Qaidah I'rab

Bermula laju makna taboh * meunyo jatuh jih keu mubtadak.

Barang kapat na makna itu * I'rab laju jih keukhabar.
Meunyo oleh atau lah * faham beu bagah ban pae nyata.
Bagi mutaaddi makna oleh * di lah keudeh bagi lazim taba.
Meunyo pae yang Tan leumah * makna tatamah bagi jih ia.
Naep pae yang na didalam * beugot tafham keujih akan dia.
Keu mafol akan sinan bri * meunan lagi naep pae tabuka.
Mafol ma'a beuta tukri * keujih tabri makna serta.
Mafol fih zaraf makan * zaman sajan nyan jih pada.
Min ajlih makna kamuhat * barang kapat taboh karena.
Jadi mafol yang mutlak * ka haq akan sebago makna.
Di tamyez makna jih laju * bek na ragu jih apa ia.
Yang di sifeut makna sinan * badal makna nyan toh beuta jaga.
Meunyo di Hal hal keadaan * makna sajan bek meutuka.
Yang Tan sapu makna taboh * faham beu teudoh muzaf ileh teuka.
Barang kapat ta eu mubtadak * dengan Khabar jua dijih dua.
Bandum pie jih beuna pae * dua sabe oh tabicara.
Dimajhul nyan naep pae * beuta pike bek salah baca.
Mausuf sifeut dua jih sare * hana tom cre jeud kutika.
Badal mubdal min sajan * barang kajan dua yang setia.
Lafadh taukid ngon muakkad * jeud jeud tempat dua saja.
Ma'tuf alaih ngon ataf sabe * jih hana cre dua saudara.
Di sahib hal ngon Hal taulan * mumayyiz sajan tamyiz yang na.
Muzaf ileh faham beu busot * na likot muzaf lanja.
Mubtadak Khabar pae naep pae * marfu'sabe jih hana reuda.
Mafol fih, 'an ajlih * mansub baris bek talupa.
Tamyiz hal pih beurang kapat * baris teupat beuna takira.
Mafol mutlak lom pih meunan * mansub jih nyan lage yang ka.
Baris sifeut sabe jiikot * ban meunurot mausuf seuruta.
Badal berlaku mubdal min * baris laju takheun bisa.
Ataf deungon ma'tuf alaih * beusaban baris bek meutuka.
Baris taukid lage muakkad * bahwa pakat bekna ceudra.
Muzaf ileh baris kasrah * bah that muzaf meubago rupa.
Pajan meureumpek ba tatanyong * bak jih bangon laju le gata.
Ho tatanyong ila oh meureumpek * min, 'an bek syek pane segera.
Fi, 'an, 'ala teuma dijih pat * di lam leugat pakon dijih nyata.
Di kaf pakri in pu syarat * iza meuhat sinan pjan masa.
Makna tatanyong ban lon seu ot * meuho meusangkot dumna haba.
Meuho ta'alluq meuri mutaalaq * han hek otak bak tarika.
Keu makna ba bangon disinan * min deungon 'an jih daripada.
Di kaf lage makna nyata boh * ila jatoh meuhat kepada.
Keumakna fi dijih didalam * keumakna lam dijih karena.
Keumakna lam na pih lom bagi * keumakna fi na lom pih pada.
Kalon peugot nyo qaedah * mangat mudah I'rab segala.
Meufhom teuma dumna kitab * juet tai'rab Tan le meuraba.
Taboh makna dum beugot roeh * nyan pileh I'rab yang taba.
Bandum Ulama yang kadilikot * that geuikot meuno cara.
Nyan keuh sebab dum rijang jeud * ureung yang beut kamupat tanda.
Beulee seulaweut keu nabi Muhammad * mangat meukumat ilme lam dada.
Peu ngeuh hate cahaya nurani * ilme laduni tuhan neubuka.