GIGASAHAN SA PAGHATAG

(Pipila ka hunahuna alang sa dugang pamalandong)

Mao kini ang akong una nga pagsulay sa pagpamalandong sa tema karong
tuiga alang sa pagsaulog sa ika-500 ka tuig sa Kristiyanismo: GIGASAHAN
SA PAGHATAG. Tungod kay primero pa man, basin hilaw pa kini. Sa
ubang mga kultura, sama sa mga Amerikano, ang salad nga hinimo sa
hilaw nga utanon ipakaon sa katapusan; apan para sa mga Italiano, kini
maoy una nilang kaonon, lakip na ang prosciutto crudo (hilaw ug uga nga
karne o ham nga nipis pagka-slice). Ug lamian man pod. Hinaut nga
kining hilaw nga presentasyon magsilbe nga pang-pagana alang sa
dugang pa nga mga pamalandong.
Gigasahan sa Paghatag. Atong pamalandongan pag-una ang bahin sa
“gasa,” dayon hisgotan nato unsaon sa paghatag o sa pagpaambit sa gasa
nga nadawat.
ANG GASA – HINATAG UG NADAWAT
Karong panahona, tungod sa panghunahuna nga “angayan lang
makadawat sa mga butang nga nadawat”, o “akong katungod nga
makadawat,” pipila nalang ang malipay sa mga gasa. Tungod kay
gihagoan, wala na giila nga kini usa ka sorpresa, bisan nalang diha sa
pagpasalamat ug sa pagmaya niini. Apan ang usa ka gasa mao kadtong
wala nato damha, bisan pa kun kini dili angay, apan libre nga gihatag
sumala sa tinguha sa naghatag. Gihatagan kita og usa ka gasa sa panahon
nga wala nato damha. Busa, matingala gyud ta!
Karong tuiga, dili lamang kita mag-mapasalamaton ug mag-malipayon;
kundili angay kitang molukso sa kalipay tungod sa gasa sa Kristiyanismo
nga atong nadawat sa nilabay nga 500 ka tuig. Sama kang Maria,
makaingon kita: Unsaon man pagkahitabo niini?
1
Mao kini ang gipadayag ni Abp. Romulo Valles, ang Presidente sa CBCP,
diha sa iyang sulat alang sa mga obispo sa Pilipinas. Iyang gipunting nga
dili man kita mao ang pinaka-maayo o pinakusgan nga nasud. Apan
gigasahan gihapon kita sa Kristiyanismo.
Sa unang paglantaw, ang gasa nga atong nadawat sa nilabay nga 500 ka
tuig mao ang Pagtoo nga Kristiyanismo. Kay unsa man diay ang Pagtoo
nga Kristiyanismo? Dili lamang kini mahitungod sa kasayuran ug sa
pagdawat kang Kristo. Mao kini ang atong relasyon tali kaniya ug ang
atong pag-ambit sa iyang misyon alang sa katawhan. Kay ang pagtoo
naglambigit sa atong kinatibuk-ang pagkatawo: ulo (hunahuna),
kasingkasing (pagbati), ug mga kamot (lakip na ang mga tiil) (mga buhat).
Kung lantawon gyud nato pag-ayo, dili lamang pagtoo ang atong nadawat
kundili ang Ebanghelyo ni Jesukristo, ang maayong balita mahitungod sa
Gingharian sa Dios; nga mao ang paghari sa gugma sa Dios isip gasa, una
sa tanan ngadto sa mga kabus ug kabataan, apan sa higayon nga gidawat
na, nahimo kining responsibilidad sa tanan. Ug mao kini ang atong
kaluwasan, nga sa ato pa ang paghiuli sa atong naputol nga relasyon tali
sa Dios ug sa usa’g-usa; nga dili lamang alang sa pipila kundili alang sa
tanan. Dili lamang kini mahitabo sa unahan (ugma-damlag), apan ania
nasinati na karon, sama sa igpapatubo sa pan.
Ug sa katapusang pagtan-aw nato pag-ayo, dili lamang ang pagtoo, ni ang
Ebanghelyo ang atong nadawat: kundili si Jesus mismo! Si Jesus mao ang
Dios nga atong nalambigit, siya ang Gingharian sa Dios nga gihatag kanato
nga may lawas! Tinuod gayud nga usa ka bata ang gihatag kanato! Kay
gihigugma pag-ayo sa Dios ang kalibutan busa gihatag niya ang iyang
bugtong Anak. Siya ang Dios nga nakig-uban kanato, aron kita mahiuban
kaniya. Nag-ingon siya, “Gitugyan ko ang akong kinabuhi alang sa akong
mga karnero.” Ug gibuhat niya kini. Nag-ingon usab siya:
2
“Mao kini ang akong lawas, mao kini ang akong dugo… nga gihatag
alang kaninyo… dawata kini, kan-a ug imna!” Mag-uban siya kanato
hangtud sa katapusan sa panahon. Diha kang Jesus, dili lamang ang
diosnon ang nahimong tawo, apan ang tawo nakaambit sa diosnong
kinabuhi karon ug sa kahangturan.
Busa, ang kasaulogan dili lamang mahitungod kanato; mahitungod kini
kang Jesus. Dili lamang nato tan-awon ang mga gasa, apan ang Naghatag
niini.
ANG PAGHATAG SA GASA - NADAWAT
Naabot na nato ang tibuok nga tuyok. Nagsugod kita sa 9 ka tuig nga
pagpangandam uban ang pag-umol sa atong Pagtoo. Karon, maghisgot
kita sa pagtoo-misyon. Unsa ang atong nadawat isip mga kabus, isip mga
layko, isip pamilya, parokya, ug GKKs, isip konsagrado ug gi-ordenahan,
isip mga batan-on, ang atong kasinatian tali sa mga igsoon nga lahi ang
tinuohan, ang pagtoo ug ang Ebanghelyo ug ang Kristo – kining tanan
atong ipaambit sa uban.
Duha ka puntos ang angay natong hatagan sa pagtagad diha sa atong
pamalandong mahitungod sa pagpaambit sa gasa nga nadawat:
1. ang tawag sa Bag-ong Pagsangyaw, ug
2. ang partisipasyon sa mga relihiyoso diha sa pagtubag sa maong
tawag.

