Professional Documents
Culture Documents
Əhali
Əhali
Hazırda dünya əhalisi 7.4 milyard nəfərə çatmışdır. Bəşər cəmiyyətinin yarandığı
gündən bu vaxta qədər isə 80 mlrd. nəfərdən artıq insan dünyaya gəlmişdir. BMT-
nin məlumatına əsasən, əhalinin planetdə təsnifat coğrafiyası belədir: Şərqi Asiya
(1,5 mlrd nəfər); Cənubi Asiya (1,4 mlrd nəfər); Cənub-Şərqi Asiya (0,5 mlrd
nəfər); Qərbi Avropa; ABŞ- ın şimal -şərqi. Okean sahilindən 200-500 km məsafə
dünya quru sahə- lərinin təxminən 20%-ni təşkil etdiyindən, bu ərazilərdə dünya
əhalisinin 40-45%-i yerləşir. Şərq yarımkürəsində dünya əhalisinin 4/5 hissəsindən
çoxu, şimal yarımkürəsində isə 9/10 hissəsi cəmləşmişdir. Mülayim, subtropik və
subekvatorial iqlim qurşaqları daxilində, okean səviyyəsindən 500 m-ə qədər
hündürlükdə yerləşən ovalıq və düzənliklərdə (Nil, Dəclə,Yanszı, Xuanxe, Qanq
çaylarının sahilləri) əhalinin əsas hissəsi yaşayır Əhali tərəfindən çox az
məskunlaşan ərazilər daimi donuş- luq zonaları, qütb və yüksək dağlıq sahələr,
səhralar, isti və rü- tübətli ekvatorial meşələrdir. Boliviya, Əfqanıstan, Nepal,
Butan, İsveçrə kimi ölkələrin əhalisi, əsasən dağlarda məskunlaşıb. Kanada-
Arktika arxipelaqı, Böyük Səhra, Şimal-Şərqi Sibir, Turan ovalığı dünyanın çox az
məskunlaşmış əraziləri olaraq burada eskimos, yakut, Avstraliya aborigenləri kimi
xalqlar yaşayır.
Əhalinin yerləşməsinə təsir edən əsas amillər: təbii şərait (relyef, iqlim, təbii
ehtiyatlar və s.), tarixi inkişaf (qədim dövrlər məskunlaşması) xüsusiyyətləri,
demoqrafik vəziyyət (təbii artım səviyyəsi), sosial-iqtisadi şərait (sənayenin
inkişafı və s.) və s.-dir.
Dünya ölkələrində əhali təbii və miqrasiya yolu ilə artır. Demoqraflar təbii artıma
görə dünya ölkələrini tipoloji cəhətdən 4 qrupa ayırırlar:
1) İEÖ-in təbii artımı (müasir tip). Bu tipdə əhalinin sosial, tibbi, elmi
səviyyələrinin yüksək olması nəzərə çarpır. Müasir mərhələdə İEÖ-də təbii artım
aşağı səviyyədədir.Bu ölkələr üçün “Demoqrafik böhran” xarakterikdir.
2) Təbii artımın ikinci tipi (ənənəvi tip). Bu ölkələrdə yüksək doğum, orta ölüm,
yüksək təbii artım müşahidə olunur. Bu tip İEOÖ-ə aid edilir. Dünya əhalisinin
sayı, əsasən bu tip ölkələrin hesabına artır. Bu tip ölkələrə “Demoqrafik partlayış”
xasdır
3) Bu tipə aid olan ölkələrdə isə təbii artımı azaltmağa müvafiq siyasət yeridilir.
Məsələn, ÇXR-da 2-ci uşağa əlavə vergi tətbiq olunurdu, son bir ildə bu siyasət
artıq yeridilmir. Səudiyyə Ərəbistanında, Hollandiyada ailədə doğulan ikinci uşağa
görə həvəsləndirici təqaüd verilir.
“Demoqrafik partlayış“ əhalinin sayının kəskin artmasıdır. Əhalinin təbii artımı isə
doğum və ölüm arasındakı fərqdir. Əhali artımı “demoqrafik siyasət”lə
tənzimlənir. ”Demoqrafiq inqilab” əhalinin təbii artımının ənənəvi tipindən müasir
tipinə keçididir. “Demoqrafik böhran” isə əhalinin zəif artımı və ya azalması
deməkdir. Cənubi – Qərbi Asiyanın ərəb ölkələrində (Səudiyyə Ərəbistanı,
Küveyt, Qatar, BƏƏ, Bəhreyn və s.) təbii artımın yüksək olmasına baxmayaraq,
burada bu prosesin yüksəldlməsi siyasəti davam etdirilir (təbii artımın süni yolla
dayandırılması müsəlman aləmində günah sayılır).
Milli tərkibi: uzun sürən tarixi proses nəticəsində dünya əhalisinin etnik(milli)
tərkibi formalaşmşdır. Əhali etnik birliklərdən, yəni tayfa, xalq, millət və s.-dən
ibarət olub, Yer Kürə- sində 4 minə yaxın xalq vardır. Bunların çoxu azsaylıdır.
