Panalangin para sa mga Nagdurusa at Nababagabag

Para sa mga nagdurusa at sa mga lumuluha sa gabing ito,

Bigyan mo sila ng katahimikan ng loob, Panginoon

Pahinga sa kanilang mga dinadala.

Hayaan mong makaranas sila ng kapanatagan.

Ikaw ang kanilang kalasag, hanguin mo sila sa dusa’t hirap.

Mahalin mo sila, Panginoon kung hindi iyon magawa ng kanilang kapwa.

Yakapin mo sila, Panginoon kung mabigong gawin iyon n gaming mga bisig.

Dinggin mo ang kanilang mga panalangin at bigyan mo sila ng kakayahang

Marinig ka rin nila sa anumang wikang lubos nilang mauunawaan.

Amen.

Panalangin kapag Nagdaranas ng Kabiguan

Panginoong Jesukristo, pinanghihinaan ako ng loob

At mabigat ang aking pakiramdam.

Hindi ko na alam ang dapat kong gawin.

Kaya’t lumalapit ako sa iyo sapagkat naniniwala ako sa iyong sinabi:

“Lumapit sa akin, lahat kayong nahihirapan at may pinapasan,

At pagiginhawahin ko kayo” (Mateo II:28)

Kailangan ko ang iyong tulong upang patuloy akong magsikap at huwag sumuko.

Huwag mong hayaang talunin ako ng takot sa aking pagkabigo.

Patatagin mo nawa ako sa harap ng pagsubok na ito.

Pagkalooban mo ng sigla ng iyong Espiritu ang aking mga pagkilos

At buhayin mo ang pag asa sa aking puso.

Nagtitiwala akong malalampasan ko ang mga bagay na ito sapagkat ikaw ay lagi kong kasama. Amen.