Usa ka Pagbalik-lantaw sa Tawag sa Bag-ong Pagsangyaw

Gitawag kita sa pagsangyaw sa maayong balita ug sa kalooy sa Dios, ug sa
pagpadayag sa kalipay nga ania sulod kanato. Si Santo Papa Francisco
3
makusganon nga nagpadayag sa panginahanglan sa usa ka
“magsasangyaw nga Simbahan nga nigawas sa iyang kaugalingon” (EG 20-
24), dili kadtong “nahulog nga biktima sa klase sa simbahan nga alang
lamang sa iyang kaugalingon” (EG 27).
“Gigasahan sa Paghatag” – atong gipaambit si Jesus nga atong nadawat
ug gitipigan sa atong mga kasingkasing. Gihatagan kita sa tahas sa bag-
ong ebanghelisasyon. Si San Juan Pablo II nagpadayag na diha sa iyang
ensiklikal nga “Misyon sa Manluluwas,” sa pag-ingon:
“Akong nabati nga miabot na ang panahon nga atong itahan ang
tanang kusog sa Simbahan diha sa bag-ong pagsangyaw… Walay
magtutuo kang Kristo, walay institusyon sa Simbahan ang makalikay
niining labaw nga buluhaton: ang pagsangyaw kang Kristo sa tanang
katawhan.”
Dili bag-o ang unod sa bag-ong pagsangyaw tungod kay ang tema mismo
niini mao man kanunay ang usa ka Ebanghelyo nga gihatag ni Jesukristo.
Ang hatagan og pagtagad mao ang bag-ong pamaagi, bag-ong kadasig, ug
bag-ong direksyon.
Bag-ong Pamaagi
Si Santo Papa Benedict 16, sama sa iyang gisundan, nagpalapnag sa bag-
ong pagsangyaw ug nag-ingon:
“… Ang atong panahon karon… gihagit sa hulga sa pagbiya sa pagtoo –
usa ka panghitabo nga nagtubo, ilabina sa mga katilingban ug mga
kultura nga daw napuno sa Ebanghelyo sa daghang katuigan. Ang mga
kausaban sa katilingban sa nangaging mga katuigan… lawom mga naka-
usab sa atong mga panglantaw sa kalibutan… Kung sa usa ka bahin ang
katawhan naka-ani og daghang benepisyo gikan sa maong kausaban, ug
ang Simbahan nakaagni kanila sa pagsaksi sa paglaum nga anaa kanila
4
(cf 1 Pedro 3:15), sa laing bahin, adunay maka-disturbo nga pagkawala
sa diwa sa pagka-balaan.”
Ang bag-ong pagsangyaw nagpasabot niadtong tawag sa usa ka tin-aw,
seryoso, ug organisado nga paningkamot sa pagsangyaw sa kultura, sa
pamaagi nga ang Ebanghelyo gisangyaw, dili lamang pinaagi sa lengwahe
(pinulongan), apan pinaagi usab sa mga gihisgotan sa unahan nga
kasinatian sa mga naminaw.
Bag-ong Kadasig
Labaw na nga gikinahanglan karon sa tanang magtutuo nga mobiya na sa
klase sa pagtoo nga naandan lang, nga gipalahutay lang sa iyang palibot,
