“WE SHALL SOW AND WE SHALL
HARVEST”
Behold! A Sower went forth to sow
His seeds fell on all corners of earth.
“Hearken My words”, the Sower proclaimed
“For these are the seeds of faith I sow
That bear the fruit of the spirit.”
The meek received His words in pure heart.
All of them were gathered into one:
Into one Kingdom of God on earth.
The Lord sent them out into this world,
To also sow and then to harvest.
Lift up your eyes
and look on the fields,
They are white already to harvest.
Thrust in your sickle and you shall reap
For the harvest of the earth is ripe,
For the time is come for you to reap.
The seeds from heaven always abound
The fruits shall become more abundant.
The Lord’s goodness, righteousness and truth
Shall shine brightly to the multitude.
His love shall be light of this world!
LIKHAWIT NG TAON 2021
“ANG DAKILANG PAGBUBUNGA”
Ating sulyapan ang bukirin
Ang binhing inihasik
Nakahanda ng anihin
Halika na ating gapasin
Ang masaganang ani.
Kamangha-manghang gawa
Ang ipinakita ng ating Ama
Dahil sa tapat nating pagtalima
At buong pusong paggawa
Dumating ang dakilang pagpapala
Ang dakilang pagbubunga.
Tayo’y magbunyi at magsaya
Pinagdaanang hirap at pagtitiis
Ngayon ay natapos na
Ating kamtin dulot nitong pag-asa.
Ito ang araw ng mabiyaya
Ang panahon ng dakilang pagbubunga.
LIKHAWIT NG PAGHIHIWALAY 2021
“PAGTULONG”
Intro/Selah:
Walang gaya Mo Ama na sumasakay sa ulap
Upang kami ay tulungan
Oh walang hanggan ang ‘Yong pagmamahal
Na ang mga bisig ay inaabot hanggang sa lupa.
Ginuhit Mong paglalakbay
Sa amin Mo inilaan
Patuloy Mong nililingap
Kaming Iyong mga tinawag
Kahit sa gitna man ng lungkot
‘Di Mo kami pinabayaan
Haplos yakap ng ‘Yong bisig
Ang sa ami’y nagpatibay.
Coda:
Mayroon nga bang hindi mapagsasapit?
Gayong batid kong tiyak ang ‘Yong iniisip
Natutuhang tumahimik nang ‘di madaig.
TAKDANG HANDOG NA LIKHAWIT UKOL SA KTPP
Agape 3 & 7, 2021
Source: Pastulan Biyraniyth
 “TAYO AY MGA KASANGKAPAN”
Walang dakilang gawa
Na ating maiaalay sa Kanya
Libang magligtas ng mga kaluluwa
Ito’y dapat nating magawa.
Tayo ay magmasid
Maputi na ang bukid
Ang mga pananim
Nahahanda ng gapasin.
Humayo tayong masaya
Mga sandata ay ating ihanda
Di mabibigo sa kanyang panukala
Tangkas -tangkas na bunga
Ihahandog natin sa Kanya.
Selah:
Sa ating paglakad, h’wag mangamba
Kataastaasan ay ating kasama
Tagumpay ay naitakda na
Ating hagkang magkakasama.
Finale:
Bumahagi ang lahat
Sumulong sa paghahayag
Ibahagi sa lahat
Ang Kanyang pagliligtas
Ahhhh… ahhhh…
TAKDANG HANDOG NA LIKHAWIT UKOL SA KTPP
Agape 10 & 14, 2021
Source: Pastulan Geshem /
Pasalamat ng Mahanaim at Abiezer 2019
“MGA PINAPAGING-DAPAT MO”
‘Di ko mawari sa aking isipan
Ang kapalarang aking nakamtan
Akong makasalanan at walang anuman
Pinapaging-karapatdapat at tinawag na anak.
Sino kami upang pagtiwalaan?
Ni hindi tiningnan angking kahinaan
Walang maitumbas sa’Yong kabutihan
Kaya’t buong puso Kang paglilingkuran.
