Payaba ko kan Saran

Payaba ko kan saran sa magbubwas na alas dos,

Kung kinano nagabagsakan kan gulay min ibang paninda,

Sa pagrusug ning mga tagabulod,

Min sa pagdayo ning mga taga kosta

Payaba ko kan saran ta idto ko nakikita,

Kan muna, pangaduwa, min pantulong kamot

Sa pagpasa-pasa ning produkto,

Kan pagpatong para sa tubo, ta alangan man

Payaba ko kan saran pagpatak ning alas says,

Sa pagabot ning mga magasawd,

Su mga Ina na mamakal gulay,

Na labing urag tumawad ta alangan man.

Payaba ko kan saran ta malang ribok,

Ning mga parapapadyak na nag-anap pasahero

Ning mga nagparepang nag-anap paratataya,

Ning paralako na may parokyanong natapurakan

Payaba ko kan saran dawa labi ka mahl,

Ning rekado, maretatas, pati na masitas,

Kan nuyog, lana, asukar pati tinapa

Balaw asin sana gayu kan kaya pa

Payaba ko kan saran, lalo na sa kakarni-an,

Ta idto ko namati na labi ko ka pogi,

Paglug ko pa sana, ju na kong pigaragawan,

Ning mga paratindang may itsura man dawa purupawno

Kung longganisa man sana kan pagusipan,

Sikat man sana kan sa Guinobatan,

Maski labi kasaday min alsum,

Ta su ki Lantet di pa ninra nanamitan

Payaba ko kan pwesto ning mga paraisra,

Ta labing gayon pagmasdan ning mga tilapiang may taning na kan bway,

Ning mga turingan na minsan ga adik kan mata

Swerte na kung kayon bolinao, ta kaya na sa sinkwenta

Payaba ko kan saran dahil ka Perillo,

Na di ko maintinjan kung may lumay o uno,

Ta maski aram kong scam kan paminta,

Pirmi pa ngani akong nakatu-tulo

Payaba ko kan saran dahil ka Fransisco,

Bilib ako sa nagukong oder idto,

Kung sa tarandaan man sana, rug pa kan sa bulangan na kristo

Pawno niya baya kadto nagigibo?

Payaba ko kan saran dahil sa mga parakakabug,

Ta pirmi ako idtong nakiinom sabuw,

Di sana talaga magbrownout,

Ta su gata may kayba nang rarog

Payaba ko kan saran maski kayun na LCC,

Maski magkaSm idi man ligayon ako babakal,

Min uda man Cashier na makaarug ki Lola Paas,

Na maski pasko ga biyernes Santo

Payaba ko kan saran dahil dakul bado,

Pwede ka sa mga tinahi ni Manay Nora,

O kung buku sa mga ukay ni rolda,

Minsan tsamang sakto, kadalasan kung buku saday, kadakulu

Kan ending nikading pandigma kong rikorida,

Maguli akong uda na kwarta,

Payaba ko kan saran ta idto ka