PARI: IHAYAG NATIN NGAYON ANG ATING MGA KAHILINGAN SA DIYOS
AMA AT IALAY NATIN ANG ATING MGA PANGANGAILANGAN AT NG BUONG SIMBAHAN.
KOMENTAYTOR: (ANG ATING ITUTUGON SA BAWAT PANALANGIN)
PANGINOON, DINGGIN MO KAMI.
NAMUMUNO:
NAWA’Y MABATID NG SANTO PAPA, MGA OBISPO, MGA PARI, DIYAKONO
AT MGA PINUNONG LAYKO ANG KAGALINGAN AT KAPANGYARIHAN NG ESPIRITU SANTO UPANG SILA RIN AY MAGING MGA MAPAGKALINGANG PASTOL AT TAGAPAGTANGGOL NG SAMBAYANAN NG DIYOS. MANALANGIN TAYO SA PANGINOON.
NAWA’Y MABIGYAN ANG MGA NAMUMUNO NG ATING PAMAYANAN NG
SAPAT NA KARUNUNGAN AT LAKAS UPANG MATUPAD NILA NANG TAPAT ANG KANILANG MGA TUNGKULIN. MANALANGIN TAYO SA PANGINOON.
NAWA’Y MATUTUNAN NAMING PAHALAGAHAN ANG AMING MGA SARILI
BILANG MGA TEMPLO NG ESPIRITU SANTO UPANG MABIGYAN NAMIN NG PAPURI ANG AMA. MANALANGIN TAYO SA PANGINOON.
NAWA’Y MANUMBALIK ANG SIGLA NG MGA MAYSAKIT AT MAY
MABIBIGAT NA KARAMDAMAN AT MAKITA SI HESUS NA KASAMA-SAMA NILA SA KANILANG DINARANAS NA MGA PAGSUBOK. MANALANGIN TAYO SA PANGINOON.
NAWA’Y MAKAPILING NI KRISTONG MULING NABUHAY ANG MGA
KAPATID NATING NAMAYAPA NA. MANALANGIN TAYO SA PANGINOON.
PARI: PANGINOON, PAKINGGAN MO ANG AMING MGA KAHILINGAN.
PUKAWIN NAWA NG IYONG ESPIRITU SANTO ANG AMING MGA PUSO UPANG MAGING BUKAS KAMI LAGI SA KALOOBAN MO. HINIHILING NAMIN ITO SA PAMAMAGITAN NI KRISTONG AMING PANGINOON.