Selah:
Ibabahagi ang Iyong kaligtasan
Pagpapaging dapat Mo sa ‘min ay tutumbasan
Itatanyag Ka sa ‘Yong kadakilaan
‘Di sasayangin tinanggap na kaawaan
Pasasakdalin ang kabanalan
Kikilalanin Ka sa aming buhay
Aabutin ang inihanda Mong pagtatagumpay.
Coda:
Magbabanal sa gitna ng sangkatauhan
Dakila Mong pagsinta’y isasakabuhayan
Katotohanan sa kapwa’y ipapaalam
Kapurihan sa’Yo lamang ilalaan.
TAKDANG HANDOG NA LIKHAWIT UKOL SA KTPP
Agape 17 & 21, 2021
Source: Pastulan Biyraniyth
“SAAN MAN NA IYONG ISUGO”
Karangalan ang ako’y Iyong pagtiwalaan
Sa misyong Iyong sinimulan dito sa sanlibutan
Dakilang katungkulan
Na sa akin ay Iyong iniatang
Ay aking yayakapin
Hanggang sa’king kamatayan
Selah:
Bawat araw ay magiging handog sa’Yo
Layunin ng pagsusugo ay pagyayamanin ko
Hindi ako bibitiw sa hangarin Mo
Katapatan ang laging iingatan sa puso
Saan man na Iyong isugo
Coda:
Lalaging tapat sa tipang sinumpaan sa’Yo
Ano ngang kabuluhan
Kung hindi makikita sa katapatan.
Finale:
Katapatan ang laging iingatan sa puso
Saan man na Iyong isugo…
TAKDANG HANDOG NA LIKHAWIT UKOL SA KTPP
Agape 24 & 28, 2021
Source: Pastulan Geshem
 “PAGTATAPAT SA TIPAN NG
KASAGANAHAN”
Intro:
Ilang ulit nang inilalapit
Ng mga aliping humihibik
Na sa langit ay marinig
At sa Tipan ikaw ay kumapit
Kumapit ng buong higpit
Gumawa at huwag maghalukipkip
Ibukas ang iyong mga bisig
Yumakap sa Tipan at lumakip.
Dinggin mo ang tinig ng Dios mo
Pagpapala’y papasa-iyo
Mapalad sa bayan at sa parang
Maging sa langit at sa lupa
Kailanman Ilalim ay hindi matitikman
Sa ibabaw ng mga bansa’y matatanghal.
Selah:
Iyong palaging alalahanin
Ang mga pangakong sa Tipan ay inilagda
Magtapat ka!... H’wag magwalang-bahala
Magtapat ka!...
H’wag manatiling patay ang gawa
Magtapat ka!... H’wag magwalang-bahala
Magtapat ka, magtapat ka... Oo, magtapat ka!
Utos ng Hari ay iyong sundin
Kasaganahan, ay pupunuin
Ang iyong pagpasok at paglabas
Buslo’t palayok paaapawin
Pagkaubos ay di sasaiyong kamalig
Bawat patungan ng ‘yong kamay ay mabubuhay.
Coda:
Magtapat, maglingkod sa isang Panginoon
Sanlibutan ay talikuran, iwanan ang kasalanan
Kasakdalan ay hagkan, paglilingkod na katampatan
Upang sa tipan ay pagpalain
ng Haring walang hanggan
TAKDANG HANDOG NA LIKHAWIT UKOL SA KTPP
Agape 31 & SC 4, 2021
Source: Pastulan Alleluia
“ITO NA ANG PANAHON,
NGAYON NA ANG ARAW”
Sa mundo ay ating ihasik
Ang ebanghelio ng langit
Iligtas natin ang daigdig
Sa parusang sasapit.
Mga pusong hinasikan
Diligin ng pagmamahal
Hubuging tapat
At mabuhay sa mga kabanalan.
Selah:
Ito na ang panahon, ngayon na ang araw
Magbalikwas, magbangon
Alisin ang takot
Lahat tayo’y makisangkot
Sa gawaing pananakop.
Coda:
Dinggin ang sigaw ng mga kaluluwa
Ang pagmamakaawa
Lingapin sila, bigyan ng pag-asa
Dalhin sa Iglesiang iniibig ng Ama.
