti a, Governor thupek chu an lo nghak ta a. Ni thum
nia a Governor-in Sherif hnena a thu rawn thawn
chu hetiang hian a ni:
Outlaw, luman Pound 50000 nei Simpson-a
hi thudika a din vang leh a rinawmna avangin a sualnate chu lal ber hmingin ka ngaidam a. Simpson-a
hi a nun sual kalsan tawh turin duhsakna sang ber
ka hlan e tiin.

Dikna tan tlattute hi khawi hmunah pawh
miten an ngaisang thin a, dikna vanga tuar ngam
te hi an him zawk thin. Dawihzep vanga thu dik tan
ngam lote hi an him ngai bik chuang lo....
Hnam fel thutak zawmtu chu a luh theihna trin kulh
kawngkhrte chu hawng rawh u (Isaia 26:2)

E Mail: Darthlalang@gmail.com/ WWW.Facebook.com/Darthlalang

Vol - XVIII Issue No 297, the 24th January 2015 (Inrinni) Darthlalang Chanchinbu,

Kan Hruaitu Tharte

Kan Hmelhriat Nan

Dt 3.1.2015 khan Pathianin memberte kaltlangin
kum 2015 a SYMA hruaitu (Office Bearer) tur duhawm
tak tak min pe leh ta. Kan hruaitu thar te hi khawtlangah
leh SYMA-ah mithar an ni lova, hmelhriat tir kher pawh
an ngai lo mai thei. Amaherawhchu, kumina hruaitu tur
an nih angin an chanchin tawite te, naupang zawk te leh
tlema la khual deuh te pawhin kan hriat theih nan....

1. President : PU LALBIAKZARA: Kan president
thar Pu Biakzara hi Serkawn YMA hruaitu hlun a ni a, OB
post hrang hrang pawh chelh kual tam tawh tak a ni. A
zawna kum 10 aia tam hruaitu nihna hial lo chelh tawhin,
CYMA hruaitu hlun chawimawina pawh dawng thei tawh
a ni. YMA hi Pathian rawngbawlnaa pawm tlat mi, tuna
SYMA hruaitu la ni mek te zingah chuan YMA rawngbawlnaa thawk rei tawh ber, SYMA neitute zing ami a ni. Sub
Headquarter YMA Lunglei ah hian Office Bearer nihnate
pawh lo chelh tawhin tunah SEC member a ni mek a, Sub
Hq YMA Lunglei Fund Raising Committee-ah SEC incharge
in a awm mek a ni.

Pu Biakzara hi Central YMA thlenga hriat hlawh,
YMA puipate zing ami a ni a. YMA thilah chuan tlanchhe
ngai lo, mawhphurhna hlen chat chat mi, entawn tlak
leh hruaitu nih tling a ni. A tawnhriat a ngahna hi SYMA
leh Serkawn khawtlangin kan tangkaipui hle thin a ni.
Eizawnna lamah, Power & Electricity Dept-ah a thawk a,
Section-IV Ramzotlang (Volleyball court bulah) ah a nu leh
pa leh nupui fanaute nen an cheng. Biak duhna nei tan
9436371345 ah be hreh lovang u. A hmel a rorum ai hian a
nem roh a, biak a nuam roh viau a nia, a tak takah chuan
a thiannu Pi Sangmawii pawh hi a ngam miah lo a nia....

2. Vice President : Tv P LALRIMAWIA: Mi chuan
Mawite tiin ko mah se keini chuan U Lalri-a/Pu Phantom-a tiin kan ko thin. Kan branch YMA hruaitute zinga
tlangval awm chhun hi Serkawn khawtlang leh Kohhran
rawngbawlnaah a mikhual lova. Serkawn Unit TKP hruaitu
hlun ber te zing ami niin tunah hian Serkawn Tualchhung
Kohhranah Junior TKP hruaitu a ni. Consumers Association Serkawn branch ah Assistant Secretary a ni mek a.
SYMA-ah hian President nihnate, Vice President nihnate
vawi engngemawzat lo chelh tawhtu a ni a.

