TATA PEMBERKATAN RUMAH KATOLIK

DALAM MASA PRAPASKAH

BAHASA BATAK TOBA
___________________________________________________
I : Dibagasan Goar ni Ama,…..
U : Amin
I : Hagogo ni Tuhan Yesus,…..
U : Nang hamu pe didongani Tuhan i
I : Martagiang ma hita :
Ale Debata amanami nasunbasa, ramoti ma sude pangisi ni jabu on. Ajari jala togutogu
ma asa tongtong hami marsada ni roha masihalongan, masipasangapan,
masitungkoltungkolan, bisuk jala marserep ni roha, asa lam dihalomohon Debata nang
dongan jolma. Marhite Kristus Tuhan nami.
U : Amin
I : Tangiang mangido pasupasu
Martangiang ma hita,…
Ale Tuhan Yesus Kristus, nunga dipasupasu Ho bagas ni si Zakeus jala didokhon Ho do
angka siseanMu mamasumasu angka bagas na binongotan ni nasida i. Mardongan gok
panghirimon hupangido hami tu Ho, sai bahen ma jabu on gabe inganan marlas ni roha
nang martua, inganan mardame dohot inganan ni hagabeon di napunasa jabu on nang
di sude nasida na saripe.
Ale Tuhan, pasupasu ma jabu on, (+) sai tongtong ma mian dibagasan jabu on holong ni
roha, dame, halaslas ni roha na sun dohot parhorasan. Jala sai anggiat ma pasupasuM
tongtong maringanan di jabu on, nuaeng dohot tongtong ro di saleleng ni lelengna.
U : Amin
( mamismis jabu)
I&U : Tangiang Ama nami, 3x Tabe di ho Maria, hamuliaon
I : Tuhan i mandongan i hamu
U : Nang hamu pe didongani Tuhan i
I : Debata na sun hinagogo i ma, mamasumasu ngolu dohot angka na niulamuna na saripe
Dibagasan Goar ni Ama dohot Anak dohot Tondi Porbadia.
U : Amin