Article 299

A hmasain zawhna pakhat han tarlang hmasa lawk ila, Sate hian thil a tisual thei em, chu a
tihsualah chuan hrem theih a ni em? A chhanna chu aw tih a ni a. Tun tumah hi chuan eng
Article in nge contract chungchang sawifiah tih leh engnge Govt contract chu ni reng reng tih
kan sawifiah dawn a ni.

Article 299 kan sawifiah hmain engnge govt contract chu tih hi tawitein han sawifiah hmasa ta
ila. Central emaw State Govt. te eng contract ah pawh party an nih khan chu chu govt contract
ti a sawi a ni thin a. Article 298 chuan sawrkarlaipui leh state tinte hnenah sumdawnna leh
indawr tawnna an kalpui theihna tur te, ram lak sak leh bungraw thehthangna thil leh eng atan
pawha hnathawhna tura contract siam thei turin thuneihna a pe a. Chuvang chuan
Sawrkarlaipui leh state sawrkar chuan eng contract pawh an siam thei tihna a nih chu.

Kan thupuiah lut tawh mai ila, Article 299 ah hian point 2 chauh kan hmuh rualin govt contract
chungchanga thil pawimawh tak tak pathum a tarlang a, chungte chu kan sawifiah dawn a ni.

1. A hmasa berah chuan Eng contract pawh siam a nih in a titu sawi nan President emaw
Governor hminga siam tur a ni.
2. A pahnihnaah chuan contract chu siam a nih in President emaw Governor aiawha siam a
nih thu tarlan tur a ni, tih leh.
3. Eng contract pawh President emaw Governor in thuneihna a pek ten an siam thei ang
tih a ni a.

Heng kan sawi tak pathumte hi Government contract siam a nih dawn in a pawimawh em em a
ni. Contract reng reng chu Central level a nih chuan President of India hminga siam tur a ni a,
State level a nih chuan State Governor hminga siam tur a ni.

CASE LAW

Case law 3 kan tarlan te hmang hian han sawifiah tai la:

1. Union of India Vs NK Pvt. Ltd.

He Case ah hian Director of Railway Board chuan President aiawhin hming a sign tur a
nih lain Secretary in hming a lo sign a, chuvangin contract a validlo a ni an ti a.
2. Karamshi Jethabhai Vs State of Bombay
Hemi case ah hian Cane Farm Owner leh Sawrkarin inremna an siam a, mahse contract
engmah ziaka dah a nihloh avangin an contract kha valid ah an pawm lova. Inremsiamna
contract a offer and acceptance kha awm mahse legal document engmah a awmloh
avangin thu tlianga ngaih theih a nilo a ni.
3. Bhikraj Jaipuria vs Union of India
He case ah pawh hianContract chu an siam a, an ziak thlap ngei bawk a, mahse
Superintendent khan “on behalf of” tih a lo ziah lan theihnghilh avangin kha contract
kha valid lo ah ngaih a ni bawk a ni.

Principle

Government Contract chungchangah hian Principle pawimawh tak tak a awm a, chungte
chu;
- Reasonableness
- Fairness
- Public Interest
- Public Welfare