Mi nunnem, midang hriatthiamna ngah mi a ni.
Section-II, huamchhung, Serkawnphei (Bazar Shed Opposite)
ah a nu leh a unaute nen an cheng. P&E Dept Lungleiah
a thawk mek a. Phone Number 9862820046 ah biak pawh
theih a ni a, nulate phei kha chuan thahnemngai takin lo be
teh u. Tiam tlat e tihpui duh te in awm a nih chuan kan
thlawp tlat ang. Kumthar atang chuan tei kual sek lova,
awmna ngaia awm ve hle hle te pawh zir chhoh a tum nghe
nghe a ni
3. Secretary : Pu C LALBIAKZUALA: Pu Bz-a
hi kan DEB member senior Tv Matea leh an senior pui
te chuan Biaktea tiin an ko thin. SYMA hruaitu hlun,
Upa C Hualkunga fapa a ni a, YMA a chhum hmin a nih
angin kum naupang tak a la nih lai atanga SYMA hruaitu
nihna lo chelh tawh a ni. Secretary leh Assistant Secretary
vawi engngemawzat a lo ni tawh a, Darthlalang Editor
nihna pawh a lo chelh tawh. BCM Ramzotlang Kohhran
chanchinbu Petros Weekly Editor nihnate lo chelh tawhin
TKP rawngbawlnaah pawh mi tangkai tak a ni. Tunah
Consumers Association Serkawn branch-ah Treasurer a ni
mek a.

YMA vanga nula rimna hun pawh nei hman mang
lo thin kha nikum 2014 khan Partei hian lo khawngaihin
Tiam Tlat e a lo tih pui a, Pu a lo ni ta a ni. Section V
huamchhung, Melteah a nu leh pa leh unaute nen an cheng
mek. Biak duhna i neih chuan 9862611372 ah a biak theih

Branch YMA,

Serkawn :

Kartin

Chhuak

Phek 3- na

e....
4. Asst Secy : PU H LALDUHTHANGA:
Pu Duhtea hi Serkawn khawtlang rawngbawlnaah
mikhual a ni lo. Serkawn tlangval tlawmngai leh
entawntlak ber te zing ami a ni thin a, Lunglei huapa
thalai entawntlak te hnena hlan thin NYK Lunglei
Youth Award pawh dawng tawhtu a ni. SYMA-ah
hian Secretary leh Asst Secretary nihna te vawi engngemawzat a chelh tawh. Pu Duhtea hi STKP ah
pawh Executive Committee Member ni reng thin a
ni a, Consumers Association Serkawn branch-ah
Financial Secretary a ni mek. BCM Headquarters-ah
Baptist Literature Service Dept-ah thawkin nupui leh
unaute nen Section-III huamchhung Hospital Quarters
ah an cheng mek. I biak duh chuan 9436157460 ah bia
la, Pi Mahluntein a lo pick-up khalh lovang. An nu
Pi Mahluntei a rim lai chanchin hi ziak tur ni se, keini aiin
Pu Puia leh Pu Lch-a ten an hrechiang ngei ang.

5. Treasurer: Pu C LALMUANZOVA: Pu
Mamuana hi a then chuan Muanhlua kan ti. SYMA
Treasurer nihna a zawna kum 3 a chelhna tur a ni
a. Pu Muanzova hi branch YMA Office Bearer a nih
hma pawhin SYMA Section III hruaitu hlun a ni a,
leader nihna pawh hun rei tak a lo chelh tawh a ni.
Pu Mamuana hi YMA rawngbawlnaa chiang em em,
a sawia sawi aia a taka thawk chi, mi invawng fel leh
thil ti mai mai ngai lo a ni. Pu Mamuana hi Serkawn
BMP-ah pawh Committee member tangkai ber te
zing ami a ni a, Consumer Association lamah pawh
Executive Committee member niin a thawh hlawk hle.
Pa tlawmngai leh mahni tih tur pual ti chat chat mi,
mi hrat khawkheng a ni. Pu Muanzova hi Section-III
huamchhung, Vengthlang, Zohnuai pengah a nupui Pi
Rinpuii leh an fate nen an cheng mek. 9236391677 ah
biak theih a ni e.
6. Fin Secretary: Pu K BIAKTHANSANGA:
Kan Fin Secy thar, Pu Sanga/ Lawma Pa hi branch
O/B ah chuan mi thar a ni a, SYMA leh khawtlang
rawngbawlnaah erawh chuan mi thar a ni lo. Pu Sanga
hi kum engngemawzat SYMA Executive Committee
member tangkai, Section-III hruaitu hlun a ni. Kum
liamtaah pawh khan SYMA Sec-III leader leh SYMA
Kumpuan Committee Vice Chairman a ni. Pu Sanga
hi infiamna lama tui tak a ni a, YPC Serkawn ah hian
hruaitu nihna a lo chelh tam tawh hle a. Consumer
lamah hian Committee member tangkai tak a ni mek
a, BMP lamah pawh hian a thiam ve tawk, Cedar
chanchinbu sem tih velah chuan a lak tlak ve viau an
ti....