ngadto sa usa ka pagtoo nga maamgohon ug gipuy-an sa tibuok nga
pagkatawo. Si Santo Papa Benedict 16 naghisgot sa iyang rason niining
bag-ong kadasig diha sa iyang unang ensiklikal nga “Deus Caritas Est.”
“Ang pagka-Kristiyano dili resulta sa usa ka maayong pagpili o sa
naglutaw nga ideya, apan usa ka paghinagbo sa usa ka panghitabo, sa
usa ka tawo, nga naghatag og bag-ong kinabuhi, bag-ong panglantaw,
ug usa ka mahukmanon nga direksyon… ang gamot sa tanang
pagsangyaw wala diha sa tawhanong plano sa pagpalapnag, apan anaa
diha sa tinguha sa pagpaambit sa dili matukib nga gasa sa Dios nga
iyang gihatag kanato, ug maoy makapahimo kanatong mag-aambit sa
iyang kaugalingong kinabuhi.”
Busa, ang Bag-ong Pagsangyaw usa diay ka kahigayonan sa pagpadayag,
(dili sa pagpugos), sa usa ka bag-o ug buhi nga pamaagi sa pagpuyo
pinasikad sa gugma ug kamatuoran nga gipadayag diha ni Kristo.

5
Bag-o nga Direksyon
Si Santo Papa Francisco, sa iyang Evangelii Gaudium, naghisgot sa bag-
ong pagsangyaw sa pagpalapnag sa pagtoo, isip usa ka tawag alang sa
tanan:
 Niadtong wala nakaila kang Jesukristo o niadtong kanunay’ng
nagsalikway kaniya. Daghan kanila ang sa pagka-tinuod nagpangita
sa Dios sa hilom, nga nangandoy nga makakita sa Iyang panagway.
 Kadtong binunyagan na kansang kinabuhi wala nagpadayag sa mga
hagit sa Pagbunyag, kadtong kulang sa makahuloganon nga relasyon
sa Simbahan ug wala na nakasinati sa kahupayan sa pagtoo, aron
matabangan sila sa pagsinati sa kausaban nga maoy makapabalik
kanila sa kalipay sa pagtoo diha sa ilang mga kasingkasing, ug
madasig sa pagtahan sa Ebanghelyo.
 Kadtong mga magtutuo nga nagtipig sa lawom ug tinud-anay nga
pagtoo, nga gipadayag sa lahi nga pamaagi, apan talagsa lang moapil
sa pagsimba, aron makatubag sila sa gugma sa Dios sa hingpit gayud
diha sa ilang kinabuhi.
 Kadtong mga magtutuo nga kanunay’ng nag-apil sa katilingbanong
pagsimba ug nagtapok panahon sa adlaw sa Ginoo aron mabusog sa
Iyang pulong ug sa pan sa kinabuhing dayon, aron matabangan sila
sa paglahutay sa ilang relasyon tali sa Dios.
Ang CBCP, diha sa ilang Panawagan Pastoral sa Panahon sa Bag-ong
Pagsangyaw, pinetsahan niadtong Hulyo 23, 2012, nagpaila sa Bag-ong
Pagsangyaw alang sa Pilipinas diha partikular nga mosunod:
 ang mga Kabus (dili lamang sila gisangyawan kundili mga
magsasangyaw usab mismo);

