PARA HAN MGA SEMINARISTA

ni Frederick Tullo

(Nga nadestino ha Fisherman’s Village, San Jose, Tacloban City)

Para han mga seminarista

Kamo man in malakat na
Sanglit yana nga gab-i
May ha iyo despedida
Mahusay kamu nakanta
Maupay magsista

Ate Marlyn, Rosemarie, Ena Padilla

Mana Lily, Ate Luz, Coring, Ate Lyn-lyn Diola
Salamat han iyo pag-atinder mga seminarista
Ug an iba pa nga nagsuporta
Dako an pagpasalamat nira
Han iyo pagtagad ha ira

An mga seminarista ira pinasalamatan

An pambot nga ira sinasakyan
Kan Kuya Edwin panagatan
Ira hiya gintugotan ug pinaupdan
Ngadto ha kalalawdan.
Maigo kun madlos an isda kamahalan
Tungod hit ira kabutangan.

Salamat Ate Luz Estrada

Ha ira it mag-asawa
Hi Kuya Jessie iya bana
Kon hi Fr. Erby Lajara
May-ada dara nga seminarista
Kon ha ira iginrerekomenda
Karawat dayon nira nga duha
Ate nga Kuya, damo pa an maabot nga grasya
Hit iyo sagrado nga pamilya

Kamo mga seminarista tanan

Nga aanhi yana ha Fisherman
Bro. Noel, Gabriel ug Jonathan
Bro. Joemar, Mariel ug Abbie Montablan
iyo la iloban
an pobre nga amon hin-again
Amon kamo bubuligan
Pag-ampo ha Ginoo
An iyo ambisyon matuman
Amon ini lalauman
Sunod pagkirigta naton
Kamo ganap na nga kapadian.

Salamat Nanay Lily hin duro

Bisan kon it’ asawa di’ nakakahimo
An pakaon han seminarista areglado
Kon iy katurnohan
Adi Man Ate Coring hiya binubuligan
Basi it’ pangusina magmagaan

Hi Fr. Erby Davy Lajara

Ipinahahambog ko hiya
Tagos y ado ko nga Cura
Dida pala ha aton Parokya
Labi na ha BEC nga kapilya
Malipayon la pirmi ngan matawa-tawa
Waray ako nakikita nga kapoy ha iya
Bisan may balati-an basta kaya pa
Hi Fr. Erby pirmi nagmimisa
Samtang naghuhubad hit’ ebanghelyo
Klaro gud iya sermon hin duro

In inga Fisherman
Usa nga kaswertehan
May ada ngani seminarista
Amo it’ inuulpotan
Kan Fr. Erby iginbibiling hin huhuronan
Hira Jessie Edtrada dayon nahinunumdoman
Asya magaan hangyu-an
Syempre an FCOTT suporta tanan
Labi na kan Mana Lily ada urog pangaonan