ngayong araw. Maraming salamat sa inyong pagsama sa akin ngayong biyaheng Maynila papuntang Malolos, Bulacan. Tanawin ninyo muna ang Manila Bay habang tayo ay naghahanda sa pag-alis. Sikat ang Manila Bay ngayon dahil sa pagtambak ng Dolomite. Alam ninyo ban a ang Manila Bay ay makasaysayan? Dito nagsimula ang pakikipaglaban ng Amerikano sa mga Espanyol sa Pilipinas. Natalo ng mga Amerikano,sa pamumuno ni George Dewey, ang mga Espanyol sa labanang ito. Ang Amerika noon ay nakikipaglaban sa mga bansang nanakop upang kunin rin ang mga nasasakupan nito. Ang kanilang ginagawa ay tutulungan ang bansa na makalaya sa kanilang mananakop at tsaka naman sasakupin ito kapag natalo na ang dating mananakop. Sinimulan nila ang kanilang plano sakupin ang Pilipinas sa pamamagitan ng paghikayat ni Spencer Pratt kay Aguinaldo na bumalik sa bansa upang pagpatuloy ang laban sa mga Espanyol. Ang nakaisip nito ay si George Dewey. Pinapakumbinse ni Commodore George Dewey kay Spencer Pratt na bumalik si Emilio Aguinaldo sa Pilipinas upang pagpatuloy ang pakikipaglaban sa Espanya. Nakabalik ng Pilipinas si Aguinaldo noong May 19, 1898. Hinikayat niya ang mga ibang Pilipino na makipagtulungan sa Amerikano sa pakikipaglaban sa mga Espanyol . Noong May 24, 1898 naman, tinatag na niya ang Pamahalaang Diktatoryal upang mapabilis ang mga dapat gawin. Ito ay nagtagal lamang ng 5 araw. Sino dito ang nakakaalam ang Araw ng Ating Kasarinlan? Oo, tama ang Araw ng Ating Kasarinlan ay Hunyo 12 . Ngunit ito ay unang na-ideklara ni Aguinaldo noong Hunyo 12, 1898 sa Kawit, Cavite kahit hindi pa talaga malaya ang Pilipinas sa Espanyol. Dito unang winagayway ang ating bandila at pinatugtog ang ating pambansang awit na “Lupang Hinirang”. Noong Hunyo 23, 1898, naitatag ang Pamahalaang Rebolusyonaryo upang kilalanin ng ibang bansa ang kasarinlan ng ibang bansa. Sa araw na ito ay iniutos din Ni Aguinaldo ang pagkakaroon ng Kongreso. Nagsidatinangan ang mga kasamahan ni Dewey noong buwan ng Hulyo, 1898 sa Maynila at naghanda na silang kalabanin ang Espanyol. Sila ay tinulungan ng mga Pilipino sa digmaan labanan sa Espanyol. Natalo na halos ng mga Pilipino ang mga Espanyol pero di nila alam na may kasunduan pala sina Commodore Dewey at Heneral Hewitt kay Gobernador Fermin Jaudenes. Ayon sa kanilang kasunduan, kunwari na lang na sila ay maglalaban. Nangyari ang kunwaring labanan nila noong Agosto 13, 1898. Sinuko ng Espanyol ang Maynila pero di pinayagan pumasok ang mga Pilipino sa Maynila ni Heneral Anderson. Dito nagsimula ang galit ng mga Pilipino. Siyanga pala, ikukuwento ko na rin ang mga makasaysayang mga nangyari sa Malolos, Bulacan para mamaya ay mas magamit ang inyong oras sa paglibot at pagtingin sa mga lugar na pupuntahin natin. Ang inutos na pagbuo ng Kongreso ay natupad noong Setyembre 15, 1898. Itong araw na ito napasinayaan ang Kongreso ng Malolos. Meron itong 85 na kinatawan. Ang kanilang pagpupulong ay nangyari sa Barasoain Church sa Malolos, Bulacan. Ang kanilang pinuno ay si Felipe Calderon at sila ay naghanda ng kauna-unahang Saligang Batas. Ang Saligang Batas ng Malolos ang nagtadhana ng pamahalaang demokratiko. Ang Konstitusyon ang nagtatag ng malaya at may tatlong sangay na Republika ng Pilipinas. Dito nagsimula ang paghihiwalay ng kapangyarihan ng simbahan at pamahalaan