TAKDANG HANDOG NA LIKHAWIT UKOL SA KTPP
SC 7 & 11, 2021
Source: Pastulan Dikaios
“UMAWIT, MANGARAL AT MAGBUNGA”
Ang mga pagpupuri at pagpupugay
Sa tunay na Hari ay marapat lamang ialay
Sapagka’t Siya ang maylalang
Sa bawat bagay na may buhay
Sino ngang makapapantay
sa kapangyarihan Niyang taglay.
Mang-aawit na humihimig
Tinig mo ay pag-ibig
Sa mundo’y nagsilbing tubig
Tigang na puso’y madidilig
Aanhin pa ang kaloob na tinig
Kung mga likhawit sa mundo’y hindi marinig
Kaya ang paghimig ay atin nang ihain
Upang kagalakan Niya’y lubusang tamuhin.
Selah:
Aleluya, aleluya, aleluya
Hossana sa Ama
Sa Dios na Kataastaasan
Purihin ang Iyong pangalan
Ng buong sanlibutan.
Dahil sa lubos na pangangaral natin
Kaganapan ng panukala ay mararating
Mga kaluluwa’y nagmimistulang hardin
Yumayabong, lumalago, dumarami
Haharap sa Dios na singdami ng buhangin
Humahalimuyak, marapat na maging hain.
TAKDANG HANDOG NA LIKHAWIT UKOL SA KTPP
SC 14, 18 & 25, 2021
Source: Pasalamat ng MNZ at KAO 2014
 “MATATANGHAL ANG
KABANALBANALAN”
Intro:
Magalak ka oh bayan
Bayan ng Dios na Kanyang itinangi
At ginawang sariling pag-aari
Ang basbas ng makapangyarihan
Sa’yo’y lumalagi
(Repeat)
Ang pangako’y ‘di magluluwat
Walang pagsalang darating
Sapagkat pinanumpaan
Sa ilalim ng tipang walang hanggan
Ikaw ay pararamihin
Gaya ng bituin sa kalangitan
Gaya ng buhangin sa karagatan
Ikaw ay matatanghal
Selah:
Kagilagilalas, Kamangha-mangha
Kakila-kilabot, tagapanguna sa pakikibaka
Na kasama mong gumagawa
Kakila-kilabot ang Dios na iyong kasama
Kaya’t ikaw ay magpakatapang
Tumayo sa bantayog ng pananampalataya
Finale:
Ang Dios na nasa’yong unahan
Ang Dios ng pagtatagumpay
Walang puwang ang kabiguan
Magdiwang, magbunyi, magkaisang bumahagi
Matatanghal ang kabanalbanalan
TAKDANG HANDOG NA LIKHAWIT UKOL SA KTPP
SC 28 & AO 4, 2021
Source: Pastulan Geshem
“ITO NA ANG PANAHON NG
KABANALBANALAN”
Biyaya ng langit, humaplos sa damdamin
Pag- asa’y nagningning, abutin ang mithiin
Espiritung banal, bumuhos sa’Yong Bayan
Dumaloy na pagsinta, sumakdal ang Iglesia
Ganap na ang paghihintay ng Iyong Bayan
Ang pagkatanghal, isa nang kaganapan
Ang Iyong panukala na walang hanggan
Di mapipigilan, sa Iglesia’y laan
Magpapatuloy yaring kasakdalan
Hindi mabibigo, Iyong pinatnubayan
Sa labi ng kasangkapan ay isinaysay
“Ito na ang panahon ng Kabanalbanalan”.
Iglesia’y pinahiran ng Iyong hinirang
na maging kasangkapan
Na magtatanghal ng Iyong kaluwalhatian
Biyaya’y nakamtan, paglago ng Bayan
Kay ginhawa kung mamasdan
Ang samyo ng tagumpay sa Dios ay ialay.
Aahh... Aahh...
Purihin Ka Ama sa Iyong pagsinta
Ika’y aming sinasamba
Oh Dios dakila Ka, salamat po Ama….
Aahh... Aahh...
Dios ang may gawa! Dios ang papupurihan!
Dios ang may gawa! Dios ang papupurihan!
Ito na ang panahon ng Kabanalbanalan
Ito na ang panahon ng Kabanalbanalan
Sa pagtatanghal ng kaluwalhatian ng Hari
Ito na ang panahon… Ito na ang panahon…
Ito na ang panahon, ito na ang panahon,
Ito na ang panahon ng Kabanalbanalan!