Sunday School a la kai kim hlei thei rih lo
hi chu kan vei em em a, kumin chuan branch YMA
hruaitu a nihna ang pawhin kai kim tir ngei tawh kan
tum. Khawtlang tana thawhna kawngah mahni tih tur
pual tlanchhiatsan ngai lo, YMA kaltlanga mite tana
malsawmna ni thin mi a ni. A nupuiPi Larovi leh an
fapa rangkachak Lawma te nen Section-III huamchhungah an cheng mek a. Rural Development Dept a
thawk mek a ni. Biak duhna i neih tan 8119867453 ah
biak theih a ni a, Pu Chalkhuma makpa kha i ni em?
tih kher loh tur.

Kan hruaitu thar zawng zawng te chibai kan
buk che u a. YMA kaltlanga khawtlang tana malsawmna ni tur leh chanhai riangvaite thian ni turin
kan duhsak che u a ni. Khawtlang thatna tur leh kan
hlim tlanna turah chuan huaisen taka ke pen ngam,
tlawm a tul huna tlawm ngam, Pathian hre reng chunga khawtlang hruaina hna thawktu ni theuh turin
duhsakna chibai kan buk a che u.

Column lehlamah kan chhunzawm e....

Thuvawn: YMA chu tanpui ngaite tanpuitu a ni

Vol - XVIII Issue No 297, the 24th January 2015 (Inrinni) Darthlalang Chanchinbu,

O/B In Charge:H Lalduhthanga (Secy, SYMA) Ph - 9436157460

Kum 2015 chu Lalpa nen

He mi kawng hi zawng inla zawh ngai si lova Josua

3: 4 a kan hmuh ang hian - Lalpan Mosia hmanga Israel fate
Kanan ram pana a hruai chhuah khan an la kal ngai lohna
thlaler ram tui awm lohna hmun ah te a hruaia. Hreawm
tam tak an tuara an phunnawi a tui khakna hmunah te an
kala an hnuchhawn ram Aigupta rama kir leh te pawh an
duh hial a ni. Keini pawh Lalpan kum 2015 min hruaithlenga
kan hmaah hian harsatna kawng hrang hrang paltlang tur pawh
kan nei a ni ang. Israel hote pawh khan an hruaitu Lalpa en lovin
an kalchhuak a, keini pawhin kum 2015 min hruaithleng tu
en hmasa lova kan kal chuan kan hmaa harsatna kawng hrang
hrang kan paltlang thei lovang. Kan hre thiamthei lovang
Israel fate ang khan.

Lalpa lakah kan phun nawi mai ang . Chuvangin nang
leh kei hian Lalpa tam thahnemngai takin i thawk ang u. Miten inkhawm hi a ni ber lo an ti a. Tawngtai hi a ni ber lo,
zaikhawm pawh hi a ni ber lo, hnatlang pawh hi a ni ber
lo, thinlung lam a ni zawk an ti thin a- Ani leh a ni ber lo
titu te hian inkhawm te , tawngtai, zaikhawmte, hnatlan
te an peih si loh chuan eng tinnge Lalpa an rih lawm ang
a. Lalpa rawng engtin nge an bawl theih ang le. Lalpan
a kalsan daih lawng maw? Inngaihtuah chian a hun ta e.
Fak hla siamtu chuan, Thawk thuai la nite an kiam mek e.
An eng a reh thuai ang.Hunkhirh tak chu a lo thleng mek e. Kan
thawk thei tawh lovang tia a sawi tawh angin kan thatlai
hian Lalpa tan theihtawp chhuah in i thawk ang u. Kan
vanglai nite a rei dawn si lova. Hun tlem te chauh kan neih
lai hian Lalpa min tanpui sela. Kei leh ka chhungte erawh
hi zawngin Lalpa rawng a nia kan bawl dawn ni.
TBC Vanlalsanga (Lala)
Serkawn

Young Peoples Club Serkawn

Hriattirna

Vawiin Dt 24.1.2015 (Inrinni) Chawhnu Dar 2:00

hian kum 2015 chhunga Young Peoples Club (YPC) Serkawn hruaitu tur thlanna YPC Committee Room-ah neih
a ni dawn a, member te kim taka kal turin kan inhriattir a
ni. A hnuai amite YPC Executive Committee-in kum 2015
YPC hruaitu thlanna atana nomination a a dah te chu an
ni:
K. Lalremruata
Eric Zomuanpuia
R Lalruatpuia
F Vanlalmuana
C. Hmingthanzauva
K Vanlalnghaka
K Vanlalzika
T Laldingliana
Lalremruatpuia
ZD Rualchhawnzova
RK Saitawna
P. Lalrinmawia

sd/- R LALRUATPUIA
Secretary

Serkawn :

Kartin

Chhuak

Phek 4- na

Consumers Association Serkawn Branch

Editorial Board

Editor
- Lalbeiseia Pachuau - 8014773591
Jt Editors
- John Laldingngheta - 8974420334