sa ating bansa. Noong ika-10 ng Disyembre, nagkaroon ng Kasunduan sa Paris ang Espanya at Amerika. Doon pormal na binigay ng Espanya sa Amerika ang karapatang sakupin ang Pilipinas. Sobrang nagalit ang mga Pilipino dahil alam nila na walang karapatan ang mga Espanyol na ilipat ang pamamahala ng bansa sa Amerika. Pinabulaanan ng Amerika ang kanilang plano nang pagsakop sa Pilipinas kaya nilabas ni William McKinley ang Benevolent Assimilation Proclamation noong Disyembre 21, 1898. Ang Unang Republika ng Pilipinas ay pinasinayaan noong Enero 23, 1899 at ang Pangulo ay si Emilio Aguinaldo. Ito ay nangyari sa Barasoain Church sa Malolos Bulacan. Hindi kinilala ng mga Amerikano ang Republika kaya namulat na ang mga Pilipino sa totoong plano ng Amerikano na sakupin an gating bansa. May utos ang mga Amerikano na huwag magpapaputok hanggat hindi lumalaban ang mga Pilipino. Ngunit noong Pebrero 4, 1899, nagpaputok ang sundalong si William Grayson nang ang sinita niyang Pilipino ay hindi tumigil. Pinatay niya ito at ang kanyang kasama. Ang pangyayaring ito ang naging mitsa ng labanan ng mga Amerikano at Pilipino. Sinalakay ng mga Amerikano ang lahat ng kinaroonan ng mga Pilipino sa Maynila. Umaga ng Pebrero 5 sa La Loma , napasok na rin ng Amerikano ang Maypajo. Si Heneral Antonio Luna ang nagtatanggol ng lugar ngunit natalo sila sa labanan. Umurong sila hanggang sa umabot sa Pulo, Bulacan. Sinusunog nila ang lahat ng mga nadaanan para hindi magamit ng mga Amerikano, Nakaabot rin si Antonio Luna sa Daang Azcarraga ngunit talo pa rin sila. Sunud-sunod natalo ang mga Pilipino at nakuha na rin ang Marikina, Pateros, Guadalupe at Kalookan. Habang nakikipaglaban ang mga Pilipino sa Luzon at Visayas ang mga Moro sa Mindanao at Sulu ay hindi nakikisali sa kanila. Nakipagsundo ang mga Amerikano na kinakatawan ni Heneral John Bates kay Sultan Jamalul Kiram na huwag tumulong ang mga Moro at magpasailalim na sila sa mga Amerikano. Pumayag ang Sultan dahil ang sabi ay sila ay rerespetuhin ng Amerikano ang karapatan at karangalan ng Sultan at datu at hindi sila pakikialaman sa kanilang relihiyon. Ang Unang Republika ng Malolos ay bumagsak nang salakayin sila ni Heneral MacArthur noong MArso 31, 1899. Nilipat ni Aguinaldo ang sentro ng Republika sa San Isidro, Nueva Ecija. Inutusan ni Aguinaldo si Heneral Luna na labanan ang mga Amerikano sa Calumpit, BUlacan. PAtuloy pa rin ang pakikipaglaban sa mga Amerikano. Si Heneral Antonio Luna ay nakatanggap ng telegrama na siya ay pinapapunta sa Cabanatuan, Nueva Ecija upang makipagkita kay Aguinaldo. NGunit nang siya ay makarating doon, wala naman si Aguinaldo at ang andoon ay ang kanyang nakaaway na kawal. Nag uusap sila ni Felipe Buencamino Sr nang may narinig silang putok. Tinignan ni Aguinaldo kung saan galing ang putok ngunit siya ay sinaksak at binaril ng mga sundalong galit sa kanya. Siya ay pinatay ng kapwa-Pilipino noong Hunyo 5,1899. (Kaawa-awang Antonio Luna namatay dahil sa kapwa Pilipino.) Naku! Ang bilis pala ng oras, andito na pala tayo sa Barasoain Church. Sana maalala ninyo lahat ang aking nabahagi habang nililibot ninyo ang simbahan at karatig-lugar. Huwag kalimutan na subukan din ang mga pagkaing lokal ng Bulacan. Tandaan ang bus ay aalis ng 12 ng hapon upang madala kayo sa ating kakainan ng tanghalian!