OFISI YA KAMANDA WA POLISI, MKOA WA MWANZA, S.L.P. 120, MWANZA.
TAARIFA YA JESHI LA POLISI MKOA WA MWANZA KWA
VYOMBO VYA HABARI LEO TAREHE 10.01.2016
MWANAMKE MMOJA ANASHIKILIWA NA JESHI LA POLISI KWA KOSA LA
KUTUPA MTOTO BAADA YA KUJIFUNGUA.
KWAMBA TAREHE 09.01.2016 MAJIRA YA SAA 16:00HRS JIONI KATIKA ENEO LA
BUTUJA A KATA YA PASIANSI WILAYA YA ILEMELA JIJI NA MKOA WA MWANZA, MWANAMKE MMOJA ALIYEJULIKANA KWA JINA LA EVELINE JOHN MIAKA 24, MKURYA, MKAZI WA BUTUJA, ANASHIKILIWA NA JESHI LA POLISI KWA KOSA LA KUMTUPA MTOTO WAKE MCHANGA KATIKA ZIWA VICTORIA MWENYE JINSIA YA KIUME, UMRI WA SIKU MOJA MARA BAADA YA KUJIFUNGUA KITENDO AMBACHO NI KOSA LA JINAI. KICHANGA HUYO ALIOKOTWA NA WANANCHI KATIKA ZIWA VICTOIRIA AKIWA AMEFARIKI DUNIA, WANANCHI WALITOA TAARIFA POLISI KUHUSIANA NA TUKIO HILO NDIPO ASKARI WALIFIKA ENEO LA TUKIO NA KUFANYA UPELELEZI NA KUFANIKIWA KUMKAMATA MWANAMKE TAJWA HAPO JUU AMBAYE ALIKIRI KUHUSIKA KATIKA TUKIO HILO, AIDHA CHANZO CHA UKATILI HUO WA KUTUPA MTOTO ULIOPEKEA HADI KUFARIKI DUNIA BADO HAKIJA FAHAMIKA. JESHI LA POLISI LIPO KATIKA MAHOJIANO NA MTUHUMIWA, PINDI UCHUNGUZI UKIKAMILIKA ATAFIKISHWA MAHAKAMANI, MWILI WA KICHANGA HICHO UMEHIFADHIWA HOSPITALI YA MKOA YA SEKOU TOURE KWA AJILI YA UCHUNGUZI, PINDI UCHUNGUZI UKIKAMILIKA UTAKABIDHIWA KWA NDUGU WA MAREHEMU KWA AJILI YA MAZISHI. KAMANDA WA POLISI MKOA WA MWANZA NAIBU KAMISHINA WA POLISI AHMED MSANGI ANATOA WITO KWA WANANCHI WA JIJI NA MKOA WA MWANZA AKIWATAKA KUWA KARIBU NA WA MAMA WAJAWAZITO PINDI WANAPOKUWA WANAHITAJI KUSAIDIWA ILI KUWEZA KUEPUSHA MATATIZO AMBAYO YANAWEZA KUEPUKIKA, AIDHA ALIONGEZA KUWA ENDAPO IKIBAINIKA MTU ANATENDA TUKIO LA AINA KAMA HII KWA NIA OVU HATUA STAHIKI ZA KISHERIA ZITACHUKULIWA DHIDI YAKE. IMETOLEWA NA, DCP: AHMED MSANGI KAMANDA WA POLISI (M) MWANZA