H. Lalbiaktluanga - 8414047995
Manager
- Ng Lalmuanawma - 9612063939
Asst Manager - Chanchinmawia
- 9612539593
Circulation Staff:R. Lalthanpuia
N.K. Zama
ZD Lalremruata
Lalchhanhima Ralte
Malsawmkima Sailo
Members
C. Lalremruata Remlalnghaka Renthlei R. Rohmingliana
P. Lalhmingchhuana
P. Laldinmawia
Lalthanmawia Chhangte
K. Lalruatkima

Branch YMA,

Mipuite Hnena Hriattirna

Consumers Assn Serkawn branch chuan kum

2015-a Office Bearer atan heng mite hi an thlanchhuak
a.

President
: Pu C Lalsawmliana

Vice Pre
: Pu Lalrinpuia Pachuau

Secretary
: Pu P Lalnuntluanga

Asst Secy
: Tv P Lalrimawia

Treasurer
: Pu H Lalduhthanga

Fin Secy
: Pu H Lalduhthanga

Senior Adviser atan heng mite hi ruat an ni
nghal bawk a ni:
Pu F Aihranga Pu C Vanlalmuana

Executive Coomittee member atan heng mite
hi ruat an ni bawk: VCP Serkawn
MHIP Serkawn President
MUP Serkawn President SYMA President
Pu C Lalhmingmawia
Pu C Lalmuankima
Pu T Lalsangliana
Pu K Darchhunga
Pu Eric Zomuanpuia
Pu R Lalhmangaihsanga
Pu C Lalmuanzova
Pu K Biakthansanga
Pu P Lalawmpuia
Pu C Biakchungnunga
Pu C Zohmingliana
Pu T Laldingliana
Pu B Rothangliana
Pu C Rosiamliana
Pu F Lalhmangaihthanga Pu C Lalrohlua

Darthlalang ti ti
#
RBMP hruaitute zingah Pu Zohminga SecIV hian a hming a thlak a, Pu ZH Liana tih tawh
tur a ni.... Pu BT Ruala Sec-IV chauh emaw hming
thlak kan lo ti a, a lo ni lo tawp mai.... An Treasurer
Pu Biaka Sec-IV hi HLB Nunga a inti tawh a.... KLB
Nunga Sec-II (Tv Lbn-a) hriat pawlh loh tur....
#
Tv Chuamtea Sec-I hi a Lunglei kal tur a thian
ten mi taxi-ah an thawn a, Pawisa a neih loh chuan
20/- man lo hruk tir mai rawh an la ti zui....
#
Tv Rintea Sec-III hian, Helai motor hi a la
thar that hmel asin a hma ah pawh THAR tih a la
in tar thlap mai.... a ti a, a thianten an enchian chuan
MAHINDRA THAR (Jeep) lek a lo ni....
#
Tv Chawngrova Sec-IV hi Pu Masaia (Rbt)
Sec-I pianthar hma thlalak a nih duh hmel kan ti....
#
Pathianni hmasa a BCM Serkawn Kohhran
Upa thlannaa inkhawm te chuan inthlanpuitu Upate
zing ami Upa Vanlalpeka Sec-VI (BCM Khawiva
Upa) kha in lo hmu ang a. Pu Peka hi Kohhran Puipate zing ami ni chungin a tul hunah chuan DT min
sem saktu, SYMA Section VI a a kul a taia tang thin a
ni. SYMA leh Darthlalang in kan huam zauzia pawh
a tilang a. Pu Peka hi Darthlalang min uaptu, rawngbawlna pawimawh dang kara DT leh YMA ngai
pawimawh tlat thin a ni. Kohhran leh khawtlanga
rawngbawlnaah hian a lian leh a te a awm chuang
lo, Kohhran Upa thlanpui hna leh Lalpa Zanriah
sem te, he tualchhung chanchinbu tlwm tak sem te
thleng hian rawngbawlna a ni vek tih Pu Peka nun
atang hian a takin kan hmu a ni. Pu Pek, khawtlang
leh Kohhrana i rawngbawlna Lalpan malsawm zel
rawh se...
#
Tv Chhantea Sec-III hian tunlaiin a TT khel
a uluk thei hle a, a service dawn te hian TT zirna bu
ami a va en leh te te a, a service chauh zel....
#
Kan Jt Editor hi TKP Programme Secretary-a
a kaisan atang hian hmuh a har hle mai.... Tv Bt-a
Sec-V, Aizawl lam atanga lo zin phei an awm leh
tawh nge, programme siamin i buai tak tak?

Published and Edited by Lalbeiseia Pachuau for and on behalf of Branch YMA, Serkawn : Printed at BPP Serkawn, 550 Copies