Professional Documents
Culture Documents
(PANITIKAN NG PILIPINAS)
EDD 7
PANGALAN: KURSO:
SKEDYUL:
ARAW AT ORAS:
Module 6
Paksa: Mga Teoryang Pampanitikan
Pagtalakay
Ang Panitikan ay isang sining , kabilang ito sa kategorya na mataas na sining.
Ang ganitong pagkilala at pagpapahalaga sa panitikan ay kasinghalaga ng pagkilala at
pagpapahalaga sa katangian ng tao; sinasabing ang panitikan ay “Kasaysayan ng
Kaluluwa ng Tao” at sa pagbasa ng tao ng panitikan, higit niyang nakilala ang kaniyang
sarili, nalalaman at natutukoy niya ang pinakadahilan ng kaniyang pagkatao at dahilan
ng pamumuhay at pakikipamuhay sa mundo.
Bilang isang sining, naiiba sa nakagisnan nating pagbabasa ang pagbabasa sa
isang panitikan. Bilang guro, mahalagang malaman na sa panitikan, ang mahalaga ay
ang pagbasa at isang pagbasang kakaiba kaysa sa nakagisnan at nakaugalian nating
pagbabasa.
Ano nga ba ang layunin ng tao kapag siya ay nagbabasa? Una, upang matugunan ang
kaniyang pagiging mausisa, masagot ang napakarami niyang mga katanungan,
maragdagan ang kaniyang pananaw sa mga bagay-bagay sa kaniyang kapaligiran, sa
pamumuhay at pakikipamuhay. Ito ay isang pagbabasang ginagawa ng tao sanhi ng
pangangailangan.
Isa pang pagbabasa ang ating ginagawa at ito ay pagbabasang nagpapayaman
n gating kaisipan at damdamin, gumigising ng ating kamalayan, imahinasyon, guni-
guni, isang pagbabasang “dinadama” natin ang mga kaganapan: nagatatawa tayo,
napaiiyak, napaiibig, natatakot, nangangarap, atbp. Ito at ganito ang “Pagbasa” sa
isang panitikan.
Ang kahulugan ng Panitikan ay iba sa kaysa kabuluhan nito.
Ang Kahulugan ay tiyakang makukuha sa pamamagitan ng pag-alam sa nilalaman ng
panitikan at sa pag-unawa rito. Samantala, ang Kabuluhan ay matatamo lamang sa
pag-uugnay ng panitikan sa buhay, sa nakapaloob ng mga damdamin at
pagpapahalagang nakapaloob sa bawat nakalimbag na titik at sa matamang pagsusuri
ng bisa nito sa pag-unlad ng pagkatao. Dahil dito, masasabing ang panitikan ay hindi
lamang bunga, kundi isa ring pamumuna sa mga pangyayari ng buhay. Pinalalawak ng
panitikan ang karanasan ng tao sa paglalarawan ng iba’t ibang uri ng buhay
(Panunuring Pampanitikan, 1979)
Nagiging makahulugan at makabuluhan ang bawat pagbasa ng mga-aaral ng
isang akdang pampanitikan kung ito ay kaniyang “nararamdaman” at “nararanasan” at
ang ganitong pagbasa ang nagiging dahilan ng mataas at malalim na pagpapahalaga
sa bawat panitikan.
Ang anumang binasa ng isang mag-aaral ay magiging bahagi ng kaniyang
buhay, magiging isang gabay, patnubay at inspirasyon sa kaniyang pakikipamuhay at
pamumuhay. Hindi niya ito malilimutan at katulad ng ibang pagbabasa na kapag
natapos nang basahin ay magiging bahagi na lamang ng mga imbak na kaalaman. ang
anumang binasa niya ay magiging bahagi ng kaniyang buhay, ng kaniyang
pagdedesisyon, ng kaniyang hinaharap at bukas.
Gawain 1.