6
  ang mga Batan-on (padulong sa hingpit nga pag-umol ug pagdasig
kanila sa tanang sitwasyon).
Pipila ka mga Sugyot Alang sa Konsagradong mga Tawo Mahitungod sa
Bag-ong Pagsangyaw
(Consecrated Persons and Their Mission in Schools by Congregation for
the Catholic Education; The Consecrated life and its role in the church
and in the Word by the 9th Ordinary Assembly by the Synod of Bishops;
Vita Consacrata of John Paul II ).
Ang Konsagrado nga mga Tawo gitawag sa Pagsangyaw – Missio Ad
Gentes (Misyon ngadto sa Katawhan). Tungod sa ilang relihiyoso nga
konsagrasyon, ang konsagradong mga tawo labaw na nga gawasnon sa
pagbiya sa tanan aron pagsangyaw sa ebanghelyo bisan ngadto sa
pinakahilit nga dapit sa kalibutan (CPMS, 76). Diha sa pag-atubang sa
kalibutan karon, importante nga adunay mga tawo nga mahigugmaong
gihalad ngadto sa Ginoo ug sa Ebanghelyo – sila ang konsagradong mga
tawo. Karong panahona, nagkinahanglan kita sa konsagradong kinabuhi
nga abli sa mga hagit sa kalibutan ug sa mga timaan sa panahon. (VC 81).
Busa, ang Bag-ong Pagsangyaw direkta nga nagdapit sa tanang
institusyon, “kadtong nagpuyo sa maampoong kinabuhi ug
apostolikanhong kinabuhi tungod sa ilang hingpit nga paghalad sa
pagpangalagad sa Simbahan, sumala sa ilang tukma nga kinaiya ug
misyon.” ( VC 99).
a. Aron pagtubag sa pangandoy ug tinguha sa tawhanong
kasingkasing.

Ang VC 81 nag-ingon nga ”sa matag lugar ug kahigayonan, ang

konsagradong tawo kinahanglan… andam sa pagtubag, uban ang
kaalam sa Ebanghelyo, sa mga pangutana nga naggikan sa
7
 kahigwaos ug dinaliang panginahanglan sa tawhanong
kasingkasing.” Tungod sa kinaiya sa kinabuhi nga ilang gipili, ang
tanang misulod sa konsagradong kinabuhi, lalaki man o babaye,
nahimong pinalabi nga kauban sa pagpangita sa Dios, nga anaa
kanunay sa kasingkasing sa tawo, nga mihatud ngadto sa lain-laing
porma sa disiplinadong kinabuhi ug espiritualidad. Kun ang
konsagradong mga tawo makanunayon nga magpuyo ug hingpit nga
modawat sa ilang panumpa, makahimo sila sa pagtubag sa mga
pangandoy sa ilang katalirongan, ug makatabang sa pagpalingkawas
kanila sa mga solusyon nga kasagaran taphaw ug wala moila sa
maluwasnong pagpakatawo ni Kristo. (VC, 103 )

b. Aron pagsaksi sa pagtoo diha sa kalibutan ug sa pagsangyaw nga

mainiton sama sa mga Santos.