TAKDANG HANDOG NA LIKHAWIT UKOL SA KTPP
AO 7 & 11, 2021
Source: Pastulan Biyraniyth
“MAGKAKAMANGGAGAWA”
Masdan ang bukid at gusali ng Dios
Waring nagsasabing sila’y isaayos
Manggagawang halal, dito’y naging handog
Sa katalinuhan, sila’y hinubog
(Repeat)
At yamang kalakip Niyang gumagawa
Ang laang kaloob, gawing may biyaya
Mangaral, magbantay sa sipag at tiyaga
Pagl’walhati sa Dios ay gawing panata.
Masaganang ani, ngayon ay natanaw
Sa mundong bukirin na kinakatamnan
Ng mga kaluluwang dinilig ng aral
Ng magkakamanggagawang hinirang.
Selah:
Hayo na magkakamanggagawa
Magkaisang gawin ang itinakda
Pakapuspusin ang sintang Iglesia
Pakal’walhatiin ang Ama.
Finale:
Tulad ng magsasakang nagtitiis
Na nasanay sa init at lamig
Gaya din ng arkitekto ng langit
Sakdal na templo, kayang iguhit
Ng magkakamanggagawang bitbit
Ang diwang... kaakit-akit...
TAKDANG HANDOG NA LIKHAWIT UKOL SA KTPP
AO 14 & 18, 2021
Source: Pastulan Chenaniah
 “KABALIKAT”
Intro:
Walang maitutumbas na karangalan
Na umawit sa harap ng Kataastaasan
Maging sa mga hinirang, pinili’y iilan lamang.
Nilikhang may himig ng pag-ibig
Agape ang tatak ng tinig
Magiting na alagad ng awit
Kapanatagan ang inihahatid.
Sa kinabukasa’y tagapagmana
Tanglaw na katiwala
Sugong kalasag ng langit
Sa kadiliman, wakas ang hasik.
Salmo ng pag-asa, sa bukas pagpapala
Ang puso ng Iglesia sa makaharing musika
Ipamalas sa sangkatauhan,
yakapin ang kapayapaan
Sama-samang humakbang.
Selah:
Hukbo ng kabataan ng Kabanalbanalan
Mga mang-aawit na Dios ang humirang
Sulong sa kaisahan
Saro ng kaligtasan, ibahagi sa sanlibutan.
Coda:
Sagisag ng kalakasan, likhawit ng kabanalan
Kami’y mga kasangkapan,
mang-aawit at kabataan
Sa misyon ng Kabanalbanalan
Kasangkot, kabalikat, makikiisa
sa banal na krusada ng Hari.
TAKDANG HANDOG NA LIKHAWIT UKOL SA KTPP
AO 21 & 25, 2021
Source: Pasalamat ng MNZ/KAO 2018
“ISASATINIG KO ANG KALUWALHATIAN”
Intro:
Isang munting binhi ang umusbong
At siya’y lumalaking kay tatag.
Isang munting binhi ang umusbong
Sa lupaing ni tubig ‘di bumabalong
Ngunit isang biyaya na sa Dios nagmula
Nagbigay buhay sa tigang na lupa.
At sa Kanyang paglaki at pag-unlad
Mapanirang damo ang siyang sumusugat
Ngunit ‘di magpapatinag
Lumalaking kay tatag.
Selah:
Pagal na kaluluwa, Siya ang hanap
Lilim Niya sa kanila ay paglingap
Matulaing tanawin, kay gandang malasin
Kal’walhatian Niya sa aking puso’y umangkin
Isasatinig, saysayin
sa mundong naghihintay sa’yong lilim.
Coda:
Ang katatagan sa’yo’y ipinagpala
Itanghal mo huwag matakot,
Siya ang may takda
Saysaying buong pag-ibig
ang nahayag na panukala
Iunat ang iyong bisig ng kaligtasan, oh anak.
TAKDANG HANDOG NA LIKHAWIT UKOL SA KTPP
AO 28 & 31, 2021
Source: Pastulan Alleluia