Walang kabutihang idudulot

Hindi kami sangayon sa posisyon ng Kagawaran ng Edukasyon (DepEd) na ang “patakarang

walang takdang aralin”, kung saan pinagbabawalan ang mga guro na magbigay ng mga takdang aralin
sa labas ng oras ng klase, ay makakabuti para sa mga Pilipinong mag-aaral.
Ang paliwanag patungkol sa mosyong ito ay tila isaalang-alang na ang kapakanan ng mga mag-
aaral, kanilang pamilya at guro. Ang labis-labis na takdang aralin — o para mailahad ang argumento,
kahit anong takdang aralin — ay pinapagod ang mga estudyante, kung saan ang karamihan sa kanila
ay mga bata pa lamang. Ang mga proyekto na inaasahan na makumpleto ng mga mag-aaral sa bahay
ay madalas na nagdudulot ng mga mabibigat na gastusin para sa mga magulang, na maaaring walang
badyet para sa pagbili ng mga kinakailangang materyales. Ang pagtatalaga ng takdang aralin ay
nagdaragdag din sa karga ng mga guro, na dapat bigyang grado ang mga takdang aralin na ito bilang
karagdagan sa kanilang pang-araw-araw na gawain sa tulad na lamang ng paghahanda ng mga aralin.
Subalit, mahalagang bahagi ng pagaaral ang pagbibigay ng takdang aralin. Sapagkat nagbibigay
ito ng pagkakataon para sa mga mag-aaral na maipamalas nila ang natutunan nila sa loob ng silid aralan.
Nangyayari ito sa dalawang paraan - hindi lamang sa pamamagitan ng malikhaing pagsasakatuparan ng
nilalaman, kundi pati na rin sa pagbibigay ng kasanayan sa mga mag-aaral sa pagbuo ng mahusay na
gawain at pamamaraan. Mula sa isang praktikal na pananaw, pinapalawak pa ng mga takdang aralin
ang "mas malaking pagkatuto" kaysa sa limitadong oras sa loob ng paaralan. At hinihikayat ng mga
takdang aralin ang mga magulang na maging katuwang sa mga gawaing pang-aralan ng kanilang mga
anak.
Bagaman angkop ang pag-aalala sa kapakanan ng mga mag-aaral at kanilang mga pamilya, ang
kapakanan ay masisira sa katagalan kung ang mga mag-aaral ay magiging mahina sa pagaaral, pagbuo
ng paglutas ng problema at mga kasanayan sa malikhaing pag-iisip, at kamalayan ng magulang at
paglahok sa kanilang mga gawaing pang-edukasyon. Bilang resulta ng isang patakaran na "walang
takdang aralin", ang mga mag-aaral na Pilipino ay hindi magiging handa para sa mas mataas na
edukasyon o kolehiyo, at sa huli ang buong bansa ang magdurusa ng mga kahihinatnan nito.

Reperensiya:
Cabayan, I. G., (2019). No to homework policy. Nakuha mula sa:
https://journal.com.ph/editorial/opinion/no-homework-policy