Diha sa VC 95, ang tanang konsagradong mga tawo gihangyo sa

pagpadayag sa maluwasnong gahum sa Ebanghelyo diha sa lain-laing
karisma nga ilang nadawat ug pinaagi sa pagsaksi sa ilang kinabuhi.
Alang kanila, dili lamang kini mahitungod sa paghatag og bag-ong
kadasig sa pamaagi sa apostolado, apan una sa tanan ang pag-
ugmad sa tawag sa pagbag-o sa ilang kaugalingon – aron diha kanila
modan-ag ang kahayag ni Kristo nga namulong uban sa Dios ug
napuno sa Iyang espiritu. (cf. Ex. 33: 11; 2 Cor. 3: 19). Ang labing
tukma sa relihiyoso nga kinabuhi mao ang mga pulong ni Pablo 6
mahitungod sa hilom nga mga saksi nga nakapaaghat sa mosunod
nga mga pangutana: “Nganong ingon ana man na sila? Nganong
ingon ana ang ilang pagpuyo? Nganong ania sila uban kanato?
Ang pagsaksi nga ingon niini nagpadayag na mismo sa maayong
balita, hilom apan kusgan ug epektibo.” Ang bag-ong pagsangyaw…
8
 mahimong epektibo kung ang gisangyaw gikan sa taas sa mga atop
naggikan sa pagpuyo nga suod sa Ginoo. Nagtawag kini sa maisog
nga mga personalidad, dinasig sa balaan nga kainit (VC 81). Busa,
ang konsagradong mga tawo, tungod sa ilang bokasyon – gitawag sa
magpadayag sa panaghiusa tali sa pagsangyaw sa kaugalingon ug sa
pagsaksi, tali sa pagka-siya ug sa paglihok, diin mapakita nga ang
kadasig naggikan niining maong pares nga mga elemento. Kining
pagtahan sa bag-ong pagsangyaw makatabang sa pag-umol sa mga
tawo ug mga katilingban aron molambo sa ilang pagtoo ug
paghigugma, diin gipuy-an ang mga bili sa Ebanghelyo. Ang bag-ong
pagsangyaw nag-awhag sa tanang mga anak sa magtutukod sa
pagpadayag nga mainiton, sama sa mga Santos, sa ilang kaugalingon
nga karisma diha sa panaghiusa sa ilang konsagrasyon ug sa lain-
laing ministriya sa pag-alagad sa gingharian. Si Pablo 6 miuyon niini
diha sa iyang pagpadayag mahitungod sa mga relihiyoso:

“Karong panahona, labaw sa tanan, ang kalibutan kinahanglan

nga makakita kaninyo, mga lalaki ug babaye, nga mitoo sa
pulong sa Ginoo, sa Iyang pagkabanhaw ug sa kinabuhing
walay katapusan, bisan hangtud inyong kinabuhi inyong
gihalad aron pagsaksi sa kamatuoran sa maong gugma, nga
gitanyag sa tanang katawhan. Diha sa dagan sa iyang
kasaysayan, ang simbahan napadali ug napagmaya sa daghang
balaang mga relihiyoso, kinsa, diha sa ilang lain-lain nga
bokasyon, nahimong buhing saksi sa gugma nga walay
kinutoban ug sa Ginoong Jesus.” ( VC, 95).

c. Aron sa paglihok sa lain-lain ug bag-ong natad sa misyon.