Sayı 100 min nəfərdən çox olan xalqlar (çin, hind, ərəb, türk, amerikan, rus, yapon,
meksikalı və s.) dünya əhalisinin 65%-ni təşkil edir
Dil əlamətinə görə xalqlar (linqvistik): əhali qrupları dil qruplarına əsasən bir
sıra təsnifata ayrılır. Hind-Avropa dil ailəsinə mənsub dünya əhalisinin təxminən
2,5 mlrd əhalisidir. 43 11 dil qrupundan ibarət bu dil ailəsinə: roman qrupu –
fransız, ispan, portuqal, rumın, moldavan, Latın Amerikası xalqları; german qrupu
-ingilis, alman, amerikan, İsveç, Norveç, şotland, holland və s.), slavyan qrupu
(rus, Belarus, ukraynalı, çex, polyak, slovak, serb, bolqar, xorvat və s. daxildir) və
İran və ya fars qrupu (fars, tacik, kürd, osetin, əfqan) aiddir
Dünya dinləri: dünyəvi və milli dinlər vardır ki, bir neçə xalqın sitayiş etdiyi din
dünyavi din hesab edilir. Bu tərkibə islam, xristianlıq, buddizm dinləri aiddir.
Ancaq bir xalqın sitayiş etdiyi din isə milli dinlər sayılır. Məsələn, induizm
Hindistanda, konfisyanlıq Çində, sintoizm Yaponiyada, iduaizm İsraildə,
Monqolustanda isə lamaizm dinləri geniş yayılmışdır
Cins tərkibi. Əhalinin cins tərkibində yeni doğulan uşaqlar arasında oğlanların
sayı çoxdur ki, hər yeni doğulan 110 qıza 115-118 oğlan düşür. Dünyaya gələn
körpələrin sayında oğlanlar qızlara nisbətən çox olsalar da, 15 yaşa qədər hər iki
cinsin sayı bərabərləşir. Sonrakı yaş həddində orta ömür müddətinin kişilərə
nisbətən çox olması nəticəsində qadınlar üstünlük təşkil edir. Hindistan, Çin, Ərəb
ölkələri və digər Asiya dövlətlərində qadınların xüsusi çəkisi azdır. Buna əsas
səbəb vaxtından əvvəl nikah, çoxuşaqlılıq, ağır həyat tərzi, qadının cəmiyyətdən
asılı olması və s.-dir
XIX əsrdən başlayaraq urbanizasiya sürətlə inkişaf etməyə və strateji mahiyyət
daşımağa başlamışdır. Şəhərlər və burada məskunlaşan əhalinin çoxalması,
şəhərlər şəbəkəsinin və sisteminin yaranması, həmçinin müasir dünyada şəhərlərin
inki- şafı urbanizasiya adlanır. Urbanizasiya sosial-iqtisadi və dayanıqlı inkişafın
ən mühüm tərkib hissələrindən biridir. Urbanizasiya ümumdünya prosesi olaraq 3
əsas xüsusiyyətə malikdir: şəhər əhalisinin artım sürətinin yuxarı olması (zəif
inkişaf edən ölkələrdə hiss olunur), istehsal sahələrinin və əhalinin böyük
şəhərlərdə cəmləşməsi, şəhərlərin inkişaf edərək bir şəhər ətrafında kiçik şəhərləri
özündə birləşdirib şəhər aqlomerasiyasını yaratması. İri şəhər aqromerasiyalarına
Tokio, Mexiko (23-24 mln nəfər), San-Paula, Nyu-York, Kəlkuttə, Mumbay,
Sanxay, Cakarta, Buenos-Ayros, Rio-de-Janeyro, Seul, Dehli, Qahirə və s. misal
ola bilər.
İnkişaf etmiş ölkələrdə şəhər əhalisinin çox hissəsinin şəhər ətrafına köçməsinə
səbəb iri şəhərlərdə ekoloji vəziyyətin pisləşməsidir. Bu prosesə “suburbanizasiya”
deyilir. Urbanizasiyanın nəzarətsiz şəkildə sürətli inkişafı İEOÖ-ə xasdır. Buna
səbəb bu dövlətlərin iqtisadi inkişaf səviyyəsinin əhali artı- mından geridə
olmasıdır. Məhz bunun nəticəsi olaraq kənd yerlərindən minlərlə işsiz əhali iri
şəhərlərə, ən çox şəhərətrafındakı əlverişsiz ərazilərə yerləşir və burada
məskunlaşırlar. Bu prosesə “yalançı urbanizasiya“ deyilir. Qeyd edək ki, ətraf
mühitin də- yişməsində urbanizasiya prosesi öndə gedir
İrq tərkibi: elmi əsaslarla ilk dəfə olaraq irqlərin təsnifatı XVII əsrdə Fransua
Berne tərəfindən hazırlanmışdır. Müasir dövrdə antropoloqlar üç irq kompleksinin
üzərində dayanırlar: əsasən Avropa, Şimali Afrika, Yaxın və Orta Şərq,
Hindistanda yayılmış avropoid irqinə aid olan əhali ; Şərqi və Cənub-Şərqi Asiya,
Amerika coğrafi məkanlarında məskunlaşmış monqoloid irqinə mənsub əhali;
arealı geniş olub, əsasən Afrikada yaşayan 47 əhali.
“Demoqrafik qocalma” konsepsiyası demoqrafik inkişafda ən vacib məsələlərdən
biri sayılır. Dünya əhalisi ilə məşğul olan bütün elm mərkəzlərində bu konsepsiya
tədqiqat sahəsi kimi təhlil edilir.Əhalinin yaş tərkibində yaşlı insanların xüsusi
çəkisinin başqa yaş qruplarından olan insanlara nisbətən dinamik artımı
“demoqrafik qocalma “ kimi götürülür