9
 Ang VC naghisgot sa lain-lain, ug bag-o, nga mga natad sa misyon
alang sa konsagradong mga tawo. ( VC 96ff):
 Edukasyon - Ang Konsagradong mga tawo “gitawag sa pagdala diha
sa kalibutan sa edukasyon ang ilang lawom nga pagsaksi sa mga bili
sa gingharian. Kauban sa uban pang mga magtutudlo, apan mas
dako nga responsibilidad, gitawag sila sa pagpaseguro sa espesyal
nga dalan sa relihiyoso nga edukasyon.” ( cf. CPMS, 54 )
 Kultura - “Ang mga institusyon sa konsagradong kinabuhi kanunay
nga adunay dako nga impluwensiya sa pag-umol ug pag-usab sa
kultura, sa pagpalambo sa bag-o ug tawhanon nga kultura, sa pagpa-
uswag ug pagpanalipod sa lumadnong kultura, sa pakig-diyalogo tali
sa kultura ug sa pagtoo… Diha sa pagsangyaw sa pulong sa Dios,
ilang madiskobrehan ang mga pamaagi nga tukma sa
panginahanglan sa lain-laing klase sa propesyon aron ang kahayag ni
Kristo motuhop sa kahiladman sa tanang sektor sa katilingban… “
 Katilingbanong Komunikasyon – Karong panahona, ang
konsagradong mga tawo gihagit sa pagsaksi sa Ebanghelyo, uban ang
maampingong pagpamalandong ug husto nga pagtuki, pinaagi sa
communications media, diin sila epektibo nga makasulti mahitungod
kang Kristo ngadto sa atong mga katalirongan.
 Kristohanong panaghiusa ug diyalogo- Adunay duol nga
kalambigitan ang konsagradong kinabuhi ug ang kawsa sa
ekumenismo, diin anaa ang panginahanglan sa lig-on nga pagsaksi,
tungod kay ang diwa sa ekumenismo mao man ang pag-ampo ug
pagbag-o, ug ang konsagradong mga tawo adunay espesyal nga
katungdanan sa pagpabarog niining maong kawsa. Usa sa mabuhat
sa konsagradong mga tawo mao ang pagpaambit sa lectio divina
diha sa pagpangita sa kamatuoran ug partisipasyon sa hiniusang pag-
ampo, diyalogo sa panaghigalaay ug paghinatagay, pagbinayloay sa
10
 kahibalo, ug pagbinayloay sa mga gasa. Ang mga relihiyoso gitawag
usab sa pag-apil sa diyalogo tali sa mga tinuhoan. Ang unang porma
sa pagsangyaw, kalambigit sa atong mga igsoon sa laing mga
relihiyon, mao ang testimonya sa mga relihiyosong panaad o
panumpa, nga napuno sa inigsoon nga paghigugma alang sa tanan.
Anaa usab ang ubang kahigayonan sa pakig-diyalogo sa kinabuhi,
sama sa pagtagad sa tawhanong kinabuhi ug ang pagpatunhay sa
dignidad sa kababayen-an.
Ang bag-ong pagsangyaw nagtawag sa pagpalabi sa mga kabus ug sa
pagpatunhay sa hustisya (VC82). Ang “kabus,” diha sa lain-laing estado
sa kasakit, mao ang mga dinaug-daug, ang mga sinalikway sa katilingban,
ang mga tigulang, ang mga masakiton, ug ang mga batan-on.
Kining maong pagpalabi anaa diha sa gambalay sa gugma nga gipuy-an ni
Kristo, ug ang konsagrado nga tawo dili makalikay sa pakiglambigit sa
kinabuhi sa mga kabus. Ang katiunay sa ilang pagtubag sa gugma ni
Kristo mao ang modala kanila sa yano nga kinabuhi ug modawat sa kawsa
sa mga kabus pinaagi sa pagpuyo sa yano ug malisud nga kinabuhi,
matinagsa man o isip katilingban, sa pagsaway sa mga inhustisya batok sa
katilingban nga ilang gilihokan, bisan ang inhustisya nga gibuhat batok sa
kalibutan – ang atong hiniusang pinuy-anan. Ang pag-atiman sa mga
masakiton ug mga nanag-antos nagsaksi usab sa kalooy ni Kristo.
Kadtong nitahan niining maong ministriya kinahanglan nga molahutay sa
ilang pagsaksi sa gugma, uban ang lawom nga pagsabot ug kalooy, ilabina
sa pinaka-kabus, sa mga tigulang, sa adunay kapansanan, sa mga
himalatyon, sa mga biktima sa pag-abuso sa druga ug sa bag-ong mga
klase sa sakit nga makatakod.
Ang mga natad sa misyon padayon nga nagkalapad.

11
Diha sa atong pagsaulog sa Adlaw sa Konsagradong mga Tawo:
 Paghimo og kinatibuk-an nga pagbalik-lantaw sa imong personal ug
katilingbanong nga pag-apil niining kalibutanong misyon sa bag-ong
pagsangyaw diha sa Simbahan,
 Unsa ang imong pagtan-aw sa atong lokal nga simbahan diha sa
tubag niini sa tawag sa bag-ong pagsangyaw? Asa nimo makita ang
imong katilingban ug imong kaugalingon niining maong
paningkamot?

12